Atuartut oqallorinnerulernissaannut atuffarinnerunissaannullu suliniut

Transkriptio

1 Atuarfitsialaap piviusunngortinneqarneranut atatillugu suliniut: CREDE Atuartitsinermi tunngaviit periaatsillu piviusut Center for Research on Education, Diversity & Excellence-mit (CREDE) ineriartortinneqarsimasut misilinneqarnerat Siunertaavoq ilisimatuut, siunnersortit, atuarfiit pisortaasa ilinniartitsisullu suleqatigiinnerisigut CREDE-p ilisimatusarneq tunngavigalugu pamersaanikkut malittarisaasa periaasiiisalu Nunatsinni atuarfinni assigiinngitsuni sisamani atorneqalernerannit paasissutissanik misilittakkanillu katersinissaq. Pilersaarusiaq kommuunini nunap immikkoortuini assigiinngitsuni sisamani ingerlanneqassaaq (Narsami, Nuummi, Maniitsumi aamma Ilulissani). Saaffigineqartut tassaapput illoqarfinni taaneqartuni atuarfiit pisortaat kiisalu nukarlerni akullernilu atuartitsisartut soqutiginnittut. Anguniagaavoq CREDE-p pamersaanikkut tunngaviisa periaasiiisalu misiligarneqarnissaat matumani anguniarlugu CREDE-p pamersaanikkut tunngaviisa periaasiiisalu eqqunneqarnissaannut najoqqutassamik kalaallisut aamma qallunaatut suliaqartoqarnissaa. Nunatsinni meeqqat atuarfianni ilisimatusarneq tunngavigalugu atuartitsinerup ingerlanneqarnissaanik Atuarfitsialammi anguniarneqartoq najoqqutassakkut naammassiniarneqassaaq. Pilersaarusiaq ukuninnga pereersunik ingerlatitseqqinneruvoq: Colloquium III, september 2003-mi ilisimatuut Bente Hagtvet-ip aamma Jørgen Frost-ip aamma Inerisaavik/Pilersuiffimmi atuffarissarneq pillugu siunnersortit ataatsimeeqatigiinnerat kiisalu november 2003-mi atuarfiit pisortaasa Ilulissani ataatsimiinnerat. I. Ineriartortitsineq. Jannuaari/februaari Atuarfiit peqataatinneqartussat pisortaat, atuffarissarneq pillugu siunnersortit, Inerisaavik/Pilersuiffiup piviusunngortitsinermut, nalilersuinermut, ilisimatusarnermullu immikkoortoqarfii, Albuquerque-mi, New Mexico-mi ataatsimiinnermi peqataapput, tamatumalu kingorna CREDE-p pamersaanikkut tunngavii periaasiilu malillugit atuartitsineq atuarfimmi ineriartorfiusumi (Starlight School-imi) Watsonville-mi Californiamiittumi malinnaaffigaat. Peqataasut aammattaaq Santa Cruz-imi paasiniaaqatigiinnermi suleqatigiinnermilu peqataapput CREDE-p ilisimatuutut misissuisui ineriartortitsinermilu sulisui peqatigalugit. II. Piareersarneq. Februaarimi martsillu aallartinnerani 2004-mi atortussat CREDE-meersut aallaqqaammut qallunaatuunngortinneqassapput. Tamatuma kingorna atuarfiup pisortaata, atuffarissarneq pillugu siunnersortit ilaat suleqatigalugu, atortussat CREDE-p pamersaanikkut tunngavii periaasiilu ilinniartitsisunut misileerusuttunut saqqummiutissavai mi maajip 8-anni aamma 9-anni atuarfiit pisortaasa, atuffarissarneq pillugu siunnersortit, Inerisaavik/Pilersuiffimmi sulisut, CREDE-p pisortaa Roland Tharp peqatigalugu CREDE-p pamersaanikkut tunngaviisa periaasiisalu misilinneqarnissaannut atuarfiit namminneq pilersaarutaat misissuataassavaat. Tamatuma kingorna Roland Tharp pilersaarummut ataqatigiissaarisoq peqatigalugu atuarfinnut peqataasussanut tamanut angalassaaq, taakkunani ilinniartitsisut peqataasussat, atuarfiit siulersuisui angajoqqaallu ataatsimeeqatigisassallugit. III. Piviusunngortitsineq. Ingerlanneqassaaq august 2004-miit 2004-mi novembarip naaneranut. CREDE-p tunngavii periaasiilu malillugit atuarfiit pilersaarusiussapput piviusunngortitsillutillu aamma atuartut ilinniarnerat, ilinniartitsisut atuartitsinerat pisortallu aqutsinerat nalilersorneqassaaq. Piviusunngortitsineq naggaserlugu atuartut ilinniarnerat, ilinniartitsisut atuartitsinerat kiisalu pisortat anguniakkamut aqutsinerat, ilitsersuinerat tapersersuinerallu nalilersorneqassapput.

2 IV. Nalilersuineq. Ingerlanneqassaaq 2004-mi novembarip naanerani/decembarip aallartinnerani. Pilersaarusiaq tamakkerlugu sumiiffinni ataasiakkaani atuartunit, ilinniartitsisunit, atuffarissarneq pillugu siunnersortinit pisortanillu peqataasunit nalilersorneqassaaq imi januarimi atuffarissarneq pillugu siunnersortit, pisortat kiisalu Inerisaavik/Pilersuiffimmi sulisut peqataasut pilersaarut tamakkerlugu nalilersussavaat. Pilersaarusiami atorneqartut tamakkerlugit katersorneqassapput aamma atuarfiit najoqqutassaat misissoqqissaarneqassapput aammattaaq pilersaarusiap piareersarneqarneranit, piviusunngortinneqarneranit nalilersorneqarneranillu assersuutinik piviusunik ilaterneqassallutik. Inerisaavik/Pilersuiffik pilersaarusiap misilinneqarnerani piareersaasiornermut, piviusunngortinneqarneranut nalilersuinermullu akisussaasuuvoq. Atuarfiup peqataasup pisortaa atuarfigisamini misiliinerup ingerlanneqarneranut akisussaasuuvoq. Inerisaavik/Pilersuiffiup pisortaa, Jens Jakobsen pilersaarusiap tamakkerluni ingerlanneqarneranut akisussaasuuvoq. Atuarfinni ataasiakkaani pisortaasoq CREDE-p pamersaanikkut tunngaviisa periaasiisalu misilinneqarnerannut akisussaasuuvoq. Inerisaavik/Pilersuiffimmiit: Jens Jakobsen (pilersaarusiami pisortaq). Nalilersuisarneq pillugu immikkoortoqarfimmiit: Kaali Olsen aamma Ezekias Therkildsen. Piviusunngortitsinermut immikkoortoqarfimmiit: Lone Hindby, Sara Skifte Lynge, Birthe Nielsen, Bent Mortensen, Karl Kr. Olsen (pilersaarusiamut ataqatigiissaarisuusoq), Frank Darnell. Danmarkimiit (Hjørring): Jan Soelberg. Ilulissaniit, Atuarfik Mathias Storchimiit: Johanne Olsen (atuarfiup pisortaa), Arnarulunnguaq Pedersen (atuffarissarneq pillugu siunnersorti). Nuummiit, Ukaliusamiit: Karno Lynge (skoledirektøriugallartoq), Sørine Lange (atuffarissarneq pillugu siunnersorti). Maniitsumiit, Atuarfik Kilaaseeqqamiit: Susanne Kleist Josefsen (immikkoortumi pisortaq), Vivi Lyberth (atuffarissarneq pillugu siunnersorti). Narsamiit, Narsap Atuarfianiit: Kattie Egede Motzfeldt (atuarfiup pisortaa), Grethe Poulsen (ineriartortitsinermi suleqataasoq), Karline Kleist (atuffarissarneq pillugu siunnersorti Qaqortumi najugalik). Misiliineq nalunaarusiorneqassaaq ima taaguutilimmik suliaqartoqarneratigut CREDE-p pamersaanikkut tunngaviisa periaasiisalu eqqunneqarnerannut atatillugu atuarfiit najoqqutassaat. Misiliineq takussutissiorneqassaaq videuliornikkut, piareersarnermit, atuartut ilinniartinneqarnerannit nalililersuinermillu, ilinniartitsisut atuartitsinerannit pisortallu aqutsinerannit, siunnersuinerannit tapersersuinerannillu assit pappilissatigullu takussutissat. CREDE-p pamersaanikkut tunngaviisa periaasiisalu eqqunneqarnerannut atatillugu atuarfiit najoqqutassaat 2005-imi martsip aallartilaarnerani atuarfinnut tamanut nassiussuunneqassaaq. Atuartut oqallorinnerulernissaannut atuffarinnerunissaannullu suliniut Ukiuni mi atuffarissaalluni suliniuteqartoqarneratigut, tassa atuffarissaanermut siunnersortitut ilinniarsimasut sisamat iluatsilluaqisumik nunarput tamakkerlugu ilinniartitsisunik oqaatsitigut atuarnermillu atuartitsinermut iluaqutigineqarluartumik pikkorissartitsineranni angusatigut misilittakkat pitsaasut tunngavissiinerisigut suliniut ukiuni imut ineriartortillugu ingerlateqqinneqassaaq. Pikkorissaanerit imaat kiisalu atortut atorneqartut ineriartortinneqarsimapput atuarneq pillugu periaatsinik immikkut ilisimasalik ilisimaneqartoq Jørgen Frost suleqatigalugu. Anguniagaavoq atuartut oqaatsitigut atuarsinnaanikkullu piginnaanerisa pitsanngorsartuar-

3 nissaat, ilinniartitsisunik oqaatsitigut atuarnermillu atuartitsinermut pikkorissaanikkut kiisalu atuartitsinermi atortunik nutaanik ineriartortitsinikkut. Tamatuma saniatigut meeqqat atualeqqaarnermik nalaani oqaatsitigut piginnaasaat pitsanngorsarniarlugit meeqqerivinni perorsaasutut sulisunik klassinilu ilinniartitsisunik ataatsimut pikkorissaanermik suliniuteqarneq aallartinneqassaaq. Atuartitsinermi atortut nutaat ineriartortinneqarsimasut atorlugit meeqqerivinni perorsaasutut sulisut kiisalu ilinniartitsisut kalaallit oqaasiinik atuartitsisartut tamaasa pikkorissartinneqassapput, pikkorissarnerni atuartitsinermilu atortussani CREDE-mi malitassat periaatsillu tulluarsarneqassapput taamaalilluni meeqqat oqaatsitigut, silassorissutsikkut inuttullu ilinniarnissamut periarfissaat pitsaanerpaaq taamalu kinaassutsimikkut inerilluarnissaat anguniarlugu. Pilersaarusiaq Kalaallisut atuffarissutsimik misiliinerit nutaat " Atuarsinnaanermik misilitsinnerit takussutissatut nalilersueriaatsitullu isigineqarmata, Atuarfitsialaallu eqqunneqarneranut atatillugu pamersaanikkut naleqquttuummata tulluarlutillu, nutaamik kalaallisut atuffarissutsimik 2. aamma 5.klassimi misiliisoqartassaaq. Pilersaarusiaq sisamanik immikkoortortaqarpoq: o Isumassarsiorneq, atuffarissutsimik misiliinerit qanoq imaqarnissaannik isumassarsiamik tamarmiusumik suliareqqissaakkamillu inerneqartussaq. o Misileraanerup misilinneqarnera immikkoortunik ataasiakkaanik misissueqqissaarneq o ilanngullugu, isumassarsiaq Nunatsinni sumiiffinni assigiinngitsuni arlalinni misilinneqassaaq, ilaatigut aaqqiissutaasinnaasut nassaariniarlugit. o Assigiissaarineq, misissuiffigineqartut naammaginartumik amerlassusillit misilinnerisigut meeqqat 2. amma 5. klassimi atuartut qanoq atuffaritsiginissaannik o assigiissaarinissamut tunngaviliissaaq. o Takussutissiorneq, pikkorissartitsinerit aqqutigalugit misiliisitsisartunik attaveqaataasunik pilersitsisoqassaaq, taakkualu misilittaasassapput, misiliinerillu inerneri tunngavigalugit pamersaanermut tunngasunik siunnersuisassallutik. Jørgen Chr. Nielsen, DPU-meersoq ataavartumik siunnersuisutut ikiuutissaaq atuffarissutsimillu misiliinerit ineriartortinneqarnerannut iltsersuisuussalluni, taamaalilluni Nunatsinni atuffarissutsimik misiliisarnerit nunani tamalaani misiliisarnerit ineriartortinneqarneratuut ineriartorsinnaaniassammata. Pilersaarusiaq Qajaq makitipparput - atuarfiit mikisut ineriartortinneqarnerat Pilersaarusiaq pilersinneqarpoq kommuunini ingerlatsivinni pisortat suleqatigalugit, ilisimaneqarmat atuarfiit minnerusut immikkut ittumik suliniuteqarfiginissaat pisariaqartinneqartoq, ilaatigut avinngarusimasutut misigisimaneq illuatungilerniarlugu ilaatigullu aningaasartuutinik pitsaanerusumik atuinissamik paarlaateqatigiissinnaanermillu ineriartortitsinissaq siuarsarniarlugu. Atuarfiit imminnut misilittakkatik ilisimasatillu aallaaviginerullugit ingerlatsisariaqarput, ataatsimullu ajornartorsiutinik aaqqiiniarneq ilisimatitsinerlu aallunnerusariaqarlugit. Tamatumuuna siunissaq ungasinnerusoq eqqarsaatigalugu atuarfiit minnerusut ingerlatsinerat siuarsarneqassaaq. Pilersaarusiami periaatsimi atorneqartumi aallaavigineqartoq tassaavoq isumaqartoqarmat

4 ineriartorneq ilinniarnerlu ingerlataqarnikkut iluatsilluarnerusartut, ilaatigut peqataasut misilittagaat aallaavigalugit ilaatigullu aaqqissuussinermi peqataasut nammineq ataatsimullu pisariaqartitaasa, anguniagaasa iliuusissatullu pilersaarutaasa oqaasertalernerisigut. Pilersaarusiaq januar 2004-miit juni 2005-imut ingerlanneqassaaq. Suliaqaqatigiilluni seminareqarnissat sisamat pilersaarutaapput: 1. Nunaqarfinni atuarfiit pisortaat tamarmik (marloriarluni - nunap immikkoortuinit assigiinngitsuneersut akulerullugit), anguniagassat iliuusissallu suliarissavaat. Aammattaaq misilittakkanik isumassarsianillu paarlaateqatigiinneq aamma fagitigut tapersersoqatigiinnikkullu attaveqatigiinnikkut aaqqissuussinissaq aallunneqassapput. Anguniakkanut aqutsinermut, attaveqatigiinnermut, allanngortitsiartuaarnernut akerliunernut, IT-ATTAT-mut atorneqarsinnaasunik sakkussanik tunniussisoqassaaq kiisalu suliffiup sivisussusissaa pillugu isumaqatigiissut tassanilu periarfissat pillugit paasissutissiisoqassaaq. 2. Nunaqarfinni atuarfiit pisortaat tamarmik (pingasoriarluni - nunap immikkoortuineersut eqimattat) atuarfiit sumiiffinni ataasiakkaani ingerlanneqartunik kiisalu sumiiffinni ataasiakkaani ineriartortitsinissamut pisariaqartitanik saqqummiussinerit. Aammattaaq atuartitsinermut pilersaarutit saqqummiunneqarnerat, piareersarneqarnerat taakkualu ilikkagassatut anguniakkanut, nalilersuinermut takussutissiinermullu ilannguneqarnerat. ATTAT-mik atuinissamut sungiusarneq aamma qarasaasiaq atorlugu sulineq kiisalu iliuusissanik aalajangersaaneq. 3. Nunaqarfinni atuarfiit pisortaasa seminareqarnerinit marluusunit inernerit kommuunini ingerlatsivinni pisortanut saqqummiunneqarnerat. Inatsisinut isumaqatigiissutinullu tunngatillugu periarfissat pisussaaffiillu oqaluuserineqassapput. Siunissami atuarfinnik minnerusunik suleqateqarnermut atatillugu anguniakkanik iliuusissatullu pilersaarutinik kiisalu suliassat qanoq ingerlanneqarnissaat pillugu suliaqartoqassaaq. Naggataatigut ingerlatsivinni pisortat namminneq ineriartornissaminnut pisariaqartitaat sammineqassapput. Seminareqarnissamut Kanukoka qaaqquneqassaaq. 4. Pilersaarusiaq naggaserlugu nunaqarfinni atuarfiit pisortaat ingerlatsivinnilu pisortat ataatsimut seminareqartinneqassapput, tamatumanilu anguniakkatut aamma suliniutissatut pilersaarutit nutaat, peqataasut siunissami suliassaat suliarineqassapput kiisalu naggataarutaasumik nalilersuineq. Ineriartortitsinermik suliniutit aallartinneqartut ikorfartorniarlugit peqataasullu piginnaaneri qaffassarniarlugit pisariaqartitsineq naapertorlugu pikkorissartitsinerit pilersaarutaapput. Immikkut ilisimasalinnik attaveqaataasussanik toqqaasoqareerpoq, taakkualu ataqatigiissaarisutut pilersaarusiorneq, tulluarsaaneq, paasissutissiineq siunnersuinerlu aquttussaavaat. Pilersaarut naggaserlugu nalilersuinerusumik eqimattanut apersuinerit pilersaarutaapput. Naggataatigut ingerlanneqarnera inernerilu pillugit nalunaarusiortoqassaaq. Pilersaarusiaq Timelærerinut pamersaanermik tunngaviusumik pikkorissaaneq Ilinniartitsisussaaleqineq pissutigalugu ukiuni arlalinni timelærerinik pamersaanikkut tunngaviusumik ilinniagaqarsimanngitsunik atorfinitsitsisarnissaq pisariaqassasoq naatsorsuutigisariaqarpoq. Taamaattumik timelærerit fagitigut piginnaanerisa qaffassarneqartarnissaat kissaatiginarpoq, taamaalillutik atuartitsinerup piareersarnissaanut atuartitsinermullu tunngaviusu-

5 mik ilisimasassanik, periaatsinik atortussanillu pissarsisinnaaniassammata kiisalu nammineerlutik ilinniartitsisullu suleqatigisatik peqatigalugit atuartut pissarsiaat nalilersorsinnaaniassammatigik. Ilinniartitsisut aalajangersimasumik amerlassusillit timelærerinut ilitsersuisutut/nakkutilliisutut ilinniartinneqassapput. Taakkua suliassaraat ataavartumik timelærerit atuartitsinerup pilersaarusiorneranut, piviusunngortinneranut nalilersuinermullu ilitsersornissaat, tamatumuunakkullu ilitsersuussutigissallugit ilinniarnermik isiginnittaaseq, periaatsit suleriaatsillu. Tamatumunnga tapertatut Toornaq Consulting suleqatigalugu tv-kkut isiginnaagassiat arlallit suliarineqassapput. Taama ingerlatsineq naggaserlugu timelærerit ilitsersuisumit misilitsissapput, avataaneersumik censoreqarlutik. Piffissamut aamma iliuusissatut pilersaarut arfineq-marlunnik immikkoortoqarpoq, piffissamilu december 2003-mit december 2004-mut ingerlanneqassalluni: 1. Ilitsersuisut pikkorissarnissaaasa piareersarneqarnera 2. Ilitsersuisut pikkorissartinneqarnerat 3. Timelærerit pamersaanikkut tunngaviusumik pikkorissarnerisa immikkoortua siulleq 4. Maannamut ingerlatsisimanerup nalilersorneqarnera. Ilitsersuisut nangitsiviusumik pikkorissarnissaasa pilersaarusiornera 5. Ilitsersuisut nangitsiviusumik najugartik qimannagu allakkatigut pikkorissarnerat 6. Timelærerit pamersaanikkut tunngaviusumik pikkorissarnerisa immikkoortuisa aappaat 7. Inaarutaasumik misilitsinneq. Ingerlatsinerup nalilersorneqarnera Pilersaarusiaq Atuarfimmi sulianik katersiveqarnerup eqqunneqarnera Atuarfimmi sulianik katersiveqarnerup, atuarfinni pingasuni misilinneqartup ersersippaa Atuarfitsialaap eqqunneqarneranut atuarfimmillu ineriartortitsiuarnissamut atatillugu pilersaarusiornermut atussallugu pitsaasuusoq. Aammattaaq ilinniartitsisut ilinniaqqittarnerisa pilersaarusiorneranni atortussatut pisariaqartuuvoq, taamaattumik siaruartinneqarnissaa Nunatsinnilu atuarfinni tamani atorneqalernissaa kissaatiginartuuvoq. Saaffigineqartut tassaapput atuarfinni annerni annerumaanilu atuarfiit pisortaat immikkoortortanilu pisortat. Anguniarneqarpoq: - pisortat atuarfimmi anguniakkanik iliuusissatullu pilersaarutinik oqaasertaliinermik aallarnisaasutut sungiusarneqarnissaat, kommunalbestyrelsip atuarfimmilu siulersuisut anguniagaat naapertorlugit. - pisortap atuuffianik atuarfiullu ataatsimoortumik ineriartornissaanik aallarnisaasutut suliaqarnissamik paasinninnissaq - ilinniartitsisut suliaminnut misissueqqissaarnissaannut akuliutitissallugit kiisalu immikkoortortani, fagikkaarluni, inuttullu ineriartortitsinissamik pilersaarusiorneq - paasinnittoqassasoq pisortat atuuffiannik suliassaannillu matumani eqqarsaatigalugit pingaarnersiuineq, anguniakkamut aqutsinermi ilinniartitsisut pilersaarutaasa allanngortinneqannginnissaat atuutilersinneqarnissaallu - pikkorissaanerup ineriartortittuarneqarnerani pisortat atuuffiinut suliassaannullu paasinninnissaq Piffissami 2004-mi sap. akunnera 36-miit 41-mut tallimariarluni nunap immikkoortuini ullunik marlunnik sivisussusilimmik seminareqartoqassaaq. Seminareqarnermi paarlakaallu-

6 git ingerlanneqassapput oqallissaarutitut saqqummiussat, eqimattakkaarluni sulineq, ataatsimoorluni oqallinnerit kiisalu sungiusaatit. Ukiumi atuarfiusumi 2005/06-imi seminareqarnerit nanginneqassapput matumani siunertaralugu seminareqarnerni inerniliunneqartut atuarfinni ataasiakkaani anguniakkamik aqutsinerit nalilersorneqarnissaat. Nalilersuinikkut siunertarineqarpoq ukiumi atuarfiusumi ingerlasumi atuarfiit ataasiakkaat iliuusissatut aamma piffissaliussatut pilersaarutaasa misissoqqissaarneqarnissaat, anguniakkamik aqutsinerup ineriartorteqqinneqarnissaa anguniarlugu. Pilersaarusiaq Alloriarnermiit alloriarnermut Atuarfitsialak ilinniarnermut inuttullu isiginninnermut arlalinnik allannguinissamut aallarniivoq, tamanna isumaqarpoq piginnaanerit faginut tunnganngikkaluartut taakkunatulli pingaaruteqartigisut, atuartup ineriartornera siuarsarniaraanni. Fagit nutaat ilaat tassaavoq inuttut inerikkiartorneq, tassani inooqatigiinnikkut misigissutsikkullu piginnaanerit pingaarutilittut ilaatinneqarput. Tamatumunnga atuartitsinermi atortussatut piukkunnartoq tassaavoq Alloriarnermiit Alloriarnermut, taanna uannga qallunaatuunngortitaavoq Second Step, USA-mi Committee for Childrenimiit saqqummersinneqarsimasoq: Atuartitsinermi atortutigut anguniarneqarpoq meeqqat inooqatigiinnikkut piginnaaneqalernissaat (suleqatigiinnermut ajornartorsiutinillu aaqqiiniarnermut), meeqqat naleqassutsimik misigisimanerisa nukittorsarneqarnerat (isumassuineq misigissutsillu), kaammattuutigissallugu sulissutigineqassasut ataatsimut toqqissisimanissaq aamma qinngasaarinermik nakuusernermillu pitsaaliuineq. Pilersaarutikkut anguniarneqarpoq eqimattat suleqatigiit atuartitsinermi atortussat qallunaatuut misilissagaat tamatumalu kingorna aaqqissuunnerani kalaallisuunngortinneqarneranilu tusarniaavigineqarsinnaassallutik, Ilinniusiorfik suleqatigalugu. Pilersaarusiaq piviusunngortinneqassaaq pilersaarut una malillugu: - Dec januar 2004: Ilinniartitsisut marluinnik oqaasillit nukarlernik atuartitsisartut qulit katersorneqassapput ilitsersuisutut ilinniagaqarnissaat siunnerfigalugu. - Sap. akunnera : Ilitsersuisussat pikkorissartinneqarnerat. - Upernaaq/ukiaq 2004: Atortussat qallunaatuut Trin for Trin misilinneqassapput. - Oktobari 2004: Misiliinerup inerneri pillugit ullut marluk seminareqarneq - Ilinniartitsisunik minnernik atuartitsisartunik 12-nik aappassaanik ilitsersuinermut pikkorissartussanik pissarsiorneq. - Februaari 2005: Kalaallisuunngortinnera naammassissaaq. Ilitsersuisussanik aappassaannik pikkorissaasoqassaaq. - Febr./apriili 2005: Kalaallisuunngortinnera misilinneqassaaq. - Ilinniartitsisut atortussanik misiliisimasut seminareqartinneqarnerat. Atuartunut akullernut atortussat kalaallisuunngortinneqarnissaannut pilersaarusiorneq. - Juni/aggusti 2005: Kalaallisuungortinnerata naammassineqarnera. - Septembari 2005: Aaqqissuunera naqiterneralu aallartinneqassaaq. - Marsi 2006: Kalaallisuua Alloriarnermiit Alloriarnermut saqqummissaaq. - Marsi/apriili 2006: Kommuuninut tamanut ilitsersuisussanik pikkorissaanissaq neqeroorutigineqassaaq. Ilitsersuisut ullup affaa atuisussanut pikkorissaasapput. - Aggusti 2006: Atuartitsinermi atortussat klassini tamani atuartitsinermi atorneqalissapput. Pilersaarusiaq Angajoqqaat quppersagaat

7 Angajoqqaat quppersagaata saqqummersinneratigut siunertarineqarpoq Atuarfitsialaap eqqunneqarneratigut pissutsit nutaarpassuit pillugit angajoqqaat paasissutissinneqarnissaat. Quppersagaq ilusilerneqassaaq atuakkatut ujarlerfissiatut kalaallisut qallunaatullu oqaatsinik atorneqartunik ujarlerfissalerlugu, aamma allaaserisanik naleqquttunik atuarfimmut tunngasunik imaqassaaq, paasiuminartunngorlugit allagaasunik inngorlugu naqiterneqassaaq, sisamanik qalipaateqassalluni allaaserisanik, assinik titartakkanillu imaqassalluni. Qeratasuumik ungaloqassaaq eqqarsaatigineqarporlu angerlarsimaffiup sivikinnerpaamik ukiuni pingasuni quppersakkatut atorsinnaassagaa, tamatumalu kingorna iluarsaallugu naqiteqqinneqarsinnaassalluni. Angajoqqaat quppersagaat Inerisaaviup Toornaq Cosultingillu suleqatigiillutik saqqummersissavaat.