Maligatsangit OttugausiKagiamut.

Transkriptio

1 MALITTAUGIALET SAKkITITSIGIAMUT MALITTAUGIALINNIK AMMA PIUSIGIGIALINGINNIK ILALIUTIGUMAJUNIK kamajiullutik katimajinut. IMAIMMAT AngajukKâp Tullia Nunatsiavut kavamangani Kinisimajuk UKaudjigiagutinginnik Itsivautalingit Ilaliutigumajunik kamajiullutik katimajinnit pillugit Malittaugialet amma Piusigigialingit Ilaliutigumajunik kamajiullutik katimajinnut ilijaumalluni Nalunaikkutalimmut A; Nunatsiavut AngajukKaunet katimajingit pillutik UKaudjigianinganut AngajukKâp Tullia Nunatsiavut kavamangani nakutsajut ilisigiamut malittunik malijaugialinnik: Pitsatunik 1. Tamakkua maligatsait âkkitaumajut atâgut allaliup (g) allasimajumi 44 iluani Ikajuttaugutilet Ilaliutigiamut PikKujangani. Naittuk Taigusik 2. Tamakkua maligatsait amma Ilaliutigumajunik kamajiullutik katimajet Maligatsangit amma Piusigigialingit ilijaujut Nalunaikkutaimmut A taijaugunnatut Ilaliutigumajunik kamajiullutik Maligatsangit OttugausiKagiamut. Ilaliutigumajunik kamajiullutik katimajet Maligatsangit Ottugagiamut 3. Malittaugialet Ottugagiamut amma Piusigigialingit Ilaliutigumajunik kamajiullutik katimajet ilijaujut Nalunaikkutalimmut A sakkititaujut ottugausitsaulutik Piusitsangillu Ilaliutigumajunik kamajiullutik katimajet.

2 NALUNAIKKUTALIK A ILALIUTIGUMAJUNIK kamajiullutik katimajet MALIGATSANGIT AMMA PIUSIGIGIALINGIT Ilumiutangit 1. Tukingit UKausittangillu 2. Ilagiagutet Maligatsait 3. Maligatsait ilingagialet Kinugautilinnut ubvalu Ikajuttaugutilinnut 4. kamagigialingit Kinugautiliup ubvalu Ikajuttaugutiliup pitakatitsigiamik Kaujimajaugialinnik 5. Tusâttaunet AjunnagiaKangitut 6. Tusânnet pigiasigunnatut kamagillugit allasimajut Kaujititsiutet 7. Kaujititsiutet allataugialet AtiKapvimut 8. SiammatitaugiaKanginingit Kaujititsiutet 9. katimajet isumatsasiugutikagiallagunnatut Kaujititsiutigiallanik 10. Tusânnet tusâjaugiakangitut 11. UKattiKannik 12. kinatuinnak ukâlagunnaninga 13. Ununningit nâmmagialet tusâgiamut Kinugautilimmik 14. Sunamik kajusiutjinik 15. kajusiutjilagigani kajusiutjinik 16. Pivitsait tusâjaugiamik kajusiutjilakijukagani kajusiutjijukappat 17. Pijagepvisait 18. Kaningiligiattauningit Tusânnisait 19. kamajillagik tunisigiakanninga Kaujititsiutinik Nunatsiavut kavamanganut 20. Nunatsiavut kavamanga kamakataugunnaninga 21. Ullusaliunnik UKausikkut Tusânnimik 22. Allasimajut Kaujititsiutet UKausitigut TusâjuKanningani 23. Tusânnik UKausitigut Fonnikut katimannimi 24. UKausitigut Tusânnik TakunnâKatigellutik 25. Itsivautalik Pikatattailititsigialik 26. Ullusangit katimajet kajusittisigiakanningit 27. Akitsait ukausitigut Tusâgiamik Tukingit UKausittangillu 1. (1) Ilaliutigumajunik kamajiullutik katimajet Maligatsangit Ottugagiamik: PikKujak tukikajuk Ikajuttaugutilet Ilaliutigiamut PikKujanga Kangauligaippat âkkigiattausongulluni;

3 AngiKatigegutik tukikajuk Labrador Inuit Nunamik Satusaisimannimut AngiKatigegutinga; Kinugautilik taisijuk kinatuinnamik Kinugautilimmik ilaliutigiamut AtiKapvimut atâgut allasimajop 7(1) PikKujammi amma ilautitsiluni; (i) (ii) angajukkâgijaujumik paitsijimmilonnet Kinugautilimmik tainna Kinugautilik imminik pigunnasiangipat; amma kiggatuttik Kinugautilimmik ubvalu angajukkâgijaujumik ubvalu paitsijimmik Kinugautilimmik imminik pigunnasiangitumik. Ikajuttaugutilik taisijuk kinatuinnamik ilaliutijumik AtiKapvimut amma ilautitsiluni: (i) angajukkâgijaujumik paitsijimillu Ikajuttaugutilimmik tainna Ikajuttaugutilik imminik pigunnasiangiat ;amma (ii) kiggatuttik Ikajuttaugutilimmik ubvalu angajukkâgijaujumut ubvalu paitsijimmut Ikajuttaugutilimmik imminik pigunnasiangitumik; Itsivautalik tukikajuk Itsivautalinga katimajet; katimajet tukikajuk Ilaliutigumajunik kamajiullutik katimajet; tusânnik tukikajuk katimajet pigiasinninginnik ilingajumik kinatuinnaup pivitsanganik ilaliutigiamut AtiKapvimut (a) (b) Kinugautiliup Tatattugangit asingillu allasimajut pitâgijaumalippata amma isumatsasiugutaumalippata, ubvalu ukausitigut Kaujititsiutet, nalunaigutet, ubvalu tunijaumajut tusâttaupata takunnâkatigennikut ubvalu fonnitigut katimakatigennikut ; tusânnimik kamajik tukikajuk Aulatsijinga Maligatsaligijet Nunatsiavut kavamangani ubvalu kinatuinnak tilijaumajuk allasimaningagut Aulatsijik Maligatsaligijinni tusânnimik kamajutsauluni; Ilaliutijuk tukikajuk ilaliutijuk katimajinnut amma ilautitsiluni itsivautalinganik; KinugautiKaget tukilik Kinugautilik, Ikajuttaugutilik amma, Nunatsiavut kavamanga Kaujititsisimappat ilaunianniminik tusânnimut, Nunatsiavut kavamanga amma kiggatuttingit; Maligatsait tukikajuk tâkkua Ilaliutigumajunik kamajiullutik katimajet Maligatsangit Ottugagiamut; amma Ilagiagutet Maligatsait tukikajuk maligatsait âkkitaumajut katimajinnut atâgut allasimajop 2(1) Maligatsani; (2) Maligatsani angilitisimajuni ukausiungituni allasimajumi (1) tukilet iluanitut PikKujaup ubvalu AngiKatigegutiup; (3) Maligatsait pigiakappata ubvalu pigunnautikkut allasimagiakallutik Kagitaujatigut âkkitaugajattut.

4 Ilagiagutet Maligatsait 2. (1) katimajet pigunnatut ilagiatsigiamik Maligatsanik tigusillutik maligatsanik kamagijausimangitunik iluani maligatsait. (2) Itsivautalik pitakatitsigialik Ilagiagutinnik Maligatsanik kamajillagimmik; (3) Ilagiagutet Maligatsait malitsiagialet Maligatsanik, PikKujannik amma AngiKatigegutimmik. Maligatsait tunijaugialet Kinugautilimmut ubvalu Ikajuttaugutilimmut 3. Itsivautalik pitakatitsigialik Malittaugialinnik amma katimajet Ilagiagutinginnik Maligatsanik, pitakappat, Kinugautilimmut ubvalu Ikajuttaugutilimmut pigumajumik adjiliuttaumajumik. kamagigialingit Kinugautiliup ubvalu Ikajuttaugutiliup PitaKatitsigiamik Kaujimajaugialinnik 4. Kinugautilik ubvalu Ikajuttaugutilik kamagiakajok taikkua katimajet pitakagaluammangâta ilonnainik Kaujimajaugialinnik killigiudjijukagiakalippat angutik annalonnet ilaliutigunnamangât AtiKapvimut amma pitakatitsilutik ilonnainik Kaujimajaugialinnik katimajinnut angutimit annamillonet. Tusânnet AjunnagiaKangitut 5. katimajet piusigigialingit amma tusânningit ajunnagiakangitut. Tusânnet pigiasigunnatut kamagillugit allasimajut Kaujititsiutet 6. (1) kisiani ukausiigut tusâjaunnik atugiakappat atâgut AngiKatigegutup, tusânnet pigiasigialet kamagillugu Kinugautet Tatattuganga amma Kaujititsiutet, nalunaigutet amma tunijaumajut katimajinut allasimatillugit. (2) Allasimajut Kaujititsiutet amma nalunaigutet ikajutsitaungikaluppata allasimajukkut ubvalu sulijumik nalunaitsigutikkut kisiani pikkujauguni allasimajutigut (3). (3) pikkujaugutik katimajinnut kinakkut ikajutsigialet allasimajumik nalunaigutinnik ubvalu sulijumik nalunaitsigutikkut. (4) Kaujititsiutet ubvalu nalunaitsigutet tunijauppata âllakutiutillugit tainna allakutik pimmagiungikaluappat ubvalu nalunaigutikalluni tâvatuak Itsivautalik pikkujigunnakuk sulinininganik allaktik nalunaikkutakalluni ubvalu sakkititausimalluni. (5) Kaujititsiutet tunijauppata allasimajukkut ubvalu sulijottitaujukkut, kinakkut tunitsisimajut Kaujititsiutinik pigialet, pikkujaugutik, atuinnakatitsilutik ukâlagunnatumik kiugiamut apitsotinginnik katimajet asinginilonnet pillugit allasimajuit ubvalu sulinnigâjut. Kaujititsiutet allataugialet AtiKapvimut 7. Sunait allalitjusiat, Kaujititsiutet, allataumajut, sulinnigâjut tunijaumajut ubvalu allataumajut ilingajut tusâjaugumannimut, ilautillugu allalitjusiak kinakkunit katimajinnut ubvalu Itsivautalimmut, allataugialik AtiKapvimi kamagijaujutsualuni katimajinnut ubvalu Itisvautalimmut.

5 SiammatitaugiaKanginingit Kaujititsiutet 8.(1) Allasimajut Kaujititsiutet pitâgijaumajut ubvalu tikititaumajut kamajillagimmut ubvalu katimajinnut ilingajut Kinugautinut ubvalu pivitsakannet Kimmigutaunitsanginnut tigumiattaulâttut kinaup Kinugautinga Ikajuttaugutiliup AtiKapvimi. (2) Kinugautet, ilagiagutet Kaujititsiutet ikajutsijut Kinugautinik asingillu Kaujititsiutigiallat pitâgijaumajut tigumiattaulutillu kamajillagimmut ilingajut ilaliutigunnaninganut Kinugautilik Ikajuttaugutilinnelonnet ilijaugiamut AtiKapvimut siammatitaugiakangitut amma pigiakagani, angikkâtinnagu Kinugautilik ubvalu Ikajuttaugutilik, ammatitaugiakangituk asinginnut: (a) Ilaliutijut katimajinnut amma kinakkunut suliakattitaujunut Nunatsiavut kavamanganut ukaudjigiagigialet ubvalu angajukkaunikkut ikajullutik katimajinnik; (b) ilagengukatigejunnut; (c) Inuit Ilaliutijunik Nâmmasingiliipat kamajet AngajukKauKatigengit ilingajunut nâmmasingiutaujunut; ubvalu (d) Malillutik pikkujanik ubvalu idluatsaivitigut tilitjigutinnik. katimajet isumatsasiugutikagunnatut ilagiagutinnik Kaujititsiutinik 9 (1) katimajet Kaujititsiutinik Kaujimatitsigajattut atautsimut ununnisanullonet Ilaliutijunut. (2) katimajet pigunnatut, isumatsasiugutikaligutik pigiakagutik killigiudjigiamut kina ilaliutigunnamangât, namminik Kaujisagunnatut asinginnit ilagijaujunit ubvalu ilaget takunnâtugijanganik naluanitsigiamut ubvalu nalunaitsigasuallutik asinginnik Kaujititsiutinik tunijaumajunik katimajinut ikajutsigasuajunik Kinugautinik, ubvalu sunamik kajusiutjijukagiakappat; (a) Apitsotinik ilingajunik Inuit ilikkusinginnut piusitukanginullu; (b) Tainna Kinugautilik ubvalu Ikajuttaugutilik ubvalu ilangat ilatsajangita Inullagiuppat; ubvalu (c) Tainna Kinugautilik ubvalu Ikajuttaugutilik ilingamangât Labrador Inuit Satusasimajangata Iluanut ubvalu Nunagijaujumut. (3) katimajet isumatsasiugutikappata Kaujititsiutinik Kaujimajaujunik katimajinnut ubvalu katimajiukataujumut ubvalu pitâgijaumajumut namminik Kaujisannimi sakkititsigajattuk kajusititsinimmik tainna kinatuinnak pivitsakangininganik ilijaugiamut AtiKapvimut, Kaujimatitsigialet Kinugautilimmik ubvalu Ikajuttaugutilimmik, taikkua Kaujititsiutet atugialingit, amma ikajotiugunnatut Kaujimajaugialinnik, amma aittuilutik Kinugautilimmik ubvalu Ikajuttaugutilimmik pivitsakatillugik kiugiamut amma Kujanâtitsigiamik Kaujititsiutinik. Tusânnet matutsimagialet 10. (1) Tusannet ammagiakangitut nunalinnut. (2) Kujanâtuinnalunnagu allasimajuk (1) ilaliutijuk nunalinnut ilaugunnatuk ukausitigut tusânniujumut taikkua Kaujititsiutet, nalnaitsigutet, ubvalu tunijaumajut ukausitigut ilagijaujut apigippata Itsivautalimmik allasimallutik KaikKujigiamik ilaujumik nunalinnut sivunagni 72 sitontet sivungani katimanitsaup amma Itsivautalik angiutikappat Kinugautiujumik.

6 InukitotitsijiKagiaKannik 11. katimajet atuinnautitsigialet Kallunâtitut/Inuktitut ukattikasongugiamut ukausitigut tusâjukalippat KinujuKasimappat ilagijaujunut allasimatillugu 14-nani ulluni sivungani tusâgasuanniup. kinakkut kiggatuttiugunnatut 12. (1) Kinugautilik ubvalu Ikajuttaugutilik pigunnatuk kiggatuttauluni kiggatuttimut ubvalu ikkatuijimut. (2) Kinugautilik ubvalu Ikajuttaugutilik kiggatuttaupat kiggatuttimut ubvalu ikkatuijimut tainna Kinugautilik ubvalu Ikajuttaugutilik pivitsakagiakangituk ukâlagiamik, ukagiamut AngajukKauKatigennut ubvalu ukâlattitaugiamik kisiani takunnâsimajoguni. Ununningit nâmmagialet tusâsonmgugiamut 13. Ununningit katimajiujut nâmmagialet ununnigijangit tusânniujumi. kajusiutjinik 14. (1) Ilonnatik katimejt kajusiutijangit âkkitaumajut ubvalu malittut tusânnimik âkkisuttaugialet Kaujigatsaugatik. (2) katimajet pigunnatut tuavigatik isumatsasiugutikagiamut kajusiutjaugialinnik pillugu ilaliutigunnaninga kinatuinnak atikapvimut. (3) kajusiutijangit katimajet kajusiutjaugialet ununninginnut tâvatuak isumagijaujuk Itsivautalimmut kajusiutjauniakkongippat ununinginnut katimajinnut ilaujunut tusânniujumut. (4) angnigusutukappat kajusiutjaugialimmik ilonnatik katimajet atausiallutik angnigusugunnatut. (5) adjigettumik angnigusuttukappat Itsivautalik kingulliagut angnigusugunnatut, kajusiutjaugutiuniattumik. (6) ikinnasanut ubvalu adjigettumik kajusiutjijukagikangilak. kajusiutjigatik kajusiutjinik 15. katimajet kajusiutjikâttinagit tainna Kinugautilik Ikajuttaugutilillonet pivitsakangininganik ilaliutigiamut AtiKapvimi kajusiutjilagikkâgatik kajusiutjigialet tainna Kinugautilik ubvalu Ikajuttaugutilik pivitsakangininganik ilaliutigiamut. Kaujititsiutet pivitsaujunik tusâttaugialinnik malilluni kajusiutjikâgatik kajusiutjinimmik 16. katimajet kajusiutjipata Kinugautilik ubvalu Ikajuttaugutilik pivitsakangininganik ilaliutigiamut AtiKapvimut katimajet aittuigialet Kinugautilimmik Ikajuttaugutilimmilonet allasimajumik Kaujititsiutimik pivitsakanninginnik ukausitigut ubvalu allasimajutigut tusattaugiamik katimajinnut killigiudjigasualluni sumat ilaliutijutsaumangâmmik AtiKpavimut. Pijagepvisait 17. Kinugautilik ubvalu Ikajuttaugutilik 30-ni ulluni ullunganit ulluliutaumajop angutiup annaulonnet pitâsimanninganut Kaujititsiutimik taijaujumik Mlaigatsami 16 pigunnaluni: (a) tunitsiluni allasimalluni Kaujititsiluni katimajinnut; ubvalu

7 (b) aittuiluni katimajinnik allasimajumik Kaujititsiutimik angutik annalonnet ukausitigut ukâlagumannimik. Kaningiligiattaugunnaninga pijagepvisak 18. (1) Kinugautilik ubvalu Ikajuttaugutilik pigunnatuk apigilluni Kaningiligiattaugunnamangât pijagepvisak taijaujuk Maligatsami 17 allaluni Kinugautimmik Itsivautalimmut. (2) katimajet Itsaivautalillonet Knaingiligiatitsigunnatut pijagepvisammik taijaujumik maligatsami 17. kamajillagik aittuigialik Kaujititsiutimik Nunatsiavut kavamanganut 19. Kinugautilik ubvalu Ikajuttaugutilik aittuipat Kaujititsiutimik angutiup annaulonnet ubvalu kiggatuttimut ubvalu ikkatuijimut allasimagialet tunijaujunik ubvalu ukausitigut ukâlagumannimik tainna kamajillagik aittuigialik majaimmut tusâgiamut. Nunatsiavut kavamanga ilaukataugunnaninga 20. (1) tusânnimi kamajik pigunnatuk, tallimani ulluni allasimalluni Kaujititsiutimik Itsivautalimmut, asingit amma kamajillagikm tunisigunnalutik ubvalu sakkititsilutik nalunaigutinnik ubvalu Kaujititsiutinik katimajinnut pijagettumik kajusiutjaujutsamik. (2) tusânnimi kamajik aittuipat Kaujititsiutimik angutik annalonnet ilaugumannimik tusânnimut ilingajumik katimajet pijagettumik kajusiutijanganut tainna kamajillagik tapvainak pitakatitsigialik tusânnimi kamajimmik adjiliuttaumajumik ilingajumik piusiugialinnut. Ullusaliunnik UKausitigut Tusâgiamik 21. (1) Kinugautilik ubvalu Ikajuttaugutilik tusâjaugumajuk ukausitigut allasimajumik Kinugautiliugialik katimajinnut ukausikkut tusâjaugumannimik pijagepvisammi Maligatsami 17. (2) ukausitigut tusânnik ullukagialik 60-nik ullunganit katimajet pitâsimanninginnik Kinugautimik tusâjaugiamik ukausikkut. (3) Itsivautalik pigasugialik ukâlakataunnikut ilagengujunut ullusaliullutik, sitontitsanganik initsanganilu nâmmagijaujumik katimajinnut amma Kinugautilinnut ubvalu Ikajuttaugutilinnut tusâjaugumajunnut. (4) Ullusanga, sitontitsanga amma initsanga tusâgiamik sakkititaugunnangippat angikatigennikut, Tusânnik ukausitigut ullukagialik 14-nanik allaviusimakkâlutik Itsivautalimmit ilagengujunut. (5) katimajet pigunnatut, allasimajukkut angikatigellutik Kinugautilillu ubvalu Ikajuttaugutilik, Knaingiligiallugu pijagepvisak allasimajumi (2). Allasimajut Kaujititsiutet UKausitigut tusânnimi 22. (1) Kinugautilik Ikajuttaugutilillonet apigisimappat ukausikkut tusâjaugiamik, Kaujititsiutet tunijaugailet allasimatillugit amma ukausikkut. (2) ilagengujuit tunisigialet allasimajunik Kaujititsiutinik pikkujinnimik katimajinnik isumatsasiugiamik ukausikkut tusânimi 72-ni sitontini sivungani tusânniup.

8 23. (1) tusajukagunnakuk fonnitigut katimannimi taina Kinugautilik ubvalu Ikajuttaugutilik apigippat tusâjaugumannimik fonnitigut katimannimi; (2) tusannik atuniappat fonnitigut katimallutik tusânnimik: (a) ilagengujuit tusâsongugialet ilonnainik katimajinnik amma ilonnainik takunnajunik Kangatuinnak; ammalu (b) ilonnatik katimajet tusâsongugialet ilagengujunik amma takunnâjunik Kangatuinnamagik siammattaugiakangitunik ukâlautijukalippat akungani Kinugautilik amma Ikajuttaugutilik amma angutiup annaulonnet kiggatuttinganut. (3) Itsivautalik nâmmasigialik kinakkoninginnit takunnâjut ubvalu kinatuinnamik ukâlajummik pivitsakatillugu ukâlajuk pigiasigiamik. (4) Itsivautalik pikkujigunnatuk takunnâjumik killigiudjikujilluni ubvalu sulijumik ukakkajilluni tusâttaukâgani. UKausikkut Tusâjaunik takugatsauluni 24. PitâjuKappat ukausitigut Kaujititsiutinik pijunk ubvalu kiggatujunik Kinugautilimmik ubvalu Ikajuttaugutilimmik AngajukKauKatiget pigiasigialet imailingajumik: (1) Itsivautalik ukaudjigialik Kinugautilimmik Ikajuttaugutilimmilonnet katimajet kajusiutjilaullajanginnik amma sumat kajusiutjaumangâta apiginiallutik Kinugautlimmik Ikajuttaugutilimmilu tunisikkulugit Kaujititsiutinik ubvalu nalunaitsigutinnik asiangutitsigajatumik katimajet kajusiutisimajanginnik. (2) UKausitigut Kaujititsiutet tunijaugialet takunnâjumut; (3) Takunnâjuk killigiudjaugialik amma sulijumik ubvalu nalunaitsisialluni sulijumik ukâlagiamik Kuajimausimmigut amma Kaujititsiutikkut. (4) Takunâjuk tunitsisimalippat Kaujititsiutinik Itsivautalik KaikKujigunnatuk tusânnimi kamajimmik, Nunatsiavut kavamanga ilaukatauppat, apitsugunnaluni angutiup annaulonnet amma aittuiluni pivitsaujumik takunnâjumut kiugiamik apitsotiujunik apigijaujukappat. (5) TusâkKâlutik tusânnimi kamajimmik apitsutillugu angutimmik annamillonet, Itsivautalik KaikKujigunnatuk katimajinnik apitsugiattukujilluni amma aittuiluni takunnâjumik kiusongugiamut apigiusiujumik. (6) Asingit katimajet apitsusimalippata Itsivautalik apigigunnatuk angutimmik annamillonet pigiakaguni. (7) Ilonnatik ukausitigut apitsotet pijagetsimalippata, tusannimi kamajik malilluni Kinugautilimmik ubvalu Ikajuttaugutilimmik pivitsakattitaulâttuk ukâlagiallagiamik naillitisimatillugit katimajet sunamik kajusiutjikâttinagit. (8) Itsivautali pigunnatuk, KinujuKappat ilagijaujumik ubvalu katimajimmik, Kinulluni ilagengujuit allakullugit naillitisimajunk amma akigattotinnik amma âkkisuigunnalutik pijagepvisannik, amma piusiugialinnik, malittaugialinnik allasimatillugit. Itsivautalik Pilukâttailititsigialik 25. (1) Itsivautalik pitsâtailititsigialik tusânnimi amma pigunnaluni piusiugialinnik âkkisuigiamik kamagiamik pidjutaujunik iluanengitunik Malittaugialinni ubvalu Ilagiagutinnik Maligatsani. (2) Itsivautalik tusâgialik ilagengijunnit ilaujunit tusânnimut sivungani maligatsalulikkâgani.

9 (3) Itsivautalik ukâlakataugunnatuk katimajinnut tusagatsaukâgatik maligatsaliulikkâgani. Ullusanga katimajet kajusiutjinitsanginnut 26. (1) pijagekkâgatik tusannimik pijagettumik kajusiutjikâgatik Itsivautalik ukaudjigialik ilagengujunik katimajet: (a) aittiniammangâta pijagettumik allasimajunik kajusiutjaujunik pijagekkâgatik tusannimik; (b) aittuiluni piajgettumik kajusiutijammik nukkakâttinagu ukausiku tusânnik allasimatillugit pidjutaujut malijaugialet; ubvalu (c) pijagepvisakallutik isumatsasiugiamut kajusiutigialimminik amma allasimatillugit aittuiniallutik pidjutigijanginilu. (2) katimajet pijagettumik kajusiutijangit allasimajangillu katiamjet kajusiutinitsanginnut aittotiugialet Kinugautilimmut ubvalu Ikajuttaugutilimmut 75- ini ulluni ullunganit tusâsimajukakkâtillugu ubvalu ullungani ilonnatik allasimajut pitâgijausimalippata malillugu Maligatsak 24(8) Akitsangit UKausikkut Tusânniup 27. ilagengujuit tunitsijut Kaujititsiutinik takugatsaulutik ubvalu takunnâjukkut kamagialet akilittutaugialinnik angutiup annaulonnet akiliusigigialinginnik angutiup annaulonnet takunnâjinganut.