Eqikkaaneq. Qaasuitsup Kommunia Ilulissat, marts Sisamanngorneq 3.marts 2011

Transkriptio

1 Sisamanngorneq 3.marts 2011 Eqikkaaneq Hans Eriksen tikilluaqqusivoq- Qaqqat akornanni atorneqarpoq. Taava ullut ingerlanissaat eqqartorneqarput programmillu imai nassuiarneqarlutik. (Ilanngussaq) Alloriarfinni misilitsinnerit Inerisaavimmit Esekias Therkildsen alloriarfinni misilitsinnerni angusat saqqummiuppai(ilanngussaq) makku aallaavigalugit: alloriarfinni misilitsinnerit, ingerlaavartumik naliliisarnerit aammalu nammineq allaaserisaqarluni suliani. Pingaarpoq oqaatigissallugu atortut Angusakkanut tunngasut atuarfinnut neqeroorutaaneri atorneqarsinnaasut piumagaanni. Aamma atuarfiit namminneq nalilersuutissaminnik suliaqarsinnaapput; taakku, nalunaarutip aalajangersagai imarisassaanut tunngasut, malikkunikkit ajunngilaq. Alloriarfinni misilitsinnerit sakkuutaapput pingaartut, kisiannili ingerlaavartumik naliliisarneq aamma pingaartuuvoq. Alloriarfinni misiliineq nammineq ilinniartitsinermut sunniuteqartanngilaq. Alloriarfinnili misilitsinnerit tikkuutaapput, taamaalillutillu atuartut pissarsiaannut sunniutaalluarsinnaasut. Aamma Midtvejsevalueringip (piffiup qeqqani naliliinerup) ilinniartitsisunik paasiniaanerup takutippaa, atuartut nukittuffii/pikkoriffii aamma sanngiiffii misissorneqarsinnaasut, taavalu atuartitsinerup aaqqissuunerani atorneqarsinnaallutik. Alloriarfinni misilitsinnerit atuarfinnilu atorneqarneri: Atuarfik Mathias Storch/Jørn Nøttrup Alloriarfimmi misilitsinnermi angusat aamma atuarsinnaanermik misiliinerit Atuarfik Mathias Storch-imi atuartitsinerit immikkoortinnerini holdiliornernilu tunuliaqutaasarput ilinniartitsisoq siunnersuisartoq atuarnermilu siunnersorti suleqatigalugit. (Ilanngussaq). Siunissami matematikkip aallunnerunissaa piumasaqaataavoq. Alloriarfinni misilitsinnerit aamma atuarsinnaanermut misileraanerni angusat atuarfik angerlarsimaffillu oqaloqatigiinnerini aallaaviusarput. Gammeqarfik/Tom Ø.Søholm Skemaliortoqarsimavoq atuartut alloriarfinni misilitsinnerni angusaanut tunngasunik takussutissanik imalimmik atuartitsinermi pilersaarusiornermi atortussamik. (Ilanngussaq) Misilitsinnerni angusarineqartut atornerini pisariaqarpoq ilinniartitsisut suleqatigiilluarnissaat alloriarfinni aamma fagip iluani. Meeqqat atuarfianni naggataarutaasumik misilitsinnerit Qaasuitsup Kommuniani naliliinermi sakkussatut atorneri. Inerisaavik/Louise Richter Karakteerinik misissuinerit naggataarutaasumik misilitsinnerni angusat pillugit, nuna tamakkerlugu aamma ni assigiinngissutillit. (Ilanngussaq) Kommunimi ajornartorsiutaanersaat ilagaat kommunip avannaata kujallersaatalu assigiinnginneri. Qeqertarsuup tunuani ajornartorsiutaanerupput danskit tuluillu oqaasii. Uumannami Upernavimmilu eqimattanik annertuunik atuartoqarpoq sanngiittunik. 1

2 Akulliit pingaartuupput angajullerni angusaqarluarfiusumik ingerlasoqassappat. Akullerni atuartoq sanngiitsoq tamatigungajak angajullerni atuartuusarpoq sanngiitsoq. ni inuusuttut atuarfimmiit anisut sumut pisarpat, aammalu ilinniagaqarnissamut ingerlaqqissimanngitsut? Atuartut ilisarnaataat. (Ilanngussaq) Inerisaavik/Louise Richter Atuartut ilisarnaataat ilisarnaatit pingasut assigiinngitsut atorneqarput: Atuartoq nukittooq, atuartoq ajunngitsoq, aamma atuartoq sanngiitsoq. Atuartut ilisarnaataat ilinniaqqinnerminnilu agguataarnerat. 10.klassimi 2010-meersut atuartut 50%-it missaat ingerlaqqinngillat. Atuartut atuarfimmit pilersaarutaanngitsumik aniaartut aamma ilinniaqqiffissanik amigaateqarneq, Upernavimmi ajornartorsiutaavoq 11/12-ini Prinsesse Margrethe Skolen/Karoline Rosing Angerlarserneq kollegianilu ajornartorsiutit pissutaasarput atuartut amerlasuut meeqqat atuarfianiit taamaatittarnerannut. Ajornartorsiutaavorlu atuartut taakku ikiorneqartannginneri. Akuerineqarsinnaanngilaq atuartut taamaatittarneri 9. aamma 10.klassini. Kisianni atuartut arlallit imminornissaminnut sioorasaarisarput, angerlanngikkunik. Tamanna pillugu inunnik isumaginninnermi pisortaqarfik suleqatigineqartariaqarpoq. Ajornartorsiutaavoq angajoqqaat ilaat akissaqartanngimmata meeqqami efterskolernissaannut. Ajornartorsiut aamma alla unaavoq ilinniarsimasunik inuusuttunut tapersersuisoqannginnera. Atuarfeqarfiup Piareersarfiillu siunnersuutaat, atuarfimmit ilinniaqqiffimmut ingerlaqqinneq qanoq aaqqiiffigineqarsinnaaneranut. Atuarfik Mathias Storch/Lis Møller (Ilanngussaq) Kukkunerujussuuvoq siunnersuisutut nalugaanni sinneruttut gruppiat sumut pinersoq, aammalu ajornartorsiutaavoq atuartut 10.klassi sioqqullugu anisarneri. 10.klassip qaangernerani pisariaqarpoq ingerlaqqittussanut klassi -liorneq atuartup ingerlaqqinnginnerani. Atuartut assassullaqqissut pisariaqarput tulluartumik ilinniartissallugit. Aammattaaq pisariaqarpoq ni efterskoliliortoqarnissaa, maannami efterskolini inissat naammanngimmata. Angajoqqaat akisussaaffeqarnerusariaqarput angajoqqaat atuarnerup ingerlaneranut akisussaaffik tigunerusariaqarpaat (soorlu aamma 10.klassinit nuunnertigut). Efterskolit pillugit, meeqqat eqqorneqartarput ilinniaqqinnissamut akissaqartoqanngimmat. Tikkuarneqarpoq atuartunik anginernik siunnersuinermi atortussanik amigaateqarneq. Lis Møllerip atortussaliornissani neqeroorutigaa aqqusaartakkanik misigisimasani aallaavigalugit. Piareersarfik/Claus Jochimsen (ilanngussaq) KIIIN ilannguttariaqarpoq, akuerineqarsinnaanngilarmi taama amerlatigisunik Piareersarfimmut qinnuteqartarneq. 10.klassip kingorna atuartunut taakkununnga iliuuseqartoqartariaqarpoq. Piaareersarfimmit atuartut soraaginnartorpassuit atuartullu ulorianartorsiortut atuarfimmik pilersitsivimmik neqeroorfigineqartariaqarput atuarneq inuutissarsiornermik siunertalik. Takorluukkat ilaat: 2

3 Atuartunik ataasiakkaanik tapersersuinermi periarfissat amerlanerit: angajoqqaanik suleqateqarneq, siunnersuineq, malitamik tapersersuisoqarneq (mentorordning) aamma atuartunik nalunaarsuineq, café ilinniagassanik suliaqarfik aammalu avatangiisit ilinniarnermut tulluartut. Periuseqarneq annertooq siunnersuinermik pitsaanerusumik qaninnerusumillu. Gruppinit saqqummiussat sisamanngornerup ualiani Gruppi 1/Qaanaaq Ataasiakkaanik siunnersuineq aallunneqassaaq pissutigalugu pissutsit allaaneri aamma ilinniaqqinnissamut periarfissat ajornakusoorneruneri. Misilittakkat ingerlateqqinneqartassapput soorlu sumiiffiup raadiuatigut. Atassuteqaqatigiinneq pitsaanerussaaq atuarfiup atuarfiullu siulersuisuisa akornanni. Pilersaarusiornerit pikkoriffiginerulissavagut. Danskisoorneq tuluttoornerlu sanngiiffigineqarput. Angalasinnaanerit soorlu Danmarkimut killeqarput aningaasaqarniarneq pissutigalugu. Gruppi 3/Ummannaq Ujalussiaq aappalaartoq sukaterneqassaaq sanngiiffinni assertuutigalugu projekteqarluni suleriaatsini. Trin 3 nukittorsarneqassaaq. Aamma IT nukittorsartariaqarpoq. Periarfissat: siunnersuiffigisariaqarput Piareersarfik aamma Danmarkimiittarneq. Suliffinni tarnikkut timikkullu avatangiisit. Gruppi 4/Qeqertarsuaq Atuartut sapinngisaasa siusittukkut paasisimaneqarnissaat iluassaaq, taamaalilluni tupaallattoqartassanngimmat. Taamaattumik ukiut tamaasa trinnini misileraasoqartariaqarpoq. Kommuni tamakkerlugu suleqatigiinneq pisariaqarpoq, taamaalilluni ilinniartitsisut pigisat iluamik agguataarneqassammata. Angajoqqaat akisussaaffiat annertuvoq sinneruttut gruppiannut. Tamanna atuarfiup kisimi akisussaaffiginngilaa. Gruppi 6/Aasiaat Danskisut tuluttullu atuartitsinerup inernerisa kingunerisimavaat, oqaatsit pillugit sammisaqarnerup aallartinneri, oqaatsillu immikkut iliuuseqarfissatut inissinneqarput ilaatigut pikkorissarnertigut modul-inut agguataakkanut. Atuarfiup eqqumaffigai inernerit naammaginanngitsut iliuuseqarsimallutillu ilaatigut ilinniartitsisut ilaatillugit. Ilinniagassanik sammisaqartarnissamut aaqqissuussisoqarpoq atuartut annerit suleqatigalugit. Tallimanngorneq 4.marts 2011 Hans Eriksen go moorpoq erinarsoqatigiisitsilluni: Seqineq nuereerpoq. Ullup ingerlanissaa nassuiarneqarpoq. Saqqummiinerit (sisamanngormat saqqummiutassat angumerineqanngitsut) 3

4 Gruppi 8/Ilulissat (Atuarfik Mathias Storch) Elevrådip siulittaasua Maja saqqummiussivoq. Ilinniartitsisut faginik aallussinerit angusarissaartitsinerusarput. Immikkoortut tamarmik EP-mut ilaasimapput. Atuartut suleriaatsit assigiinngitsut atortarpaat soorlu projekteqarluni suleriaaseq. Atuarfiup ujalussiaq aappalaartoq amigaatigaa ilinniarnermi siunertat eqqarsaatigalugit. Angajoqqaanik suleqateqarneq ineriartortinneqartariaqarpoq assinganik ilinniartitsisut fagitigut ineriartornerat. Gruppi 9/Ilulissat (Atuarfik Jørgen Brønlund) Sinneruttut gruppiat angivallaarpoq atuartullu angusaat appasippallaarlutik tamanna sammineqartariaqarpoq. Angajoqqaat assiliaq alla atuarfik pillugu piviusumut naleqqiullugu takusarpaat. Angajoqqaat pikkorissartinneqartariaqarput angajoqqaanik suleqateqarneq pillugu. Atuarfiup trinnip tullianut meeqqanik tunniussisarnera iluarninngortariaqarpoq. Gruppi 5/Qasigiannguit Sinneruttut gruppiat sammineqartariaqarpoq kisitsisit aallaavigalugit tunngaviusullu ujarlugit. Piareersarfik ilaatigut qaninnerusumik suleqatigisariaqarpoq tamatuma assiliaq pitsaaninngortissavaa. Paasisassarsiorluni angalasarnerit sulilernissamut periarfissarsiorluni paasisassarsiornertut ilusilerlugit. Tiimit faginut nukittorsagassanut sumiiffinni qinigassiissutinit tiguneqartarput. Atuarfiup amigaatigaa ujalussiaq aappalaartoq atuarnerup ingerlanerani angusassaliornermi/ilinniagassanut angusassaliornermi. Ilinniartitsisut ilinniarsimasut agguataartarneri eqqarsaatersorfigineqarput ilinniartitsisut ilinniarsimasut pingaaqaat. Mikinerni assersuutigalugu forskolimi atuartitsisut qaffatsittariaqarput. Gruppi 7/Kangaatsiaq Sumiiffimmi kulturi (suliffissameerneq) atuartunut sunniuttarpoq sinneruttut gruppiat angisooq pilersittarpaa. Atuarfik pikkorinnerulertariaqarpoq, nammineq atuarfimmi atuartuutimik piumassuseqarlutik ilaatilernissaannut. Atuartut qinigassaqartariaqarput atualernerup siorna aamma kingorna. Neqeroorutigisariaqarporlu ilinniartitsisoq oqaloqatiginnittartoq atuartunut sanngiitsunut. Atuarfiit mikisut eqqortinnerusarput ilinniartitsisut nuunnerisigut. Gruppi 2/Upernavik Gruppip trinnini misilitsittarnerit sammisimavai kisitsisillu misissoqqissaarlugit. Inernerit ilagaat atuartitsineq pitsaanerussappat ilinniartitsisoq fagiminut pikkorissuusariaqartoq. Ungasissumiit atuartitsinerup ilinniartitsisussameerneq iluaqusersinnaavaa, aammalu timelærerit qaffassarnerat. Ilinniartitsisut peqanngittarnerat ajornartorsiutaaqaaq. Atuartut angajoqqaallu akisussaaqataannginnerat. Amerlasuut meeqqami tapersersornissaat ajornakusoortittarpaat paasisimasakikkamik aammalu akissaatikillutik. Ullup atuarfiusup aallartinnera pitsaasoq: ullaakkorsiorneq aamma ilinniagassanik ikiortinneq. 4

5 Atuarfimmi inuit isumalluutit; pikkorissarnerit ilinniaqqinnerillu. Inerisaavik/Lone Hindby (ilanngussaq) Pikkorissarnerit siunertaraat: peqqussutip atuutilernissaa, sapinngisat ineriartortinnissaat, atuartitsinerup ineriartortinnissaa, kisianni pingaarnerpaavoq atuartut atuartitsinermit annerusumik pissarsisarnissaat. Pissutsit arlallit pisariaqarput pikkorissarnerup atorsinnaanissaanut. Pissut pingaartoq tassa ilinniartitsisup pimoorussisinnaanera. Atuarfimmi pikkorissarnerit tulleriiaarneqarnissaat pisariaqartarpoq. Qinnuteqartut kommuninit innersuutat Ilinniarnermi Institutimit tiguneqartarput, taamaattumik tulleriiaarineq pisariaqarpoq. Atuarfiit SWOT atorlugu misissuinertik atorsinnaavaat immikkut iliuuseqarfissat aalajangernerini, tassanngaaniillu pikkorissarnernut piumasaqaatit pikkorissarnissanut piumasaqaatit tulleriiaarneqarsinnaapput. Kommuni amerlasuunik ilinniartitsisoqarpoq ilinniaqqissimasunik, taakkuli inuit isumalluutit atuarfinni naligiimmik siaruarsimanngillat. Saqqummiussineq piffiup qeqqani naliliinermit, atuarfeqarneq pillugu peqqussutip 2002-meersup innerssuussai pillugit. Inerisaavik/Jens Jakobsen (Ilanngussaq) Naalakkersuisunut unnersuussutit makku allanngortinnissaannut: Sumiiffinni qinigassiissutit, nunaqarfinni timetal-it, atuarfinni siulersuisut aamma pikkorissartarnernut akissaatit. Allannguutissanut unnersuussutit allanit maanna suliarineqarput. Paasissutissat Naalakkersuisut eqqarsaatersuutaannut efterskolit atuartullu angerlarsimaffii (elevhjem) pillugit, aammalu qanoq ililluni atuartut annerit atuarnerat aaqqissuunneqassanersoq. Persorsaanermi periaatsit nutaat peqqussummi tassaapput atuartup ilaatinneqartarnissaa periusissat pilersaarusiornerini aammalu naliliinerni. Assersuusiortoqarpoq anguniagassanik makkununnga: atuarfik, atuarfiup siulersuisui aammalu kommuni. Killiffik: Atuartitsissutit ilikkarluarfiusut. Inerisaavik/Kattie E. Motzfeldt (Ilanngussaq) Atuatitsineq sammisanik aallaaveqartoq standard-it 7-t tunaartaralugit ilinniarnermi oqaloqatigiinnertalik, videokkut takutillugu. Atuartitsinermi atuakkerinerinnaq sammineqartanngilaq. Kulturi kinaassuserlu ilinniarnermut ilaapput. Aammattaaq pingaartuuvoq atuartut assigiinngissutaat eqqarsaatigissallugu. Ilinniartitsisut angajoqqaallu oqaaserisaasa takutippaat akisussaaqatigiinneq suleqatigiinnerlu eqqumaffigineqarnerulersimasut.takorluugaq: Atuarfimmi aqutsisut klassimiinnerusariaqarput perorsaanermi aqutsisuullutik! ni kisitsisit pingaartut: Kommunimi isumalluutit qanoq atorneqarpat? Inerisaavik/Franz Tremel (Ilanngussaq) Inuiaqatigiit alaatsinaassimavaat isumalluutit atuarfeqarfimmut atorneqartartut. Taamaattumik manna misissueqqissaarneq pivoq. Ineriartornerup takutippaa, atuartut ikilisimasut aamma klassini atuarneq atorunnaarmat, tiimilli ilinniartitsisunut atorneqartut qaffarujussuarsimapput. Nuna tamakkerlugu ilinniartitsisunut tiimit atorneqartartut ¼-ii atuartitsinermut atorneqartarput, qaangiuttoorlunilu sulisarneq agguaqatigiisillugu 20%-iuvoq. Kommunit atuarfeqarfiini inissaqarsimagunarpoq soorlu immikkut aallutassat pingaartinnerulernissaannut. 5

6 Sumiiffimmi immikkut iliuuseqartarneq. Siuttuulluni projekti: Atuarnermik pikkorissarneq atuartunut atuarnermut sanngiitsunut. Atuarfik Mathias Storch/Jørn Nøttrup AMS aamma AJB suleqatigiipput atuarneq pillugu projekteqarnermik klassi atuarnermik ilinniarfik pisortaqarfimmit tapersersorneqarpoq. Atuarfik trinnini misiliinerup kingorna sammeqqinneqarput, tassalu atuartunik ajornartorsiutillit. Atuartut atuarnermik sanngiiffeqartut fagini tamani ajornartorsiuteqarput kiserliorlutillu misigisarlutik. Atuarfik inunnik sillimmateqarpoq ikiuussinnaasunik (atuarnermik siunnersorti). Tassani eqqarsaatigineqarput inunnut tunngasut samminissaat aammalu faginik tunngasunik eqqartuinissaq. Klassi atuarnermik ilinniarfik pimoorullugu ilinniartitaanissamut neqeroorutaavoq atuartunut nalinginnaasumik silalinnut, kisiannili atuarnermik ajornartorsiutilinnut. Piumasaqaataavoq angajoqqaat atuartitsineq tapersersussagaat. Ukiup affaata qaangiunnerani atuartoq klassiminut uteqqissaaq tapersersorneqarluni siunnersorneqarlunilu tamatumunnga atatillugu angajoqqaat paasitinneqassapput tapersersuinermik ikiuinermillu. IT atuartunut amerlasuunut iluaqutaasinnaavoq soorlu nipituumik atuffasinikkut. Atuartunik pikkorissaanerup iluatsissaguni tunuliaqutissai. Specialcentret/Arnarulunnguaq Pedersen (Ilanngussaq) Oqaatsit ineriartornerat atuarnerullu ineriartornera nassuiaatigineqassapput sukumiisumik atuartitsinissaq piareersarlugu tamatuma ataani naliliinermik naatsorsuinermillu killiffiit aamma periarfissat. Ajornartorsiutit: Atuartut ilaasa killingit suusut naluaat aammalu paatsiveerussimaarfeqartarlutik. Ilinniartitsisup atuartup periaasia allanngortissinnaavaa atuartitsinermigut aamma siunnersuinermigut (class room management). Gruppinit saqqummiussinerit (gruppit akuleriinnit inuttallit) tallimanngorneq Gruppe 1: Kulturip pingaartinnera. Oqaloqatigiilluarneq atuarfiup siunertaa aamma ineriartornermi siunertat qanoq paasisariaqarneri pillugit. Trinnini misileraanerup inernerit sakkuutitut atorneqassapput. Kisiannili eqqaamaneqassapput kulturi aamma kinaassuseq, pingaarpoq sumiiffinni kulturit eqqumaffiginissaat assigiinngitsorpassuarnik imallit. Pikkorissarnerit siunertaqassapput aaqqissugaanngitsumik ingerlanneqaratik. Nammineq akisussaaffik tigusariaqarpoq. Angajoqqaat ilinniartitsisullu assigiinnginneri ajornartorsiutaasinnaavoq, tassami aggertarpugut tamatta assigiinngitsunik nalunngisaqarluta. Atuartitsisut avataaneersut ilaatigut atorneqarsinaapput. Gruppi 2 Sumiiffimmi qinigagssiissutit sammillugit. Atuarfiup siunertai aggorlugit angugallagassartalersorlugit piviusunngortinneqartariaqarput atuarfinni ataasiakkaani. Immikkut atuartitsineq nalinginnaasoq ajunngilaq, kisianni ilinniartitsisut ilinniarsimasut suliassaq taanna isumagisariaqarpaat. Qitiusumik akissaateqarfeqartariaqarpoq ilinniaqqinnermut atugassanik taannalu qitiusumik 6

7 aqunneqarluni. Sumiiffinni suliniutit ineriartortinnissaannut akissaateqarfeqartariaqarpoq. Siunnersuineq piaartumik aallartittariaqarpoq aammalu siunnersortinik ilinniartitsineq. Gruppe 3 Iluatsitsinermik oqaluttuaq Aasianniit, tassani angajoqqaat ilanngutsinneqarsimapput isumaqatigiissummik atsiortitsinikkut.avataanit ilinniartitsisut maannakkornit atuarfimmi atorneqarnerusinnaapput. Angajoqqaat meeqqaminnut akisussaaffeqarnerusariaqarput. Angajoqqaanullu sinniisut pikkorissartinneqarsinnaasariaqarput. Atuarfiit illutaat aserfallattaaliornissaat pisariaqarpoq pingaarlunilu. Illoqarfinnit illoqarfinnut nuunnerit klassini eqqissiveerutsitsisinnaasarput. Gruppe 4 Atuarfinni ilinniartitsisussameerneqarpoq kisianni avataanit atuartitsisut atorneqarsinnaapput. Atuarfinni siulersuisut pikkorissartittariaqarput, ilikkagassaqaqaammi. Atuarfinni pikkorissarnerit killilersorneqassanngillat, tulleriiarinerli pitsanngortariaqarpoq ilinniartitsisullu pikkorissarsimasut atorneqartariaqarput. Siunnersuisup atuartut siunnersussavai, ingerlaannaq aallartissinnaassammata. PPR ineriartortittariaqarpoq, taamaalillutik annertunerusumik tapersiisinnaammata siunnersuillutillu. Gruppe 5 Gruppip apeqqut paasiuminaatsissimavaa makku takorloorneqarput: EP atuarfikkaartariaqarpoq, immikkut atuartitsineq klassi atuarnermut ilinniarfittut iluarsineqarsinnaavoq, danskisut oqaluttunut tikeqqaanut klassiliortariaqarpoq. Tikeqqaanut klassit ajunngitsunik misilittagaqarfigineqarput. Kommunimi ataatsimut ajornartoornernut piareersimasoqartariaqarpoq (kommunip illoqarfiini nuuttarnerit pillugit). Faginut ataasiakkaanut aalajangersimasunik atuartitsiviit amigaatigineqarput. Pædagogisk servicecenter atuartitsinermi pingaaqaaq. Gruppe 6 Atuarfinni siulersuisut ilinniarsimasuusariaqarput, taakkumi atuarfiup suliaanut pingaaruteqarmata. Immikkoortortaqarfimmi aqutsisut ilinniaqqinnermut ilaassapput. Kommunini atorfinitsitsisarnerit assigiiaarnerussapput. Atuarfik aningaasartuutissanut missingersuusianut suliaqarnermut pikkorinnerusariaqarput. Naggasiut Qaasuitsup kommunia/ Hans Eriksen. Kommuneqarferujussuarmi atuarfiit ataatsimut suliassaqarput atuarfiup ineriartortinnerani. Tamatuma ineriartornerup qanoq pinissaanut isumarpassuit anninneqarput. Ataatsimiinneq taamaattoq periarfissiivoq immitsinnut ilikkarnissatsinnut. Pingaarporlu kikkut tamarmik ataatsimeersuarnermut taamaattumut ilaanissaat. Piginneqataasutut misigisitsivoq. Ukiamut nutaamik ataatsimiittoqaqqissaaq ilaatigut ilaassallutik nunaqarfiit aqutsisui. 7

8 Inerisaavik/Jens Jakobsen Ataatsimiinnerup uuma Atuarfitsialak nukittorsarpaa, tamassilu tunniussaqarpusi. Tamannalu aallaavissaavoq pitsak ukiup atuarfiusussap tulliata pilersaarusiornissaanut tassanimi ilaatigut ukiumut atuarfiusussamut tullermut piumasaqaatit ilanngunneqarsinnaammata. 8