Kaitasempi mutta terävämpi EU

Transkriptio

1 Kaitasempi mutta terävämpi EU 2014

2 Sentteriparttio/Centerpartiet halvaa nähjä kaitaseman mutta terävämän EU:n. Met tehemä työtä ette saaja EU:n joka tekkee vähempi asioita mutta tekkee net paremin. Sentteriparttio/Centerpartiet oon positiivi EU-yhtheistyöhöön. Meile EU merkittee demokratiita ja rauhaa, vappaa liikkumista ja kauppaamista, voimanottoa klimatille ja yhtheisiä toimia organiseerattua rikolisuutta vasten. Sentteriparttio/Centerpartiet sannoo jatkuvasti ei euhroon ja meitä kiusottellee ette EU nykysessä muotossa ei konsentreeraa niishiin aluheishiin joissako yhtheistyö oon näyttäny olevan arvokas. Meilä oon terve eppäily EU:n detaljipäättäväisyyttä vasten ja sitä ei mutiveerattua ylivaltasuutta vasten. EU ei piä sekkaintua kysymykshiin joistako yksityiset ihmiset ja päättäjät paikalisella, aluheelisella ja kansalisella tasola paremin saattavat päättää. Näishiin kuuluvat kysymykset maitten veroista, koulutuksesta, hyvinvoinista, sosiaalista turvalisuussysteemistä, kulttuurista, raiskaelukkapolitiikasta ja luononresyrsistä. EU pittää konsentreerata heän työtä suuhriin yhtheishiin kysymykshiin niinku miljöö- ja klimatti, migrasuuni, ihmisoikeuvet, kauppaaminen ja konkyrensivoima ja taistelu kansanvälistä rikolisuutta vasten. Met halvaama nähjä EU:n joka jahtaa hiilidioksiitiulospäästöjä sen siihaan ko detaljipäättää kunka Ruotti jahtaa susia. Met halvaama nähjä EU:n joka voimala oon vasthaan ihmiskauppaamista, ei lisämakuja vasten nuuskussa. EU joka tekkee maholiseksi yhtheisen markkinan digitaalile palveluile Euroopassa, mutta ei detaljipäätä laakritsipiipuista ja juurtkypparista. EU tullee olheen kaitasempi mutta terävämpi ja konsentreeraa oikeishiin asioishiin. EU tullee vihriäisemäksi priuriteeraamalla miljöö- ja klimattikysymyksiä. Yhtheistyö helpottaa töile ja kasvantille koko Euroopassa. EU oon aukea ja solitaarinen. Euroa ei oteta rahaksi Ruothiin.

3 Vihriäisempi EU Sentteriparttio/Centerpartiet halvaa ette EU:lä pittää olla ampisöösi miljööpolitiikka ja ette se oon mailmanjohtava klimattialuheela. Ulospäästöt ei tunne rajoja ja satsaukset vihriäishiin elatukshiin ja uutheen vihriäisheen tekniikhaan oon tie ulos Euroopan ekonoomisesta kriisistä. Sitä yhtheistä miljööpolitiikkaa häätyy priuriteerata vielä enämpi samala ko se pittää tulla tyffimäksi. Sentteriparttio/Centerpartiet tekkee työtä ette: Päättää uusista, tyffistä päämääristä EU:ssä ulospäästövähenyksille, enerkiiefektiviseerin kille ja uusiutuvalle enerkiile vuotheen Reformeerata kauppaamista ulospäästöoikeuksilla niin ette hinnat ulospööstöile nousevat. Silloin ulospäästöt vähentyvät samala ko vihriäiset tekniikkaratkasut eistethään. Vahvistaa EU:n yhtheisiä vaatimuksia ja sääntöjä informasuunista ja merkkauksesta ette rajottaa vaaralisia aihneita. Ruotti häätyy saaja pittää vastuulisen hallinan susesta ja muista raiskaelukoista aluheelisitten ja paikalisitten suhtheitten mukhaan mutta ilman detaljipäätöksiä EU:ltä. Östersjön/Itämeri pittää olla myrkytön sisämeri. Sen takia Itämerimaat pitävät ottaa asiaksi ylihöystämisen, vähentää heän ulospäästöjä ja seurata sääntöjä EU:n Merimiljööstrateekiissä. Työ ja kasvanti koko Euroopassa EU tarttee terhveen liiketoimintaklimatin joka johtaa töihiin ja kasvanthiin koko Euroopassa. Eurooppalaisiet työt luothaan enniimiten pieniltä ja keksikokosilta yrityksiltä. Monet pienet ruottalaiset intystrii- ja virkayritykset oon riippuvaiset vaphaasta saatavuuesta EU:n markkinoile ja siittä ette EU tekkee työtä globalin vapakauppaamisen etheen. Sentteriparttio/Centerpartiet tekkee työtä ette: Vähentää EU:n hankalia sääntöjä ja ette valvoa ette koko EU-säätäntö tarkastethaan pienyritysperspektiivistä. Totheuttaa EU:n sisämarkkinnaa digitaalile palveluile. Helpottaa ihmisille ette siirtyä työhöön elikkä koulutuksheen muissa maissa. EU pittää olla matkassa vapakauppaamis-sopimuksissa useaman maan ja aluheen kansa. EU pittää helpottaa sitä vappaa liikkumista vielä enämpi eurooppalaisen green card-systeem :in kautta. EU:n maaseutu- ja maapruukipolitiikka pittää edistää elävää maaseutua. Meän maapruukarit pitävät saattaa tuottaa elintarvikheita ilman antibiotikkaloppuja elikkä ilmanaikhaisia lisäaihneita.

4 Yhtheinen systeemi alkuperämerkkaukselle panthaan käythöön EU:ssä. Vahvistaa elukkasuojaa koko Euroopassa. Jatkuva varma ei eurole Sentteriparttio/Centerpartiet sannoo jatkuvan ei ette Ruotti ottaa rahaksi euron. Uusia yhtheisiä sääntelyjä oon tarpheelisia ette vahvistaa finansipolittistä disipliiniä ja ylivalvomista. Meile se oon tärkeätä ette Ruotti, ei-euromaana, ei ole kiini säänöissä jokka panthaan euroaluheele. Sentteriparttio pittää jatkuvasti vaaria kansalisesta verotusoikeuvesta. Euroa ei oteta rahaksi Ruothiin. Aukea ja solidaarinen EU Sentteriparttio/Centerpartiet oon kiusoissa siittä ette vierasvihamieliset ja anttidemokraattiset ryhmät uhkaavat perustheelisia demokraattisia värteerinkiä useassa EU-jäsenmaassa. Kaikitten EU-kansalaisitten oikeuvet pittää kunnioittaa jokhaisessa EU-maassa. Joka EU-maala oon vastuu ette totheuttaa niitä kriteeriä jokka panthaan jäsenyyele, silloinki ko sitä oon päässy jäseneksi. Net sisälepääsysäänöt joilako oon korkeat vaatimukset ihmisoikeuksesta pitävät kansa jällata jäsensääntöinä. Yksityisten maitten veettu-oikeus yhtheisessä ulkomaapolitikassa pittää ottaa pois. EU liittyy Eurooppakonvensuuhniin Koko EU-lakisäätänöllä joka vaikuttaa ihmisitten integriteethiin ja oikeukshiin pittää olla lähtökohtana prinsiipit proportsunaliteetistä ja subsidiariteetistä. Puhumavaphaus ja ihmisoikeukset pitävät jällata kaikkia ihmisiä aina, offline ja online. Minimirangastus ihmiskauppaamiselle ja muule krouvile rikolisuuele kiristethään. Maat Europassa ottavat voimaottoja sukupuolidiskrimineerinkiä vasten, ja vaimon oikeuvelle ette päättää hänen oman kropan yli. Kehittää vielä reiluman, tasapuolisen, transparentin ja oikeuvenvarman yhtheisen asylisysteemin EU:ssä. EU pannee käythöön vastaavan julkisuusprinsiipin joka oon Ruottissa. EU:n daattalaakrausdirektiivi, IPRED ja muu EU-lakisäätäntö joka heikentää persoonalista integriteettiä, revithään ylös. EU pittää saattaa päättää sakoista elikkä EU-rahotuksitten takashiinveosta jos jäsenmaat heikentävät perustheelisia demokraattisia oikeuksia.

5