Tervetuloa Työvälitystoimisthoon/Arbetsförmedlingen

Transkriptio

1 Tervetuloa Työvälitystoimisthoon/Arbetsförmedlingen Välkommen till Arbetsförmedlingen Meänkieli/tornedalsfinska

2 Tämä on Työvälitystoimisto Haetko töitä? Haluatko tietää enemän työmarkkinasta? Tarttetko tipsiä ja neuvoja kuinka sie löyät työn mitä sie haluat saa? Tervetuloa meän tykö Työvälitystoimisthoon. Met autama sinua löythään oikehaan, riippumatta mitä tukea sie tarttet. Kun sie ilmotat työnhakijaks ja kirjotat sisäle ittesti meän tykö sillon met yhessä menemä läpi missä sie olet ollu töissä aiemin. Met kattoma kans mitä koulutusta sulla on ja sinun kokemuksia ja pätevyyksiä. Yhessä met suunittelema sitten mitä sie piät tehhä ette löytää työn ja kuinka met saatama auttaa sinua. Löyä työ meän veppipaikasta Paikkapankissa (Platsbanken) arbetsformedlingen.se on vaphaita töitä monela eri aloila. Veppipaikassa sie kans löyät muita tietoja jokka on tärkeät sulle. Sie saatat lukea töistä ja opinoista, sie saatat tehhä kiinostustestin ja sie saatat nähhä kuinka tulevaisuus on eri töissä. Sie saat kans tipsiä kuinka sie saatat tulla paremaks hakheen töitä ja saat tietoja mitä aktiviteettiä met tarjoama. Kohtaa työnantajia Haluatko kohata työnantajaa joka hakkee henkilökuntaa? Sillon saatat mennä rekrytointitrefhiin ja tulla haastateltavaks suorhaan paikala. Met järjestämä paljon rekrytointitreffiä, työnantajan tykönä eli meän huonheissa. Olla töissä ulkomaila Houkuttelleeko olla töissä ulkomaila? Jos haet töitä Euruupassa met saatama auttaa sinua informasjuunin kans kuinka parhaiten onnistut sen kans. Meilä on työvälittäjiä jokka on spesialistiä Euruupan töihiin. Tämän tarjoama kaikile jokka hakevat töitä informasjuunia kuinka sie haet töitä apua kirjottaa cv:n ja valmistautua työhaastattelhuun käytettävissä kaikki vaphaat työt Paikkapankissa käytettävissä taatturi millä hakkee töitä ja kirjottaa cv:n. esityksiä vaphaista töistä

3 rekrytointitreffiä työnantajitten kans informasjuunia viroista ja opinoista aijankohtaista tietoa työmarkkinasta neuvoja kuinka starttaa oman firman Jos sie tarttet ekstra tukea Välistä tartethaan lisätukea kun hakkee töitä. Jokku tarttevat sen jo alussa, muut vähän aijan perästä. Met saatama auttaa sinua monela eri tavala sinun tarpheitten ja eelytyksitten mukhaan. Puhu työvälittäjän kans jos haluat tietää lissää. Yhessä tuletta framile minkä tuen sie tarttet ette saa työn niin hoppua kun maholista. Sivula arbetsformedlingen.se sie saatat lukea enemän mitä met saatama auttaa sinua. Vaikea löytää töitä Välistä paras tie uutheen työhön on praktiikkipaikan kautta, yks työmarkkinakoulutus eli apua staarthaan oman firman. Se saattaa kans koskea virkaohjausta eli apua kontaktaamhaan työnantajan. Meilä on pitkä kokemus ette auttaa sinua jolla on vaikeampi löytää työn. Nuori ja ilman työkokemuksia Oletko alle 25 vuotta? Moni työnantaja palkittee mielelhän nuoria, mutta välistä se saattaa silti tuntua vaikealta päästä sisäle työmarkkinhaan. Met saatama auttaa sinua monela eri tavala ette sie helpomin löyät työn. Sie saatat saa apua ette hakea töitä, virkaohjausta, praktiikkia eli eri tyyppisten koulutuksitten kans Alenettu työkyky Onos sulla toiminaneste joka vaikuttaa sinun työkykhyyn? Met aina lähemä sinun tioista ja kokemuksista ja saatama helpottaa työn saantia monela eri tavala. Se saattaa esimerkiks koskea henkilökohtaista tukea alussa eli työolon aikana eli ekonoomista korvausta työpaikan apuvälinheishiin.

4 Uusi Ruottissa Oletko uusi Ruottissa ja sulta puuttuu kokemuksia ruottalaisesta työmarkkinasta? Met saatama auttaa sinua eri tavoila ette sie saat työn niin kätevästi kun maholista. Jos et puhu ruottia met saatama tarjota kielituen, esimerkiks tulkin. Hyvä tietää kun olet uusi meilä Tässä met olema keränheet erittäin tärkeitä tietoja mitä sie tarttet tietää kun olet uusi Työvälitystoimistossa. Sivula arbetsformedlingen.se sie saatat lukea lissää. Korvaus a-kassasta Ennen kun saatat saa korvausta a-kassasta sie tarttet täyttää tietyt vaatimukset. Se on sitten sinun a-kassa joka päättää jos sie tarttet saa työttömyyskorvausta. Työvälitystoimiston tehtävä on ette ilmottaa a-kassale sellaisesta joka saattaa vaikuttaa sinun oikeutta korvauksheen. Kontaktaa a- kassan eli työvälittäjän jos haluat tietää lissää. Ilmota sinun aktiviteetistä Kun olet työtön on tärkeä ette ilmotat Työvälitystoimisthoon mikkä työt sie olet hakenu ja mitä muita aktiviteettiä sie olet suorittanu ette helpomin saa työn. Sen sie tehet aktiviteettiraportissa. Sie helppoiten täytät sen meän veppipaikassa. Korvaus työhaastattelu reishuin Oletko vähhinthääns 20 vuotta ja työtön eli olet vaarassa tulla työttömäksi? Sillon saatat saa korvauksen reisuista työhaastattelhuin, jos sulla on vaikeuksia saa töitä missä asut. Ajattele ette sie häyt hakea korvausta etukätheen. Lekitimeeraa kun kontaktaat meitä oman turvalisuuen takia. Kun vierailet työvälitystoimistoa sie tarttet lekitimeerata ittesti id-tokymentillä eli ette sulla on matkassa henkilö joka saattaa toistaa kuka sie olet. Lekitimeerinkhiin internetin kautta sie käytät e-lekitimasjuunia, esimerkiks BankID. Sillon sie kans saat käytettäväks monta fynksjuunia meän veppipaikassa ja saatat esimerkiks täyttää sinun aktiviteettiraportin siinä.

5 Tietoja sinusta meän rejisterissä Kun kirjotat sisäle sinun rejistreerathaan vissitten tietoitten kans. Sinun tiot on salaisuus suojattuja. Sie saatat aina tahtoa meitten othaan framile net tiot mitä on sinusta. Onkos sulla kontaktia jonku turvaorkanisasjuunin kans? Oletko saanu tietoja ylössanomisesta? Onkos sulla oikeus tukheen jostaki turvaorkanisasjuunista? Jos niin met saatama auttaa yhteisheen keskustelhuun sinun ja turvaorkanisasjuunin kans. Selitä meile jos haluat saa sellaisen keskustelun. Tipsiä kun haet töitä Sivula arbetsformedlingen.se sie saat tipsiä kuinka sie haet töitä. Sie saat kans informasjuunia työmarkkinasta, töistä ja opetuksista. Ota apua meiltä Työvälitystoimistossa jos sie tarttet lissää informasjuunia. Hakea töitä Hae vaphaita töitä Paikkapankissa. Osalistu rekrytointitrefhiin ja kohtaa työnantajia ensi haastattelhuun. Osalistu työseminaarhiin. Met selitämä kuinka sie saatat tulla paremaks hakheen töitä. Käytä sosiaalista meetiaata sinun oikotie töihiin ja suuremphaan verkosthoon. Valvo ette sinun cv ottaa sinun haastattelhuun. Met annama parhaimat tipsit. Teritä sinun henkilökohtaisen preivin ja näytä ette sie olet oikea henkilö työhön. Työhaastattelun aika? Ajattele tätä ennen, sen aikana ja haastattelun jälkhiin. Valitte referensit tarkhaan. Met tipsaama sinua kuinka sie piät ajatella kun valittet. Haluatko olla töissä ulkomaila eli alottaa ommaa firmaa? Met autama sinun othaan ensi askelheen.

6 Työt & opinot Tartetko inspirasjuunia ja uusia iteoita? Käytä meän testiä ja opasta. Minkäsnäkönen on tulevaisuus eri töissä? Katto meän pruknoosia jokka näyttävät työmarkkinan tulevaisuutta lyhyssä ja pitemälle aijale. Mitä eri työt merkittevät? Ota selvile faktatietoja ja katto filmiä ja haastatteluita missä saapi informasjuunia minkälainen koulutus sulla häätyy olla vishiin töihiin. Haluatko alkaa opiskelheen? Ota selvile lissää koulutuksista, sishäänpääsysäänöistä ja korkeakoulupistheistä. Työotto Kuinkas se toimii palkan ja euitten kans? Ota selvile minkä palkan sie saatat tahtoa ja valmistua palkkakeskustelhuun. Minkälaisia työottosopimuksia on olemassa? Mikä ero on koetyöotossa ja vikariaattissa? Met selvitämä tavalisimat työottosopimukset. Mikä on hyvä työottosopimus? Ota selvile miksi kirjalinen sopimus on tärkeä ja miksi sie piät tahtoa sellaisen ennen kun alat töihiin. Kontaktaa meitä Palvelu telefoonin kautta Soita ja puhu työvälittäjän kans. Auki arkipäivinä 8 20 sekä lauantaina ja pyhänä Vieraile arbetsformedlingen.se Saa inspirasjuunia apua Ruottin suuriimassa työsaitissa Paikkapankki. Ota yhteyttä lähimäisheen työvälitystoimisthoon Yhteystiot löyät tästä: arbetsformedlingen.se Kohtaa meitä sosiaali meetiassa facebook.com/arbetsformedlingen instagram.com/arbetsformedlingen youtube.com/arbetsformedlingen