Lapsilisä ja monilapsilissäys [Barnbidrag och flerbarnstillägg] Klicka här, skriv ev. Undertitel

Transkriptio

1 Lapsilisä ja monilapsilissäys [Barnbidrag och flerbarnstillägg] Klicka här, skriv ev. Undertitel Lapsilisää maksethaan siihen asti kun lapsi täyttää 16 vuotta. Sen jälkhiin net lapset jokka jatkava peruskoulua saavat jatkettua lapsilisää. Vanheemat saattavat jakkaa keskenhääns lapsilisän. Lapset jokka asuvat ulkomaila pitemphään kun kuus kuukautta, jällaavat erityiset säänöt. Jos sulla on kaks eli enemän lapsia, sie saat kans monilapsilissäyksen. Kukas saapi lapsilisää? [Vem får barnbidrag?] Lapsilisä on ekonoominen tuki lapsele ja vanheemile. Jos sulla on yksin hoito sie saat koko lapsilisän maksetuksi. Jos oletta kaks vanheempaa niin lapsilisä maksethaan vähän eri tavala, riippuen koska lapsi on syntyny. Jos lapsi syntyi ennen 1 marsia 2014 [Om barnet föddes före 1 mars 2014] Jos lapsi syntyi ennen 1 marsia 2014 vanheemat jolla on yhteinen oikeuelinen huolto lapsestaan saattavat valita kuka pittää saa lapsilisän. Jos ette valita rahat maksethaan ulos äidile. Jos molemat vanheemat on sammaa sukupuolta se maksethaan ulos sille vanheemalle joka on vanheempi. Tet saatta auttomaattisesti yhteisen oikeuelisen huolon jos tet oletta naimisissa toisten kans kun lapsi syntyy. Jos ette ole naimisissa saatatta ilmottaa yhteisestä huolosta ilmottamalla sosiaalilautakunthaan samala isyysvahvistuksen kans, eli Verovirasthoon myöhemässä tilantheessa. Lapsi joka assuu Ruottissa on oikeus lapsilishään. Se maksethaan ulos ensi kuukautena lapsen syntymän jälkhiin, eli myöhemin jos lapsi esimerkiksi siirtyy Ruothiin. Lapsilisä on veroton ja sitä maksethaan ulos siihen kvarttaalhiin asti kun lapsi täyttää 16 vuotta (se kvarttaali on viiminen makso). Sie saat sen viimisthään 20 päivänä joka kuukausi. Jos lapsi syntyi 1 marsia 2014 eli myöhemin [Om barnet föddes 1 mars 2014 eller senare] Jos lapsi syntyi 1 marsia 2014 eli myöhemin ja tet oletta naimisissa ja on yhteinen huolto niin lapsilisä jaethaan teän kesken. Puoli lapsilisä maksethaan yhele vanheemale ja toinen puoli toisele vanheemale. Se merkittee 525 kruunua kullekki vanheemale joka kuukausi. Avustuksen jako tapahtuu auttomaattisesti ja tet ette tartte tehhä mithään. Jos haluatta muuttaa ette koko avustus mennee toisele vanheemale teän pittää ilmottaa sen yhteisesti meile. Tet saatatta ilmottaa muutoksen vasta sillon jälkhiin kun lapsi on syntyny. 1 (5)

2 Jos tet ette ole menheet naimishiin, mutta on yhtheinen lapsenhuolto puoli lapsilisä maksethaan yhele vanheemale ja toinen puoli toisele vanheemale. Se merkittee 525 kruunua kullekkin vanheemalle joka kuukausi. Avustuksen jakaminen tapahtuu auttomaattisesti. Tet ette tartte ottaa yhteyttä meihin. Jos haluatta muuttaa ette koko avustus mennee yhele vanheemale teän pittää ilmottaa sen yhteisesti meile. Tet saatatta ilmottaa muutosta vasta jälkhiin kun lapsi on syntyny. Ajatelkaa ette se saattaa mennä muutama kuukausi jälkhiin kun lapsi on syntyny ennen kun isyys eli vanheemat on rejistreerattuja kunnassa ja Verovirastossa. Siihen asti ette met olema Verovirastosta saahneet tietoja isyyestä eli vanheemista lapsilisä maksethaan ulos äidile. Kukas saapi monilapsilissäyksen? [Vem får flerbarnstillägg?] Monilapsilissäys maksethaan auttomaattisesti ulos jos sie saat lapsilisää vähhiinthään kahesta lapsesta. Sie saatat kans saa monilapsilissäyksen lapsesta joka on täyttäny 16 vuotta ja aina siihen asti jyynhiin (viimi kuu) sitä vuotta kun lapsi täyttää 20 vuotta. Lapsen pittää asua vanheeman kans olla kokopäivä-opiskelussa jymnaasiassa, peruskoulussa eli erityiskoulussa (särskola) ei ole naimisissa. Ilmota blanketilla Monilapsilissäys/Flerbarnstillägg joka on meän veppipaikala Paljonko avustusta saapi? [Hur mycket får man i bidrag?] Lapsilisä on kruunua lapsesta. Kuinka suuren monilapsilissäyksen saat riippuu siittä kuinka monta lapsilisää sie saat. Lapsilisä ja monilapsilissäys/kuukausi [Barnbidrag och flerbarnstillägg per månad] Määrä lapsia Lapsilisä Monilapsilissäys Tulos Kuuenesta lapsesta ja joka lapsesta sen jälkhiin lapsilissäys on kruunua/kuukausi. 2 (5)

3 Mitäs tapahtuu kun lapsi täyttää 16 vuotta? [Vad händer när barnet fyller 16 år?] Opintotuki [Studiebidrag] Lapsilisää maksethaan siihen asti kun lapsi täyttää 16 vuotta, ja se kvarttaali mukhaan luettuna. Jos lapsi sen jälkhiin opiskellee jymnaasiessa Keskheinen Opintotukilautakunta (Centrala studiestödsnämnden, CSN) maksaa opintotukea sen jälkhiin. Silloin se maksethaan auttomaattisesti,ilman hakemusta. Opintotuen saattaa jakkaa samala mallila ko lapsilisän. Lue enämpi CSN:in veppipaikalta Jatkettu lapsilisä [Förlängt barnbidrag] Jos sinun lapsi jatkaa peruskoulua eli erityiskoulua Vakkuutuskassa maksaa jatkettua lapsilisää siittä kvarttaalista lähtien jälkhiin ko lapsi täyttää 16 vuotta. Sie et tartte hakea jatkettua lapsilisää. Koulu häätyy ilmottaa tiot näistä oppilhaista. Poikkeus on jos sinun lapsi käypi kolua ulkomaila. Katto ossaa Asua eli olla töissä ulkomaila. Ilmottakkaa jos halvatta räknätä yhtheen teän lapset perheessä [Anmäl om ni vill räkna ihop era barn i familjen] Jos teitä on kaks vanheempaa jokka asutta yhessä ja teilä on lapsia entisistä suhtheista, ja joista tet saatta lapsilisää, tet saatatta räknätä yhtheen kaikki lapset. Sillä mallin monilapsilissäys saattaa tulla korkeamaksi. Mutta teän häätyy joko olla, eli oletta olheet, naimisissa keskenhään eli teilä häätyy olla eli on ollu yhtheinen lapsi. Vanheemat jokka asuva yhessä, ja joila on yhtheisiä lapsia ja jokka on valihneet eri vasthaanottajia lapsilisäle, ei auttomaattisesti saa monilapsilissäystä. Net häätyvät ilmottaa ette het halvava räknätä yhtheen lapset perheessä. Ilmottakkaa blanketilla Monilapsilissäys/Flerbarntillägg joka on meän veppipaikala Tämän faktaplaavin lopussa sie löyät tabelliä ja esimerkkiä jokka auttava sinua räknäähmään ulos kuinka paljon avustusta sie saatat saa. Tet saatatta jakkaa lapsilisän [Ni kan dela på barnbidraget] Jos tet jokka oletta vanheemat, että asu yhessä, mutta teilä on lapsi kummanki tykönä suunilheen puolet aijasta, tet saatatta jakkaa lapsilisän. Teilä häätyy olla yhtheinen lailinen huolto lapsesta ja tet häyttä olla yhtä mieltä lapsilisän jakamisesta. Jaettu lapsilisä on 525 kruunua kuukauessa lasta kohthaan. Ilmottakkaa Vakkuutuskassale blanketilla Jaettu lapsilisä/delat barnbidrag. Mitäs monilapsilissäykselle tapahtuu jos met jaama lapsilisän? [Vad händer med flerbarnstillägget om vi delar på barnbidraget?] Jos lapsilisä jaethaan vanheemitten kesken, monilapsilissäys räknäthään uuesti. Monilapsilissäystä nimittäin ei jaeta auttomaattisesti kahtheen yhtä suuhreen oshaan. Jos yks vanheemista saapi 150 kruunua monilapsilissäystä ennen jakoa, niin ei se ole varma ette vanheemat saavat 75 kruunua kumpiki jaon jälkhiin. Kuinka paljon kumpiki vanheemista saapi, riippuu sen sijhaan siittä kuinka monesta lapsesta vanheempi saapi koko eli jaetun lapsilisän eli opintotuen. 3 (5)

4 Vaikka lapsilisä eli opintotuki vain jaettas yhestä lapsesta, niin monilapsilissäys räknäthään uuesti kaikista lapsista. Tämän faktaplaavin lopussa sie löyät tabelliä ja esimerkkiä jokka auttava sinua räknäähmään ulos kuinka paljon tukea sie saat. Asua eli olla töissä ulkomaila [Bo eller arbeta utomlands] Ilmota jos lapsi assuu ulkomaila [Anmäl om barnet bor utomlands] Jos sinun lapsi meinaa olla ulkomaila pitemphään ko kuus kuukautta, sinun pittää ilmottaa siittä Vakkuutuskassale. Silloin oikeus saa lapsilisää nimittäin loppuu jo Ruottista lähtiessä. Avustustyöntekijät (biståndsarbetare), valtion työntekijät, ulkomaila opiskelevat ja niitten perheenjäsenet saattavat joissaki taphauksissa saa lapsilisää vaikka ulkomaan olo olis pitempi ko kuus kuukautta. Lapsi joka on vanhempi ko 16 vuotta saattaa saa jatkettua lapsilisää jos se opiskellee ulkomaan koulussa, joka vastaa ruottin peruskoulua ja joka saapi ruottin valtiontukea, mutta sitä sie häyt hakea siittä. Käytä blankettia Jatketun lapsilisän hakemus ko on ruottalaisessa koulussa ulkomaila/ansökan förlängt barnbidrag vid svensk utlandsskola. Jos olet töissä muussa EU/EES-maassa [Om du arbetar i annat EU/EES-land] Jos sie siiryt Ruottista ja menet töihin muuhun EU/EES maahan jällaava erityiset säänöt. Joissaki maissa sulla on oikeus saa tukea joka vastaa lapsilisää. Ilmota Vakkuutuskassale jos sie eli se toinen vanheempi siirtyy, alkaa töihin eli saapi pensuunin muussa EU/EES maassa. Lisätietoja monilapsilissäyksestä ja jaetusta lapsilisästä [Mer om flerbarnstillägg och delat barnbidrag] Monilapsilissäys kahesta lapsesta on 150 kruunua kuukauessa. Yks lapsi oikeuttaa 75 kruunua jos on koko lapsilisä ja puolet siittä, 37,50 kruunua, jos lapsilisä on jaettu. Jos sie saat jaetun lapsilisän kahesta lapsesta, niin monilapsilissäys on 2 x 37,50 kruunua. Jos saat jaetun lapsilisän kahesta lapsesta ja kokohnaisen lapsilisän yhestä lapsesta, monilapsilissäys on 2 x 101 kruunua lapsista joista sulla on jaettu lapsilisä ja 201 kruunua lapsesta josta sulla on koko lapsilisä. Ilmota muutoksista! [Anmäl förändringar!] Se on tärkeää ette sie paikala ilmotat muutokset Vakkuutuskassale jos sie eli lapsi tuletta asuhmaan ulkomaila pitemphään ko kuus kuukautta sie, se toinen vanheempi eli lapsi siirtyvät johonki muuhun EU/EES-maahan sie eli toinen vanheemista alkaa töihin eli saapi pensuunin muussa EU/EESmaassa sinun lapsen huoltotilane muuttuu sulla on lapsi yli 16 vuotta joka lopettaa kesken koulun sulla on lapsi yli 16 vuotta joka siirtyy kotoa eli mennee naimishiin tet saatta monilapsilissäystä ko asutta yhessä ja nyt muutatta eriksheen tet saatta jaettua lapsilisää ja lapsi alkaa asuhmaan vain yhen vanheempansa 4 (5)

5 kans. Jos saat korvausta johon sulla ei ole oikeutta, sie jouut normaalitaphauksessa maksamhaan rahat takasi. Tämä jällaa vaikka se ei oliskhaan sinun syy ette korvausta on maksettu. Lissää tietoja [Mer information] Faktaplaavi ei ole tämän asian lakitekstiä. Sie löyät kaiken informasjuunimateriaalin Sielä sie saatat kans helpola ja kätevästi hoitaa vähän asioita käyttämällä meän omapalvelua. Meän omapalvelu telefuunin kautta sie saatat tilata intyykiä, blankettia ja brosjyyriä. Sie saatat kans tehhä tiettyjä ilmotuksia. Vakkuutuskassa tarkistaa [Försäkringskassan kontrollerar] Vakkuutuskassa tarkistaa net tiot jokka sie jätät. Net saattavat koskea tuloja, poissaoloa töistä, siviili-tilanetta eli missä sie asut. Met vaihetama tietoja muitten viranomhaisitten kans ja käytämä meän rejisteriä muun muassa CSN:in, a-kassoitten ja Veroviraston kans.se on rikolista ette tietosesti ja tahahlaan jättää vääriä tietoja eli jättää antamatta tietoja muutoksista, jokka saattavat vaikuttaa oikeutheen saa korvauksia. Vakkuutuskassa ilmottaa puliisile kaikki mitä eppäilemä avustus-rikokseksi. 5 (5)