Colofon. Imai Oqaluttariarsorluni misilitsitsineq 2 Allattariarsorluni misilitsitsinerit 5

Transkriptio

1

2 Colofon Saqqummersitsisoq: Inerisaavik 2009 Suliarinnittoq: fagkonsulent Brita Toft Hyldgaard Aaqqissuisoq: specialkonsulent Louise Richter Ilusaa elektroniskiusoq Imai Oqaluttariarsorluni misilitsitsineq 2 Allattariarsorluni misilitsitsinerit 5 1

3 Oqaluttariarsorluni misilitsinneq 2008-mi misilitsinnissani tuluit oqaasii atuarfinni tallimani oqaluttariarsorluni misilitsiffiusussatut makinneqarput. Taakkua saniatigut atuartut atuarfinnit allanit qulineersut tuluit oqaasiini oqaluttariarsorlutik misilitsikkumasimapput. Atuartut katillugit 289-it oqaluttariarsorlutik misilitsipput. Agguaqatigiissillugu karakteeri tassaavoq 7,19. Atuartut oqaluttariarsorluni misilitsinnerminni ilisimariikkaminnik pisassiissutineersunik qanoq annertutigisumik atuinerat annertuutigut assigiinngissuteqarpoq. Atuartut ilaasa malunnavissumik pisassiissutiniittut annertunerusumik eqqaamasaqarfiginngilaat atuartut allat misilitsinnissamik tungaannut piareersarluavissimapput misilitsinnerminnilu annertuutigut ilisimariikkatik imaluunniit saqqummiutissallugit tulluartut allat atorluarniartarsimavaat. Atuartut ilaat isumaqarput misilitsissutit naalisaaffigiinnarnissaat naammattoq, taamaammallu ilinniartitsisumut/censorimut oqaloqatigiinnissap ingerlateqqinnissaanut imaluunniit atuarnermi ingerlanneqarsimasut ilaasa ilanngunnissaat ajornakusoortarpoq. Piareersarneq misilitsinnerlu Atuartup piareersarnermini ukiup ingerlanerani nammineq allattugarisarsimasani atorsinnaavai atuakkat (tekstbøger), kompendiat allatanik imallit (tekstkompendier) assigisaalluunniit misilitsinnissamut piareersarfimmut nassaqqusaanngillat. Ikiuutigalugit atortuusinnaasut (tuluttut/qallunaatut/kalaallisut ordbogit) inimi tassaniissinnaapput. Ikiuutigalugit atortuusinnaasut atuartut ulluinnarni atuartitsinermit ilisimaarilluassavaat atorsinnaassallugillu taamaattoqanngippat atuartut ikiuutigisinnaasatik taakkua piffissami 2

4 piareersarfimmi ilangaatsiarsuani qanoq atornissaat paasiniaqqaartariaqassavaat. Atuartut piareersarnerminni inimi oqaluttariarsorlutik misilitsiffigisaminni atugassaminnik allagaqarsinnaapput. Kisimiilluni arlaliulluniluunniit Misilitsinneq piareersarnertaqarlunilu saqqummiussinertaqarpoq. Atuartut kisimiillutik amerlanerpaajugunillu pingasuullutik misilitsissinnaapput. Atuartut arlaliullutik misilitsippata tamaasa immikkut karakteerilerneqassapput. Atuartut tamatuminnga ilisimatinneqartussaapput, tassami misilitseqatigiit ataatsit iluini karakteerit assigiinngilluinnarsinnaammata. Karakteerip saniatigut atuartut tamarmik immikkut karakteerimut angusaminnut suut tunngaviunersut nassuiaanneqassapput. Atuartut ataasiakkaat piareersarnerminnut aammalu misilitsinnerminnut minutsit t atussavaat. Arlaliullutik misilitsittut piareersarnerminnut minutsit t aamma misilitsinnerminnut minutsit t atussavaat. Ilinniartitsisup atuartullu peqatigiillutik piffissaliunneqartut aalajangersussavaat. Atuartut kisimiillutik arlaliullutilluunniit misilitsinniarnerlutik namminneerlutik toqqassavaat. Periarfissat taakkua marluunerat atuartunit ilisimaneqarnissaa pingaartuuvoq. Atuartitsissutini oqaatsinik misilitsiffiusuni klassimi atuartut tamarmik misilitseriaaseq ataasiinnaq atortariaqanngilaat; atuartut ilaat kisimiillutik allallu arlaliullutik misilitsissinnaapput. Atuartut arlaannaalluunniit klassimi atuartut sinnerisa misilitsinnissap atorumasaata pinngitsoorani malinnissaanut misigisimasussaanngilaq. Atuartut misilitseriaatsimik sorlermik toqqagaqartarnerinut ilinniartitsisup misilitseriaatsimik sorlermik atuiumanerunera aalajangiisuukkajuppoq. Ilinniartitsisup kisimiilluni misilitsinnissaq ornigineruppagu taanna atuartut toqqakkajuttarpaat soorlu aamma arlaliulluni misilitsinnermi taamaattoq. Misilitseqatissanik toqqaaneq Oqaluttariarsorluni misilitsinnissaq sioqqulluarlugu misilitseqatigiittussat toqqarneqarnissaat pingaartuuvoq, atuartut taamaalillutik kikkut suleqatigissanerlugit sungiunniassanerlugillu ilisimariissammassuk. Kikkut misilitseqatigiittussatut toqqarneqarnissaat isumaliutigilluagassaavoq. Misilitseqatigiittussat inississornerat sivisusinnaavoq, aammalu ilinniartitsisup atuartullu misilitseqatigiittussanik toqqaaniarnermi periarfissat arlaqartut oqaloqatigiissutigippatigit pingaartuuvoq. Misilitseqatigiittussani unamminartoqassaaq atuartullu tamarmik tapersersorneqassapput. Misilitseqatigiittussat toqaarniarnerini qanoq ilikkagaqarsimatigineq (fagligt niveau), qanoq sukkatigisumik atuarsinnaaneq, aqutsineq, qanoq oqaasertalersuitigisinnaaneq, akuerineqarneq toqqissisimanerlu eqqarsaatigisariaqarput. Atuartut misilitseqatissaminnik suleqatigilluarsinnaasaminnik pissarsiffigilluarsinnaasaminnillu toqqaanissaat pingaartuuvoq. Ukioq manna misilittakkat takutippaat, ikinngutigiinnerpaat misilitseqatigiinnissaat tamatigut pitsaanerpaajunngitsoq, tassami ikinngutigiilluarnerpaat misilitseqatigiittussatut imminnut toqqaraangamik qanoq ilikkagaqarsimatiginertik, unamminartut kiisalu suut pisinnaasa-qarfiginerlugit suullu sanngiiffiginerlugit tamatigut eqqarsaatigineqarneq ajorpaat, taamaammallu atuartut ataasiakkaat piareersarnerminni imaluunniit misilitsinnerminni toqqammavissinneqarneq ajorlutik. Atuartut ukiup atuarfiusup ingerlanerani misilitseqatigisinnaasatik assigiinngitsut arlallit misiligassavaat, misilittagarilikkatillu tunngavigalugit misilitseqatigisassatik toqqarlugit. Atuartut 3

5 misilitseqatigiittussani ataasiakkaani ilikkagassamikkut (fagligt) imminnut unammiuaarlutillu tapersersoqatigiinnissaat isiginiarneqassaaq. Aamma atuartut piareersarnerminni misilitsinnerminnilu misilitseqatigisassamik piffissami aalajangiunneqartumi suleqatiginissaanik paasinninnissaat pingaartuuvoq. Ukioq manna misilitsinnerni marlukkuutaartunik pingasukkuutaartunillu misilitsittoqarpoq. Amerlanerpaatigut marlukkuutaartut ingerlalluarnerpaapput. Atuartut marluk pingasuninngarnit piffissamik misilitsissutissanillu akunnerminni agguaasarnertik ajornartinnginnerusarpaat. Pingasuullutik misilitsittuni atuartut pingajuat misilitseqatiginiakkami oqaloqatigiinneranni peqataatinneqanngittoq arlaleriarluni naammattoorneqarpoq taamaammallu peqataananilu oqaaseqanngittoortarluni. Naak misilitseqatigisaasa pingajortik peqataatinniartaraluaraat tamanna ilaatigut iluatsinngitsoortarpoq. Misilitseqatigiit arlallit oqaatigaat ikinngutigilluakkatik aallaavigalugit misilitseqatissaminnik toqqaasarsimallutik, taamaammallu pingajuminnik avissaartitserusuttarsimanatik. Misilitseqatigiit ilaanni atuartut ilikkakkamikkut (fagligt niveau) assigiittuusarput, kisianni aamma atuartut allat piginnaasaqaqatigiinngikkaluartut misilitseqatigiittussatut pilersinneqartarsimapput. Tamatuma takutippaa, atuartut misilitseqatigiittussanik toqqaanialeraangamik ilikkakkamikkut assigiiaartuunissaq eqqarsaatigisarsimanngikkaat. Atuartut kisimiillutik misilitsittut ataasiakkaat taavaat, misilitseqatimik angusaqarnerlutsissangaatik kissaatiginnginnamikku misilitseriaaseq taanna toqqarsimallugu imaluunniit misilitseqatigiittussat kissaatigisatik pilersinneqarsinnaanngimmata. Atuartut piginnaasaqarluartut piginnaasakinnerillu misilitseqatigiinni suleqatigiillutik imminnut ikiorsersinnaanerisa eqqarsaatiginissaa pingaartuuvoq. Taamaaliornermikkut suleqatigiinnermut assigiinngitsutigut immersuisinnaapput, piginnaasamikkut ikiorseqatigiissinnaapput imminnullu isummersorsinnaallutik. Misilitsissutit Misilitsissutit tuluttut allatanik aamma/imaluunniit oqaluttunik, immaqalu assitalersukkanik, imaqarput. Misilitsissutit pisassiissutillu imminnut ataqatigiittussaapput aammalu nunani tuluit oqaasiinik atuiffiusuni kulturimik inuuniarnikkullu atugassarititaasunik takutitsisussaallutik. Misilitsissutini sammineqartut pisassiissutini sammineqartut assigissavaat. Tassa imaappoq klassimi ukiup ingerlanerani sammineqartussatut toqqakkat misilitsissutit suliarinerini toqqammaviussapput. Misilitsissut ataaseq pisassiissutini sammisamik ataatsimik arlalinnilluunniit imaqarsinnaavoq. Misilitsissutit atuartitsinermi atorneqarsimasussaanngillat. Misilitsissutini oqaatsit nassuiaasersorneqarsimasussaanngillat. Misilitsissutit allanngorarlutik tamatigoortuussapput (nuancerede), itissuseqarlutik siamasissuseqarlutillu, atuartut piginnaasatik aallaavigalugit oqaluttariarsorlutik misilitsinnerminni tulluartitaminnik nassaarfigisinnaassammatigit. Misilitsinneq tuluttut ingerlanneqassaaq. Atuartup / misilitseqatigiit misilitsissut makitani /-rtik nassuiaateqarfigissavaa/-t kiisalu imarisaa pisassiissutini immikkoortut ilanngutissallugit tulluartut ilanngussorlugit oqaloqatigiissutigissallugu. 4

6 Atuartup / misilitseqatigiit nammineq/-nneq ilisimasani/-tik misilittakkanilu /-tillu ilanngutissallugit periarfissaqassapput. Ilinniartitsisut amerlasuut ukiormanna oqaluttariarsorluni misilitsinnerni tusarnaarneqarsinnaasut minissimavaat tusarnaarneqarsinnaasut tassaapput qanga oqaluttariarsorluni misilitsinnerni atuartut amerlasuut ajornartorsiutiginerpaasagaat. Tamatumunnga taarsiullugu amerlasuut allatat assitalersukkat atorpaat. Oqaluttariarsorluni misilitsissut tusarnaagassamik ilaqartinneqarpat kassettebåndip imaluunniit cd-p atornissaa isumaliutigisariaqarpoq. Ukioq manna misilitsinnerni atuartut arlaqartut kassettebåndoptagerimik qanoq atuinissaminnik nalornisut takussaapput ullumikkut atuartut amerlasuut kassettebåndimik afspillerimillu qanoq atuinissartik ilisimasanngilaat. Taamaattumik tusarnaagassat cd-mik, atuartut tamarmik atussallugu nalunngisaannik, tusarnaarnissat inassutiginarsinnaavoq. Naliliineq Attaveqaqatigiinnermi piginnaasat misilitsissutaapput, tassunga ilanngullugit tusarnaakkamik aamma/imaluunniit atuakkamik paasinninneq kiisalu oqaluttariarsorluni piginnaasat. Atuartup /misilitseqatigiit oqaatsit ajornanngitsut (enkelt sprog) atorlugit paasiuminartumik nattaqqallisaaranilu/-tillu oqalussinnaanera/-t pingaartinneqarpoq. Nunani tuluit oqaasiinik atuiffiusuni kulturimik inuuniarnikkullu atugassarititaasunik ilisimasaqarneq naliliinermi ilaatinneqassapput. Ataatsimoortumik naliliineq aallaavigalugu, atuartup piginnaasai ilisimasaalu ilanngullugit naliliineq toqqammavigalugu ataatsimik karakteeriliisoqartussaavoq. Pisassiissutit Allatat assigiinngitsut pissanganartullu suliaapput. Ilinniartitsisut amerlasuut ilinniutit systemitut ataatsitut sanaat atugaraat. Amerlasuut pisassiissutit sammisakkuutaarlugit suliarisimavaat, kisiannili amerlasuutigut ilinniutini sammisanik immikkoortiterineq atugaasoq malittarssimallugu. Ilinniutit taakkua ilaat ullumikkut pisoqalilersimapput, imarisaasalu pisoqaavallaalersimasinnaanerat oqaluuserineqarsinnaavoq ullumikkullu atuartuutitsinnut naleqquppallaarunnaarsimallutik. Ilinniartitsisut ilaasa ukiumi sammisassat namminneerlutik toqqartarsimavaat sammineqarsinnaasunilu arlaqartuni kiisalu internetsimi allatanik isumassarsianillu pissarsisarsimallutik. Ukiumi matumani pisassiissutit arlaqartut pineqartussat tamakkerpaat, tassa immikkoortut tamarmik ilanngunneqarsimapput. Pisassiissutilli amerlasuut siamasissuunngillat. Taamaallaat atuakkiat (skønlitteratur) pisassiissutaasarput, aalajangersimasumillu sammisaqarluni allatat (sagprosa) amigaataallutik. Nunanit tuluit oqaasiinik atuiffiusunit arlalinnit allatanik pisassiisoqarsimanngilaq taamatuttaaq amerlasuut saqqummeeriaatsit (udtryksformer) allat pisassiissutigisimanngilaat. Tuluit oqaasiini pisassiissutit ukiumi atuartitsinerup oqaluttariarsorlunilu misilitsinnerup ataqatigiissutigaat. Ukiumi atuarfiusumi atuartitsinermi suut sammineqarsimanerinut pisassiissutit takussutissaapput. Pisassiissutit misilitsissutit toqqarnerinut piareersarnerinilu toqqammaviupput atuartullu misilitsissutit suliarinissaannut tunuliaqutaqarnissaannik qulakkeerinnittuullutik. Pisassiissutit aamma oqaluttariarsorluni misilitsilluni oqaloqatiginnermi oqaloqatigiittut ataatsimut sinaakkutigivaat. Allattariarsorluni misilitsinnerit Tuluit oqaasiini allattariarsorluni misilitsinnerit marluk atuartut tamarmik peqataaffigissavaat. 5

7 Allattariarsorluni saqqummiussaq Katillugit atuartut 790-it misilitsipput. Agguaqatigiissillugu karakteeri tassaavoq 5,8. Misilitsissutit suliassartaannut sanilliullugit atuartut akissutaat amerlasuut ataatsimut isigalugit amigaateqaqaat. Atuartut 30%-iisa suliassat sisamaasut ilaat marluk suliarisussaallugit paatsoorsimavaat ( a ataaseq aamma b ataaseq). Ilaasa suliassaq ataaseq suliarisimavaat imalunniit allat 1a aamma 1b suliarisimavaat imaluunniit 2a aamma 2b, taamaaliornermikkullu misilitsissutini suliassat katiternissaat paatsoorsimallugu. Atuartut ataasiakkaat misilitsissutini suliassat sisamaasut tamaasa suliarisimavaat. Suliassat suliarineqartussaanngitsullu paatsoorlugit suliarineqartut amerlammata, misilitsissutit allanngortinnissaat aalajangerneqarpoq, soorlu assersuutigalugu suliassat sisamanit suliassat marluk suliarineqartussaaaneratut allaqqajunnaarlugu. Taamaammat 2008-mi misilitsissutit ukiarmi allanngortiterneqarput naqeqqinneqarlutillu, atuartut suliassanik pingasunik qinigassillugit. Misilitsissutit allanngortitikkat atuarfinnut nassiussuunneqarput, ukiumi atuarfiusumi 2008/2009-mi 10. klassimi terminsprøveni atugas-sanngorlugit. Atuartut suliaat assigiinngiiaaqisumik takissuseqarput. Suliassaq sorleq qinersimanerlugu aammalu oqaatsitigut piginnaasat tunngavigalugit atuartut isummatik, misigissutsitik, misilittakkatik imaluunniit takorluukkatik allaaserisimavaat. Sulianik imartuunik arlaqartunik ajunngitsunillu assersuutissaqarpoq ajoraluartumilli tuluit oqaasiinik amigartumik atuilluni allagaasunik. Ataatsimut oqaatigalugu oqaatsit atorlugit saqqummiussinermut piginnaasaqarneq (den sproglige udtryksfærdighed) amigarluinnarpoq suliarineqartullu naatsuullutik. 6

8 Klassini ataasiakkaani atuartut piginnaasamikkut siamaseqaat. Gramatikkimi kukkusat amerlapput; qallunaarpallannerit (danismer/transfer) amigartumik oqaatsit naggateqatigiinneri (manglende kongruens) oqaatsini pingaarnerni tamani naggasersuinerit (bøjningsformer) oqaatsit kukkusumik tulleriinnilersorneri, siulleqqiutit (præpositioner) kukkusut oqaluuteeqqamik (hjælpeverbet) atuinnginneq kukkusumilluunniit atuineq -ing -imik kukkusumik naggasersuineq syntaks oqariartaatsinik aalajangersimasunik atuinnginneq oqaatsit pigiliussat amigarmata/kukkusumik oqaatsinik atuisoqarmat oqaaseqatigiit paasiuminaattarput Sammisap imaa naleqquppoq tigussaallunilu taamaammat atuartut isummersorfigisinnaavaat. Atuartut plakati isumassarsiffigisinnaavaat. Allattariarsorluni misilitsissut, assitalik oqaasertalersukkanillu suliassartalik allattuiffiusinnaasorlu, imaqarluartuuvoq. Inuttut misigisat, misilittakkat aamma ilisimasat allaatigissallugit periarfissaqarpoq aammalu isummanik isummersuutinillu saqqummiussiffiusinnaavoq, takorluukkanillu eqqarsaasersorluni atuiffiusinnaavoq. Sammisat tamaasa atuartut ilisimavaat. Suliassap qulequtaa, suliassamik oqaasertaliinerit imarisassaanullu siunnersuutit kiisalu assit atuartut suliaqarnissaannut kajumissuseqalersippaat aammalu ilisimariikkaminnik, ilisimasaminnik, piginnaasaminnik, soqutigisaminnik, misilittakkaminnik misigisaminnillu atuinissaannut kajumissaarlugit. Plakati Plakaati kusanartuuvoq pilerinartuullunilu, assitaalu tamarmik sammineqartussanut sisamaasunut tunngaviusinnaallutik. Assit aalajangersimasumik tulleriinneqanngillat, assillu ataasiakkaat atuartut namminneq tulleriinnilersuinerminni atorsinnaavaat. Assit assigiinngitsut sulinermit, ilaqutariinnermit aamma sunngiffimmit pisuupput kiisalu nuannaartorisat ataasiakkaat ilaallutik. Plakaatimi assit pingaarnerit marluk paasisitsiniaanermit Siunissaq pilersiguk/skab fremtid -mit tigusaapput tamanillu ilisimaneqarlutik. Paasisitsiniaaneq misilitsissummi suliassamut pingaarnermut tulluartuuvoq. Nittartakkat ilanngunneqarsimasut suliassani annikinnerni sisamani tamani isummersorfissatut ilanngunneqarput atuartullu namminneq kissaatigisartik malillugu tulleriinnilerlugit atorsinnaavaat. Atuartut assit atorlugit suliassamut isumassarsisinnaapput taakkualu toqqammavigisinnaallugit, atuartullu nammineerluinnarluni nassuiaasersuinissaanut misigisaqarsinnaaneranullu periarfissiillutik. Assimi qulequtaq eqqaassanngikkaanni piaaraluni oqaasertalersuisoqanngilaq. Oqaasertalersuisoqanngimmat aamma assiliilluni allattoqarsinnaanngilaq. Censorit ajoraluartumik maluginiarsimavaat, atuartut assimit annertunerusumik isummersorneqarsimanngitsut immaqa atuartut ulluinnarni atuartitsinermi assitaliussat imarisaasigut pissarsiffiginerpaassallugit isummersuutissatullu atussallugit naammattumik sungiussimanngimmatigit. 7

9 Suliassat Suliassat sisamat assigiinngillat. Nammineq pilersaarutinik/sinnattunik, misigisanik/misilittakkanik aamma ilisimasanik allannissamut periarfissiipput, isummanik oqaatiginniffiusinnaapput takorluukkanillu atuiffiusinnaallutik. Suliassat tamarmik pisut ilaat atuartut ulluinnarni inuunerannut attuumassuteqartoq aallaavigaat. Suliassat sisamat taakkua qulequttap pingaarnerup ataatsip iluani suliassiissutaapput. Suliassiissutit itissuseqarlutillu siamasissuseqaramik atuartunut piginnaaneqarluartunut piginnaanikinnerusunullu periarfissiilluarput. Misilitsissut ataatsimut isigalugu atuartitsissummi ilikkagassatut anguniagassanik tamakkiivoq. Suliassani attaveqaqatigiinnermi piginnaasassat isiginiarneqarput. Suliassiissut Get a Life Your Life Suliassaq 1a: Hot or Not Suliassamut isummerneq, eqqarsaatinik isummersuutinillu saqqummiussineq, nammineq misilittakkanik atuineq. Suliassaq 1b: An Interview with My Idol Allaaserinnittaatsimut ilisimasaqarneq (genrekendskab). Apersuinermik allataqarnissamut imaluunniit allaaserinnittaatsimut allamut, immaqaluunniit allatamut (artikel) nuussinissamut periarfissaqarpoq. Nuannaartorisaq pillugu ilisimasanik atuinissamut periarfissaqarpoq imaluunniit takorluuisinnaaneq atorlugu inummik takorloorlugu pilersitamik apersuisoqarsinnaavoq. Suliassaq 2a: What s Next? Allaaserinnittaatsimut ilisimasaqarneq (genrekendskab). Ulluinnarni oqaatsinik, slang inik ilaqartinneqarsinnaasumik, atuinissamut periarfissaqarpoq. Atuartut namminneq siunissartik kulturikkullu periarfissatik pillugit apeqqusersuillutik isummersorsinnaapput. Suliassaq 2b: Your Life Nammineq isummersornissamut, takorluuinissamut aamma isummernissamut periarfissaqarpoq. Atuartup allaaserinnittaatsimik, soorlu assersuutigalugu ullorsiutinik, toqqagaqarnissaanut periarfissaqarpoq. Kalaallisut nutserneqarnera Misilitsissutip kalaallisuumut nutserneqarnerata periarfissaqalersippaa, atuartut allattariarsorlutik saqqummiussineranni taamaallaat attaveqaqatigiinnermut piginnaasaminnik takutitsinerannik isiginninnissaq, taamaammallu misilitsissutigisami oqaatsit atorlugit suliassiissutinik paasinnissimanerat eqqarsaatigisariaqarani. Oqaloqatigiinneq Klassimi atuartut oqaloqatigiittussanut amerlanerpaamik sisamanik inuttalinnut agguarneqassapput, oqaloqatigiinnerlu 30 minutsinik sivisussuseqarpoq. Atuartut tamarmik immikkut misilitsissutissanik ataatsinik allattuiffissartalinnik tunineqarput. Taakkua saniatigut aamma pappialanik allattuiffissanik tunineqarsinnaapput. Atuartut namminneq oqaloqatigiinnissartik oqaatsit sorliit atorlugit ingerlanniarnerlugu aalajangersinnaavaat oqaatsit arlariit paarlaattaqattaarlugit atorneqarsinnaapput. Atuartut aamma allattukkatik oqaatsit namminneq qinikkatik atorlugit allattorsinnaavaat. 8

10 Oqaloqatigiittoqareerpat atuartut inimut misilitsiffiusussamukassapput, tassanilu kisimiillutik suliassatik suliarissavaat. Kisimiilluni allattariarsorluni saqqummiussassap suliarineranut 2 ½ tiimit piffissaliunneqassapput. Misilitsinnermi ordbogit oqaasilerinermilu takussutissiat atorneqarsinnaapput oqaasilerinermi takussutissiaq atuakkatut sungiusaatitut imaluunniit assersuutitut suliarineqarsimasutut isikkoqassanngilaq.. Suut oqaloqatigiissutaappat? Oqaloqatigiinnerni atuartut namminneq aalajangissavaat, suliassat oqaloqatigiissutiginerini qanoq tulleriinnilersuissallutik. Atuartut ulluinnarni atuarnerminni suleqatigiinni minnerni suliassanik taamatut isikkulinnik suliaqarnermik misilittagaqareernissaat pingaartuuvoq. Sammisap misilitsissutillu imarisaa, isummat, ilisimasat, oqaatsit pigiliussat aamma oqariartaatsit aalajangersimasut eqqarsaatigalugit atuartut imminnut tapersersoqatigiillutillu isummersoqatigiissaput. Allattukkat mindmapsitut, oqaatsit eqqaamasassatut assigisaattulluunniit ilusilerneqarsinnaapput. Oqaloqatigiittuni atuartut suliassaq ataaseq ataatsimut suliarisariaqanngilaat, oqaloqatigiinnerulli ingerlanerani misilitsissummi suliassat tamaasa ataatsimut oqaloqatigiissutiginissaat pingaartuuvoq. Allatat, suliassat aamma assitaliussat imarisaannik pissarsisinnaanermik atuartut tamakkiisumik sungiussisimanissaat pingaartuuvoq, atuartut taamaaliornermikkut misilitsissummi annerpaamik isumassarsisinnaanertik angusinnaassagamikku. Atuartut aamma suliassiissutip oqaasertaani piumasaqaatinik misilittagaqarluarnissaat pingaartuuvoq. Oqaloqatigiinnermi misilitsissutip oqaasertai, allatat assitaliussallu oqaloqatigiissutigineri, oqaatsit oqariartaatsillu qanoq paasinissaat, allaaserinnitsaatsimik piumasaqaatit, imassaanut ilusissaanullu isummat imaritinneqarsinnaapput. Atuartut suliassat misissornissaannut piffissaqarluassapput, taamaalioreerunik atuartut ataasiakkaat suliassaq soqutiginerpaasartik toqqarsinnaassagamikku. Peqqissaarneq Peqqissaarneq karakteerilerneqartussaanngilaq, kisianni allakkat atuarneqarsinnaanngitsut atuarniarneq paasinninnerlu ajornakusoortippassuk ajornartivippassulluunniit suliap nalilerneranut soorunami sunniuteqassaaq. Atuartup suliaa nunguterneqarsinnaanngitsumik allataassaaq. Atuartut amerlanngitsuinnaat qarasaasiaq atorlugu akissutitik suliarisimavaat. Tuluit oqaasiini allattariarsorluni saqqummiussinermi aammalu piginnaasatigut misilitsissummi pingaarluinnarpoq, nakkutilliisut atuartullu namminneq sianigissagaat, misilitsissutip saqqaani atuartup atianik, cpr nr-anik, nakkutilliisup aqqanik il.il. immersuiffissat eqqortumik immersorneqassammata. Atuartup atuarfiup karakterlistiutaani atini allassimassoq/-sut allassavaa/- vai, ulluinnarni taaguutini allannagu. Censorit toqqakkat ukioq manna atuartut suliaannik arlaqartunik taakkuninnga naammaginanngitsumik eqqunngitsumilluunniit immersorneqarsimasunik tigusaqarput. 9

11 Piginnaasatigut misilitsinneq Katillugit atuartut 800-t misilitsipput. Agguaqatigiissillugu karakteeri tassaavoq 7,26. Piginnaasatigut misilitsinnermi suliassat 50-iupput. Piginnaasatigut misilitsissut oqaatsit eqqortumik atornissaannik oqaatsinillu paasinnittarnermik imaqarpoq. Misilitsinnermi ordbogit atorneqarsinnaapput. Misilitsissut tamakkerluni Kunngissaq Frederimmik, taassuma ilaqutaanik, inuunerani pisimasunik Kalaallit Nunaannilu misigisarpassuinik imaqarpoq. Taamaattumik misilitsisummi tamarmi suliassat ataatsimut ataqatigiissuupput. Suliassat ataatsimoortut ataasiakkaat immikkut qalipaasersugaangamik qulequtaqarlutillu immikkuullarissuupput. Misilitsissut suliassanik qulinik immikkuullarissunik assigiinngitsunillu suliassartaqarpoq, tuluit oqaasiini grammatikkimi sammisassanik assigiinngitsunik oqaatsinillu paasinninnissamik imaqartunik. Grammatikki oqaatsinillu eqqortumik atuinissamik ilikkagassatut anguniagassani piumasarineqartut suliassani atorneqarput. Suliassani immikkoortuni ataasiakkaani suut sammineqassanersut ersarissumik paatsuugassaanngitsumillu oqaatigineqarput. Ukioq manna atuartut akissutaanni kukkunerit amerlasuut atuarneqarsinnaangitsunik peqqissaanngitsumillu allaaseqarneq pillugu kukkunerupput. 10

12 Suliassaq 1: Questions Oqaatsit apersuiniutit atornissaannik ilisimasaqarnermut paasinninnermullu tunngavoq. Suliassaq 2: Antonyms Oqaatsinik paasinninneq, oqaatsit akerleriittunik isumallit. Suliassaq 3: Nouns Taggisit assigiinngitsumik naggateqartarneri (bøjningsformer), naggasiisarnerit sakkukitsut sakkortuullu (svage og stærke bøjninger). Suliassaq 4: Verbs Oqaluutit pisimasorsiutit pissusissamisoortut (regelmæssige) pissusissamisuunngitsullu (uregelmæssige). Suliassaq 5: Odd-one-out Atuakkamik paasinninneq taannalu aallaavigalugu oqaatsinik katiterineq. Suliassaq 6: Possessive Pronouns Oqaaseqatigiit sannaanni oqaatsit pingaarnerit atugaaneri. Suliassaq 7: Sentences Oqaaseqatigiit sananissaannut malittarisassat /syntaks. Atuartut naqinnermik angisuumik aallartinnissaq eqqortumilluunniit allannissaq (korrekt stavning) eqqaamaneraat matumani pineqanngilaq, taamaallaat syntaks isiginiarneqarpoq. Suliassaq 8: Adjectives/Adverbs Oqaatsit pingaarnerit ajornakusoortinneqartut marluk atugaanerat. Suliassaq 9: Prepositions Oqaatsit pingaarnerit taakkua atugaanerat. Suliassaq10: Reading Comprehension Atuakkamik paasinninneq atuarsimasamillu paasissutissanik pissarsiniarneq. Allatat naqqissukkallu Atuartut namminneq suna allaatiginiarnerlugu aalajangissavaat. Kuglepen, tushpen imaluunniit aqerluusaq atorsinnaavaat allatap nunguterneqarsinnaannginnissaanik piumasaqartoqanngilaq. Ilinniartitsisup atuartunut makkua erseqqissaatigissavai: naqinnerit oqaatsillu ataasiakkaat ersarissuussammata, oqaatsit ataasiakkaat ersarissumik akunnequteqassammat, Naqqiissutit ersarissuussammata, Naqinnerit angisuut mikisullu assigiinnginneri ersarissumik takutinneqassammata. 11