Akileraartarnermut ministereqarfik J.nr Missingiut

Transkriptio

1 Akileraartarnermut ministereqarfik J.nr Missingiut Siunnersuut uunga Aningaasanoorutit ilai pillugit Kalaallit Nunaannut inatsisip allanngortinneqarnera pillugu inatsit (Internettikkut bingornerit, hiistit qimmillu oqilaniunneranni eqquiniaasarnerit kiisalu tuit allakkisartartut sukkanniullutik timmisinneqarneranni eqquiniaasitsinerit ammanerulersinneqarnissaat) 1 Aningaasanoorutit ilai pillugit Kalaallit Nunaannut inatsimmi, takuuk inatsimmut nalunaarut nr. 336, 7. april 2016-imeersoq, inatsimmi nr. 1733, 27. december 2016-imeersumi allanngortinneqartumi, makkua allanngortinneqarput: 1. 6, imm. 1-imi, uniffimmi siullermi aamma aappaani, atorunnaarpoq»aamma hiistit qimmillu oqilaniunneranni eqquiniaasarneq«. 2. 8, imm. 2-imi, uniffik siullermi,»poker«: kingorna ikkunneqarpoq», internettikkut bingo«. 3. 8, imm. 3-imi, atorunnaarpoq»hiistinik qimminillu sukkanniutsitsinermi, tuinik sukkanniutsitsilluni timmisitsinermi aamma« a atorunnaarsinneqarpoq a, imm. 1-imi, atorunnaarpoq»hiistit qimmillu oqilaniunneranni eqquiniaasarneq 24 a-imi taaneqartoq aamma«. Inatsit ulloq [1. januar 2019] atuutilerpoq. 2

2 2 Inatsisissatut siunnersuummut nassuiaatit Nassuiaatit nalinginnaasut Imaasa allassimaffiat 1. Aallaqqaasiut 1.1. Inatsisissatut siunnersuutip siunertaa aamma tunngavia 2. Inatsisissatut siunnersuutip imai 2.1. Internettikkut bingornerit ammanerulersinneqarnerat Inatsisit atuuttut Inatsisissatut siunnersuut 2.2. Hiistit qimmillu sukkanniunneranni eqquiniaanerit kiisalu tuinik allakkisartartunik sukkanniutsitsilluni timmititsinernik eqquiniaanerit ammanerulersinneqarnerat Inatsisit atuuttut Inatsisissatut siunnersuut 3. Pisortanut aningaasaqarnikkut allaffissornikkullu sunniutaasussat 4. Inuussutissarsiortunut il.il. aningaasaqarnikkut allaffissornikkullu sunniutaasussat 5. Innuttaasunut allaffissornikkut sunniutaasussat 6. Avatangiisinut sunniutaasussat 7. EU-mi inatsisinut tunngasut 8. Oqartussat kattuffiillu il.il. tusarniarneqartut 9. Immersugaq eqikkaaffiusoq 1. Aallaqqaasiut Aningaasanoorutinut inatsit atuuttoq (ilaatigut aningaasanoorutit pillugit inatsit aamma aningaasanoorutit ilai pillugit Kalaallit Nunaannut inatsit) ulloq 1. januar 2012 atuutilerpoq. Aningaasanoorutinut inatsisit atuuttut, aningaasanoorutinut inatsisinut siusinnerusukkut atuuttunut sanilliullugu, allannguutaat pingaarnerpaaq tassaavoq, eqquiniaanerit aamma internettikkut aningaasanoorutinik aningaasanoornerup ammanerulersinneqarnerat, taamaalilluni tuniniaasartut tamarmik piumasaqaatinik arlalinnik naammassinnittut, Danmarkimi aamma Kalaallit Nunaanni eqquiniaanernik aamma internettikkut aningaasanoorutinik aningaasanoornernik tuniniaanissamut Danmarkimit akuersissummik pissarsisinnaalissallutik. Hiistit qimmillu oqilaniunneranni eqquiniaasarneq Danske Spil A/S (matuma kingorna Danske Spil) ataani kisermaassivigineqaannarpoq. Internettikkut bingorneq aamma ammanerlersitsivigineqanngilaq. Aningaasanoorutinut inatsisip allanngortinneqarnera pillugu taamanikkut danskit naalakkersuisuisa (Socialdemokratiet aamma Radikale Venstre), Venstre, Dansk Folkeparti, Socialistisk Folkeparti

3 3 aamma Det Konservative Folkeparti akornanni isumaqatigiissummi 2014-imi decembarimeersumi isumaqatigiissutigineqarpoq Akileraartarnermut ministereqarfik hiistinik qimminillu sukkanniutsitsinermi eqquiniaanerit kiisalu internettikkut bingornerit ammanerulersitsivigineqarnissaannut periarfissanik misissueqqissaassasoq. Misissueqqissaarnerit aammalu hestit sukkanniunnerannik, qimmit sukkanniunnerannik aamma tuinik allakkisartartunik timersuuteqartartunit neriulluarnartumik qisuariaateqarnerit tunngavigalugit danskit naalakkersuisui (Venstre, Liberal Alliance aamma Det Konservative Folkeparti), Socialdemokratiet, Dansk Folkeparti, Radikale Venstre aamma Socialistisk Folkeparti danskit aningaasanoorutinut inatsisaata allanngortinneqarnissaa pillugu 2017-imi januaarimi isumaqatigiissuteqarput, taamaalilluni internettikkut bingornerit, hiistit qimmillu oqilaniunneranni eqquiniaasarneq aamma tuit allakkisartartut sukkanniutsillugit timmisinneqarnerannik eqquiniaanerit ammanerulersitsivigineqassallutik. Danskit aningaasanoorutinut inatsisaata allanngortinneqara, takuuk isumaqatigiissut, inatsimmi nr. 686, 8. juni 2017-imeersumi piviusunngortinneqarpoq. Inatsisissatut siunnersuummi siunnersuutigineqarpoq internettikkut bingornerit, hiistit qimmillu oqilaniunneranni eqquiniaasarneq aamma tuit allakkisartartut sukkanniutsillugit timmisinneqarnerannik eqquiniaanerit Kalaallit Nunaanni tuniniarneqartut, aningaasanoorutinik taamaaqataannik Danmarkimi tuniniarneqartartunik ammanerulersitsineq assigalugu, ammanerulersitsivigineqassasut Inatsisissatut siunnersuutip siunertaa aamma tunngavia Danmarkimi aamma Kalaallit Nunaanni aningaasanoorutinut inatsisit (aningaasanoorutit pillugit inatsit aamma aningaasanoorutit ilai pillugit Kalaallit Nunaannut inatsit) assigiiaaginnarnissaat qulakkeerniarlugu inatsisissatut siunnersuummi siunnersuutigineqarpoq, internettikkut bingornerit, hiistit qimmillu oqilaniunneranni eqquiniaasarneq aamma tuit allakkisartartut sukkanniutsillugit timmisinneqarnerannik eqquiniaanerit Kalaallit Nunaanni tuniniarneqartut, inatsit nr. 686, 8. juni 2017-imeersoq naapertorlugu aningaasanoorutit Danmarkimi tuniniarneqartut taamaaqataanik ammanerulersitsivigineqarnerat assigalugu, ammanerulersitsivigineqassasut. Danmarkimi internettikkut bingornerit aamma hiistit qimmillu oqilaniunneranni eqquiniaasarneq aamma tuit allakkisartartut sukkanniutsillugit timmisinneqarnerannik eqquiniaanerit ammanerulersinneqarnerannut, takuuk inatsit nr. 686, 8. juni 2017-imeersoq, tunngavilersuutaavoq ilaatigut aningaasanoorutit internettikkut binngornernut tunngatillugu niuerfimmit maleruagassiivigineqanngitsumit Danmarkimi niuerfimmut maleruagassiivigineqartumut aningaasanoortut illersorneqarnerannik ilaqartumiitilernissaannik kissaateqarneq, ilaatigullu hestit sukkanniunnerannik, qimmit sukkanniunnerannik aamma tuinik allakkisartartunik timersuuteqartarnermut soqutiginninnerulersitsinissaq. 2. Inatsisissatut siunnersuutip imai 2.1. Internettikkut bingornerit ammanerulersinneqarnerat

4 Inatsisit atuuttut Inatsisit atuuttut malillugit bingo eqquiniaasitsinernut nassuiaassutini pineqartunut ilaavoq. Aningaasanoorutit ilai pillugit Kalaallit Nunaannut inatsimmi 5 malillugu eqquiniaasitsinerni ilisarnaataavoq ingerlataqarneq, tassani peqataasoq eqquilluni ajugaanissamut periarfissaqarluni, aammalu eqquinissamut periarfissaqarneq nalaatsornerinnavimmik tunngaveqarluni. Tassa imaappoq, aningaasanoortut ingerlanneqarneranut inernerisassaanullu sunniinissamut periarfissaqanngillat. Eqquiniaasitsinernut nassuiaassutini ilaatinneqarput aningaasanoorutit, assersuutigalugu Lotto, Joker, bingo aamma kiliortortakkat aningaasanoorutit. Illuatungaatigut bingo eqquiniaatitsineruvoq, pissutigalugu aningaasanoorut nalaatsornerinnarmik normunik makitsinermi eqquinerluni eqquinnginnerluniluunniit aalajangerneqartarmat. Illuatungaatigut bingo aningaasanoorutaavoq, nalinginnaasumik aningaasanoortup ingerlaavartumik peqataaneratigut ingerlanneqartartoq, aammalu makitsilluni ajugaasussamik imaluunniit normunik ajugaasussanik makitsisoqaannartarani. Bingo taamaalilluni aningaasanoorutinit allanit allaaneruvoq. Aningaasanoortup peqataanera assigiinngitsumik annertussusilimmik ingerlaannartussanngortinneqarsimasinnaavoq. Assersuutigalugu kisitsisit assaannarmik imaluunniit ingerlaannartumik nalunaaqutserneqarsimanersut( toorneri ), assigiinngissuteqarsinnaavoq. Danske Spil internettikkut bingornernik tuniniaanissamut kisermaassisuuvoq, taakkua Danske Spilip ingerlatseqatigiiffittut immikkoortortaanit Danske Lotteri Spil A/S-imit (matuma kingorna Danske Lotteri Spil), Danske Spil-ip aningaasanoorutinik kisermaassiffiusunik tuniniaasartuanit, tunineqarneqartarput. Internettikkut aningaasanoorutit aningaasanoorutitut, aningaasanoortup aamma aningaasanoorutinik tuniniaasup akornanni ungasianiit attaveqaqatigiinneq atorlugu isumaqatigiissutigineqartutut, aningaasanoorutit ilai pillugit Kalaallit Nunaannut inatsimmi nassuiarneqarput. Bingo assersuutigalugu TV-ikkut imaluunniit internettikkut taamaalilluni aningaasanoorutit ilai pillugit Kalaallit Nunaannut inatsit malillugu internettikkut aningaasanoorutitut nassuiarneqarpoq. Internettikkut bingo aningaasanoorluni eqquiniaaneruvoq aammalu maleruagassat malillugit aningaasanoorluni eqquiniaanertut akitsuusersugaalluni. Aningaasanoorluni eqquiniaanernut akitsuut aningaasat iluanaarutigineqartut 200 kr. sinnerlugit annertussuseqartut 15 %-attut naatsorsorneqartarpoq, takuuk aningaasanoorutit ilai pillugit Kalaallit Nunaannut inatsimmi imi ilaannakortumik ammanerulersitsinermut atatillugu internettikkut aningaasanoortarfinni aningaasanoorutit internettikkut aningaasanoortarfinni aningaasanoorutinut akuersissummi pineqartunut ilaasu, killissalersorneqarnerat, ilaatigut aningaasanoortarfinni aningaasanoorutit suut aningaasanoortarfinni nalinginnaasuunerpaanersut malillugu, aalajangersarneqarpoq. Tassani aningaasanoorutit eqquiniaanertut ittut pineqartunut ilaapput, assersuutigalugu aningaasanik ikisilluni aningaasanoortarfiit aamma roulette. Ullumikkut internettikkut aningaasanoorutinut akuersissummik pigisaqartut arlallit internettikkut bingo-nik akeqanngitsumik aningaasanoorutitut neqerooruteqartarput. Akeqanngitsumik aningaasanoorutit akuersissummik peqarnissaq pillugu piumasaqaatini pineqartunut ilaanngillat, takuuk aningaasanoorutit ilai pillugit Kalaallit Nunaannut inatsimmi 2, imm. 1, tassami

5 tamatumani aningaasanoornermi akiliuteqarnissaq iluanaaruteqarnissarlu pisariaqarmat Inatsisissatut siunnersuut Siunnersuutigineqarpoq Kalaallit Nunaanni internettikkut bingornernik tuniniaanernut aningaasanoorutinut niuerfik Danmarkimitut aaqqissuunneqassasoq, taamaalilluni Danmarkimi aamma Kalaallit Nunaanni aningaasanoorutinut inatsisit (aningaasanoorutit pillugit inatsit aamma aningaasanoorutit ilai pillugit Kalaallit Nunaannut inatsit) assigiiginnassallutik. Tamanna tunngavigalugu siunnersuutigineqarpoq internettikkut bingo-nik tuniniaanissamut akuersissut ammanerulersitsivigineqassasoq, aammalu internettikkut bingorneq internettikkut aningaasanoortarfinnut akuersissutini atuuttuni pineqartunut ilaalissasoq, takuuk aningaasanoorutit ilai pillugit Kalaallit Nunaannut inatsit. TV-bingo-nik, internettikkut aningaasanoorutaasunik, tuniniaaneq taamatuttaaq internettikkut aningaasanoortarfinni aningaasanoorutini pineqartunut ilaalissaaq. Kalaallit Nunaanni nunami bingo-nik tuniniaanermut maleruagassat maannakkut atuuttut taamaalillutik inatsisissatut siunnersuummi matumani allanngortinneqassanngitsut siunnersuutigineqarpoq. Internettikkut bingo-nik ingerlatsinissamut maleruagassat erseqqinnerusut nalunaarummi aalajangersarneqassapput. Aningaasanoorutit taakkualu ingerlanneqartaneri pillugit maleruagassanik erseqqinnerusunik akileraartarnermut ministerip aalajangersaanissaanut, aningaasanoorutit ilai pillugit Kalaallit Nunaannut inatsimmi ataatsimut isigalugu inatsimmi tunngavissaqareerpoq, ilanngullugit akiliutit iluanaarutillu, utertitsisarnermut procentiliussat, aningaasanoornerit sivisussusissaat il.il. pillugit maleruagassat erseqqinnerusut. Assersuutigalugu aningaasanoornerup sivisussusaa aamma aningaasanoortup aningaasanoornermi iliuuseqarluni/iliuuseqarani peqataanerata killissalersorneqarnera pillugit maleruagassat, internettikkut bingo-nut maleruagassani erseqqinnerusuni pineqartunut ilaatinneqassapput. Isumaqatigiissummi 2017-imi januaarimeersumi allassimavoq (Danmarkimi tuniniaanermut tunngatillugu), internettikkut bingo-nik tuniniaanernut maleruagassat ilusilersorneqarneranni aningasanoornermik pinngitsuuisinnaannginneq (ludomani) sammineqassasoq. Internettikkut bingornerit Danmarkimi tuniniarneqartut ingerlanneqartarnerannut maleruagassani erseqqinnerusuni taamaalilluni tamanna takuneqarsinnaassaaq. Internettikkut bingornerit ingerlanneqartarnerannut maleruagassat aallaavigalugit internettikkut bingo-nut Danmarkimi tuniniarneqartunut aamma Kalaallit Nunaanni tuniniarneqartunut, assigiissapput. Taamaattumik Kalaallit Nunaanni internettikkut bingo-nik tuniniaasarnermut atatillugu aamma aningaasanoorutinik pinngitsuuisinnaannginneq sammineqassaaq. Internettikkut bingornerit ammanerulersinneqarnerat, tamatuma kingorna internettikkut bingornerit internettikkut aningaasanoortarfinni tuniniaanissamut akuersissummi pineqartunut ilaatinneqalerlutik, internettikkut bingornerit, aningaasanoorutitut allatut internettikkut aningaasanoortarfinnut akuersissutini pineqartunut ilaasutut allatuulli akitsuuserneqartalernerannik kinguneqassaaq. Taamaalilluni akitsuut iluanaarutinit akitsuusiisarnermit, ilanngaasiinnginnermi aningaasanoorutini isertitat 20 %-ianut allanngussaaq (akiliutit iluanaarutit ilanngaatigalugit), takuuk aningaasanoorutit ilai pillugit Kalaallit Nunaannut inatsimmi 25.

6 Hiistit qimmillu sukkanniunneranni eqquiniaanerit kiisalu tuinik allakkisartartunik sukkanniutsitsilluni timmititsinernik eqquiniaanerit ammanerulersinneqarnerat Inatsisit atuuttut Hiistit qimmillu oqilaniunneranni eqquiniaaneq inatsisit atuuttut malillugit taamaallaat ataatsimoortutut eqquiniaanertut tuniniarneqarsinnaapput. Ataatsimoortutut eqquiniaanerit eqquiniarnerupput, tassani iluanaarutit tamakkerlugit imaluunniit ilai ataatsimoortumik eqquiniarnernit akiliutigineqartut annertussusaat apeqqutaallutik. Hiistinik qimminillu sukkanniutsitsinermi eqquiniarneq aalajangersimasunik eqqoriaanertaqartillugit (aalajangersimasumik eqqoriaalluni eqquiniarneq) tuniniarneqarsinnaanngillat. Aalajangersimasumik eqqoriaalluni eqquiniarnermi aningaasanoortoq toqqaannartumik eqquiniaanermik tuniniaasoq ajugaanniuteqatigalugu eqquiniaasarpoq, aammalu aningaasanoortup iluanaarutigisinnaasani siumoortumik ilisimareertanngilai. Hiistinik qimminillu sukkanniutsitsinermi eqquiniaanermi ataatsimoortumik eqquiniarnernik tuniniaanerit, najukkami ataatsimoortumik eqquiniaanertut tuniniarneqartanngitsut, ullumikkut kisermaassilluni aningaasanoorutaapput, aammalu taamaallaat Danske Spil Kalaallit Nunaanni eqquiniaanernik tuniniaanissamut akuersissummik peqarpoq. Hiistinik eqquiniaanerit Danske Lotteri Spil-imit Dantoto ilisarnaatigitillugu tuniniarneqartarput. Danske Lotteri Spil ullumikkut qimminik eqquiniaanernik tuniniaasanngilaq. Hiistinik qimminillu sukkanniutsitsinermi eqquiniaanerit Danske Lotteri Spil-imit tuniniarneqartut saniatigut, hiistinik qimminillu sukkanniutsitsinermi eqquiniaaneq najukkami ataatsimoortumik eqquiniaanertut tuniniarneqarsinnaapput, takuuk aningaasanoorutit ilai pillugit Kalaallit Nunaannut inatsimmi 9. Tuit allakkisartartut sukkanniutsillugit timmisinneqarnerannik eqquiniaanerit taamaallaat najukkami ataatsimoortumik eqquiniaanertut tuniniarneqarsinnaapput, takuuk aningaasanoorutit ilai pillugit Kalaallit Nunaannut inatsimmi 9. Danske Lotteri Spil-imi hiistit qimmillu oqilaniunneranni eqquiniaasarnerit ataatsimoortut inatsisit atuuttut malillugit ilanngaasiinnginnermi isertitat 11 %-iinik akitsuusigaapput, takuuk aningaasanoorutit ilai pillugit Kalaallit Nunaannut inatsimmi 24 a. Najukkami hiistit qimmillu oqilaniunneranni eqquiniaasarnetit ataatsimoortut aamma tuinik allakkisartartunik sukkanniutsitsilluni timmititsinerit akiliutigineqartut kr. ilanngaatigalugit (2010-mi annertussusiliussat) ulloq ingerlatsivigineqartoq ataaseq 11 %-anik akitsuusigaapput (annerpaamik qaammatisiutit malillugit ukiup ataatsip iluani ullut ingerlatsivigineqartut 24-it ilanngaatigalugit), takuuk aningaasanoorutit ilai pillugit Kalaallit Nunaannut inatsimmi Inatsisissatut siunnersuut Siunnersuutigineqarpoq hiistit qimmillu sukkanniunneranni eqquiniaanerit kiisalu tuinik allakkisartartunik sukkanniutsitsilluni timmititsinernik eqquiniaanerit tuniniarneqartarnerannut Kalaallit Nunaanni aningaasanoorutinut niuerfik Danmarkimisut aaqqissuunneqassasoq,

7 7 taamaalilluni Danmarkimi aamma Kalaallit Nunaanni aningaasanoorutinut inatsisit (aningaasanoorutit pillugit inatsit aamma aningaasanoorutit ilai pillugit Kalaallit Nunaannut inatsit) assigiiginnassallutik. Taamaattumik siunnersuutigineqarpoq hiistit qimmillu oqilaniunneranni eqquiniaasarnernik ataatsimoortunik kiisalu tuinik allakkisartartunik sukkanniutsitsilluni timmisitsinernik tuniniaaneq ammanerulersitsivigineqassasoq taamaalillunilu eqquiniaanernut akuersissutini pineqartunut ilaalissasoq, takuuk aningaasanoorutit ilai pillugit Kalaallit Nunaannut inatsimmi 7. Taamatuttaaq siunnersuutigineqarpoq aalajangersimasumik eqqoriaalluni, hiistit qimmillu oqilaniunneranni eqquiniaanernik tuniniaanissamik inerteqquteqarneq atorunnaarsinneqassasoq. Aalajangersimasumik eqqoriaalluni hiistit qimmillu oqilaniunneranni eqquiniaasarneq kiisalu tuinik allakkisartartunik sukkanniutsitsilluni timmisitsineq tamatuma kingorna eqquiniaasitsinissamut akuersissummi pineqartunut ilaalissaaq. Ammanerulersinneqarnissaanik siunnersuuteqarnerup sunniutigisaanik, ataatsimoortunik eqquiniaasitsinernik aamma aalajangersimasumik eqqoriaalluni hiistit qimmillu oqilaniunneranni eqquiniaanernik kiisalu tuinik allakkisartartunik sukkanniutsitsilluni timmisitsinernik tuniniaaneq siunissami eqquiniaasitsinertut eqquiniaasitsinissamut akuersissummi pineqartutut allatuulli akitsuuserneqartalissapput. Taamaalilluni akitsuut ilanngaasiinnginnermit isertitat 11 %-annit, ilanngaasiinnginnermi isertitat 20 %-anik akitsuusiisarnermut allanngortinneqassaaq. Danmarkimi hiistit oqilaniunneranni eqquiniaasitsisarnerit ammanerulersinneqarnerannut atatillugu, takuuk inatsit nr. 686, 8. juni 2017-imeersoq, hiistit oqilaniunneranni eqquiniaasitsinerni Danmarkimi hiistinik oqilaniutsitsisarfinni ingerlanneqartuni kaaviiaartitat 8 %-ianik immikkut akiliuteqartarnissaq atuutsinneqalerpoq. Immikkut akiliutissaq aningaasanoorutinik tuniniaasartunut Danmarkimi eqquiniaatitsinernik tuniniaanissamut akuersissummik peqartunut pisussaaffiliunneqarpoq, aammalu immikkut akiliutinit iluanaarutit Danmarkimi hiistit oqilaniunnerannik timersuuteqartartunut tunniunneqartarlutik. Immikkut akiliummik Danmarkimi pisutut aningaasanoorutinik tuniniaasartunut Kalaallit Nunaanni eqquiniaasitsinernik tuniniaanissamut akuersissummik peqartunut pisussaaffiliunneqartussanik atuutsitsisoqalissasoq, inatsisissatut siunnersuummi matumani siunnersuutigineqanngilaq. Tamatumunnga pingaartumik pissutaavoq, Kalaallit Nunaanni hiistit oqilaniuttarfiinik peqannginnera, taamaalillunilu tapersiisarnermut aaqqissuussamik iluaqutiginnissinnaasunik Kalaallit Nunaanni hiistit oqilaniunnerannik timersuuteqartoqartannginnera. Najukkani ataatsimoortunik eqquiniaasitsinernik tuniniaasarnernut akitsuusiisarnernullu maleruagassat allanngortinneqarnerannik allannguutit malitseqanngillat. 3. Pisortanut aningaasaqarnikkut allaffissornikkullu sunniutaasussat Inatsisissatut siunnersuut Namminersorlutik Oqartussanut aningaasaqarnikkut sunniuteqassanngitsoq naliliisoqarpoq. Internettikkut bingornerit ammanerulersinneqarnerannit iluanaarutaanerusussat ilai Kalaallit Nunaanni aningaasanoorutinut tunngassuteqartut, annikitsuaraassasut naliliisoqarpoq aammalu aningasartani aningaasanoorutinut atatillugu ukiumut Namminersorlutik Oqartussanut tunniunneqartartunut ilaatinneqarsinnaassasut naliliisoqarluni.

8 8 Taakkua aningaasartai 2017-imi ukioq aningaasaliiffiusoq aallarnerfigalugu koruuninut aalajangersarneqarpoq (2015-mi annertussutsit), takuuk inatsit nr. 1733, 27. december imeersoq. Aningaasartani atuisunut akigititanut naleqqersuutini qaffaanerit, annertussusaannik iluarsiineq ilanngullugu, ukiumoortumik iluarsiissutigineqartarput, aammalu iluarsiinermi million koruuninut qaninnernut akunnaalliliisoqartarluni. Aningaasartat annertussusaat 2021-ip ingerlanerani nalilersorneqassapput. Inatsisissatut siunnersuut Namminersorlutik Oqartussanut allaffissornikkut sunniuteqassanngilaq. 4. Inuussutissarsiortunut il.il. aningaasaqarnikkut allaffissornikkullu sunniutaasussat Inatsisissatut siunnersuut Kalaallit Nunaanni inuussutissarsiortunut aningaasaqarnikkut imaluunniit allaffissornikkut sunniuteqassanngilaq, tassami aningaasanoorutinik ammanerulersitsivigineqartussatut siunnersuutigineqartunik Kalaallit Nunaanni tuniniaasartunik peqanngimmat. 5. Innuttaasunut allaffissornikkut sunniutaasussat Inatsisissatut siunnersuut Kalaallit Nunaanni innuttaasunut allaffissornikkut sunniuteqassanngilaq. 6. Avatangiisinut sunniutaasussat Inatsisissatut siunnersuut avatangiisinut sunniuteqassanngilaq. 7. EU-mi inatsisinut tunngasut Inatsisissatut siunnersuut EU-mi inatsisinut tunngasunik imaqanngilaq. 8. Oqartussat kattuffiillu il.il. tusarniarneqartut Inatsisissatut siunnersuummut missingiut piffissami ulloq [ulloq] - ulloq [ulloq] Naalakkersuisunit Kalaallit Nunaanni tamanut ammasumik tusarniaassutigineqarpoq. Inatsisartut ulloq [ulloq] aningaasanoorutit ilai pillugit Kalaallit Nunaannut inatsisip allanngortinneqarnissaanut siunnersuut pillugu aalajangiiffigisassatut siunnersuut akueraat. 9. Immersugaq eqikkaaffiusoq Naalagaaffimmut, kommuninut aamma nunap immikkoortuinut aningaasaqarnikk ut sunniutaasussat Naalagaaffimmut, kommuninut aamma nunap immikkoortuinut Sunniutaasussat/aningaasartuutikinner uffissat pitsaasut (aappiuppat, annertussusaa allaguk) Sunniutaasussat/aningaasartuutikinner uffissat pitsaanngitsut (aappiuppat, annertussusaa allaguk)

9 9 allaffissornikkut sunniutaasussat Inuussutissarsiort unut aningaasaqarnikk ut sunniutaasussat Inuussutissarsiort unut allaffissornikkut sunniutaasussat Innuttaasunut allaffissornikkut sunniutaasussat Avatangiisinut sunniutaasussat EU-mi inatsisinut tunngasut EU-mi inatsisitigut minnerpaamik pisussaaffiit annertunaarlugit atuutsinneqalernis saat (X-iliigit) Siunnersuut EU-mi inatsisinut tunngasunik imaqanngilaq AAP NAAMIK X inatsisissatut siunnersuummi aalajangersakkanut ataasiakkaanut nassuiaatit 1-imut Nr. 1-imut Hiistinik qimminillu sukkanniutsitsinermi eqquiniaanernik tuniniaasarnerup maleruagassiivigineqarnera aningaasanoorutit ilai pillugit Kalaallit Nunaannut inatsimmi 6, imm. 1-imi allassimavoq. Taanna malillugu hiistinik qimminillu sukkanniutsitsinermi eqquiniaanernik tuniniaanissamut akuersissut taamaallaat Danske Spil-imut tunniunneqarsinnaavoq, aammalu tuniniaaneq taamaallaat taamaaqataanik tuniniaanermut Danske Spil-ip Danmarkimi tuniniaanissamut akuersissuteqarfigisaannut, tunngassuteqarsinnaavoq. Aningaasanoorutit pillugit inatsimmi 12 malillugu Danske Spil-ip hiistinik qimminillu sukkanniutsitsinermi eqquiniaanerit ataatsimoortumik eqquiniaanertut taamaallaat tuniniarsinnaavai. Tamatuma kingunerisaanik inatsisit atuuttut malillugit eqquiniaanerit aalajangersimasumik eqqoriaalluni eqquiniaanernik (aalajangersimasumik eqqoriaalluni eqquiniarneq) tuniniaanissaq akuerisaanngilaq.

10 10 Inatsisit atuuttut malillugit taamaallaat najukkami tuit allakkisartartut sukkanniutsillugit timmisinneqarnerannik eqquiniaanerit ataatsimoortut tuniniarneqarnissaat ajornanngilaq, takuuk aningaasanoorutit ilai pillugit Kalaallit Nunaannut inatsimmi 9. Siunnersuutigineqarpoq hiistit qimmillu oqilaniunneranni eqquiniaanernik ataatsimoortunik kiisalu tuinik allakkisartartunik sukkanniutsitsilluni timmisitsinernik tuniniaanissamut akuersissutit ammanerulersitsivigineqassasut. Taamatuttaaq siunnersuutigineqarpoq aalajangersimasunik eqqoriaalluni hiistit qimmillu oqilaniunneranni eqquiniaanernik tuniniaanissamik inerteqquteqarneq atorunnaarsinneqassasoq, aammalu eqquiniaanerit taamaattut ammanerulersitsinermi pineqartunut ilaassasut. Ataatsimoortunik eqquiniaasitsinerit aamma aalajangersimasunik eqqoriaalluni hiistit qimmillu oqilaniunneranni eqquiniaanerit kiisalu tuinik allakkisartartunik sukkanniutsitsilluni timmisitsinerit ammanerulersinneqarnerisa kingunerisaanik, eqquiniaanerit taakkua eqquiniaanernik tuniniaanissamut akuersissutini pineqartunut ilaatinneqalissapput, takukkit aningaasanoorutit ilai pillugit Kalaallit Nunaannut inatsimmi 7 aamma 8. Taamaalilluni siunnersuutigineqarpoq hiistit qimmillu oqilaniunneranni eqquiniaanernik tuniniaasarneq pillugu aningaasanoorutit ilai pillugit Kalaallit Nunaannut inatsimmi 6, imm. 1-imi kisermaassinermut aalajangersagaq allanngortinneqassasoq. Najukkami ataatsimoortunik eqquiniaanernik tuniniaanermut akitsuusiisarnermullu maleruagassat allanngortinneqanngillat. Aammattaaq inatsisissatut siunnersuummut nassuiaatini nalinginnaasuni imm innersuussutigineqarpoq. Nr. 2-imut Inatsisit atuuttut malillugit bingo aningaasanoorutinut nassuiaassutini pineqartunut ilaavoq, aammalu internettikkut bingo-nik tuniniaaneq Danske Spil-ip aningaasanoorutinut kisermaassinerani pineqartunut ilaavoq, takuuk aningaasanoorutit ilai pillugit Kalaallit Nunaannut inatsimmi 6. Siunnersuutigineqarpoq internettikkut bingo-nik tuniniaanissamut akuersissut ammanerulersitsivigineqassasoq. Tamatuma kingunerisaanik internettikkut bingo-nik tuniniaanissamut akuersissut, internettikkut aningaasanoortarfinnut akuersissutini pineqartunut ilaalerpoq, takukkit aningaasanoorutit ilai pillugit Kalaallit Nunaannut inatsimmi 7 aamma 8. Bingo aningaasanoorutaavoq, tassani aningaasanoortoq saattukujuumik arlalinnik normutaqartunik, ilisarnaatitaqartunik imaluunniit nalunaaqutsersuutitaqartumik peqartarluni. Saattukujuumi ataatsimo normut katitigaanerat aningaasanoortup nammineq aalajangertanngilaa. Aningaasanoornerup ingerlanerani normut il.il. nalaatsortumik ataasiakkaarlugillu makinneqartarput kiisalu aningaasanoortumit saattukujuumi nalunaaqutsersorneqartarlutik. Saattukujooq tamakkiisumik ilaannaasumilluunniit erseqqinnerusumik nassuiarneqartutut immersorneqarpat,

11 11 iluanaaruteqartoqassaaq. Taamaattumik internettikkut aningaasanoorutip takullugu piffissatigullu suliarineqarsimanera nalinginnaasumik bingornertut isigineqarsinnaasumut qanoq naapertuutsiginersoq, internettikkut aningaasanoorut internettikkut bingornerunersoq imaluunniit taamaannginnersoq aalajangiisuussaaq. Allatut oqaatigalugu internettikkut bingorneq ilaatigut aningaasanoorutitut kiliortortakkatut (internettikkut bingorutitut ilisarnarunnaarsarneqarluni) iluseqartinneqannginnissaa pingaaruteqarpoq. Internettikkut bingornerup ingerlanneqartarneranut maleruagassat erseqqinnerusut nalunaarummi aalajangersarneqassapput. Aningaasanoorutit ilai pillugit Kalaallit Nunaannut inatsimmi 19-imi ataatsimut isigalugu akileraartarnermut ministerip aningaasanoorutit taakkualu ingerlanneqartarneri pillugit maleruagassanik erseqqinnerusunik aalajangersaanissaa inatsimmi tunngavissaqareerpoq, ilanngullugit akiliutit iluanaarutillu, utertitsilluni akiliutinut procentiliussat, aningaasanoornerit sivisussusai il.il. pillugit maleruagassat erseqqinnerusut. Internettikkut bingornermut maleruagassat erseqqinnerusut, aallaaviatigut internettikkut bingo-nut Danmarkimi tuniniarneqartunut aamma Kalaallit Nunaanni tuniniarneqartunut, assigiissapput aammalu assersuutigalugu aningaasanoornerup sivisussusaa aammalu aningaasanoortup iliuuseqarluni/iliuuseqarani aningaasanoornermi peqataanerata killissalersorneqarnera pillugit maleruagassat ilaatinneqassallutik. Assersuutigalugu TV-ikkut aamma internettikkut bingorneq internettikkut aningaasanoorutinut nassuiaassumi ilaatinneqarpoq, takuuk aningaasanoorutit ilai pillugit Kalaallit Nunaannut inatsimmi 5, nr. 4. Tassani allassimavoq internettikkut aningasanoorutit aningaasanoorutaasut aningaasanoortup aamma aningaasanoorutinik tuniniaasup ungasianiit attaveqaqatigiinnermik atuillutik isumaqatigiissutigisaat. Paarlattuanik nunami aningaasanoorutit, aningaasanoortup aamma aningaasanoorutinik tuniniaasup imaluunniit aningaasanoorutinik tuniniaasup tuniniaasartuata naapeqatigiillutik isumaqatigiissuteqarfisaannik ingerlanneqartarput. Internettikkut bingornerit ammanerulersinneqarnerani siunnersuutigineqartumi assersuutigalugu TV amma internet aqqutigalugit tuniniaaneq siunissami taamaalilluni internettikkut aningaasanoortarfinnut akuersissutini pineqartunut ilaalissapput, takukkit aningaasanoorutit ilai pillugit Kalaallit Nunaannut inatsimmi 7 aamma 8. Danmarkimi internettikkut bingornerit ammanerulersinneqarnerata akuerineqartup malitsigisaanik, takuuk inatsit nr. 686, 8. juni 2017-imeersoq, internettikkut bingorneq Danmarkimi aningaasanoorluni eqquiniaatitsinerni Danske Spil-ip kisermaassinerani ingerlaannartumik pineqartunut ilaatinneqarunnaarpoq, taamaalillunilu aningaasanoorutit ilai pillugit Kalaallit Nunaannut inatsimmi 6, imm. 1 naapertorlugu Kalaallit Nunaanni aningaasanoorluni eqquiniaatitsinernut akuersissummi pineqartunut ilaatinneqarani. Paarlattuanik internettikkut bingorneq Kalaallit Nunaanni internettikkut aningaasanoortarfinnut akuersissummi ingerlaannartumik ilaatinneqalerpoq, takuuk aningaasanoorutit ilai pillugit Kalaallit Nunaannut inatsimmi 7, imm. 2. Internettikkut bingorneq kisermaassinermi pineqartunut ilaatinneqaannassappat, aningaasanoorutit ilai pillugit Kalaallit Nunaannut inatsimmi 6, imm. 1 allanngortinneqassaaq, taamaalilluni internettikkut bingo aalajangersakkami ilanngunneqassalluni.

12 12 Internettikkut bingornerit ammanerulersinneqarnissaannik siunnersuuteqarnermi aammattaaq internettikkut bingo-nik tuniniaaneq internettikkut aningaasanoortarfinnut akuersissummi pineqartunut ilaalissaaq, takuuk aningaasanoorutit ilai pillugit Kalaallit Nunaannut inatsimmi 8, tamatumalu kingunerisaanik aningaasanoorutit ilai pillugit Kalaallit Nunaannut inatsimmi 8, imm. 2 allanngortinneqassasoq siunnersuutigineqarpoq, taamaalilluni aalajangersagaq aamma internettikkut onlinebingornernut tunngassuteqalissalluni. Aammattaaq inatsisissatut siunnersuummut nassuiaatini nalinginnaasuni imm innersuussutigineqarpoq. Nr. 3-imut Eqquiniaanerit ammanerulersinneqartut tuniniarneqartarnerannut maleruagassiineq aningaasanoorutit ilai pillugit Kalaallit Nunaannut inatsimmi 7-imi aamma 8-imi allassimavoq, taanna malillugu eqquiniaanernik tuniniaanissamut akuersissummik peqarnissaq piumasaqaataalluni. Aningaasanoorutit ilai pillugit Kalaallit Nunaannut inatsimmi 7, imm. 2 malillugu eqquiniaanernut akuersissut taamaallaat eqquiniaanernik, Danmarkimi eqquiniaanernik tuniniaanissamut akuersissummi pineqartunut ilaasunik, taamaaqataanik tuniniaanissamut tunngassuteqarpoq. Ataatsimoortumik eqquiniaanerit aammalu aalajangersimasumik eqqoriaalluni hiistit qimmillu oqilaniunneranni eqquiniaanerit kiisalu tuinik allakkisartartunik sukkanniutsitsilluni timmisitsinerit ammanerulersinneqarnissaasa akuerineqarnerata malitsigisaanik, takuuk inatsit nr. 686, 8. juni 2017-imeersoq, eqquiniaanerit taakkua aningaasanoorutit ilai pillugit Kalaallit Nunaannut inatsimmi 7, imm. 2 naapertorlugu Kalaallit Nunaanni eqquiniaanernik tuniniaanissamut akuersissummi ingerlaannaq pineqartunut ilaalerput, takuuk aningaasanoorutit pillugit inatsimmi 11. Hiistit qimmillu oqilaniunneranni eqquiniaanerit kiisalu tuinik allakkisartartunik sukkanniutsitsilluni timmisitsinerit Kalaallit Nunaanni tuniniarneqartut ammanerulersitsivigineqassanngippata, kisianni hiistinik qimminillu sukkanniutsitsinermi eqquiniaaneq suli kisermaassinermi pineqartunut ilaassappat, aningaasanoorutit ilai pillugit Kalaallit Nunaannut inatsimmi 7, imm. 2 allanngortinneqassaaq, taamaalillutik eqquiniaanerit taakkua aalajangersagaq malillugu akuersissummut tunngatillugu ilaatinneqassanatik. Aningaasanoorutit ilai pillugit Kalaallit Nunaannut inatsimmi 8, imm. 3 erseqqissarneqarpoq, 8, imm. 1 malillugu eqquiniaanernut akuersissut ilaatigut hiistit qimmillu oqilaniunneranni eqquiniaanernik kiisalu tuinik allakkisartartunik sukkanniutsitsilluni timmisitsinernik tuniniaanerni pineqartunut ilaanngitsut. Ammanerulersitsinissamik siunnersuuteqarnerup malitsigisaanik eqquiniaanerit aammattaaq aningaasanoorutit ilai pillugit Kalaallit Nunaannut inatsimmi 8 malillugu eqquiniaanernut akuersissummi pineqartunut ilaalerput, tamatumalu kingunerisaanik siunnersuutigineqarpoq hiistit qimmillu oqilaniunneranni eqquiniaanernik kiisalu tuinik allakkisartartunik sukkanniutsitsilluni

13 13 timmisitsinernik i i aningaasanoorutit ilai pillugit Kalaallit Nunaannut inatsimmi 8, imm. 3-imi inerteqquteqarneq atorunnaarsinneqassasoq. Aammattaaq inatsisissatut siunnersuummut nassuiaatini 1, nr. 1 innersuussutigineqarpoq. Nr. 4-imut Aningaasanoorutit ilai pillugit Kalaallit Nunaannut inatsimmi 24 a malillugu, hiistit qimmillu oqilaniunneranni eqquiniaanerit ataatsimoortut Danske Spil-ip tuniniartagai ilanngaasiinnginnermi isertitat 11 %-iinik akitsuusigaapput (akiliutit iluanaarutit ilanngaatigalugit). Najukkami hiistit qimmillu oqilaniunneranni eqquiniaanernik ataatsimoortunik kiisalu tuinik allakkisartartunik sukkanniutsitsilluni timmisitsinernik tuniniaaneq akiliutigineqartut koruunit ilanngaatigalugit (2010-mi annertussutsit) ulloq ingerlatsiviusoq ataaseq 11 %-imik akitsuusigaapput (annerpaamik qaammatisiutit malillugit ukiup ataatsip iluani ullut ingerlatsiviusut 24-it ilanngaatigalugit), takuuk aningaasanoorutit ilai pillugit Kalaallit Nunaannut inatsimmi 26. Inatsisissatut siunnersuummi 1, nr. 1-ip aamma 3-ip malitsigisaannik siunnersuutigineqarpoq, hiistit qimmillu oqilaniunneranni eqquiniaanernik ataatsimoortunik kiisalu tuinik allakkisartartunik sukkanniutsitsilluni timmisitsinernik tuniniaanissamut akuersissut ammanerulersitsivigineqassasoq. Tamatuma kingunerisaanik eqquiniaanernik taakkuninnga tuniniaanissamut akuersissut, eqquiniaanernik tuniniaanissamut akuersissummi pineqartunut ilaalissaaq. Eqquiniaanernik ataatsimoortunik aamma aalajangersimasumik eqqoriaalluni hiistit qimmillu oqilaniunneranni eqquiniaanernik kiisalu tuinik allakkisartartunik sukkanniutsitsilluni timmisitsinernik tuniniaaneq siunissami eqquiniaanertit allat assigalugit taamatut akitsuuserneqartassapput. Tassa imaappoq akitsuut ilanngaasiinnginnermi aningaasanoorutini isertitat 20 %-iisut annertussuseqassaaq. Tamatuma malitsigisaanik siunnersuutigineqarpoq hiistit qimmillu oqilaniunneranni eqquiniaanerit ataatsimoortut pillugit i i aningaasanoorutit ilai pillugit Kalaallit Nunaannut inatsimmi 24 a-imi maannakkut aalajangersakkat atorunnaarsinneqassasut. Najukkami ataatsimoortunik eqquiniaasitsinernut akitsuusiissarnermut maleruagassat allanngortinneqanngillat. Nr. 5-imut Aningaasanoorutit ilai pillugit Kalaallit Nunaannut inatsimmi 28 a, imm. 1-imi aningaasanoorutinut, inatsimmi 24 a-imi aamma 25-imi taaneqartunut akitsuusiinermut piffissaq aalajangersarneqarpoq. Aningaasanoorutit ilai pillugit Kalaallit Nunaannut inatsimmi 24 a atorunnaarsinneqassasoq siunnersuutigineqarmat, inatsimmi 28 a-imi innersuussineq taamaallaat 25-imut tunngassuteqalersillugu allanngortinneqarpoq. Taamaalilluni inatsimmi 24 a-ip atorunnaarsinneqarnerata malitsigisaanik, aningaasanoorutit ilai pillugit Kalaallit Nunaannut inatsimmi 28, imm. 1-imi sunniutaasumik allanngortitsineq pineqarpoq, takuuk inatsisissatut siunnersuuts 1, nr. 4.

14 14 2-imut Internettikkut bingornerit, hiistit qimmillu oqilaniunneranni eqquiniaasarnerit kiisalu tuit allakkisartartut sukkanniullutik timmisinneqarneranni eqquiniaasitsinerit ammanerulersinneqarnissaat pillugu allannguutit [ulloq 1. januar 2019] atuulilissasut siunnersuutigineqarpoq. Inatsisissatut siunnersuut inatsimmut atuuttumut sanilliullugu Ilanngussaq 1 Oqaasertalerneqarnera atuuttoq Inatsisissatut siunnersuut 1 Aningaasanoorutit ilai pillugit Kalaallit Nunaannut inatsimmi, takuuk inatsimmut nalunaarut nr. 336, 7. april 2016-imeersoq, inatsimmi nr. 1733, 27. december imeersumi allanngortinneqartumi, makkua allanngortinneqarput: 6. Eqqorniagassanik aamma hiistinik qimminillu sukkaniuutitsinerni eqquiniunnissanik neqeroorutinut akuersissut Danske Spil A/S-imut tunniunneqarsinnaavoq. Akuersissummi taamaallaat pineqarsinnaapput eqqorniagassanik pineqartutut ittunik aamma hiistinik qimminillu sukkaniutsitsinerni ajugaaniunnernik neqerooruteqarnerit Danske Spil A/S-imut Danmarkimi neqeroorutaasussatut akuersissutaasut. Imm Imm Imm. 2. Qarasaasiatigut kasinot 1. 6, imm. 1-imi, uniffimmi siullermi aamma aappaani, atorunnaarpoq»aamma hiistit qimmillu oqilaniunneranni eqquiniaasarneq«. 2. 8, imm. 2-imi, uniffik siullermi,»poker«: kingorna ikkunneqarpoq», internettikkut

15 15 neqeroorutigisinnaavaat roulettet, baccarat, punto banco, black jack, poker aamma qarasaasiatigut kasinomi spilleautomatini eqqugassartalittut pinnguaatit. Pinnguaatinut allatut ittunut akuersissuteqartoqarsinnaavoq, soorlulu akuersissutit ataasiakkaat pinnguaammut ataatsimut arlalinnulluunniit killiliiffigineqarsinnaalluni. Imm. 3. Imm. 1 malillugu akuersissummik neqeroorutigineqarsinnaanngillat hiistinik qimminillu sukkaniutsitsinermi, tuinik timmisitsinikkut unammisitsinerni aamma eqqorniagassat inernerinik allatulluunniit nalaatsornikkut pilersitatut pisussanik eqquiniarnissaq qarasaasiatigut piviusuusaartitatut timersuuteqarnerit inernerisaannik nunami eqquiniaasitsinerit eqqaassanngikkaanni. Imm a. Hiistit qimmillu oqilaniunneranni eqquiniaanernik tuniniaanissamut 6 malillugu akuersissummik pigisaqartoq, ilanngaasiinnginnermi pinnguaatinit isertitat 11 %-iinik danskit naalagaaffiannut akiliissaaq. bingo«. 3. 8, imm. 3-imi, atorunnaarpoq»hiistinik qimminillu sukkanniutsitsinermi, tuinik sukkanniutsitsilluni timmisitsinermi aamma« a atorunnaarsinneqarpoq a, imm. 1-imi, atorunnaarpoq»hiistit qimmillu oqilaniunneranni eqquiniaasarneq 24 a-imi taaneqartoq aamma«. 28 a. Hiistit qimmillu oqilaniunneranni eqquiniunnerni 24 a-mi taaneqartuni aamma eqquiniunnerni qaraasiatigullu kasinomik ingerlatsinerni 25-mi taaneqartuni piffissaq akitsuuteqarfiusussaq tassaavoq qaammatisiutini qaammat atuuttoq. Imm