Sinun hamphaat oon tärkeät. Sie tarttet niitä joka päivä.
Sinun hamphaat oon tärkeät Sie tarttet sinun hamphaita joka päivä - ko sie syöt, naurat ja praatit. Eheät hamphaat ja terhveelinen suu oon tärkeitä hyväle elämälle.
Mene syyhniin Kaikila oon erilaiset suut ja erilaiset hamphaat. Sen takia se vaihtellee kunka useasti sitä tarttee käyvä Folktandvården issa. Sie ja sinun hammaslääkäri päätättä mikä oon parriin sulle. Sie saatat tahtoa kuttumuksen Folktandvården hiin. Silloin sie saat preivin kotia jossako oon aika varattu sulle. Se tekkee ette sie tiät ette sinun hamphaita syynäthään säänölisesti. Pikku reijät hamphaissa ei tunnu. Sillä se oon hyvä ette hammaslääkäri saapii syynätä sinun hamphaat. Mene Folktandvården hiin syyhniin. Älä oota ette sulla oon kipeä. Jos sie porstaat hamphaat joka aamu ja ilta ja tulet Folktandvården hiin säänölisesti, sie saatat säästää rahhaa. Se oon halvempi korjata pieniä reikiä hamphaissa ko suuria reikiä. Lapsitten hamphaat Lapset ja nuoret saavat ilhmaisesti käyvä hammaslääkärissä. Nuoret alkavat maksamhaan sinä vuona ko net täyttävät 20 vuotta. Se oon tärkeätä kulkea säänölisesti hammaslääkärissä oman lapsen kansa. Käy ensimäisen kerran ko lapsi oon 2 3 vuotta. Ala porstaahmaan lapsen hamphaita ko se oon saanu hänen ensimäisen hamphaan. Porstaa joka aamu ja joka ilta vähälä fluorihammaskräämälä. Lapsen ensimäisiä hamphaita kuttuthaan maitohamphaiksi. Kaikki lapset puottavat heän maitohamphaat, mutta se oon tärkeätä porstata maitohamphaita. Lapsen hamphaatki voivat hyvin ko net leppäävät ruasta ja juomisesta. Anna sen takia mennä 2 tiimaa ruoka-aijoitten välissä. Mitäs hammaslääkärissä maksaa? Se oon eri makso eri henkilöilä. Met saatama selittää sulle minkä hoijon met tykkäämä ette sie tarttet ko met olema syynänheet sinun hamphaat. Silloin met saatama kansa sanoa kunka paljon se tullee maksamhaan. Hammashoitoavustus Sie joka olet täysi saatat saaja hammashoitoavustuksen. Se merkittee ette Försäkringskassan maksaa osan siittä mitä se maksaa ko sie käyt Folktandvården issa. Met selitämmä lissää minkälaisia avustuksia sie saatat saaja ensi kerrala ko sie käyt meän tykönä. 3
Kunkas korkea avustus oon? Hammashoitoavustus oon eri, eri ikäsille. Kunka paljon rahhaa sie saat riippuu siittä kunka vanhaa sie olet. 300 kruunua vuele sie saat joka olet 20 29 vuotta. 150 kruunua vuele sie saat joka olet 30 74 rvuotta. 300 kruunua vuele sie saat joka olet 75 vuotta ja vanheempi. Avustusta saattaa säästää kaks vuotta. Silloin sie saat tuplasti enämpi. Frisktandvård sie tiät mitä se maksaa Meilä sie saatat saaja Frisktandvård ia. Kysy meiltä siittä ensi kerrala ko sie käyt Folktandvården issa. Frisktandvård oon sopimus sinun ja meän välissä. Sopimuksessa seisoo kunka paljon sinun hammashoito tullee maksamhaan. Syynit, korjaamiset ja akyttihammashoito kuuluuvat Frisktandvården hiin. Sopimus Frisktandvård ista jällaa 3 vuele. Sie saatat itte valikoittea jos sie halvaat maksaa joka kuukausi elikkä koko kolmenvuenperiuutile varsin. Neuvoja - mitä sie piät hunteerata Porstaa hamphaat oorninkhiin joka aamu ja joka ilta. Käytä fluorihammaskräämää. Sylkäse jälkhiin, mutta älä viruta suuta veelä. Puhista hamphaitten välit joka päivä hammaslangala elikkä hammastikuila. Anna hamphaitten levätä ruasta ja juomisesta 2 tiimaa ruoka-aijoitten välissä. Juo vettä ko sulla oon jano. Muista ette tupakka ei ole terhveelinen suule eikä hamphaile. 4
Hammashoito Ruottissa kunkas sitä tekkee? 1. Ennen käyntiä Sie saatat soittaa ja varata aijan Folktandvården hiin. Sie saatat kansa varata vebin kautta www.folktandvardenstockholm.se. Varraa mielelhään hyvin aijalansa ennen ko sie halvaat tulla. Välistä sie piiain häyt oottaa monta viikkoa ennen ko sie saat aijan hammaslääkärhiin. Henkilöile joilako oon akytti prupleemi, niinku hammastauti, meilä oon aina aika samana päivänä. Niitä oon täysiä jokka pölkäävät mennä hammaslääkärhiin. Sano meile ko sie soitat ja varraat aijan jos sieki pölkäät käyvä hammaslääkärissä. Silloin met autama sinua ko sie tulet. Jos sie halvaat perruttaa sinun aijan elikkä saaja uuen aijan, sie piät tehjä sen vähhiinthään 24 tiimaa etukätheen. Muuten sie saat maksaa. Met lähätämmä sms:in! Jos sie ilmotat meile sinun mupilinumeron, niin met lähätämmä sms:in ja muistutamma sinua päivää ennen sinun varattua aikaa. 2. Käynilä Se oon tärkeätä ette sie tulet aijalansa Folktandvården hiin. Ensinä sie saat ilmottaa vasthaanotole, ette sie olet tullu. Sitten sie saat kohata hammaslääkäriä elikkä hammashygienistiä. Hään ottaa rönkkökuvia sinun hamphaista ette kattoa jos hamphaat oon terhveet. Sie saat vastata joitaki kysymyksiä sinun terhveyvestä, esimerkiksi jos sulla oon joku saihraus ja jos sie syöt mithään lääkheitä. Niin hammaslääkäri ko hammashygienisti syynää ja rönkkää hamphaita, mutta se ei ole ko hammaslääkäri joka korjaa hamphaita. Hammashygienistit syynäävät hamphaita ja tekevät niitä ekstra puhthaaksi. Net saattavat muun muassa ottaa pois hammaskiveä. Jos jollaki oon monta reikää elikkä muita suuria ongelmia hamphaitten kansa niin se tarttee joskus monta käyntiä ennen ko kaikki hamphaat oon korjattu. 3. Käynin jälkhiin Folktandvården auttaa sinua saahmaan eheät ja terhveet hamphaat, mutta sie häyt itte hoitaa sinun hamphaita joka aamu ja ilta. 5
Folktandvården oon olemassa kaikile Enämpi ko 75 vuotta met olema auttanheet ruottalaista kansaa saahmaan parempaa suuterhveyttä. Folktandvården issa meitä oon likemäksi 2 000 työläistä ja meän hammaslääkärillä, spesialistihammaslääkärillä, hammashoitajilla ja hammashygienistilä oon paljon tietoa ja suuri innostus. Yli miljoonan käyntiä Stokholmin läänissä assuu yli kaks miljoonaa ihmistä. Met Folktandvården issa hoijama joka vuosi yli 500 000 kyntiä ja otama vasthaan 1,3 miljoonaa käyntiä. Met hoijama suunile 80 prosenttia kaikista lapsista läänissä ja enämpi ko joka kolmasen täyven. Norrtäljestä Nynäshamhniin Meän yli 80 klinikkaa oon rapeassa 60 jeugraaffisessa paikassa läänissä, Norrtäljestä pohjosessa Nynäshamhniin etelässä. Met toimima aluheila ylheishammashoito, lääketietheelinen hammashoito ja spesialistihammashoito. Tervetuloa Folktandvården hiin! 6