Nunavut Kavamat Aaniaqtailinikkut Inuuhilirinikkut Pilirivvik. Nunavunmi Tipaakkut Nailinahuartangit Havaariyakhautikhaq Aturtakhainit

Transkriptio

1 Nunavut Kavamat Aaniaqtailinikkut Inuuhilirinikkut Pilirivvik Nunavunmi Tipaakkut Nailinahuartangit Havaariyakhautikhaq Aturtakhainit 2016

2

3 Nunavunmi Tipaakkut Nailinahuartangit Havaariyakhautikhaq Aturtakhainit 2016 Ilaliutait Unipkaagaq haffumingat Ministangit Aanniaqtailinikkut Inuuhilirinikkut Ikayuutit 3 Hivuniqhuut 4 Nunavut Higaarnikkut Ukturautait: Amigaitqiyauyut Kaanatamit 4 Higaartut Akturtauningat Nunavunmiunut 5 Katilviuyut ukuningat Nunavut Kitkutuinnarnut Aaniaqtailinikkut Ukturautainit 8 Nunalingnit Niplirtauyut Tipaakkut mikhaagut 8 Hivumuurutikhaq Kiudjuhiq 9 Pinahuartakhait Hivunikhaliurutikhamut 9 Tamatkiumayangit Hivunikhautikhait 9 Inikhautiyangit Aturnaqtumit 10 Hivuliqtikhanut Ingilralutik Hivumuurutikhanut 11 Nunavut Tipaakkut Nailinahuartangit Havaariyakhautikhat Aturtakhat 12 Kingulliq nalunairutikhat 13 1

4 2 Nunavunmi Tipaakkut Nailinahuartangit Havaariyakhautikhaq Aturtakhainit

5 2016 Turaaqhimayangit haffuminngat Aanniaqtailinirnut Inuuhiliriyiit Minista Tibaakkut atuqhimayut Inuinnait pitquhirinngitavut, kihimi ublumi aturpaktangit Nunavunmi hivituyumik. Higaartut hivituyumik aanniarutiqalirpakhutik Nunavunmiunut. Talvangaanit amihut Nunavunmiut aanniarpakhutik, timingnut ayuqhautivakhutik, tuquvakhutiktauq aturaangamik tibaakkunit. Amigaittunik inungnit huirpakhutik aanniarutiqarpakhutik taamna pittailinahuaqhutik aanniarutinut. Nunavunmiut ayuqhautivakhutik higaartunik taamna ilitariyaugialik kiuvikhautauvluni ingattaryuummiqhutik kitkutuinnarnut aanniarunmi ihuumaaluutauvlutik. Una Nunavut Kavamangit piliriivlutik uuminngat hivituyumik havaarinahuartangit pidjarinahuarlugit una tutqirnartumik, aulattinnartumik upalungairutikhait inikhautikhait kiuviginahuarlugit hamna tibaakkutigut aanniarutauvaktut inuit inuuhidjutaanit. Una Nunavunmi Tibaakkuutigut Pittailinahuartangit Hivunikhautikhait havaariyakhait Aulattitiyakhanut hamna tallimannik ukiukhamut upalungairutikhaq parnautiyakhait inikhautivut kiunahuarlugillu taamna tibaakkutigut aturpaktangit iluani Nunavutiup nunalingnit. Una Havaariyakhait inikhautingit kiuvikharialik ikayuutikhamut amihunut inungnut katimaqattartunullu qanuq naamakhittirnahuarlugillu hamna ingattautigiyangit kitkutuinnarnut aanniarut ihumaaluutainit. Higaarnikkut inmi ihumagiyauvaktangit, unalu tamainnut Nunavunmiut inmikkut inikhaliurutiyakhait qanuq pittailinahuarlutik higaarpaktut uvani nunaptingnit. Taamna inutuqqavut ikayuutivaktaqqut, nunalingnit hivulirtiyavut angayuqqaanunullu qanuq aturnahuarpaktangit aanniartailinirnut ihumaliurutikhainit. Ilihaiyikhamik munartiuyikhamiglu ilagiiktukhauvlutik ikayurnahuariangani ilihautinahuarlugit haffuminngat higaarnikkut qayangnartunikkut ikayuqhimmaarlugillu tahapkununngat higaaruirnahuartut nailinahuarlugillu higaartunut atuqhimayangit. Huli ilaliutivaktaqqut inulrammiinut ikayuqhimmaarnahuaqhugit higaarnaittumik inuuhiriyakhaanit. Una Nunavut Kavamangit huli akhuurtukhauvlutik havaqatigiingnahuarlugit ukuninngat gavamatuqqait parnautiginahuarlugit ukuninngat tibaakkuutigut aulattitinahuarlugit hivumuurnahuarlugillu haffuminngat hivunikhaptingnit tiliurtaaqhimayuq uvani havaarinahuartavut. Hamna Tibaakkut inikhaqanngitpiaqhuni inuuhittiarnartumik aviktuqhimayumi unalu atauttimut, tunngaviliurnaqhunilu Nunavunmiut taimaa tibaakkunut higaarnainnahuarlugulu. Nakurmiik, Hivuliqti Tagak Curley Aanniartailinirnut Inuuhilirinikkut Ministauyuq 3

6 Nunavunmi Tipaakkut Nailinahuartangit Havaariyakhautikhaq Aturtakhainit Hivuniqhuut Nunavunmi anginiqhautiqaqhuni uukturautainnit higaartunut Kaanatami. Avvautihimayuq tamainnit Nunavunmiut higaarpaktut, aahiit 21 pusaaniuyungnaqhiyut inuit taimainnut Kaanatamit. Hamna higaartut uukturautainit Inuinnainut inirniit amihuuningit Nunavunmi ingattaummavluni. Amihut Nunavunmiut aanniarpakhutik, ayuqhautivakhutik, tuquvakhutiktauq higaaqattarpakkami aturaangamik. Una Nunavut Kavamangit Aanniartailinirnut Inuuhilirinikkut Pilirivvik ihumavakhutik una aviktuqhimayumi higaarluarpaktut uvani kitkutuinnarnut aanniaqtailinikkut hivitunia. Pidjarikhinahuaqhutik tutqiqhinnartumik, aulattitinahuarlugu upalungairutikhait inikhaliurluni akturnahuarlugillu higaartut aturtangit uuminngalu aanniarutiryuaqhimavaktut higaarangata, una Kavamat Nunavunmi piliriiqhimavlutik ukuninngat tamainnut iniqhimayangit Tibaakkut Pittailinahuarnikut Havaariyakhanut Inikhautikhait Aulattitiyakhanut. Una Havaariyakhait inikhautikhangit tallimanik ukiukhamut upalungairutiyakhait qanuq upalungaiyautigitaaqhimayait turaarnahuaqhugit tibaakkut atuqhimayut Nunavunmi tadjalu avatikhaliurahuaqhutik. Hamnalu upalungaiqhimataaqhutik aulattitiyakhait unalu nutaamik hivunikhautikhait uuminngat tibaakkut aulattitinahuartut hivuliqhiyumit uuminngat Nunavunmi Kitkutuinnarnut Aanniaqtailinirnut Hivunikhaliurutikhamut. Nunavunmi Higaartunut Uukturautait: Anginiqhautauyut Kaanatami Higaartut uukturautait Nunavunmi amigaitqiyauvluni tamainnut nunaryuarmit akihautainnit. Nalunairutaa nalunairtauvluni higaartut uukturautingit aallatqiinguuvlutik, qanurli niuvirtitiyiuvluni. Angirautauvlutik ukuninngat Nunavut Kavamangit unipkaarunmi 2008 mi, 54.2 pusaanit haffuminngat Nunavut nunamiuqatigiiktunut ukiulik 12 avataininillu higaarpakhimayut ubluq tamaat qakugunnguraanganluniit. 1 Nutaatqiyaanit Nalunaiyaiyut kangiqhittaaqhimayut ubluq tamaat qakugunnguraanganmiluniit higaarpaktut Nunavunmi anginiqhautauvlutik uuminngat 57.5 pusaatigut (takulugu Nalunaitkutaa 1 ataaniittuq). Una kangiqhidjutaat higaartut uukturautingit amigaitqiyauvlutik uuminngat Nunavunmiut Inuit amihuuningit; aallatqiit qauyihaiyut kangiqhidjutingit nalunaiqhihimavlutik haffuminngat 64 nit 71 nut pusaanit tamainnut amihuuningit. 2 Una uukturautingit aturtangit tibaakkunit ukuninngat hingaiyartut arnat hivituyuanguuvlunilu. Qauyihartut haffuminngat Qikiqtaaluk aviktuqhimayumi naunaivlutik haffuminngat 80 pusaanit hingaiyartut arnat higaaqhimayut hingaiyavlutik. 3 NAUNAITKUT 1 Qaffiutilaanga Inulingnut, ukiulgit 12 nik angayughiillu, Unniqtut Higaaqpaktut (Upluq tamaat, ilaani, upluq tamaallu) Qaffit inulingnut BC AB SK MB ON PQ NB NS PEI NF YK NWT NU CA Aviktuhimaniani/Nunavut Higaaqtut tatja (Upluq tamaat ilaanilu) Higaaqtut tatja (upluq tamaat) Avataanit: Source: Statistics Nalunaiyaiyut Canada.. Kaanata. Health Profile. Statistics mi. Aanniartailinirnut Canada Catalogue Naunairutaa. No XWE. Nalunaiyainiq Ottawa. Released Kaanata June 28, Naunairuttaat. No XWE. Nalunaitkutaq: Note: Population Amihuuningit aged 12 and older inungnut who reported ukiulik 12 being nit a avatainillu current smoker. nalunairtauhimayut Daily smokers refers higaarpakhutik. to those who reported Ubluq tamaat smoking higaartut cigarettes kiuyauvaktut every day. nalunairtauhimayut Does not take higaartut into account tibaakkunit the number ubluq of cigarettes tamaat. Kihittirhimayut smoked. Occasional higaartut smokers nalunairtauhimaittut. refers to those who reported Qakugunnguraangat smoking cigarettes higaartut occasionally. kiuyauhimavaktut nalunairtauhimavlutik higaartut qakugunnguraangat. Una ilaliutivaktangit ubluq tamaat higaartunut tadja qakugunnguraangat higaalirpaktut. This includes former daily smokers who now smoke occasionally. 4

7 2016 Tibaakkut Aktuumayangit Aanniarutingit Nunavunmi Angiqatigiikhimayut ukuninngat Hilaryuam Aanniaqtailinirnut Katudjiqatigiingit una tibaakkut aaniarutauyut anginiqhautauvluni kitkutuinnarnut aanniarutik ihumaalutingit hamna hilaryuam akihautigiyangit. 4 Uvani Nunavunmi, hamna aanniarutitigut aktuumayangit hivituyuanguuvluni tibaakkut atuqhimayut ilaliutauyut, kihimi ilinngautihimaittuq, aallatqiit kiansulingnit, aniqhaartutigut, unalu puvagliurtut aanniarutait haffuminngattut uummattitigut aanniarutilik unalu uummattitigut nutqartunit. 5 Tibaakkut aturtut hiamahittilaaqhutik tiibiinut uvvalu hivuliqhivaktangit ingattautihimavakhutik mikivalliavlutik inuhaannuanut, inuhaannuanut uqumaidjutaanit nailivakhutik, hivituyumik aanniarutiqarpakhutik hiulliurtunit unalu nailivakhutik aniqhaartunut ayuqhautivaktut nutaqqanut Nunavunmi. 6 Higaartut ahiqanngittuq pittailinahuarnaqhuni ihumatigut ayuqhautiyauvakhuni aktuumayangit kitkutuinnarnut aanniartutinit Nunavunmi. Kiansu angiklivalliavluni ihumaaluutauvlunilu Nunavunmi, uuminngat puvngnut kiansunit. Uvani 1992 mi uvanilu 2001 mi, puvangnut kiansu tukiliutauhimavaktangit 40% pusaanit kiansulingnit tuquvaktut Nunavunmi, 7 taimaa Nunavunmi aviktuqhimaninga ingattautihimavlutik puvangnikkut kiansunut tuquhimayut uukturautainit Kaanatami. Uvani 2002 mi 2004 mut, hamna tuquhimayut uukturautit ukuninngat puvangnikkut kiansut Nunavunmi nallirutauyuq nit 100,000 nguyut tuquyut, taamna hitamaat qaangirlugit aktuumayauhimayut hivituyut nalunairtauhimayuq tamainnut Kaanatami. 8 Ikitpiartut ilagiiktut Nunavunmi aktuumayauhimaittut haffuminngat puvangnut kiansulingnit. Aungnutigut aanniarutit, hamna ilaliutauyuq uummattitigut aanniarutit unalu uummannut nutqarnigut, hapkuat hivuliqtiuvakhutik tuquvakhutik Nunavunmi katilviuvlutik tibaakkunit aturtumut. Qangaraaluk, Inuit pitquhiitait niqautingit ikayuutauvaktut ilanganit uukturautimut hapumminahuaqhugit uuminngat aniqhaarnikkut aanniarutait quanaqhutik kingituraaluk inikhautait uuminngat n-3 uqhulingnit ilaliutait qauyihartauyut uvani imarmiuttat uumayut amaammaktittiyunut. 9 Kihiani, una anginiqhautauyuq uukturautilik higaartut ilaliutagami inuuhirnut nutaanngurtitauyuq, ilaliutauvlutik nutaamik nirivakhutik, tahapkuat ihumaalutauvakhutik uuminngat Inuit ayuqhautingit aniqhaarnikkut aanniarutigut. Nalunairutit 2 ataaniittuq, tukilik Puvangnut Kiansut unalu Aungnigut Aanniarutit Tuquyut Nunavunmi Kaanatamilu, qauyihartauyut nalunairutitigut haffuminngat Nunavut unalu tamainnut Kaanatami ihumagivlugit tuquhimayut puvangnut kiansulingnit unalu aungnigut aanniarutit. Higaartut aallatqiit ilaliutilgit amihunit qayangnartut aanniarutinit Nunavunmi. Haffuminngatut, higaartut ingattautihimavaktut tiibiinit ayuqhautainit, unalu ingattautihimavakhutik aanniarunmik, uuminngalu ingattautilaaqhutik tuqunnartunit tamainnut TiiBiilingnit aanniaqhimayunit. 10 Tibaakkut ikpigiyauvaktut nutaqqanut inuuhianut Nunavunmi amihuuyut pivlutik. Nunavunmi ingattautihimayut naittumik inuhaannuanut uqumailitaanit unalu hivituyumik inuhaannuit inuuvakhutiktauq nunaryuarmi. 11 Uukturautait haffuminngat inuhaannuit inuuyut unalu ikittumik inuhaanguyut uqumairutainit ihumagiyauvakhutik inuuhittiaqhimayunut inuhaannuit. Higaartut tutqiqhinnaqhuni naunaittunilu ayuqhautihimayauvaktut ukuninngat ikittumik inuhaannuit uqumaidjutaanit unalu inuhaanguyunit. 12 Kihianilu, 15 pusaanit haffuminngat Inuit nutaqqat nalunairtauvakhutik ayuqhalirpakhutik Nakuuyumik Naunaiqhiniq Nunavunmiut mamihalaaqhutik higaartunit. Inuit higaaruiqhimayut nailipkaivakhutik aanniarumanngittutik tuquyumanngittutiktauq higaarnut ipiraiginnaqhugit qilamiurtumik. Una pittailinahuaqhutik aanniarnikkut qilamiuqhutik nalunaittuuvlutiktauq. Aniqhautitigut naahautingit iluani aungmi qilamiurtumik naamakhittirpakhutik qaffinik ikaarnikkut taamna puyungit katakhimavakkamik. Puvaum iningit angiklivalliavakhuni qaffinik ublunganit, talvangaanit ingutaarniq naamakhittirpakhunilu qaffinik ublukhainmit. Ingattarnigut uummatigut nutqaumaningit uuminngaluniit ahiit aniqhaarnitigut aanniarutit nailivakhutik, taamnalu higaartut uummatitigut nutqartut nailivaallirpakhutik ukiunganit atauhirmi. Qaffit ukiunganit, taamna higaaqhimaqaaqhuni kiansunit nailipkalaaqhutik talvangaanit inuk higaaraarpaktunut, iluani 15 nit ukiunganit taamna qayangnautinga uummatigut nutqarnirnut adjigiikhimavlutik taamna inuk higaaqhimaittumik. Avataanit: Puvangnikkut Katudjiqatigiit. (2010mi). Ikayuqhimayut higaaruirnahuartunut. 5

8 Nunavunmi Tipaakkut Nailinahuartangit Havaariyakhautikhaq Aturtakhainit hiutinut ayuqhautiqarpakhutik, taamna naunaittuq ilaliutauhimavaktangit higaartunut naimainnaramik aktuumayangit. 13 Hapkuat nalunairutauyut aktuumayauyut aanniarutikhaarpakhutik nutaqqanut. Higaartut ikpigiyauvaktangit tamainnut naimainnarumik higaarmut. Higaarmut naimainnarniq aktuumayauvakhunilu ingattarpakhutik ayuqhautivaktut aniqhaarnigut aanniarutaanit uuminngat Inuit nutaqqanut. Uvani 2001 mi qauyihartut nalunaiyaivlutik ukuninngat aanniarviliaqhimayut uukturautait haffuminngat puvagliuqhimayut aanniaqhimayut Inuit nutaqqat anginiqhautauvlutik nalunairtauhimayut tamainnut hilaryuarmit. 14 Taimaattauq amihut Nunavunmiut nalunairtauhimavlutik higaartut iglum iluani atuqtakhaunngittuq iglumingnit, 15 ahiit qauyihartut turaaqhimavlutik amihut inuit huli higaarpakhutik iluani iglumingnit. 16 Amihunik ilitturnaqhivlutik ukuninngat aanniarutinit tibaakkuutigut aktuumayangit Nunavunmiunit. Amihunik qauyihainirnit piyukhautauvluni ihivgiuttiariangani hamna aktuumayangit tibaakkuutigut atuqhimayut iluani amihuuyut inungnut-amihuuningit, haffuminngatut una hivulliulirtut atuqhimayangit tibaakkut ukuninngat hingaiyartunut arnat uvani Kivallirmi Kitikmeonmilu aviktuqhimayumi unalu inulrammiit aktuqhimaittaat 15 nit ukiuqaqtunut. Hivunikhamut nutaanguqhimayut naunairutit ukuninngat Nunavut Kiansut Nalunaiyainiq ilaliutiginiartavut qanuq aktuumayauyut iluani ilingayut uvani higaarnikkut kiansut uvani qanilrumi ukiunganit. Qauyihaiyut iluani ilauqatauyunit haffuminngat tibaakkut atuqhimayangit unalu inuuhiutitigut ihumayauyut aanniarutitigut (haffuminngatut, igluliqiniq, niqinut attarnaidjutit, havaatitigut attarnaidjutinut) tahapkuat ikayuutauniaqqut kangiqhittaariangani aanniarutitigut aktuumayangit tibaakkunut ilagiikhimayangit unalu aahiit aanniarutitigut ingattaumayut ihumaaluutainit. Tibaakkut Akihautilirtaatigut! Uvani 2002 mi Nunavut akilirpakhutik 20 milian taalanit tibaakkunut ilaliutauvlutik aanniarutinut/tuqunnartunit unalu ilaliutauvlutik akikhait; tamainnut akiliqhivlutik amihuuningit ukuninngat 1.9% haffuminngat piutivut GDP (kativliugit Newfoundlandmilu anginiqhautainit akilirtuivlutik Kaanatami). Nunavut akiliqtuivlutik, qaffiuningit, $697 inuk atauhiq ayuqhautihimavlutik tibaakkuutigut aanniarutimut, ayuqhautivlutik ihuaqutikhait, aanniarutinut/tuqunnartunit unalu ilaliutiyangit maliktakhagialik akikhautait (una anginiqhautauyuq inuk atauhiq tibaakkuutigut akikhautikhait Kaanatami). Avataanit : Kaniitian Angayaarnartunik Ikayurvik. (2006mi). Una akikhait haffuminngat angayaarnartumik ayuqhautingit Kaanatami uvani 2002 mi. 6

9 2016 NALUNAIRUT 2: Puvangnut Kiansulik unalu Aungnigut Aanniarutit (Tamainnut unalu Aahiit) Ilaliutauyut Tuquhimayut Nunavunmi Kaanatamilu Tuquniq/100,000 inungnut Nunavut Angutit Kaanata Angutit Nunavut Arnat Kaanata Arnat Nunavut Tamatkiumayut Kaanata Tamatkiumayut Nunavut vs. Kaanata Puvangnut Kiansu Aungnut Aanniarutit Ischaemic Uummanmut Aanniarutit Cerebrovascular Aanniarutit Aahiit Aungnut Aanniarutit Source: Avataanit: Statistics Nalunaiyaiyut Canada.. Kaanata. Health Profile. Statistics mi. Aanniartailinirnut Canada Catalogue No. Naunairutaa XWE. Nalunaiyainiq Ottawa. Kaanata Naunairuttaat No XWE. Ottawa Released June 28,. Nalunairutit: Qauyihaiyut kiuhimayangit ukiukkut-nutaanngurtauyut uukturautingit uuminngat tuquyunut haffuminngat 100,000 inungnut amihuuningit. Hilaryuam Aanniaqtailinirnut Katudjiqatigiit (WHO), Hilaryuamit Nalunaiyaiyut Tukiliurutiniit haffuminngat Aanniarutitigut unalu Ilaliutauyut Aanniarutinut Ayuqhau- Note: Data reflects age-standardized rate of death per 100,000 population. World Health Organization (WHO), International Statistical Classification of Diseases and Related tainit, Qulinit Health Nutaanngurtirtauyut Problems, Tenth Revision (ICD-10). (ICD-10). Lung Puvangnut cancer [C33-C34]; kiansut [C33-C34]; Circulatory Aungnunut diseases [I00-I99]; aanniarutit Ischaemic [I00-I99]; heart diseases Ischaemic [I20-I25]; uummanmut aanniarutit [I20-I25]; Cerebrovascular diseases aaniarutit [I60-I69]; [I60-I69]; All other Tamainnut circulatory aahiit diseases aungnut [I00-I02, aanniarutit I05-I09, I10-I15, [I00-I02, I26-I28, I05-I09, I30-I52, I10-I15, I70-I79, I26-I28, I80-I89, I30-I52, I95-I99]. I70-I79, I80-I89, I95-I99]. 7

10 Nunavunmi Tipaakkut Nailinahuartangit Havaariyakhautikhaq Aturtakhainit Katilviuyut ukuninngat Nunavunmi Kitkutuinnarnut Aanniarutitigut Hivunikhautikhait Una Nunvut Tibaakkunut Nailinahuarnikkut Havvariyakhanut Aulattitinirnut amiriyauyut hivituyumik upalungairutikhanut pivallianiarnirnut inuuhittiarnartumik nunalingnit turaaqhimayangit iluani Pivallianikkut Inuuhittiarnikkut Nunalingnit: Kitkutuinnarnut Aanniaqtailinirnut Uukturautainit haffuminngat Nunavunmi Una hivunikhatuanguyauyuq uvani Kitkutuinnarnut Aanniaqtailinirnut Uukturautikhainit nailinahuarlugit tibaakkuutigut aturnikkut qayangningillu Nunavunmiunut. Inulrammiit hingaiyartunullu arnat nalunairtauhimavlutik haffuminngat nalunairutit atuqhimmaaqhutik hivumuurutinahuarlugillu tibaakkuutigut nailinahuarlugit akihautainit. Tibaakkuutigut pittailinirnut, nutqarnahuarnikkut, hapumminahuarlugillu nailinahuarlugit qayangningit tamaat nalunairtauhimavlutik ihumagiyauttiqhimayangit aulattitinahuarlugit. Una Nunvut Tibaakkunut Nailinahuarnikkut Havvariyakhanut Aulattitinirnut uuktuqhimmaarnahuartut aulattitiyakhanut tukiliurtauhimayut uvani Kitkutuinnarnut Aanniaqtailinirnut Uukturautikhait tukimmuurnahuarlugillu parnautikhamut ikayuutikhait uukturautainit aktuumanahuarlugillu tahapkuat ayuqharpallaartut nailinahuarlugit ayuqhautainit hivunikhaliurnahuarlutik turaarvikhaininillu. Una qauyimattiaqhimayangit-uukturautikhait tukiliurtauhimayut uvani makpiraalingnit arvinilik malrurnit haffuminngat titiraqhimayut uvani pivalliadjutiginahuarlugit unalu ilaliutauyut parnarutikhait nalunaiqhiinahuarlugit tamaat inikhangit hamna aulattitiykhait uvani havaariyakhanut pilimmakhaiyut inikhangit. Nunalingnit Nipingit Tibbaakkuutigut ommunity Uvani Maasi 2010mi, ilagiyangit haffuminngat Kitkuinnarnut Aanniaqtailinirnut Uukturautikhait, hitamat aniktuqhimayumi unalu inuuhilirinirnut katimahimayut Nunavunmi. Munaqhiniit Katimayiralaat katimayiit, Nunalingnit Munaqhiyunut Piliriyiit, Inutuqqait, Inulrammiinillu nipliqhutik uuminnganut hivulliuyukhait aanniarnikkut inuuhittiarnikkut ihumaalutainit. Hamna hivulliuyakhait inikhangit nalunaiqhihimayangit tibaakkuutigut aturtitiniq. Ikayuutikhait tikkuartauhimayangit turaarhimayangit ukuninngat pinahuarlugit 8

11 2016 Hivunikhautikhavut: Uvagut hinnaktuumayugut hivunikhautikhaqqut tamaat Nunavunmiut qauyimayakhait, ikayuutikhait, inikhautikhangit piyumayamingnit ihumaliurlugit tibaakkunut aturuirlugit. Pinahuartavut Una Nunvut Tibaakkunut Nailinahuarnikkut Havvariyakhanut Aulattitinirnut ikayuqhimayut amihunit hivulliurnahuartangit tukiliutauyut uvani Tamapta: Atauttimut Hivunikhaliurahuartut turaaqhiivlutik inuuhittiartunit ilagiit nunaliurnahuartunut, akhuurnahuaqhutik inuuhittiarnahuarlugillu ukuninngat pittailinahuarlugit ikayurnahuaqhimalugillu tahapkuninngat ayuqharpairtunut nunalingnit. Amihuuyut malikhimanahuarlugit Inuinnait pinahuartavut maligautait tukiliuqhimayangit uvani Tamapta amiqhaihimayut uvani havaariyakhat hivunikhautikhait: Inuuqatigitsiarniq ihumagittiaqhimalugit aahiit, ilagiiktunut unalu pittiarnahuaqhimalugit inungnut. Pijitsirniq kivgartuiniq unalu ilaliutigihimalugit ilagiiktunut nunalingnillu. Pilimmaksarniq/Pijariuqsarniq pivallialugit ayuinningit uuminngat ihivgiuqhimayut, ilihautihimayut, uuktuqhimmaarniq pinahuarninillu. Qanuqtuurniq nutaannguqattanikkut unalu avatikhautikhaliurnikkut. angiklinahuarlugit ikayuutikhamut inuuhittiarnikkut ikayuriangani inungnut higaaruirnahuarlutik, hamnalu akhuurlugit qauyimayakhait ilitturiyakhait hamna ayuqhautingit aanniarutaanit higaaraangamik ukuninngat qunniarunmut turaarvikhanullu uvanilu iliharviit, turaaqhinahuarlugit maliktakhautikhanut ilaliutauyut haffuminngat tibbaakkut niuvirttitiyunut unalu higaartut hivuani ukkuarviup itirvianit uvani kitkutuinnarnut havaktunut. 17 Ilaliutihimayangit, uvani 2010 mi, una Nunavut Kavamangit Aanniaqtailinirnut Inuuhilirinikkut Pilirivvik parnauqatigiikhutik aahiit timiuyunut qauyihaittiarnahuarnikkut nunaqatigiikmiuttanit iluani pingahut Nunavut nunalingnit. 18 Hamna hivuniginahuartangit haffuminngat qauyihaiyunit kititirnahuarlugit nalunairtangit tibbaakkutigut aturtangit, uuminngalu qanuq ayuqhautiqaqhutik haffuminngat Nunavunmiut inungnut amihuuningit, ihumaliurlutik qanuq ipirainahuarlugit higaartunut qanuq ikayuqhimalaartavut higaaruinahuartunut qanurlu ihumagiyangit tibaakkuutigut aulattitiyut uukturautainit atuqhimayangit ahiit nunami Kaanatami. Qauyiharniq nalunaiqhiyut nalunaiqhiyut hapkuat nunalingnit takuhimayangit piyumayainnit tamainut kavamaliqinirnut ilihautikhait tibbaakkuutigut, qanurlu ikayurtaaqtut ipirainahuarlugit higaarnut, higaarnaittumik inikhautikhait, akhuurnahuarlugillu aulattitinirnut malikhimanngittangit niuvirtitinirnut tibbaakkunit nutaqqanut inulramiinullu. Ikayurtaulaaqhutik nunaqatigiikmiuttanit akittuqhimalugit akikhangit tibaakkuutigut. Ikayurtut Inutuqqait unalu aahiit Inuit timiuyunut nailinahuarlutik akhuurtauyut taaffuminngat. 19 Piliriqatigiinniq/Ikajuqtigiiniq havaqatigiikhimalugit atauttimuurniq. Hivunikhaliuttiarnikkut Hivunikhangit Uvani ilaliutigiyangit haffuminngat malikhautikhait pinahuartavut, una Nunvut Tibaakkunut Nailinahuarnikkut Havvariyakhanut Aulattitinirnut aulapkaihimayangit hivunikhautittiaqhimalugit hivunikhangit: Pittailiniq Akhuurnahuarlugit Nunavunmiunut tibbaakkunit atuqhimaittut higaan ngaquhuirlugit. Hapumminiq Hapumminahuarlugit Nunavunmiunut higaartunut naimannaiqhihimalugit. Ayuqhautiniq Ikpiginahuarlugit ilitquhiita avataani tibbaakkunut atuqhimayangit taimaa ihumaliuriangat higaartut naamagiyaunngittuq Nunavunmiut pitquhiita. Ipirainiq Ikayuqhimalugit akhuurnahuarlugillu Nunavunmiunut higaaruirumayunut. 9

12 Nunavunmi Tipaakkut Nailinahuartangit Havaariyakhautikhaq Aturtakhainit Inikhautikhait Aulattitinirnut Ipiraihimanahuarlugit nailipkainahuarlugit tibbaakkut aturhimayangit, amihuuyut inikhautikhangit aulattitinirnut nalunaiqtauhimayut. Hamna takunnartuq tukiliutilik haffuminngat ikayyutikhait Havaariyakhautikhanut. Tamaat inikhangit aulattitiyakhait tukiliutiqaqhunilu uvani naunairut ataani. Qauyiharniq, Amiqhainiq Ihivgiurnirnullu Angiklihimalugit Nunalingnit Qauyimayakhait Hivummuurlugit Inulrammiit Ilinniarviillu Angiklipkainahuarnirnut Nunalingnit Qauyihainiq Turaarnahuarnikkut niruartukhanit hakugikpiartut ingilrutikhait ikpiginahuarlutik inuuhilirinirnut ikayuutiginahuarnirnillu hivituyumik kavamaliqinirnut atuagait akhuuqhugit inungnut higaaruiqharnirnut. 20 Ukuninngat aulapkaihimayut turaarvikhait upalungaiyautikhait hivituyumik aturtittinirnut ingilrutikhait, ilaliutauvlutik inuuhittiarnikkut turaarvikhanut, aturtauhunnguyut ilihautinahuarlugit Nunavunmiunut haffuminnganut aanniaqtailinirnut aktuumayangit higaarnirnut unalu ilaliutaunahuarlugillu ikayurtaugiangani ikayurnahuarlugu inungnut higaaruirnahuarnikkut tibaakkunit. Hamna inungnut amihuuningit tamainnut inikhautikhait turaarnahuartut pinahuartut, kihimi hivumuurnahuarlutik tuhaumapkainahuarlutik pivallialutik kitkulli katimayunut ihumaaluktunut, ilaliutauyut inulrammiit, arnat hingaiyartut parnautingillu. Amiqhailugit Aallanngurtirlugit Taaksitigut Hakugikhiniq Hivullirtikhamik Hakugikhipkailugit Taimaarnahuarnikkut Huliyakhautikhait Hivumuurnahuarlugit Inulrammiit Iliharviillu Tamatkiunngittut avvainnaa Nunavutiup inungnut amihuuningit ukiulgit 24 nit avatiunngittumik, nukaqhiuvlutik inungnut amihuuningit Nunavunmiut iluani Kaanatami. Pilihaaqhimayut qauyihartut kiuhimayut taamna igalaap qanganngurtumi taimaa amihuuyut inulrammiit Nunavunmi aturtitivlutik tibaakkunit atuqhimayut uvani 8 nit 16 nut ukiulik, ilanganittauq atulihaarniqhutik uvani 2 nit 6 nut ukiuqaliqtumik. 21 Hamna ingilrayut kiuyauniaqhuni pivallianahuarlutik pilimmakhainahuarlutiklu inulrammiit tukiliutait tibbaakkuutigut iliharniq unalu higaartut nutqarnahuarlutik mamihautikhait turaartitauniaqhuni ukuninngat iliharviit nunalingnillu inulrammiit piliriakhait. Akhuurnahuarlugit Maliktakhautikhamut Maligautikhait Hakugikhipkainirnut Nutqarnahuarniq Huliyakhautit Amihuuyut Nunavunmiut ikayuqhimmaartauvlutik tibbaakkunut ipirainahuarniq, una Aanniaqtailinirnut Inuuhilirinikkut Pilirivvik huli havaqatihimmaarniaqhimayut ukuninngat Kavamatuqait unalu nunalingnit parnautingit uuminngat nutqarnahuarlutik higaaruirnikkut ikayuutikhait inikhaliurlutik ikayuutauniartangit ikayuqhimmaarlutik akhuurtamingnit. Hamna ilaliutauniaqhuni inikhaliurahuarlutik tamainnut munaqhilirinikkut amiqhaiyut qauyihaiyut nunalingnit ilaliutaugiangani hamna tibbaakkunut ipirarnahuarlutik nakuuyumik uukturautainit ubluq tamaat hulivakhutik. Hukahimalugu Maniliqinikkut Avatikhait unalu Havaktuliqinirnut Inikhautikhait Amiqhailutik unalu Ihuaqhilugit Taaksiutitigut Taaksiliqiniq hivituyumik ihumagiyauvaktangit nakuuyumik aulattitilaaqhutik uukturautainit atuqhimayangit haffuminngat kavamanit akhuuqhimayut inirniit higaayuktunut higaaruiquyauvakhutik ihumagilugillu inulrammiit higaarnahuartunit. 22 Haffuminngat Maniliqinikkut Pilirivvik hivuliqtiuvlutik, una Nunavut Kavamangit amiqhainahuartangit tibaakkut taaksiutikhait pinahuarianganit hapkuat nalaumayunut ihuaqhaigiangani havaktaugiami qangangurtumi. 10

13 2016 Akhuurnahuarlutik Maligautikhanut Maliktakhait Una maliktakhait haffuminngat tibbaakkunut maligautigialik avvautihimayut turaarutikhait haffuminngat aviktuqhimayumi unalu kavamatuqait kavamaita. Una Nunavut Kavamangit havaqatigiingniaqhutik ukuninngat Kavamatuqait parnautingit maligiangani uuminngat tibaakkut maliktakhagialik. Qauyihainit, Amiqhainiq unalu Ihivgiurniq Una Aanniaqtailinirnut Inuuhilirinikkut Pilirivvik amiqhainahuartangit qauyihainirnut ikayuutikhait ukuninngat ilaliutigilugit iliharvigyuat unalu ahiit timiuyunut tutqiqhittiarnartumik kangiqhittaariangani, ukuninnngat qauyiharnikkut amiqhaiyunillu, hamna tibaakkut aturnikkut Nunavunmi qanurlu ihuarpiaqtumik ikayuutikhainit aallanngurtirianganit. Una Pilirivvik ihuaqhainahuarlutik uuminngat ihivgiurnitigut haffuminngat tibaakkuutigut piliriakhait unalu mamihainirnut taimaa ilitturittiariami haffuminngat hulihimayavut uuminngalu ihuaryuummiriangani inikhautivut ukuninngat tibaakkunut ipirainahuarnikkut Nunavunmi. Hivunikhaliurnikkut unalu Hivumuurnahuarniq Hakugiktumik hivuliqtiunikkut piyukhautauyut tamainnut inikhaliurnahuarnikkut ilagiiklutiklu haffuminngat Nunavut Kavamangit, nunalingnit unalu Kavamatuqait unalu Inuit parnariiktunut. Tamaat ilauqatauyut inikhautiqaqhutik turaarnahuariangani turaartitiyukhamut tibaakkut aulattitiyukhanut uukturautainit tamainnut Nunavunmi. Una Nunvut Tibaakkunut Nailinahuarnikkut Havvariyakhanut Aulattitinirnu taamnalu kiugiaqaqhuni nalaumayumik maniktautikhainit unalu havaktuliqinirnut hivummuuruangani. Nalaumayumik ikayuuhiaqaqqat, hivituyumik aulattitinirnut kiugiaqaqhuni turaartitigiangani haffuminngat tibaakkut aturnikkut Nunavunmi. Hamna takunnartut nalunairutait tukiqaqhutik hamna aulattitiyakhait havaariyakhautit qaangirlugu tallimanik ukiunganit inirtirlugillu hivunikhautikhait haffuminngat tibaakkut pittailinahuartangit, hapumminahuartangit, akhuurtailinahuarniq, ipirainahuarniq unalu qayangnarniat nailipkainiq. Una hivunikhaat havaarinahuartangit hivummuuriangani qauyimapkainahuarlugit hapkuat hivunikhaliurahuarnikkut pivalliayukhautauyut haffuminngat Nunvut Tibaakkunut Nailinahuarnikkut Havvariyakhanut Aulattitinirnut Pilimmakhainirnut Upalungairutikhaq. 11

14 q Inikhangit Aulattitiyakhanut NunavutTibaakkunut Nailinahuarnikkut Havaariyakhanut Haffuminngat Aulattitinirnut q Hivulliuyakhait Aulattitinirnut q Hivummuurlugit Naalaktunut q Uukturautikhait Turaaqhimayangit Amihuurlugit Nunalingnit Qauyimayakhait Tiliurlugit pilimmakhailugillu amigaittunit turaarvikhait akihautilik naamagiyangit tibaakkuut atuqhimayut Nunavunmi. Ikayuqhimalugit nunalingnit-aanniaqtailinirnut ikayuqhimayut uukturautikhait. Inulrammiit Arnat hingaiyartut parnautigiingnillu Angayuqqaat Inutuqqainlu Katimaqattartunut atuqattartangit tibaakkut Nunalingnit Aanniaqtailinirnut Katimayiralaat Akhuurnahuarlugu tuhaumayakhait tamainnut hivumuurtangit naalaktunut ingattaqhimayunut ilaliutauyut tibaakkuutigut unalu ikayuutauyut haffuminngat higaaruirtunut inuuhittiarnikkut. Hivummuurlugit Inulrammiit unalu Iliharviit Ilaliutilugit ukuninngat Ilinniartuliqiyiit, pivallialugit tibaakkunut ilihautikhait avatikhait atuqattariangani ilinniarvingmi. Parnauqatigiiklugit amirilugillu inulrammiit hivullirtiuyut ukuninngat tibaakkuutigut aturtittinirnut nailinahuarnikkut. Ilaliutilugit ilauqatauyunit ilihautikhait hivunikhangit haffuminngat tibaakkunut ilinniarvingni. Ilagiikhimayunut ukuninngat Ilinniartuliqinirnut, havaqatigiikhimalugit akhuurnahuarlugillu imaa ilinniarviit nunangit Nunavunmi higaartailinahuaqhimalugit. Nutaqqat Ilihaiyit unalu ilinniarvit nunalingnit Inulrammiit iluani hilataanilu ilinniarvingnit Ulapqinirnut Hulilukkaarnikkut aulapkaiyit unalu inulrammiit hivulliqtiuyut Angiklipkainahuarlugit amihuuyut ilinniarvit atuqattartangit tibaakkunit ilihautikhait avatikhait iliharvingnit. Angiklipkainahuarlugit amihuuyunit inulrammiit ilauqatauvaktut uvani tibaakkutigut hivulliqtiunikkut ilihautikhainit unalu ilauqataunikkut ilihautikhainit hivunikhangit. Hakugikhipkailugit Ipirainahuarnikkut Hulidjutikhait Ilaliutilugit ilihautinirnut uuminngat aanniaqtailinirnut amiqhaiyut ikayuqhimayut ikayurnahuarlugit tibaakkuutigut ipirainahuarlutik uvani nunalingnit ukturautainit. Angiklipkainahuarlugit nunalingnit tuhaumayakhait haffuminngat tibaakkunut ipirainahuarnikkut ikayuqhimalugit. Akhuurnahuarlugit nutqaranhuarnikkut piliriakhainit. Ihuaqhinahuarlugit ikayuutikhait ukuninngat tibaakkut ilaliutait himmautihimalugit mamiharnikkut iluani Nunavut nunalingnit. Munaqhiyut amiqhaiyut ikayuutikhait Nunalingnit Aanniaqtailinirnut Katimayiralaat Kitkutuinnarnut tamainnut, ihumagilugit tahapkuat atuqattartangit tibaakkutigut Angiklihimayangit amigaittut haffuminngat munaqhiyunut amiqhaiyut ikayuqhimayut ilihautiyaulaartut uvani tibaakkut nutqarnikkut nakuuyumik uukturautikhainit. Angiklihimayangit amihunut Nunavunmiunut ilauqatauhimayut ipirainahuartangit higaarnut piliriakhainit. Angiklihimayangit amihuuyut Nunavunmiunut tuniyauhimayut tibaakkut ilaliutainit himmautikhait mamiharniq uuminngat munaqhiyunut amiqhaiyunut qauyihartit Nunavunmi. Amiqhailugit unalu Ihuaqhiyuummirlugit Taaksiliqiyiuniq Ukuninngat Maniliqinikkut Pilirivvik hivulliqtiulutik, nalaumayumik kiugiaqaqhutik taaksiliqinikkut uukturautainit tibaakkuutigut maniliurtunut. Amiqhainahuarlugit akhuuqhimayut haffuminngat taaksiliqinikkut uukturautait niuvirtitiyut Nunavunmi, aahiitauq uvani inikhamingnit, pidjarikhinahuarlugit akhuurlutik nalaumayumik ihumaliurtakhait. Katimaqattartut higaaqattartunut Ihuaqhiyaunnirumi haffuminngat taaksiliqinikkut uukturautait, hapkuat aktuumayangit niuvirtitinirnut ihuaqhiyauniaqhutik. Akhuurlugit Maliktakhagialik Maligautikhait Inikhaliurahuarlugit uvani kitkutuinnarnut munaqhiyunut havaktunut akhuurnahuarlugit atuqhimatangit tibaakkunut maligautainit unalu maliguarutingit. Ilihautilugit akhuurnahuarlugillu ilagiikhimayunut ukuninngat kavamatuqait aviktuqhimayumilu tibaakkut maligautainit uvani niuvirtitiyunut ukturautainit. Ilauqatauyunut ukuninngat Havaktunut Ikayuutikhait unalu Attarnartuliqiyiit Katudjiqatigiit, ilihautilugit havaktuliqiyiit haffuminngat higaartunut maligautainit havaamingnit. Ihivgiurlugit maligautait hakugikhipkainahuarlugit higaartailinahuarnikkut atuagait iluani Nunavut Kavamaita havakvianit. Ilinniarviit unalu inikhalingnit nutaralingnit Havakvianit Niuvirvingnit ilaliutait Haavlatikkut unalu Nunaqatigiikmiunit Kavamaqutait Nunalingnit Munaqhiyunut Kayimayiralaat Angiklipkainahuarlugit amihuuyut haffuminngat kitkutuinnarnut munaqhiyunut ilitariyauyut akhuurtamingnit tibaakkut maliguarutainit. Angiklipkainahuarlugit amihuuyut titiraqhimayut naunaitkutaanit uvani niuvirtitiyunut havakvianinilu haffuminngat tibaakkunut maliguarutainit. Angiklipkainahuarlugit amihuuyut qauyihaiqattartunut haffuminngat tibaakkunut niuvirtitiyunut. 12 Qauyiharniq, Amiqhainiq unalu Ihivgiuqhiniq Qauyihainahuarlutik amiqhaiqattarlutiktauq inikhautikhait, ilaliutauvlutik pivallianahuarlutik ingilrutikhait nalunairutikhaat kititiqhimayunit uuminngat higaartunut ilitquhiutainit unalu qaffinit higaaqattartut uukturautainit. Ihivgiurlugit ilaliutainit haffuminngat Nunavut Tibaakkunut Nailinahuartamingnit Havaariyakhamut haffuminngat Aulattitinirnut. Inulrammiit Arnat hingaiyartut parnautigiingnillu Nunalingnit Angiklipkainahuarlugit amihuuyut haffuminngat Nunavunmiunut-ihumagiyangit tibaakkut qauyihaqtunut uukturautainit. Pivallialuni tunngavikhangit nalunairutikhait kititiqhimayut ingilrutikhait amiqhaiyunit ihuaqutikhait. Pivallialuni atuqattariangani ihivgiurnikkut haffuminngat tibaakkut nailinahuartangit havaariyakhangit uvani 2013 mi kingullikhaat ihivgiuqhinirnut uvani 2016 mi.

15 2016 Kinguagut naunaitkutat 1 Aanniaqtailinirnut Inuuhilirinikkut Pilirivvik (ubluqanngittuq). Nunavut Unipkaarutingit Adjiliuqhimayangit haffuminngat Aanniaqtailinikkut Naunairutaa. Iqaluit: Nunavut Kavamangit. 2 Qauyihaiyainiq Kaanata (2008). Nunqaqaaqhimayunut Inungnut Qauyihaqtunut, 2006: Tukiliutaa 5-5 Higaartunut naunairutaata, Inuit inirniit ukiulingnit 15 qaangiqhugulu uvanilu arnaugumi/ angutaugumi ukiunganitlu, Nunavut, Nalunaiqtauyut qaritauyatigut Juun 24, 2010 hamanngat pub/ x/ /tab/tab5-5-eng.htm Environics Qauyihainiq Katimayut Kiglinganit (2004, Aippumi) tunngaviata qauyihaqtut uuminngat Hivulliuyut Nunaqaqaaqhimayut (Nunaminiittut) Inuinnaillu. Environics Qauyihainiq Katimayut Kiglinganit. Nalunaiqtauyut qaritauyatigut Juun 24, 2010 hamanngat shs_label-eng.php 3 Aanniaqtailinirnut Inuuhilirinikkut Pilirivvik (ubluqanngittuq).una Anaana Havaarihimayangit: Inuit Hingaiyarnikkut Qauyihaqtunut, Qikiqtani Aviktquhimayumi, Nunavut, Iqaluit: Nunavut Kavamangit. 4 Hilaryuap Aanniaqtailinirnut Katudjiqatigiingit. (). Tibaakkuutigut Nalunaiqtauhimayangit Titiraq 339. Nalunaiqtauyut qaritauyatigut Julai 25, hamanngat mediacentre/factsheets/fs339/en/index.html 5 Kavamangit Saskatchewan. (2007). Aanniarnikkut aktuumayangit haffuminngat tibaakkunut. Nalunaiqtauyut qaritauyatigut Julai 25, hamanngat 6 Kitkutuinnarnut Aanniaqtailinirnut Ikayurtut Kaanatami. (2010). Tiibiitigut unalu tibaakkunut higaartunut. Nalunaiqtauyut qaritauyatigut Julai 25, hamanngat tbpc-latb/fa-fi/tbtobacco-tabag-eng.php Aaniaqtailinirnut Kaanata. (2007). Aanniarutitigut ihumaalutainit: tibaakkut Apiriyauvaktangit naunairutaanlu. Nalunaiqtauyut qaritauyatigut Julai 25, hamanngat hc-ps/tobac-tabac/second/fact-fait/index-eng.php 7 Healey, S., Plaza, D., & Osborne, G. (2003, Nuvaippa). Qulinit ukiunganit naunairtauyut haffuminngat Kiansunut Nunavunmi ( ). Iqaluit: Nunavut Kavamangit. 8 Aanniaqtailinirnut Inuuhilirinikkut Pilirivvik (ubluqanngittuq). Nunavut Unipkaarutingit Adjiliuqhimayangit haffuminngat Aanniaqtailinikkut Naunairutaa. Iqaluit: Nunavut Kavamangit. 9 Dewailly, E., Blanchet, C., Lemieux, S., Sauve, L., Gingras, S., Ayotte, P. (2001). n_3 Puvallarnikkut aasiit unalu puvangnikkut aanniarutit qayangnarutat uuminngat Inuit Nunavikmi. Amialikan Titiraqhimayangit Qauyihartunut Niqinnartuutigut, 74: Hilaryuap Aanniaqtailinirnut Katudjiqatigiingit (2008). TiiBiit Higaartunullu. Nalunaiqtauyut qaritauyatigut Saptaipa 12, 2010 hamanngat Section2106_10682.htm 11 Kaniitian Iliharvigyuangat haffuminngat Aanniaqtailinirnut Nalunairutaata (2009). Qilanaartut, mikivallaartut: Nalunairutaata haffuminngat mikiyunnuit inuhaanuit tamainnut Kaanatami. Nalunaiqtauyut qaritauyatigut Aktuupa 4, 2010 hamanngat Nalunaiyaiyut Kaanata (2008). Aanniarnikkut-uqitpiartut inuhaanuit uqumairutaata. Inuuhimayut anihaanuit, uqumaidjutaata anihaanuit (avatiunngittumi 2,500 kuraatigut) unalu angutaugumi arnaugumiluniit. Kaanata, nunaqatigiikmiuttait aviktuqhimayumilu, ukiungani (CANSIM Table ) Nalunaiqtauyut qaritauyatigut Aktuupa 4, 2010 hamanngat 12 Mehaffey, K., Higginson, A., Cowan, J., Osborne, G., Arbour, L. (2010). Amaamait higaartut hingaiyalihaartumi nalunairtauhimayangit qayangnarutaata hingaiyartunut naunaitkutaat uvani Qikiqtaaluk (Qikiqtaaluk) Aviktuqhimayumi. Nunaqatigiikmiuttami unalu Avaliqanngittumi Aanniarnikkut, 10: Nalunaiyaiyut Kaanata. (2008). Nunaqaqaaqhimayunit inuit qauyihainiq 2006: Inuit aanniarningit unalu inuuhiutingit ilitquhingit. Nalunaiqtauyut qaritauyatigut Julai 25, hamanngat 14 Banerji, A., Bell, A., Mills, E.L., et. Al. (2001). Naittumik aniqhaarnigut aanniarutingit Inuit inuhaanuanut Qikiqtaalungmi. Kaniitian Munaqhiliqinikkut Katudjiqatigiit Titiqqaitigut, 164: Young, M., Kandola, K., Mitchell, R., & Lemon, A. (2007). Aanniarvingnit aanniarvialiqhimayunut uukturautait haffuminngat naittumik aniqhaarnigut aanniarutingit Nunatsiarmi unalu Qitirmiut aviktuqhimayumi haffuminngat Nunavunmi uvani 2000mi 2004milu. Paediatric Nutaqqanut Aanniarnikkut, 12(7): Egeland G.M. (2010) Inuit Aanniartailinikkut Qauyihartut (Nunavut Nalunairutaata). Montreal: Katimavik haffuminngat Nunaqaqaaqhimayunut Inungnut Niqaitigut unalu Avatainillu, McGill Iliharvigyuangat. 13

16 Nunavunmi Tipaakkut Nailinahuartangit Havaariyakhautikhaq Aturtakhainit 16 Kovesi, T., Gilbert, N.L., Stocco, C., et al. (2007). Iluani anirnium aturtakhangit unalu qayangnaqutaat naittumik puvalingnit ayuqhautingit uvani inuhaat Kaaniitian Inuit nutaqqanut. Kaniitian Munaqhiliqinikkut Katudjiqatigiit Titiqqaitigut, 177(2): Creery, D., Iyer, P., Samson, L., et al. (2005). Akikhait ilaliutauyut ukuninngat inuhaannuit puvagliurtunut uvani Qikiqtaalungmi Nunavunmi. Hilaryuami Titiraqhimayut Ukiuqtaqtumiuttait Aanniarnikkut 64(1): Banerji, A., Bell, A., Mills, E.L., et al. (2001). Naittumik aniqhaarnigut aanniarutingit Inuit inuhaanuanut Qikiqtaalungmi. Kaniitian Munaqhiliqinikkut Katudjiqatigiit Titiqqaitigut 164: Hopekins, D.P., Briss, P. A., Ricard, C.J., Husten, C.G., Carande- Kulis, V.G., Fielding, J.E., et al. (2001). Ihivgiurtangit haffuminngat naunairutaata mamihainirnut nailinahuarlugit tibaakkunut aturtangit unalu aktuumayangit avataanit tibaakkunit higaartunut. Amialikait Titiraqhimayut hapumminahuarnikkut Havautinit, 20(2S), Chaloupka, F.J., & Cummings, K.M., Moreley, C.P. & Horan, J.K. (2002). Taaksit, akikhangit unalu higaaq higaartunut: Qauyihaqtangit haffuminngat tibaakkut titirarutaat unalu turaarnahuarnikkut tibaakkuutigut kampaniit maniliurahuarnikkut uukturautait. Tibaakkut Aulattitinirnut. 11(Suppl. 1) I62-I Aaniaqtailinirnut Inuuhilirinikkut Ikayuuhiat Pilirivvik (2010). Nunalingnit Nipingit: Unipkaangut haffuminngat aviktuqhimayumi nunalingnit aaniaqtailinirnut unalu inuuhilirinikkut katimayut. Iqaluit: Nunavut Kavamangit. 18 Costello, M.J., Garcia, J.M., McDonald, P.W., Doucette, M., Ingebrigtson, L., Koonoo, T., Kronstal, A., Korgak, A., Greeley,G., Charron, M., Osborne, G., Sobol, I. (, May). Higaartut: Aallanngurttirttaaqqa?/Supuutuqniq asitjirunnaqpaa? Qauyihainiq titiraq. Waterloo, ON: Waterloo Iliharvigyuangat. 19 Costello, M.J., Garcia, J.M., McDonald, P.W., Doucette, M., Ingebrigtson, L., Koonoo, T., Kronstal, A., Korgak, A., Greeley,G., Charron, M., Osborne, G., Sobol, I. (, May). Higaartut: Aallanngurttirttaaqqa?/Supuutuqniq asitjirunnaqpaa? Qauyihainiq titiraq. Waterloo, ON: Waterloo Iliharvigyuangat. 20 Wallack, L. (2000). Una inikhautikhangit haffuminngat hivituyumik tuhaumapkainiq pilihaarnahuarlugit inuuhittiarnikkut nalunairutikhait:nutaamik hivunikhautikhait kitkutuinnarnut aanniaqtailinirnut. In Smedley, B.D., Syme, S.L. (Eds.), Pinahuarlugit Aanniaqtailinirnut: Mamiharniq Uuktautikhait haffuminngat Inuuhittiarnikkut Ihumagiyangit Qauyihainiq. Washington, DC: National Academy Press. 21 Costello, M.J., Garcia, J.M., McDonald, P.W., Doucette, M., Ingebrigtson, L., Koonoo, T., Kronstal, A., Korgak, A., Greeley,G., Charron, M., Osborne, G., Sobol, I. (, May). Higaartut: Aallanngurttirttaaqqa?/Supuutuqniq asitjirunnaqpaa? Qauyihainiq titiraq. Waterloo, ON: Waterloo Iliharvigyuangat. 14