Asuntoavustus nuorile ilman lapsia [Bostadsbidrag till unga utan barn]

Transkriptio

1 Asuntoavustus nuorile ilman lapsia [Bostadsbidrag till unga utan barn] Sie joka olet nuori ja jolla oon matalat tulot saatat saa asuntoavustusta. Paljonko saatat saa, riippuu sinun tuloista, asumiskostanuksista ja asunon koosta. Sie haet avustusta niitten tuloitten perustheela jokka uskot ette sulla oon koko kalenterivuona. Jos saat korkeamat tulot ko mitä arvioittit, jou ut piiain maksamhaan takasi rahhaa, jos saat matalamat tulot, saatat saa enämpi avustusta jälkikätheen. Tässä faktaplaavissa oon ensin asuntoavustuksen säänöistä. Sitte tässä oon tabelliä jokka auttava sinua räknäähmään onko sulla oikeus saa asuntoavustusta, ja kuinka paljon. Saatat mennä suohraan ennakko asuntoavustuksen tabelhiin, niin saat tietää suurin piirthein kuinka paljon avustusta saatat saa. Mutta muista ette se asumiskostanus jonka saat räknätä ko haet asuntoavustusta, aina ei ole sama ko sinun toelinen asumiskostanus. Lue enämpi siittä faktaplaavissa Asunto ja asumiskostanukset. Mikkä nuoret ilman lapsia saattava saa asuntoavustusta? [Vilka ungdomar utan barn kan få bostadsbidrag?] Sie joka olet täyttäny 18 mutta et 29 vuotta, saatat saa asuntoavustusta. Avioparin mies ja vaimo eli sambot pitävä kumpiki olla alle 29 vuotta. Sie hääyt asua omassa asunossa (hyväksytty alihyyryläiskontrahti/andrahands- riittää) ja olla kirjoila Ruottissa siinä osotheessa johon haet avustusta. Vississä taphauksissa saattaa kuitenki tehä poikkeuksen kirjoilaolemis-vaatimuksesta. Sie joka tulet Ruothiin opiskelehmaan, et normaalisti saata saa asuntoavustusta. Sie et saata saa asuntoavustusta jos sulla eli sinun miehelä/vaimola, eli sambola oon asuntolisä, eli hän oon hakenu asuntolissää mutta sitä ei, liian korkeitten tuloitten takia, ole myönetty. Paljonko avustusta saat riippuu tästä: montako henkilöä huushollissa assuu asuntokostanus ja asunon koko/pinta-ala tulot ja varalisuus. 1 (6)

2 Paljonko avustusta saatan saa? [Hur mycket kan jag få i bidrag?] Enniiten saatat saa kruunua asuntoavustusta kuukauessa. Saatat saa avustusta asumiskostanuksista jokka ylittävä kruunua kuukauessa. Sie et saata saa avustusta asumiskostanuksista jokka ylittävä kruunua kuukauessa. Sie et saa avustusta yli 60 neliömetrile. Sie et saa avustusta jos sinun tulot oon korkeamat ko kruunua vuessa. Avioparit ja sambot ei saa avustusta jos niitten yhtheiset tulot oon korkeamat ko kruunua vuessa. Tabellit tässä näyttävä miltä osalta asumiskostanuksista saatat saa avustusta. Asumiskostanukset oon tässä kruunuissa kuukautta kohi. Oaauus asumiskostanuksista joista saat avustusta [Andel av bostadskostnader som du får bidrag för] Saat avustusta 90 % asumiskostanuksista Saat avustusta 65 % asumiskostanuksista ja kruunun välilä ja kruunun välilä Jos sulla oon korkeat tulot, asuntoavustus pienenee [Har du höga inkomster minskas bostadsbidraget] Sitä tuloa jota Försäkringskassan (Siukkakassa) käyttää ko räknäämä mitä saat asuntoavustusta, kuttuthaan avustusta perustavaksi [bidragsgrundande] tuloksi. Sie joka saat opintorahhaa [-medel] kirjotat koko opintoavustuksen [-bidrag] avustusta perustavaksi tuloksi. (Ko Försäkringskassan räknää asuntoavustusta, se räknää 80 % sinun kirjottamasta summasta). Muita avustusta perustavia tuloja oon esimerkiksi palkka, veroliset eut [förmåner], työttömyyskorvaus ja kapitaalitulot. Lue enämpi siittä miten eri tulot räknäthään faktaplaavissa Asuntoavustus tietoa asumiskostanuksista ja tuloista. Jos asut yksin, avustus pienenee kolmasosala siittä osasta sinun avustusta perustavasta tulosta joka ylittää kruunua. Naimisissa-oleville eli samboile avustus pienenee kolmasosala siittä osasta huushollin yhtheisestä avustusta perustavasta tulosta joka ylittää kruunua. Kuukausittainen arvioittu avustus pyöristethään alaskäsin tasasheen sathaan kruuhnuun. 2 (6) Sie asut yksin ja sinun asumiskostanus oon kruunua kuukauessa. Korkein avustus oon kruunua kuukauessa. Olet arvioinu oman avustusta perustavan tulon kruuhnuun, eli kruunua enämpi ko kruunua. Kolmasosa kruunusta oon kruunua jaettunna 12 antaa 250 kruunua kuukauessa. Asuntoavustus joka kuukauele räknäthään näin: 90 prosenttia asumiskostanuksista ja kruunun välilä prosenttia asumiskostanuksista ja kruunun välilä Avustuksen korkein summa, kruunua = Tulovähenys (9 000/3) / Avustuksen summa = Ulosmaksettava avustus = 1 100

3 Kaikki sinun tulot vuen aikana räknäthään [Alla dina inkomster under året räknas] Kaikki tulot jokka sulla 1 janyaari-/tammikuuta lähtien ja 31 joulukuuta saakka räknäthään. Se tarkottaa ette tulot jokka sulla oon sillä aikaa ko sulla ei ole avustusta, kans räknäthään. Tulot kattothaan ette net oon samat vuen joka kuukauele. Sinun häätyy aina räknätä veroliset tulot ennen ko vero veethään. Sie meinaat opiskella koko vuen, mutta olla töissä kesälä ja joinaki viikonloppuina. Opintoavustus [studiebidrag] oon kruunua tärmiinalle ja sie arvioittet työtuloitten summan kruuhnuun. Sie meinaat kans myyä joitaki osakheita [aktier] ja räknäät kapitaalitulot kruuhnuun. Avustusta perustava tulo räknäthään kruuhnuun. Opintoavustus kr (80 % x kr) Palkka Kapitaalitulo kr kr = kr koko vuele jaettunna 12 oon 4 600, joka oon se tuo jonka räknäämä ette sulla oon joka kuukauele. Ennakko ja lopulinen avustus [Preliminärt och slutligt bidrag] Asuntoavustus jonka saat oon ennakko avustus. Se tarkottaa ette met räknäämä sen niitten tioitten avula jokka sie annat, mutta sinun lopulisesta avustuksesta päätämä jälkikätheen ko sen vuen takseeraus, jolle sait avustuksen, oon valmis. Jos sulla oon olhee matalamat tulot ko sie arvioittit, saatat saa avustusta jälkikätheen, niin sanotun lisämakson [tilläggsutbetalning]. Mutta jos sulla oon olhee korkeamat tulot ko sie arvioittit, sie saatat joutua maksamhaan rahhaa takasi. Mutta pieniin summa jonka met maksama jälkikätheen eli jonka sie jou ut maksamhaan takasi, oon kruunua. Vuen 2011 lopussa: Sulle myönethään asuntoavustusta janyaari-/tammikuusta joulukuuhun vuele Vuen 2013 lopussa: Siukkakassa saapi tiot Verolaitokselta siittä kuinka paljon olet tienanu vuona Janyaari-/tammikuussa 2014: Jos sie jou ut maksamhaan takasi rahhaa, sie saat Försäkringskassasta (Siukkakassa) informasjuunipreivin jossa oon Verolaitokselta saatut tiot, ja siinä oon kans tieto sinun arvioitusta lopulisesta avustuksesta. Marsi-/maaliskuussa 2014: Sie saat tion sinun lopulisesta asuntoavustuksesta. Jos olet saanu enämpi ko kruunua liikaa ennakko asuntoavustusta kalenterivuele, sie jou ut maksamhaan siittä erityisen makson. Kuinka paljon se makso oon riippuu siittä kuinka paljon jou ut maksamhaan takasi ja ajankohtasesta ränttytilantheesta. Asuntoavustus räknäthään aina kalenterivuele, ei kuukauele. Se tarkottaa ette kaikki tulot jokka sulla oon yhen kalenterivuen aikana vaikuttava asuntoavustuksheen, ja ette tulot kattothaan tasasesti jaettunna joka kuukauele. Tämä jällaa joko saat asuntoavustusta joka kuukauele eli vain jonku kuukauen vuessa. Saatat maksaa etukätheen niin et tartte maksaa erityistä maksoa [Du kan betala i förskott för att slippa avgift] Jos sie itte huomaat, eli saat Försäkringskassalta (Siukkakassalta) tion, ette olet saanu liikaa ennakko asuntoavustusta, sie saatat maksaa takasi rahat ennenkö saat päätöksen lopulisesta avustuksesta. Ota silloin yhtheys Försäkringskassan kans. Jos maksat takasi sen mitä oon maksettu liikaa viimisthään 30 septemberi-/syyskuuta seuraavanna vuona siittä ko avustus oon maksettu, sie et tartte maksaa erityista maksoa siittä. 3 (6)

4 Ilmota aina muutoksista! [Anmäl alltid förändringar!] Ko sie saatat joutua maksamhaan takasi rahhaa jos olet saanu liikaa asuntoavustusta, oon tärkeää ette sie paikala ilmotat kaikista muutoksista joista saattaa seurata pienempi asuntoavustus. Se jällaa esimerkiksi jos sinun tulot nouseva eli varalisuus kasvaa sie myyt asunon eli arvopaperia ja saat kapitaalivoiton sie siiryt asunosta joku siirtyy sinun kans asuhmaan joku muu siirtyy sinun asunthoon. Sinun pittää ilmottaa niin hopusti ko maholista ja viimisthään 14 päivää sen jälkhiin ko sait tietää muutoksesta. Mitenkä mie ilmotan muutoksista? [Hur anmäler jag förändringar?] Oon olemassa vasittu muutosblanketti, jota saatat käyttää ko halvaat ilmottaa jonku muutoksen. Muutokset jokka sie ilmotat sillä blanketilla, jällaava vain lopun aikaa siittä ajasta josta aikasemin olet saanu päätöksen asuntoavustuksesta. Sulle oon myönetty asuntoavustusta janyaari-/tammikuusta joulukuuhun. Sinun hyyryisäntä ilmottaa ette hyyry nousee 350 kruunula 1 jyyli-/heinäkuusta. Sie jätät muutosblanketin Försäkringskassale 25 jyyni-/kesäkuuta jossa ilmotat korkeaman hyyryn 1 jyyli-/heinäkuuta lähtien. Försäkringskassan muuttaa sinun asuntoavustuksen ajale jyyli-/heinäkuu joulukuu. Sen jälkhiin sie hääyt jättää uuen hakemuksen asuntoavustuksesta. Sinun ennakko avustusta saatethaan pienentää [Ditt preliminära bidrag kan minskas] Ko sie ilmotat korkeaman tulon Försäkringskassale, sinun avustusta pienenethään kalenterivuen jäljelä oleville kuukausille. Korkeamasta tulosta saattaa seurata ette avustus katoaa kokohnaan. Sie opiskelet kevä-tärmiinan ja saat asuntoavustusta. Jyyni-/kesäkuussa sie ilmotat Försäkringskassale ette sie olet saanu työn ja arvioittet avustusta perustavaksi tuloksi kruunua kr (opintotuki 80 % x kr) kr (palkka ja muuta) = kr Avustus pienenee 0 kruuhnuun kuukauessa loppuvuele. Tämän tulon takia sie kans jou ut maksamhaan takasi sen avustuksen mitä sait kevä-tärmiinalla. Koska voin saa asuntoavustusta? [När kan jag få bostadsbidrag?] Avustus myönethään varhaisinthaan siittä kuukauesta lähtien ko sinun hakemus tullee Försäkringskassale ja sitä maksethaan korkeinthaan kakstoista kuukautta yhtä menoa. Sitte hääyt tehä uuen hakemuksen. 4 (6)

5 Sie saatat saa asuntoavustusta siittä kuukauesta lähtien joka seuraa sitä kuukautta ko sulla alkaa oikeus saa avustusta siihen kuukautheen saakka ko oikeus avustuksheen loppuu. Se tarkottaa ette jos sinun oikeus saa avustusta alkaa kuukauen toisena päivänä eli myöhemin kuukauessa, sie saat avustusta vasta seuraavalle kuukauele. Jos sulla oon oikeus saa avustustaa kuukauen ensimäisenä päivänä, silloin sie saat asuntoavustusta samale kuukauele. Jos sinun oikeus loppuu jonku kuukauen ensimäisenä päivänä, sie et ennää saa avustusta sille kuukauele. Koska asuntoavustus maksethaan ulos? [När betalas bostadsbidraget ut?] Sie saat asuntoavustuksen kuukauen 27 päivänä ja se jällaa samale kuukauele. Jos esimerkiksi saat avustuksen 27 päivä aprilli-/huhtikuuta, se jällaa aprilli-/huhtikuule. Jos ulosmaksopäivä oon lauantai, pyhä, ylheinen juhlapyhä eli juhanusaatto, avustus maksethaan etelisennä arkipäivänä. Mitenkäs mie haen asuntoavustusta? [Hur söker jag bostadsbidrag?] Sie haet asuntoavustusta blanketilla jonka saat meän webbpaikalta Saatat kans tilata blankettia numerosta Naimisissa olevitten ja sambo-paritten pittää tehä yhtheinen asuntoavustus-hakemus. Oon olemassa kaks eri blankettia. Mitä sie niistä käytät, riippuu siittä jos hyyräät asunon eli asut insatsissa [bostadsrätt] eli omassa talossa [småhus]. Muista ette avustus viipyy, jos et täytä kaikkia tietoja jota blanketissa kysythään. Lissää tietoa [Mer information] Faktaplaavi ei ole lakitekstiä asiassa. Oon olemassa muitaki faktaplaavia asuntoavustuksesta: Asuntoavustus lapsiperheet Asuntoavustus informasuunia asuntokostanuksista ja tuloista Kaikki informasuunimateriaalit sie löyät Försäkringskassasta (Siukkakassa) ja meän webpaikalta Osotheessa saatat kans helposti ja nopeasti hoitaa joitaki asioita meän ittepalvelun kautta. Meän ittepalvelutelefoonista saatat tilata intyykiä, blankettia ja esitheitä. Saatat kans tehä vissiä ilmotuksia. Kysymyksiä? [Frågor?] Jos sulla oon kysymyksiä sie saatat soittaa meän Asiakassentterhiin ja Tekstitelefoonitten valtakunnalisheen välityspalvelhuun (förmedlings-) (6)

6 Ennakko asuntoavustuksen tabellit [Tabeller för preliminärt bostadsbidrag] Yksinhäinen [Ensamstående] Asuntoavustus kruunuissa kuukauessa [Bostadsbidrag i kronor per månad] Avustusta perustava tulo kr/vuosi Hyyry/Asuntokostanus kuukauessa Naimisissa olevat ja sambot [Makar och sambor] Räknää yhtheinen avustusta perustava tulo ko käytät tabelliä. Asuntoavustus kruunuissa kuukauessa [Bostadsbidrag i kronor per månad] Avustusta perustava tulo kr/vuosi Hyyry/Asumiskostanus kruunuissa kuukauessa Försäkringskassa kollaa [Försäkringskassan kontrollerar] Försäkringskassa kollaa net tiot jokka sie jätät. Net saattava jällata tuloja, poissa-oloa töistä, siviili-tilanetta eli missä sie asut. Met vaihtama tietoja muitten viranomhaisitten kans ja käytämä meän rekisteriä muumuassa CSN:in, a-kassoitten ja Verolaitoksen kans. Se oon rikolista ette tietosesti ja tahahlaan jättää vääriä tietoja eli jättää antamatta tietoja muutoksista, jokka saattava vaikuttaa oikeutheen saa korvauksia. Försäkringskassa ilmottaa poliisille kaikki mitä eppäilemmä avustus-rikokseksi [bidragsbrott]. 6 (6)