Aktiviteettituki ja kehityskorvaus [Aktivitetsstöd och utvecklingsersättning]

Transkriptio

1 Aktiviteettituki ja kehityskorvaus [Aktivitetsstöd och utvecklingsersättning] Sie joka olet matkassa jossaki työmarkkinapoliittisessa prukrammissa saatat saa aktiviteettitukea eli kehityskorvausta. Jos sie olet täyttäny 25 vuotta eli täytät a-kassan ehot sie saat aktiviteettitukea, muuten sie saat kehityskorvausta. Tästä saatat lukea mitä niile etuile (förmånerna) jällaa. Mitä aktiviteettituki ja kehityskorvaus oon? [Vad är aktivitetsstöd och utvecklingsersättning?] Mitä kehityskorvaus oon? [Vad är utvecklingsersättning?] Jos sie olet täyttäny 18 vuotta mutta et 25 vuotta, etkä täytä a-kassan ehtoja, sie saatat saa kehityskorvausta jos olet matkassa työmarkkinapoliittisessa prukrammissa. Jos sie täytät a-kassan ehot, sie saat aktiviteettitukea. Kehityskorvausta sie saat korkeinthaan viieltä päivältä viikossa. Kehityskorvauksesta ei makseta veroa eikä se ole pansuuniaperustava, semestiäperustava eikä siukkarahhaaperustava. Mitä aktiviteettituki oon? [Vad är aktivitetsstöd?] Jos sie olet täyttäny 25 vuotta eli jos sie täytät ehot saa a-kassaa, saatat saa aktiviteettitukea jos olet matkassa työmarkkinapoliittisessa prukrammissa. Aktiviteettitukea sie saat korkeinthaan viieltä päivältä viikossa. Aktiviteettituesta sie maksat veron ja se oon pansuuniaperustava mutta ei semestiä- eli siukkarahhaaperustava. 1 (10)

2 Mitenkä mie tehen ette saan aktiviteettitukea eli kehityskorvausta? [Hur gör jag för att få aktivitetsstöd eller utvecklingsersättning?] Sie saat korvauksen niiltä päiviltä ko olet ollu matkassa prukrammissa eli olet ollu kokohnaan poissa syystä joka antaa sulle oikeuen saa korvausta. Kerran kuussa sinun pittää lähättää vahvistus Vahvistus aktiviteettituki eli kehityskorvaus (Försäkran aktivitetsstöd eller utvecklingsersättning (FK5057) Siukkakassale. Täytä planketti Siukkakassan webpaikala eli tillaa se soittamalla Siukkakassan ittepalvelutelefoohniin Vahvistuksheen sie kirjotat sinun matkassaolon ja net päivät ko olet ollu kokohnaan poissa prukrammista. Paljonko mie saan kehityskorvausta? [Hur mycket får jag i utvecklingsersättning?] Sie jolla oon jymnaasiaäksaami saat 142 kruunua päivältä jos olet matkassa prukrammissa kokoajala (hel-). Sie jolla ei ole jymnaasiaäksaamia saat 48 kruunua päivältä jos olet matkassa prukrammissa kokoajala. 1 jyyliä sinä vuona ko sie täytät 20 vuotta, sinun korvaus nousee 142 kruuhnuun päivässä. Kehityskorvaus oon verovapa. Sie saat vähempi kehityskorvausta jos sinun prukrammi ei ole kokoajala. Paljonko mie saan aktiviteettitukea? [Hur mycket får jag i aktivitetsstöd?] Kunka paljon sie saat aktiviteettitukea riippuu siittä jos sie täytät a-kassan ehot ja kunka monta a-kassapäivää ja aktiviteettitukipäivää sie olet käyttäny. Aktiviteettituki pienenee ylheensä jos sinun prukrammi ei ole kokoajala ja jos sulla oon muita korvauksia eli tuloja. Sie joka saat aktiviteettitukea saat preivin kotia jossa oon tieto siittä kunka paljon rahhaa sie saat. Jos halvat tietää enämpi siittä mitenkä met räknäämä framile aktiviteettituen, saatat lukea siittä tässä alhaala. Jos sie täytät a-kassan vaatimukset [Om du uppfyller villkoren för a-kassa] Jos sie täytät a-kassan vaatimukset sinun aktiviteettituki räknäthään siittä mitä sie olisit pitäny saa a-kassasta. Ensi 100 päivinä sinun korvausaijalta sie saatat saa korkeinthaan 910 kruunua päivässä kun sie osalistut yhteen täyenaijan prukramhiin. Sen jälkhiin korkein raha on 760 kruunua. Mataliin raha mitä sie saatat saa päivältä on 365 kruunua, Aktiviteettituen päivät räknäthään niistä päivistä kun sie olisit pitäny saa korvausta a- kassasta. 2 (10)

3 Aktiviteettituki pienenee ajan mukhaan [Aktivitetsstöd minskas med tiden] Sinun aktiviteettituki pienenee päivitten mukhaan ko saat korvausta. Päivä a-kassan korvausperiuutista sie saat korkeinthaan 80 prosenttia määrätystä päivätienastista. Päivä sie saat korkeinthaan 70 prosenttia määrätystä päivätienastista. Päivä 301 ja etheen käsin sie saat korkeinthaan 65 prosenttia määrätystä päivätienastista. Jos sulla oon alle 18-vuotias lapsi, korvaus pienenee hithaamasti Päivä sie saat korkeinthaan 80 prosenttia määrätystä päivätienastista. Päivä sie saat korkeinthaan 70 prosenttia määrätystä päivätienastista. Päivä 451 ja etheen käsin sie saat korkeinthaan 65 prosenttia määrätystä päivätienastista. Erityiset säänöt sulle joka olet alle 25 vuotta ko alotat prukrammin [Särskilda regler för dig som är under 25 år när du börjar i programmet] Jos sie olet alle 25 vuotta, eri säänöt jällaava näile kolmele korvaustasole. Päivä a-kassan korvausperiuutista sie saat korkeinthaan 80 prosenttia määrätystä päivätienastista. Päivä sie saat korkeinthaan 70 prosenttia määrätystä päivätienastista. Päivä 201 ja etheen käsin sie saat korkeinthaan 65 prosenttia määrätystä päivätienastista. Jos sulla oon alle 18 -vuotias lapsi, korvaus pienenee hithaamasti Päivä sie saat korkeinthaan 80 prosenttia määrätystä päivätienastista. Päivä sie saat korkeinthaan 70 prosenttia määrätystä päivätienastista. Päivä 301 ja etheen käsin sie saat korkeinthaan 65 prosenttia määrätystä päivätienastista. Jos sie et täytä a-kassan ehtoja [Om du inte uppfyller villkoren för a-kassa] Jos sie et täytä a-kassan ehtoja, sie saat 223 kruunua päivässä aktiviteettitukea jos olet matkassa prukrammissa kokoajala. Sulle joka olet matkassa työ- ja kehityskarantissa [För dig som deltar i jobb- och utvecklingsgarantin] Jos olet matkassa työ- ja kehityskarantissa, saat aktiviteettitukea korkeinthaan 450 päivää. Jos sie olet saanu kehityskorvausta ennen, netki päivät räknäthään. 3 (10)

4 Sie saatat saa korkeaman aktiviteettituen jos menet matkhaan i a-kashaan eli Alfakashaan [Du kan få högre aktivitetsstöd om du går med i a-kassan eller Alfa-kassan] Alfa-kassa oon a-kassa joka oon avoin kaikile alasta riippumatta. Ilmottamalla ittesti Alfa-kashaan eli alkamalla a-kassan jäseneksi, sie joka täytät ehot saatat nostaa ommaa aktiviteettitukea vähhiinthään 320 kruuhnuun päivässä jos olet matkassa prukrammissa kokoajala. Plankettia jolla ilmotat ittesti Alfa-kashaan löyät Meetlinkistä/Työvälityksestä. Sinun pittää ilmottaa Meetlinkille jos sie ilmotat ittesti Alfakashaan eli alat jonku a-kassan jäseneksi. Lissää tietoa Alfa-kassasta löyät osotheesta Jos olet nuori ja sulla oon heikentynny toimintakyky [Om du är ung med funktionsnedsättning] Jos sie olet nuori ja sulla oon heikentynny toimintakyky ja olet ollu matkassa prukrammissa 12 kuukautta, sulla oon oikeus saa aktiviteettitukea vähhiinthään 475 kruunua päivässä jos olet matkassa prukrammissa kokoajala. Lue enämpi heikentynheestä toimintakyvystä ja työmarkkinapoliittisista ohjelmista osotheessa Tiot sinun a-kassale vaikuttava sinun aktiviteettitukheen [Uppgifter till din a-kassa påverkar ditt aktivitetsstöd] Jos sie olet jonku a-kassan jäsen mutta et ole saanu korvausta a-kassasta eli aktiviteettitukea 25 viikon aikana eli pitemphään, sinun pittää lähättää vissiä tietoja sinun a- kassale. Ota yhtheys sinun a-kassan kans niin saat tietää mitä tietoja sinun tarttee heile lähättää. Sen etheen ette Siukkakassa räknää oikein sinun aktiviteettituen oon tärkeää ette sie lähätät sisäle sinun kassakortit a-kassale ajalta ennenkö alat prukramhiin maholisiman hopusti. Jos sie et maksa a-kassale maksoa [Om du inte betalar avgiften till a-kassan] Jos sie et maksa sinun maksoa a-kassale siittä saattaa seurata ette sie et ennää täytä työttömyyskorvausehtoja. Jos sie saat enämpi aktiviteettitukea ko sulla oon oikeus saa sen takia ko olet heittäny maksamasta a-kassamaksoa, sie saatat joutua maksamhaan takasi rahhaa. 4 (10)

5 Sinun tulot saattava vaikuttaa aktiviteettitukheen [Dina inkomster kan påverka aktivitetsstödet] Jos sulla oon joitaki seuraavista tuloista, sinun aktiviteettituki saattaa pienentyä siukkakorvaus eli aktiviteettikorvaus ylheinen ikäpansuuni erityinen pansuunilisä erityinen jälkhiinjäähneenpansuuni virkapansuuni elinkorko (livränta) työvammavakkuutuksesta vanhempainraha rehapiliteerinkiraha palkka eli muita työetuja (-förmåner), esimerkiksi eroraha (avgångsvederlag) opintotuki, opintoraha eli TUFF-korvaus Keskheiseltä opintotukilautakunnalta (CSN) Sie et saata saa aktiviteettitukea samala ko sie saat alkhuunpääsykorvausta (etablerings-). Esimerkkiä tuloista jokka ei pienenä aktiviteettitukea [Exempel på inkomster som inte minskar aktivitetsstödet] Sulla saapi olla vissiä tuloja ilman ette sinun aktiviteettituki pienenee. Se oon muumuassa jos sulla oon näitä tuloja palkkalisä aktiviteettituen ja sinun entisen palkan välilä asuntolisä asumislisä (boende-) hoitotuki (vårdbidrag) vammaskorvaus jälkhiinjäähneen preemiepansuuni elinkorko privaatista vakkuutuksesta privaatin pansuunisäästämisen ulosmakso Aktiviteettituki ja hoitoavustus (vårdnadsbidrag) [Aktivitetsstöd och vårdnadsbidrag] Sie et saata saa hoitoavustusta samala ko sie eli toinen vanhemista saapi aktiviteettitukea. Tavalisia kysymyksiä [Vanliga frågor] Mitä mie tehen jos tulen siukaksi? [Vad gör jag om jag blir sjuk?] Jos sie tulet siukaksi, sinun pittää ilmottaa siittä ensimäisenä päivänä Siukkakassale ja Meetlinkille. Jos sulla oon joku muu joka oornaa prukrammin ko Meetlinki, sinun pittää ilmottaa siittä sinnekki. 5 (10)

6 Siukkakassale saatat ilmottaa osotheessa eli meän palvelutelefoohniin Ko sie olet tehny siukkailmotuksen, sulle lähätethään planketti Siukkakassasta kotia. Jos sie olet siukka pitemphään ko 7 kalenteripäivää, sinun pittää jättää tohturin intyyki ennenkö saat korvausta. Mikä jällaa jos tulen siukaksi? [Vad gäller om jag blir sjuk?] Ensimäisenä päivänä ko sie olet siukka etkä ollenkhaan ole matkassa prukrammissa, oon karensipäivä. Se tarkottaa ette sie et saa aktiviteettitukea eli kehityskorvausta siltä päivältä. Siukkakassa arvioittee jos sulla oon oikeus saa aktiviteettitukea eli kehityskorvausta samala laila ko siukkarahan saantia. Se tarkottaa ette sie saat aktiviteettitukea eli kehityskorvausta jos sinun kyky osalistua prukramhiin oon heikentynny siukkuuen takia. Jos sie prukrammin sivussa tehet töitä, sulla saattaa kans olla oikeus saa siukkapalkkaa työnantajalta siukkaperiuutin alussa. Sie et saata saa aktiviteettitukea eli kehityskorvausta jos sie olet poissa sinun prukrammista sen takia ette saat etukätheistä hoitoa. Mitä tapahtuu jos minun lapsi tullee siukaksi (VAB)? [Vad gäller om mitt barn blir sjukt (VAB)?] Jos sie olet kotona ja hoiat siukkaa lasta (VAB) kokohnaiset päivät, sie saatat saa aktiviteettitukea eli kehityskorvausta niiltä päiviltä. Sie saat aktiviteettitukea eli kehityskorvausta samoitten säänöitten mukhaan ko mikkä jällaava vanhempainrahhaa. Sie hääyt lähättää sisäle jonku näistä planketista ennenkö saat rahhaa ko hoiat siukka lasta (vabbar): Vahvistus aktiviteettituki/kehityskorvaus ko väliaikhaisesti hoitaa lasta/försäkran aktivitetsstöd/utvecklingsersättning vid tillfällig vård av barn (FK6420). Vahvistus aktiviteettituki/kehityskorvaus ko väliaikhaisesti hoitaa lasta - siirtäminen/försäkran aktivitetsstöd/utvecklingsersättning vid tillfällig vård av barn överlåtelse (FK6422). Kaikki planketit löytyvä osotheesta Sie saatat kans tilata net meän palvelutelefoonista numerosta Mikä jällaa jos mie olen töissä? [Vad gäller om jag arbetar?] Jos sie yhtenä päivänä olet töissä sen eestä ko ette olet matkassa prukrammissa, sie et saa korvausta siltä päivältä. Jos olet töissä sen eestä ko ette olla matkassa prukrammissa osan päivästä, sinun aktiviteettituki pienenee. Jos sie prukrammin sivussa olet töissä, sinun aktiviteettituki ei pienene. Mikä jällaa jos mie ootan lasta eli meinaan atopteerata? [Vad gäller om jag ska få barn eller ska adoptera? Sie saatat saa aktiviteettitukea eli kehityskorvausta 10 päivältä lapsen syntymisen eli atopteerauksen yhtheyessä. Ennenkö saat aktiviteettitukea eli kehityskorvausta sinun 6 (10)

7 pittää täyttää planketti Vahvistus aktivitettituki/kehityskorvaus lapsen syntymisen/atopteerauksen yhtheyessä (Försäkran aktivitetsstöd/utvecklingsersättning i samband med barns födelse/adoption) (FK6424). Mikä jällaa jos mie alan hoitamhaan omhaista? [Vad gäller om jag ska vårda en närstående?] Jos sie et ollenkhaan ole matkassa prukrammissa sen takia ko hoiat omhaista, Siukkakassa arvioitteen sinun oikeutta saa aktiviteettitukea eli kehityskorvausta samala laila ko met arvioima oikeutta saa omhaisrahhaa (-penning). Mikä jällaa jos mulla oon joku tartunta? [Vad gäller om jag är smittbärare?] Jos sie olet kokohnaan poissa prukrammissa sen takia ette sulla oon joku tartunta, Siukkakassa arvioittee sinun oikeutta saa aktiviteettitukea eli kehityskorvausta sillä laila ko met arvioima oikeutta saa tartunankantajanrahhaa. Mikä jällaa jos oon loma eli leeti prukrammista? [Vad gäller vid lov eller ledighet från programmet?] Jos sie olet sopinu prukrammin järjestäjän kans, sulla oon tavalisuuessa oikeus saa aktiviteettitukea eli kehityskorvausta lyhyn leetin aikana. Kunka kauon sie saatat saa aktiviteettitukea eli kehityskorvausta leetin aikana riippuu siittä missä prukrammissa sie olet matkassa. Työmarkkinakoulutus [Arbetsmarknadsutbildning] Sulla, joka olet matkassa työmarkkinakoulutuksessa, saattaa olla oikeus saa aktiviteettitukea eli kehityskorvausta lyhemän leetin aikana joka oon pyhitten yhtheyessä septemperi-maikuukauen aikana. Periuutila jyyni aykysti sie saat pittää aktiviteettituen eli kehityskorvauksen korkeinthaan 10 maksopäivää. Työ- ja kehityskarantti [Jobb- och utvecklingsgarantin] Sulla, joka olet matkassa työ- ja kehityskaranttiprukrammissa, saattaa olla oikeus saa aktiviteettitukea eli kehityskorvausta korkeinthaan yhtheensä 20 maksopäivää kahentoista kuukauen periuutila. Periuuti räknäthään prukrammin alkupäivämäärästä. Jos sinut oon ohjattu useamalle prukrammiperiuutile peräkkäin, kahentoista kuukauen periuuti alkaa ensimäisen prukrammiperiuutin alkupäivämäärästä. 7 (10)

8 Tukea yritystoiminan alottamisheen [Stöd till start av näringsverksamhet] Sulla, joka olet matkassa prukrammissa joka tukkee yritystoiminan alottamista, ei ole oikeutta saa aktiviteettitukea eli kehityskorvausta jos toiminassa tullee katko. Muut työmarkkinapoliittiset prukrammit [Övriga arbetsmarknadspolitiska program] Sulla joka olet matkassa muussa prukrammissa ko mitä tässä oon mainittu, oon oikeus saa aktiviteettitukea eli kehityskorvausta joa prukrammissa tullee tilapäisiä katkoja, jos sinun praktiikkipaikka esimerkiksi oon kiini. Katkon häätyy Meetlinki hyväksyä. Kesälä, jyyni aykysti, sie saat pittää aktiviteettituen eli kehityskorvauksen korkeinthaan 10 maksopäivää. Jos sie olet nuori jolla oon heikentynny toimintakyky [Om du är ung med funktionsnedsättning] Sulla, joka olet nuori ja jolla oon heikentynny toimintakyky, saattaa olla oikeus saa aktiviteettitukea eli kehityskorvausta 25:n päivän katkosta kahentoista kuukauen periuutila. Leetiä oman tärkeän asian vuoksi [Ledighet för enskild angelägenhet av vikt] Sie saatat saa aktiviteettitukea eli kehityskorvausta lyhemälle katkole oman tärkeän asian vuoksi jos se joka järjestää prukrammin sen hyväksyy. Oma tärkeä asia oon esimerkiksi hautajäiset, perunkirjotus, tohturissa käynti, siirtyminen, Meetlinkissä käynti, työnantajalla käynti ja ajokorttipruui. Tavalisuuessa sitä saattaa korkeinthaan olla leetissä kolme päivää ja pittää aktiviteettituen. Koska rahat maksethaan ulos? [När betalas pengarna ut?] Aktiviteettituki ja kehityskorvaus maksethaan ulos joka kuukausi jälkikätheen. Fasta ulosmaksopäiviä ei ole. Tavalisuuessa Siukkakassa maksaa ulos rahat 14 päivää sen jälkhiin ko sinun vahvistus oon tullu sisäle. Normaalisti rahat panhaan pankko- eli plyssäjiirukonthuun. Sivuila Minun sivut/mina sidor osotheessa sie saatat ilmottaa kontun. Sie saatat kans ilmottaa kontun vahvistuksessa. Sie saatat itte määrätä koska rahat maksethaan ulos [Du kan själv bestämma när pengarna ska betalas ut] Ko sie ensimäisen kerran lähätät sisäle vahvistuksen, sie saatat määrätä suurinpiirthein koska sie halvat ette sinun rahat maksethaan ulos. Saatat kirjottaa lyhemänki ajan ko kuukauen ja sillä mallin vaikuttaa siihen koska sie saat rahat. Sie et saata vaikuttaa siihen ko ensimäisen kerran. 8 (10)

9 Esimerkki [Exempel] Anna alottaa prukrammin 1 janyaaria. Ko hään halva saa oman aktiviteettituen ennen 28 päivä joka kuukausi, hään kirjotta periuutin 1 11 janyaaria ensimäisheen vahvistuksheen ja lähättää sen sisäle. Posti ottaa 3 päivää ja se tullee Siukkakassale 14 pv janyaaria. Ko siinä mennee 14 päivää ennenkö ulosmakso tapahtuu, Anna saapi rahansa 28 janyaaria. Fepryaarissa Anna ei saata vaikuttaa ulosmakshoon ja hään kirjottaa periuutin 12 janyaaria - 11 fepryaaria ja saapi rahat 28 fepryaaria. Jos sulle tarjothaan uutta periuutia samhaan eli muuhun prukramhiin paikala aikaseman prukrammiperiuutin jälkhiin, ulosmaksot jatkuva joka kuukausi ja sie et saata valita lyhempää periuutia. Muuta tietoa [Övrig information] Vero sulle joka olet yrittäjä [Skatt för dig som är egen företagare] Siukkakassa vettää veron vaikka sie olet yrittäjä jolla oon F-verokuitti. Jos sulla oon FA-vero ja sie halvat viitata (åberopa) sinun F-verhoon, sinun pittää tehä se kirjalisesti meile. Janyaarissa sie saat kontrollition (-uppgift). Kontrollitiossa oon tietoja siittä kunka paljon Siukkakassa oon maksanu sulle vuen aikana päiväkorvauksia (siukkaraha, aktiviteettituki ja muuta) ja paljonko veroa oon veetty. Siukkarahhaaperustava tulo [Sjukpenninggrundande inkomst] Sen siukkarahhaaperustavan tulon johon sulla oon oikeus ko alat prukrammin, sie saat pittää niin kauon ko sie osalistut prukramhiin. Mutta sillä ajala ko sie olet matkassa prukrammissa, sie et saata saa korvausta joka perustuu siukkarahhaaperustavhaan tulhoon, muuta ko vain vanhempainrahana ja rehapiliteerinkirahana. Ko prukrammi oon valmis eli ko sie keskheytät sen, sie joka olet työtön hääyt paikala ilmottaa ittesti Meetlinkhiin ennenkö saat pittää jäljelä sinun siukkarahhaaperustavan tulon. Sie jolla prukrammin lisäksi oon työtuloja, saatat saa siukkarahan, väliaikhaisen vanhempainrahan ja muita korvauksia räknättyä sen tulon perustheela. Jos sinun työtulot muuttuva ko sie olet matkassa prukrammissa, sinun pittää ilmottaa siittä Siukkakassale ko sie haet siukkarahhaa eli muuta korvausta. Siukkakassa ja Meetlinki kollaava [Försäkringskassan och Arbetsförmedlingen kontrollerar] Siukkakassa ja Meetlinki tekevä pistopruuikontrollia (stickprov-), suunattuja kontrollia ja satuhnaisia kontrollia osalistumisesta, poissaolosta ja poissaolosyistä. Se joka järjestää prukrammin jossa sie olet matkassa oon velvolinen antamhaan tietoja sinun osalistumisesta ja poissaolosta ko Siukkakassa perhäänkyssyy semmosta. Siukkakassa kollaa niitäki tietoja jokka sie itte annat. Net saattava koskea tuloja, poissaoloa töistä, sivilisäätyä (-stånd) eli missä sie asut. Met vaihtama tietoja muitten viranomhaisitten kans ja käytämä meän rekisteriä muumuassa CSN:n, a-kassoitten ja Verolaitoksen tioitten kans. Se saattaa olla rikolista ette tietosesti ja tahahlaan jättää vääriä tietoja eli jättää antamatta tietoja muutoksista, jokka saattava vaikuttaa oikeutheen saa korvauksia. Siukkakassa ilmottaa poliisille kaikki mitä eppäilemmä avustusrikokseksi. 9 (10)

10 Lissää tietoa [Mer information] Faktaplaavi ei ole lakitekstiä. Siukkakassan webpaikala, saatat helposti ja kierästi hoitaa joitaki asioita meän ittepalvelun kautta. Saatat esimerkiksi ilmottaa ittesti siukaksi, täyttää osalistumisvahvistuksen ja muuttaa konttua. Meän ittepalvelutelefoonista saatat tilata intyykiä, plankettia ja esitheitä. Saatat kans tehä vissiä ilmotuksia. Muista ette löyät kans lissää tietoja osotheesta ja sinun a- kassan webpaikalta. Kysymyksiä? [Frågor?] Jos sulla oon kysymyksiä, saatat käyttää Hannaa, meän tikitaalinen asistentti webilä. Hään vastaa tavalisimphiin kysymykshiin meän vakkuutuksista ja palveluista ja ohjaa sinua löytämhään oikeat tiot. Saatat kans soittaa suohraan meän Asiakassentterhiin eli Valtakunnalisheen tekstitelefoonivälityksheen (10)