Alkhuunpääsykorvaus (Etableringsersättning)

Transkriptio

1 Alkhuunpääsykorvaus (Etableringsersättning) Klicka här, skriv ev. Undertitel Sie joka olet uusi Ruottissa saatat saa alkhuunpääsykorvausta. Alkhuunpääsykorvaus oon raha jonka saat ko sulla oon alkhuunpääsyplaani Meetlinkissä/Työnvälityksessä. Jos sulla on lapsia saatat kans saa alkhuunpääsylisän (-tillägg). Jos sie asut yksin sie saatat saa asuntokorvausta. Mikä alkhuunpääsykorvaus oon? Se oon Meetlinki joka päättää siittä onko sulla oikeus saa alkhuunpääsykorvausta ja kunka paljon rahhaa sie saat. Se oon Siukkakassa joka maksaa ulos korvauksen. Mitenkä mie haen alkhuunpääsykorvausta? Sie haet alkhuunpääsykorvausta Meetlinkistä. Ennenkö saatat saa alkhuunpääsykorvausta, sinun oon häätyny täyttää 20 vuotta, mutta ei 65 vuotta. Sulla häätyy olla oleskelulupa pakolaisena, kiintiöpakolaisena (kvot-) eli suojaatarvittavanna. Paljonko alkhuunpääsykorvausta mie saan? Jos olet matkassa alkhuunpääsyplaanissa koko-ajala, sie saat 308 kruunua päivässä, viis päivää viikossa. Jos olet matkassa 75 prosenttia, sie saat 231 kruunua päivässä 50 prosenttia, sie saat 154 kruunnua päivässä 25 prosenttia, sie saat 77 kruunua päivässä Ota yhtheys Meetlinkin kans jos sulla oon kysymyksiä alkhuunpääsykorvauksesta. Sulle jolla oon lapsia Sie, jolla oon oikeus saa alkhuunpääsykorvuasta, saatat kans saa alkhuunpääsylisän jos sulla oon lapsia jokka asuvat kotona. Lapsi eli lapsitten piittää olla alle 20 vuotta asua ja olla kirjoila (folkbokförd) sinun tykönä olla eli ollu sinun huolettava eikä itte elättää itteänsä. 1 (5)

2 Kunka paljon mie saan alkhuunpääsylissää? Kunka paljon sie saat alkhuunpääsylissää riippuu siittä montako lasta sulla oon ja minkä ikäset net oon. Sie saat 800 kruunua joka lapsesta joka ei ole täyttäny 11 vuotta. Sie saat 1500 kruunua joka lapsesta joka oon täyttäny 11 vuotta. Sie saatat saa alkhuunpääsylissää korkeinthaan kolmesta lapsesta. Jos sulla oon useampi ko kolme lasta, kolme vanhiinta lasta räknäthään. Sie saatat korkeinthaan saa 4500 kruunua kuukauessa. Sie saat vähempi rahhaa alkhuunpääsylisänä, jos olet matkassa vähempi ko koko-ajala alkhuunpääsyplaanissa. Sie saatat kans saa vähempi rahhaa alkhuunpääsylisänä jos jollaki huushollissa oon työtuloja. Mitenkä mie haen alkhuunpääsylissää? Sie haet alkhuunpääsylissää blanketilla FK 6700 Alkhuunpääsylisän hakemus Yks hakia /Ansökan om etableringstillägg En sökande jonka saatat ottaa omale konheele webbpaikasta Sie saatat kans tilata blankettia telefooninumerosta Jos sie asut aviomiehen/-vaimon kans jolla kans oon oikeus saa alkhuunpääsykorvausta ja alkhuunpääsylissää, teän pittää tehhä hakemus yhessä blanketilla FK 6701 Alkhuunpääsylisän hakemus Kaks hakiaa / Ansökan om etableringstillägg Två sökanden. Sambo eli rekistreerattu partneri räknäthään aviomieheksi/-vaimoksi. Alkhuunpääsylisä ja elatustuki (underhållsstöd) Jos sie saat elatustukea useamasta lapsesta ko kaks, sie saat vähempi alkhuunpääsylissää. Jos sie saat elatustukea kolmesta lapsesta, niin et saa alkhuunpääsylissää ko kahesta vanhiimasta lapsesta. Jos sie saat elatustukea neljästä eli viiestä lapsesta, niin sie saat alkhuunpääsylissää vanhiimasta lapsesta. Jos sie saat elatustukea kuuesta eli useamasta lapsesta, sie et saa alkhuunpääsylissää ollenkhaan. Sulle joka asut yksin Sie joka asut yksin omasssa asunossa ja olet kirjoila siinä, saatat saa asuntokorvausta (bostadsersättning). Jos sulla oon lapsia jokka vain asuvat sinun tykönä joskus, sie saatat kans saa asuntokorvausta. Jos sie olet alihyyryläinen (inneboende) jonku tykönä eli jaat asunon jonku muun kans, sie et saata saa asuntokorvausta. Sulla sattaa olla oikeus saa asuntokorvausta vaikka hyyräät toiselta hyyryläiseltä (i andra hand). Mutta silloin hyyrysopimus pittää olla kijotettu/kirjalinen ja hyyryisäntä, insatsi-yhistys eli hyyrylautakunta oon häätyny hyväksyä ette sie hyyräät toiselta hyyryläiseltä. Asuntokorvaus oon sama ko sinun vuokra josta vähenethään 1800 kruunua. Siitä hyyrystä joka ylittää kruunua sie et saata saa asuntokorvausta. Sie saatat saa korkeinthaan 3900 kruunua asuntokorvausta. Jos sinun hyyry esimerkiksi oon 3500 kruunua, sie saat 1700 kruunua asuntokorvausta. Sie saat vähempi asuntokorvausta jos olet matkassa vähempi ko koko-ajala alkhuunpääsyplaanissa. Sie saatat kans saa vähempi asuntokorvausta jos sulla oon työtuloja. 2 (5)

3 Koska rahat tulevat? Siukkakassa maksaa ulos alkhuunpääsykorvauksen, alkhuunpääsylisän ja asuntokorvauksen kerran kuukauessa. 3 (5)

4 Ilmota muutoksista! Sinun pittää ilmottaa kaikista muutoksista jokka saattavat vaikuttaa sinun korvaukshiin Meetlinkistä. Se saattaa esimerkiksi olla ette sie olet töissä, ette sinun lapsi siirtyy eli joku siirtyy asuhmaan sinun kans. Jos sie olet saanu liika rahhaa, sie saatat joutua maksamhaan net takasi. Lissää tietoja Faktaplaavi ei ole lakitekstiä. Kaikki informasjuunimateriaali löytyy Siukkakassasta ja meän webbpaikasta. Osotheessa sie saatat kans helposti ja nopeasti hoitaa joitaki asioita meän ittepalvelun avula. Ittepalvelun telefooninumerosta sie saatat tilata intyygiä, blankettia ja brosjyyriä. Sie saatat kans tehhä vissiä ilmotuksia. Kysymyksiä? Jos sulla oon kysymyksiä, sie saatat käyttää Hannaa, meän digitaalinen auttaja webbissä. Hanna vastaa tavalisimphiim kysymykshiin meän vakkuutuksista ja palveluista ja opastaa sinua saahmaan oikeat tiot. Sie saatat kans soittaa suohraan meän Kynti- /Asiakaskeskuksheen ja Tekstitelefoonitten kansalisheen välityksheen (förmedlingstjänst) (5)

5 5 (5)