Tunngatillugu/Vedr: Meeqqat atuarfiani inaarutaasumik misiliineq 2013

Transkriptio

1 NALILIISARFIK Ulloq/dato : 8. Oktober 2013 Allat/init. : Journal nr. : Brev nr. : Tunngatillugu/Vedr: Meeqqat atuarfiani inaarutaasumik misiliineq Aallaqqaasiut Meeqqat atuarfianni inaarutaasumik 2013-imi misilitsitsinermi angusat pillugit killiffimik nalunaarusiorneruvoq. Nalunaarusiami kisitsisit tunngavigineqartut karakterdatabasemit 20. september 2013 tigusaapput. Atuarfinnit kisitsisit nalunaarutigineqarsimasut ukiamut Inerisaavimmit misissoqqissaarneqareerpata annikitsumik iluarsiissimasoqarsinnaavoq, nalunaarummi tunngaviusumik angusat qanoq isikkoqarneranik allannguuteqartitsinavianngitsunik. Malugeqquneqarpoq, meeqqat atuarfianni inaarutaasumik misilitsissutit Piareersarfimmi FA-mik taaneqartartumik aamma misilitsissutaasarmata, kiisalu nunatsinni efterskolenit misilitsissutitut atorneqartarput. Piareersarfinnit efterskolenillu misiliinermit angusat nalunaarummi uani ilanngunneqanntillat. Taassuma saniatigut nunatsinni privatskolenit marluusunit, Nuuk International Friskole aamma Ilimmarfiaqqamit angusat kisitsisitigut aamma ilanngunneqanngimmata. Nalunaarusiami uani misilitsissutigineqartartut aalajangersimasut kalaallisut, qallunaatut, tuluttut matematikkimilu piginnaasanik misiliinerit allattariarsornermilu misiliinerit allaaserineqarput. Taamatuttaaq Projektilerinermi angusat ilanngunneqarput. Atuartut 2013-imi atuarfimmit naammassisut immikkut soqutiginaateqartuupput, taakkuummata Atuarfitsialammi ukiut qulit tamakkerlugit atuaqatigiit siulliit meeqqat atuarfiat naammassisut. Taammaattumik uani nalunaarummi, ukiumi uani angusat saniatigut, piffissami aamma angusat qanoq isikkoqarnersut takutinneqarput. Uanili erseqqissaatigisariaqarpoq, inaarutaasumik misilitsissutit standardiserede, tassa imaappoq misilitsimmermi angusat ukiumiit ukiumut nikerarsinnaapput, suliassiissutut ajornassusaat nikerartarmata. Ukiunili arlalinni atuartut angusaat ukiut arlallit isigalugit qanoq nikikkiartornersut takussutissiarineqartarput. Piffissami angusat misissoqqissaarnerani ersarissumik takussutisseerusulluni, nalunaarusiami atuartut immikkoortunut sisamanut agguarneqarput.: Postboks 1610 DK-3900 Nuuk Tlf Fax inerisaavik@inerisaavik.gl

2 Atuartut sanngiitsutut taaneqarsinnaasut, karakter F-imik imaluunnit F X imik angusaqartut Atuartut naammaginartumik karakter E-mik angusaqartut Atuartut ajunngitsumik, karakter D-mik aamma C-mik angusaqartut Atuartut pitsaasumik, karakter B-mik imaluunniit A-mik angusaqartut Taama agguataarnerineq atuartut angusaannik atuartullu atuarfimmit naammassisut ingerlariaqqinneq ajortut pillugit nalunaarusiornermi agguataarinermut assinguvoq, taamaallaalli una assigiinngissutigaat, atuartut angusaat atuartitsitsissutit ataatsimut kattullugit atuartut angusaannik misissueqqissaarnerummat atuartitsissutit immikkoortitaarnagit, uani nalunaarusiami atuartitsissutit immikkoortitaarlugit misissorneqarput. Atuartut angusaat silinnerusumik isigalugit, tassa imaappoq misilitsissutit tamaasa ataatsimut kattullugit angusat qanoq isikkoqarneri ukioru saqqummiunneqassapput, atuartut atuarfimmit naammassisut ingerlaqqissimanngitsut kisitsisitigut misissoqqissaarneqarnerini nalunaarusiornermi saqqummersinneqassapput. Tassani aamma kommunini atuarfinnilu kisitsisitigut angusat saqqummersinneqassapput, uanili nalunaarusiami nuna tamakkerlugu taamaallaat angusat isiginiarneqassapput. 2. Atuartut Karakterdatabasimi ulloq 20. september atuartut 771 misilitsissutini tamani imaluunniit misilitsissutit ilaanni misilitsissimasutut nalunaarsimapput. Tassa imaappoq, atuartut angusaat uani nalunaarusiami taakkuupput aallaavigineqartut Atuartut ilaat assigiinngitsunik patsiseqarlutik misilitsissutinut misilitsinnginnissamut akuerisaapput. Annertusisamik immikkut atuartitaasimanerat siullertut patsisaasinnaavoq. Atuartut 54-it immikkut annertusisamik atuartinneqartutut nalunaarneqarsimapput. Atuartut ilaat misilitsissutinut ataasiakkaanut pikkoriffigisaminnut misilitsissimapput, amerlanertigulli naammaginanngitsumik angusaqartarsimapput. Atuartitsissutini ataasiakkaani ineriartorneq tutsuiginartumik nalilersorneqarnissaa anguniarlugu, atuartut immikkut annertusisamik atuartinneqarsimasut angusaat nalunaarusiami uani ilanngunneqarsimanngillat. Taakku saniatigut atuartut 26-it, allanik patsiseqarlutik misilitsinnginnissamut akuerisaasimapput. Soorlu atuartut nunanit allanit nuussimasut, angajullerni aatsaat nunatsinni atualersut, misilitsinnissamut ajornartorsiuteqartut, tamannalu patsisigalugu misilitsinnginnissamut akuerisaasimapput. Atuartut taakkua amerliartortut oqaatigineqarsinnaapput. 2

3 3. Angusat pingaarnerit Inaarutaasumik misiliinermi angusat nalilernerini uku isiginiarneqarput. Siullertut karakterit agguataarnerini karakteri amerlanerpaanit angusarineqartoq isiginiarneqarpoq. Atuartunit amerlanerpaanit angusarineqartoq naammaginartutut nalilerneqarsinnaanersoq oqallisigineqarsinnaavoq, kissaatiginarporli, karakterit agguaqatigiissillugit siamasinnissaat, kisitseqqissaarneri oqaatigineqartartoq kisitsit naammaginartumik agguaqatigiinnerat. Assersuutigalugu karakterit amerlanernit pissarsiarineqarsimasoq naammaginanngippat ernummatiginissaa patsisissaqarluarpoq. Kalaallisut oqaatsinik piginnaasanik misilitsinneq Karakteri amerlanerpaanit angusarineqartoq C aamma D akornganniippoq, atuartut 64 %-ii karakterit taakkunani anissisimalluni. Karakterit agguaqatigiinnerat naammaginartumik oqaatigineqarsinnaalluni. Atuartut ajunngitsumik angusaqartartut amerlassusaat allanngorsimanngilaq, qaffakkiartuaartut oqaatigineqarsinnaalluni, atuartut pitsaasu B-mik aamma A-mik angusaqartut amerlassusaat ikilerialaarsimasutut oqaatigineqarsinnavoq, 2013-imi katillugit 12 %-iullutik. Ataatsimut isigalugu angusaq naammagisimaarnarpoq, atuartut taamaallaat 6 %-i naammaginanngitsumik angusaqarsimapput karakter Fx imaluunniit F pissarsiarisimallugu. Ernumanartutulli oqaatigisariaqarpoq, atuartut 19 %-isa karakter E angoqqarlugu pissarsiarisimammassuk. Kalaallisut allattariarsorneq Oqaatsinik piginnaasanik misilitsinneq assingalugu angusat D aamma C amerlanerpaanit angusarineqarpoq, atuartut 52 %-ii tassannga angusaqarsimallutik, aamma karakterit agguataarneri isigissagaanni naammaginartumik agguataarsimallutik. Aammattaaq oqaatigisariaqarpoq, 2013-imi atuartut amerlasuut, tassa 18 %-iisa karakter B imaluunniit A pissarsiarisimavaat. Ernumanaateqartutulli maluginiartariaqarpoq atuartunit tamanit 20 % karakter E pissarsiarineqarsimammat, naammaginartumik angusaqaqqartutut oqaatigineqarsinnaammat. Atuartut sanngiinnerpaat annikitsunnguamik amerleriarsimasut oqaatigineqarsinnaavoq atuartut naammaginartumik angusallit annikitsunnguamik ikileriarsimallutik. Qallunaatut oqaatsinik piginnaasanik misilitsinneq Angusat uani naammagisimaarnartumik isikkoqartut oqaatigineqarsinnaavoq. Atuartut 28 %-iisa karakter B imaluunniit A pissarsiarisimavaat. Aammattaaq maluginiartariaqarpoq atuatut akorngannit tamanit 56 %-iisa karakter D imaluunniit C pissarsiarisimavaat. Atuartut arlaannaalluunniit F 3

4 pissarsiarisimanngilaat taamaallaat atuartut 5 %-iisa Fx pissarsiarisimavaat. Ataatsimut isigalugu angusat pitsaapput. Piffissaq tamakkerlugu isigigaanni angusat pitsaalluinnartutut oqaatigineqartariaqarput. Atuartut sanngiitsut karakter F aamma Fx-imik angusaqartut malunnaateqarluartumik ikileriarsimapput, 20 %-imiit taamaallaat 5 %-imut appariarsimallutik, atuartullu pitsaasut malunaateqarluartumik amerleriarsimapput, 21 %-imiit 28 %-imut qaffariarsimallutik. Qallunaatut allattariarsorneq Qallunaatut allattariarsornermi misiliinermi pitsaasumik pitsanngiitsumillu takusassaqarpoq. Ajoraluartumik oqaatigisariaqarpoq, 2013-imi misilitsissummi uani atuartut 23 %-iisa taamaallaat karakter F imaluunniit Fx pissarsiarisimavaat. Kiisalu atuartut 24 %-iisa karakteri E pissarsiarisimavaat. Ataatsimut isigalugu angusaq naammaginanngilaq. Taamatuttaaq maluginiartariaqarpoq, atuartut naammaginanngitsumik angusaqartut karakter F imaluunniit Fx-imik angusaqartut amerlassusaat 2010-miit ikileriarsimammata, tassa 27 %-miit 23 %-imut. Matematikkimi pisinnaasanik misilitsinneq Matematikkimi pisinnaasanik mislitsinnermi angusat pitsaasumik takutitsipput. Atuartut 61 %-iisa karakter D imaluunniit C pissarsiarisimavaat. Taamaallaat atuartut 6 %-iisa karakter F imaluunniit Fx pissarsiarisimavaat. Piffissami atuartut angusaat malunnaateqarluartumik nikikkiartorsimapput. Tassa atuartut sanngiitsut 14 %-imiit 6 %-imut ikileriarsimallutik, atuartullu pitsaasut 6 %-imiit 15 %-imut amerleriarsimallutik. Matematikkimi kisitassanik eqqarsaatigisarialinnik misilitsinneq Kisitassanik eqqarsaatigisarialinnik misilitsitsinermi angusat naammaginannginnerupput. Atuartut 22 %-iisa karakter F imaluunniit Fx pissarsiarisimavaat, aamma atuartut 19 %-iisa karakter E pissarsiarisimallugu. Maluginiartariaqarporli, atuartut 45 %-iisa karakter D imaluunniit C pissarsiarisimavaat. Oqaatigisariaqarporli, angusat ineriartornerat pitsaasumut ingerlammat. Atuartut sanngiitsut mi 38 %-iusut maanna 22 %-inngorsimapput. Taassuma saniatigut atuartut pitsaasut 3 %-imiit 14 %-imut qaffariarsimapput. 4

5 Tuluttut oqaatsinik piginnaasanik misilitsinneq Tuluttut oqaatsinik piginnaasanik misilitsinneq pitsaasumik pitsaanngitsumillu takussutissiivoq. Atuartut 15 %-iisa taamaallaat karakter F imaluunniit Fx pissarsiarisimavaat. Illuatungaatigullu atuartut 19 %-iisa karakterit qaffasissut angusimavaat. Piffissami atuartut pitsaasut ikileriarsimapput illuatungaatigullu atuartut naammaginartumik angusaqartut amerleriarsimallutik. Tuluttut allattariarsorneq Misilitsissummi uani atuartut sanngiitsut amerlapput, tassa 37 %-iummata. Taamaallaat atuartut 14 %-ii pitsaasutut oqaatigineqarsinnaapput. Tassanili inissisimasut 2010-miit amerliartorusaarput, tassa 10 %-imiit 14 %-mut manna 2013-mi amerleriarsimammata. Projektilerineq Projektilerineq tassaavoq atuartup namminersorluni kiisalu nutaamik pilersitsisinnaassutsimik takutitsineq, taamaattumillu karakterit uani agguaqatigiinnerat oqaaseqarfigineqassaaq. Takuneqarsinnaavoq karakter C amerlanerulaartunit pissarsiarineqarsimasoq, kisianni agguaqatigiinnerat isigigaanni naligiiginnangajapput, D-mik E-millu angusaqarsimasut aamma amerlaqatigiinnangajallugit. 5

6 Ilanngussat Kalaallisut oqaatsinik piginnaasanik misilitsinneq Figur 1: Karakterit agguataarneri 2013 Figur 2: Atuartut angusaasa ineriartornerat Oqaaseqaat: Atuartut angusaat agguaqatigiissillugu amerlanerulaartut karakter C pissarsiarisimavaat. Atuartut qeqqanniittut amerleriarsimapput, atuartut pitsaasut amerlassusaat appariarsimallutik. 6

7 Kalaallisut allattariarsorneq Figur 3: Karakterit agguataarnerat 2013 Figur 4: Atuartut angusaasa ineriartornerat Oqaaseqaat: Atuartut angusaat agguaqatigiissillugu C-mi inissisimapput. Atuartut qeqqaanniittut ikilerialaarsimapput, atuartullu sanngiitsut amerleriartutut oqaatigineqarsinnaallutik. 7

8 Qallunaatut oqaatsinik piginnaasanik misilitsinneq Figur 5: Karakterit agguataarnerat 2013 Figur 6: Atuartut angusaasa ineriartornerat Kommentar: Atuartut angusaat agguaqatigiissillugu C-mi inissisimavoq. Malunnaateqarluartoq: Atuartut qeqqanniittut qaffakkiartorput, pitsaasut amerliartorput, sanngiitsut malunnaateqarluartumik appariartorlutik. 8

9 Qallunaatut allattariarsorneq Figur 7: Karakterit agguataarnerat 2013 Figur 8: Atuartut angusaasa ineriartornerat Kommentar: Atuartut angusaasa agguaqatigiissinnerat appasinnerusumi inissisimavoq, amerlanerit karakter E-mi inissisimallutik. Annikitsunnguamik atuartut naammaginartumik angusallit qaffakkiartorput, atuartut sanngiitsut ikiliartorlutik. 9

10 Tuluttut oqaatsinik piginnaasanik misilitsinneq Figur 9: Karakterit agguataarnerat 2013 Figur 10: Atuartut angusaasa ineriartornerat Kommentar: Karakterit angusaasa agguaqatigiissinneranni sanngiitsut amerlanerupput, amerlanerit D missaanni inissisimallutik. Tamanna patsiseqarpoq, atuartut naammaginartumik angusallit ikiliartornerannik, sanngiitsut pitsaasullu amerlassusaat qaffakkiartorluni. 10

11 Tuluttut allattariarsorneq Figur 11: Karakterit agguataarnerat 2013 Figur 12: Atuartut angusaasa ineriartornerat Kommentar: Atuartut angusaasa agguaqatigiissinneranni sanngiitsut amerlanerupput, karakterimik F-imik aamma Fx-imik angusaqartut amerlanerpaajullutik. Atuartut pitsaasut amerliartornerat takuneqarsinnaavoq. 11

12 Matematikkimi pisinnaasanik misilitsinneq Figur 13: Karakterit agguataarnerat 2013 Figur 14: Atuartut angusaasa ineriartornerat Kommentar: Atuartut angusaasa agguaqatigiissillu inissisimanerat ajunngilaq, amerlanerpaat karakter D pissarsiarisimallugu. Ersarippoq atuartut sanngiitsut amerlassusaat appariartortoq, inissisimaffiit allat qaffakkiartortut. 12

13 Matematikkimi kisitassanik eqqarsaatigisarialinnik misilitsinneq Figur 15: Karakterit agguataarnerat 2013 Figur 16: Atuartut angusaasa ineriartornerat Kommentar: Atuartut angusaasa agguaqatigiissinnerat naammaginartumik inissisimavoq, amerlanerit karakter D pissarsiarisimallugu. Atuartut pitsaasumik angusaqartut qaffarialaarsimapput. Angusat allat nikerarput. 13

14 Projektilerineq Figur 17: Karakterit agguataarnerat 2013 Figur 18: Atuartut angusaasa ineriartornerat Oqaaseqaat: Atuartut angusaasa agguaqatigiissinnerat naammaginartumik inissisimavoq, amerlanerit karakter C aamma D pissarsiarisimallugu. Naammagisimaartariaqartutut oqaatigisariaqarpoq, atuartut 25 %-iisa karakter A imaluunniit B pissarsiarisimavaat. Maluginiarneqarsinnaavoq atuartut sanngiitsut amerlassusaat qaffariartortoq, atuartullu pitsaasut ikiliartorlutik. 14