Ohjeita ja neuvoja ette estää lankeamisonnettomuuksia arkipäivässä. Meänkieli. Palanseeraa lissää

Ohjeita ja neuvoja ette estää lankeamisonnettomuuksia arkipäivässä Meänkieli Palanseeraa lissää

Ohjeita ja neuvoja ette estää lankeamisonnettomuuksia arkipäivässä Balansera mera översättning till meänkieli

Tätä pyplikasuunia suojaa tekiänoikeuslaki. Jos siteraa niin pittää kirjottaa mistä sitatin oon ottanu. Ette näyttää kuvia, valokuvia ja ilystrasuunia vaatii ette oon lupa tekiältä. Valokuva Johan Eklund ja Lasse Forsberg Ilystrasuuni Martin Ek Publicerad www.socialstyrelsen.se, december 2016

Sisältö 8 helppoa tappaa ette välttää lankeamista... 5 Löyä palansi tjyylissä... 6 Hyvä ruoka tekkee sinun lujaksi... 6 Vanheempanna sie tarttet enämpi proteiiniä ja rasvaa... 6 Vähentynny ruokalysti oon tavalista... 7 Smoothies... 7 Joitaki ohjeita mitä koskee ruokaa... 8 Löyvä palansin trääninkillä ja motsuunilla... 9 Trääninki tekkee sinun lujemaksi... 9 Esimerkkiä trääninkistä...10 Ala semmosen kansa mitä houkuttellee sinua...10 Käytä oikeita kenkiä!...10 Helppoja harjotuksia joitako sie saatat tehhä itte...11 Varphaannousuja...11 Nousuja...12 Tantemi/tuplaseisomista...12 Kävele laijalens...13 Seiso yhelä jalala tuen kansa...13 Löyvä palansi lääkekaapissa... 14 Lääkheet kulkevat kropassa erhiin laihiin riippuen iästä...14 Vissit lääkheet saattavat lisätä riskiä ette lengeta...14 Uskala kysyä lääkäriltä sinun lääkheistä...15 Piä vaarila sinun lääkheitten vaikutuksista...15 8 helppoa neuvoa ette vähentää lankeamisriskiä...16

Tiesiks ette lankeamisonnettomuuet oon net onnettomuuet jokka johtavat siiheen ette enniten ihmisiä kuolee, joutuu sairalhaan ja käypii akyttivasthaanotoila joka vuosi? Monet niistä joitako nämät onnettomuuet koskevat oon vanheempia. Tänä päivänä met tiämä ette joitaki lankeamisonnettomuuksia mennee estää. Sie saatat itte vähentää riskiä ette langeta syömälä viishaasti, motsuneeraamalla ja pitämällä vaaria sinun lääkheistä. Tässä prosyrissä sie saat ohjeita ja neuvoja ruasta, motsuunista ja lääkheistä. Tässä oon kansa esimerkkiä joistaki helpoista harjotuksista jokka vahvistavat jalkalihaksia ja sen kautta parantavat palansia. 4 OHJEITA JA NEUVOJA ETTE ESTÄÄ LANKEAMISONNETTOMUUKSIA ARKIPÄIVÄSSÄ

8 helppoa tappaa ette välttää lankeamista Niitä oon monta helppoa tappaa jotako sie saatat tehhä ette estää lankeamista ja niitä seurauksia joitako saattaa tullaa lankeamisen kautta Tässä seuraa lista tipsiä jokka auttavat sinua seisomhaan tukevamasti jalvoila. 1. Motsuneeraa säänölisesti. Valikoitte aktiviteettiä jokka haastavat sinun palansia ja jokka tukevat sinun luustoa, esimerkiksi tansi, Tai Chi, badmintonni elikkä muita aktiviteettiä. Ette kävelä trapuissa oon hyvä! 2. Syö mielelhääns rasvalista kallaa pari kertaa viikossa ja juo maitoa, fiiliä elikkä yoghurttia jokka sisältävät D-vitamiiniä ja kalsiymmiä. Syö jotaki proteiinirikasta joka aterihaan, esimerkiksi lihhaa, kallaa, pööniä, munnaa elikkä meijeritavaroita. 3. Muista ette jua niin aterihaan ko joku klasilinen aterioitten välissä. Lämpiminnä päivinä sie saatat tarttea jua enämpi. Jokku lääkheet vaikuttavat ette sie et tunne janoa. 4. Kysy sinun lääkäriltä sinun lääkheitten sivuvaikutuksista Jokku lääkheet saattavat tehhä sinun väsyhneeksi ja vaikuttavat sinun palansia. Jos sie huomaat semmosia vaikutuksia sano sinun lääkärille. Piiain lääkäri saattaa muuttaa annosta elikkä vaihettaa lääkheet toishiin joilako ei ole niitä sivuvaikutuksia. 5. Ota yhtheyttä sinun hoitokeskuksen kansa jos sie olet langenu elikkä jos sie pölkäät ette sie lankeat. Siiheen saattaa olla monta syytä ette sie lankeat, mutta niitä oon kansa monta tappaa hoijola ette auttaa sinua ette sie tunnet ittesti turvalisemaksi. 6. Syynäytä sinun näkö ja kuulo säänölisesti. Näkö-ja kuulo-ongelmat vaikuttavat sinun palanshiin ja kortinasuuhniin. Piä vaarila jos sie kuulet huonomasti elikkä jos sulla oon kipeät korvat. 7. Ota halthuun sinun jalat. Ongelmia jaloitten kansa, olletikki semmosta joka aiheuttaa kipua, saattaa vaikuttaa sinun palanshiin. Jos sulla oon ongelmia jaloitten kansa, kerro tästä sinun lääkärille elikkä ota apua jalkahoitospesialistiltä. 8. Piä vaarila ette ei ole riskiä ette sie kompastut slatitten elikkä matoitten pääle sinun kotona. Tehe sinun koti turvaliseemaksi laittamalla hyvät valot. OHJEITA JA NEUVOJA ETTE ESTÄÄ LANKEAMISONNETTOMUUKSIA ARKIPÄIVÄSSÄ 5

Löyä palansi tjyylissä Palanseeratut ruokatavarat yhtheyvessä trääninkin kansa tekevät ette lihasvoimaa ja palansi pysyvät jäljelä. Hyvä ruoka tekkee sinun lujaksi Ruoka antaa sinun kropale voimaa ja ravintoa ja vahvistaa lihaksia ja luustoa. Sillä mitä meilä oon tjyylissä ja ruokakaapissa, oon suuri merkitys ette estää niin luonolisia vanheentumismuutoksia ko niitä jokka saattavat aiheuttua saihrauvesta ja lääkheistä. Se oon tärkeätä ette syä hyvin koko elämäniän ja olla fyysisesti aktiivi niin ette lähtökota terhveele vanheeneliselle tullee olheen niin hyvä ko maholista. Jo 30-vuotisikäsennä met alama luonolisesti menettämhään lihasmäärää jos met emmä estä sitä. Jälkhiin 50 met menetämmä lihasmäärää yhä kätevämästi. Tutkinto näyttää ette kropan ravintostaattys erittäin lujasti vaikuttaa lankeamisriksiä. Se oon tärkeätä ette sie syöt kylliksi paljon ravintorikasta ruokaa ette auttaa sinun kroppaa pysyhmään terhveenä ja pitähmään jäljelä lihasvoimaansa. Vanheempanna sie tarttet enämpi proteiiniä ja rasvaa Vanheemat tarttevat ruokaa joka sisältää vähän enämpi proteiiniä, D- vitamiiniä ja rasvaa ko mitä nuoremat tarttevat. Se oon tärkeätä ette sinun ruoka sisältää enerkiitä joka oon hyvälaatusta, olletikki jos sie syöt pienemät annokset. 6 OHJEITA JA NEUVOJA ETTE ESTÄÄ LANKEAMISONNETTOMUUKSIA ARKIPÄIVÄSSÄ

Tätä sie tarttet syä joka päivä Erin sorttista rasvaa esimerkiksi rapsi-elikkä oliviöljystä, ruokarasvaa, rasvalista kallaa, meijeritavaroita elikkä pähkinöitä. Vaihtelevia hiilihytraattia- esimerkiksi leipää, kryyniä, pottuja ja pastaa. Valikoitte kokojyvätuotheita niinku kaurakryyniä ja kovvaa leipää. Proteiiniä joka aterihaan esimerkiksi munnaa, juustoa, kallaa, kannaa, lihhaa elikkä meijeritavaroita Pöönät, kiikkiherhneet ja linsit oon kansa proteiinirikhaita. Vitamiiniä ja ravintoaihneita jokka erityisesti oon vihaneksissa, juurikasvissa, fryktissä ja marjoissa. Vähentynny ruokalysti oon tavalista Ko sitä tullee vanheemaksi niin se oon tavalista ette ruokalysti vähenee. Yks syy saattaa olla ette sitä käyttää jotaki lääkettä. Toinen saattaa olla ette se joka ennen maistu hyväle ei maistu ennää makealle. Kolmas syy saattaa olla ette sitä kaipaa kumppania ruanaikana. Seurauksenna tästä saattaa loppua lysti ette laittaa ruokaa ja syä sitä. Piiain se oon niin sullekki, mutta yritä kuitenki syä vähhiinthään kolme kertaa päivässä. Se oon hyvä jos sie sen lisäksi saatat syä pari välipallaa. Smoothies Yhen resäptin makehaan ja terhveelisheen välipalhaan sie saat tästä: 1 dl fryysattuja marjoja, 1 banani, 1 dl yoghurttia, 0,5 dl maitoa kuori ja leiko banani kappalheishiin. Sekota fryysatuitten marjoitten, yoghurtin ja maijon kansa Aja vaahtoahvaan juohmaan ruokaperetarissa, mikserissä elikkä käytä sähkövispillää. Kaaja fiihniin klashiin. Juo ja nauti. Muita esimerkkiä välipaloista saattaa olla yoghurttia, rahkaa, pähkinöitä, avokaatuaja/elikkä fryktiä. OHJEITA JA NEUVOJA ETTE ESTÄÄ LANKEAMISONNETTOMUUKSIA ARKIPÄIVÄSSÄ 7

Joitaki ohjeita mitä koskee ruokaa Piä vaarila jos sie menet alle painossa ilman tahtoa/halua. Se piiain johtuu siittä ette ruoka ei maistu sulle ennää? Se sinänsä saattaa johtua sinun lääkheistä. Lääkheet saattavat kansa antaa suun kuivuutta, pahhaa vointia, päähuimausta ja vattakipua. Hae apua jos sulla oon semmosia oihreita! Se oon tärkeätä, sillä ette jos sie menet alle painossa, sie menetät kansa lihasmäärää. Ja se taas aiheuttaa sulle huonoman palansin. Huolehti ruasta- ota aikaa ette syä! Älä anna mennä liian pitkää aikaa syönin välissä. Ota välipaloja päivän aikana. Yritä syä kaikkia kropan rakenusaihneita päivän aikana: proteiiniä, rasvaa, hiilihytraattia, fryktiä ja vihaneksia. Sie saatat ottaa ruokasirkkelin elikkä taltriikimallin sinun avuksi ette valikoija ruokaa joka oon niin makeata ko terhveelistä. Jos sie syöt ruokaa joka oon täysi- elikkä puolifaprikaattista, niin muista valikoija ruokaa joka oon luonolisista raaka-aihneista. Yritä syä vähäsen enämpi rasvaa ja proteiiniä ko mitä sie piiain olet harjaintunnu syöhmään sillä ko sie tarttet semmosia vanheempanna. Jos sie olet 70 vuotta elikkä vanheempi niin se oon rohki etu ette sitä painaa jonku kilon enämpi. 8 OHJEITA JA NEUVOJA ETTE ESTÄÄ LANKEAMISONNETTOMUUKSIA ARKIPÄIVÄSSÄ

Löyvä palansin trääninkillä ja motsuunilla Niitä oon monta tutkintoraporttia jokka näyttävät ette trääninki ja palansiharjotukset estävät vahingoita lankeamisen seurauksesta. Sie joka olet koko elämän träänanu - jatka! Sie joka meinaat alkaa - Onnea sulle! Se mikä oon fiiniä oon ette se ei ole koskhaan liian hiljasta alkaa träänaahmaan ette kasvattaa lihasmäärää ja ette parantaa palansia. Trääninki tekkee sinun lujemaksi Tutkimukset oon näyttänheet ette kaikin, net kaikhiin vanheematki, saattavat kasvattaa heän lihasmäärää voimisteluträäninkillä. Ja se parasta oon ette se ei ota erityisen pitkää aikaakhaan ennen ko sie näet tuloksen. Trääninkin vaikutukset oon samat vanhoile ko nuorile. Jos sie lissäät sinun lihasvoimaa, niin sie vähenät riskiä ette kaatua ja riskiä ette tärvätä itteästi vakavasti jos sulla sattuu käyhmään niin pahoin ette sie lankeat. Palansiharjotuksila oon kansa suuri merkitys ette vähentää riskiä ette langeta. Se oon paljon jotako pittää olla yhtheyspelissä hyväle palansile: palansiorgaanit korvassa, tunto ihossa, ja toiminta nivelissä ja lihaksissa. Fyysisen aktiviteetin kautta sie paranat näitä kykyjä. Vielä yks positiivi vaikutus trääninkillä oon ette sinun uni paranee, ja sillä oon merkitys sinun ylheiskunthoon. OHJEITA JA NEUVOJA ETTE ESTÄÄ LANKEAMISONNETTOMUUKSIA ARKIPÄIVÄSSÄ 9

Esimerkkiä trääninkistä Trääninki pittää olla painonkantava, se merkittee ette sie liikutat sinun ommaa painoa joka askelheele. Esimerkkiä painonkantavista aktiviteetistä oon Tai Chi, tansi ja ette kävelä trapuissa. Ette kävelä 30 minuttia päivässä antaa hyvvää motsuunia. Ette saaja vaikutusta luustomääräle se oon hyvä ette yhistää kävelyt muila aktiviteetilä niinku esimerkiksi voimisteluträäninkillä. Kaks kertaa voimisteluträäninkiä viikossa oon hyvä komplementti sinun arkipäiväträäninkille. Ala semmosen kansa mitä houkuttellee sinua Lihaksille jokka ei ole träänaintunheet oon se lyhhiinki kävely ja helpoinki trääninki parempi ko ei ollenkhaan. Ota sinun maholisuuet ja ehot lähtökohaksi ja alota siittä mikä tuntuu sulle lystikhäältä. Käytä oikeita kenkiä! Käytä oikeita kenkiä oikeishiin aktiviteethhin. Kengät missä oon kantapäälappu ja fasta sola joka ei liukea antaa sulle turvaliseman kävelyn. Pane pääle nappulasuojat kenkhiin ko oon liukas. Niitä oon kansa kenkiä missä oon olemassa nappulasuojat solissa. Monet valikoittevat ette kävelä sauvoila. Talvela saattaa olla hyvä ette panna niishiin jääpiikit. Jos sie tarttet kävelyapuvälihneitä niin sie saatat ottaa yhyheyttä sinun hoito/terhveyskeskuksen kansa. 10 OHJEITA JA NEUVOJA ETTE ESTÄÄ LANKEAMISONNETTOMUUKSIA ARKIPÄIVÄSSÄ

Helppoja harjotuksia joitako sie saatat tehhä itte Monet motsuunilaitokset ja pansunääriorganisasuunit tarjoavat senioorijymnastiikiä ja muuta toimintaa joka passaa vanheemille. Mutta sie saatat kansa träänata pikkusen itteksen. Täälä oon esimerkkiä harjotuksista joitako sie saatat tehhä itte ette vahvistaa sinun jalkalihaksia ja parantaa sinun palansia. Varphaannousuja 1. 2. 3. 4. 5. Seiso suorassa jalat leveällä, ronkkalevveyellä ja piätä kiini tuesta (tiskipenkki, rolattori joka oon promsattu elikkä mööpeli joka seisoo hyvin) Mene varphaile kätevästi ja pane painosti isoitten varphaitten pääle. Yritä ette sie et lukuta polvia Laske kantapäät hithaasti. Alota 10:llä ja lissää pikkuhiljaa 20 ko semennee hyvin. Sie saatat nostaa hankaluutta löysäämällä käsitukea. Harjotukset oon inspireerattu Otago trääninkiohjelmasta, alun perin Uuesta Seelantista. Yks stryktyreerattu trääninkikonsepti ette ensi siassa lujentaa voimaa ja palansia. OHJEITA JA NEUVOJA ETTE ESTÄÄ LANKEAMISONNETTOMUUKSIA ARKIPÄIVÄSSÄ 11

Nousuja 1. 2. 3. 4. 5. 6. 7. Istahta pikkusen matkaa toolin sölästä Istu sölkä suorassa. Noijaa kroppaa etheen päin pikkusen. Seisahta ylös (auta käsilä piättämällä toolista/sääristä jos tarve vaatii) Ennen ko sie istahtat, tarkista missä sulla oon tooli. Istahta alle (auta käsilä piättämällä toolista elikkä sääristä jos tarve vaatii) Alota 5 nousula ja lissää pikkuhiljaa 10 ko mennee hyvin. Sie saatat nostaa hankaluutta käyttämällä matalaman toolin. Tantemi/tuplaseisomista 1. 2. 3. 4. 5. Seiso suorassa sinun laita tukea vasten (tiskipenkki elikkä mööpeli joka seisoo hyvin) Pane yks jalka suohraan toisen jalan etheen niin ette jalat tekevät suoran viivan. Katto etheen päin ja palanseeraa 10 sekunttia. Pane toinen jalka etheen ja palanseeraa vielä 10 sekunttia. Jos se tuntuu hankalata: Alota panemalla jalat likitysten. Sie saatat tehhä hankalamaksi löysäämällä käsitukea ja jatkamalla kävelyä niinku kävelemistä liinan päälä etheen- ja taapäin. 12 OHJEITA JA NEUVOJA ETTE ESTÄÄ LANKEAMISONNETTOMUUKSIA ARKIPÄIVÄSSÄ

Kävele laijalens 1. 2. 3. 4. Seiso suorassa kääntyny tukea vasten (mielelhääns köökinpenkki elikkä piirongi) Kävele laijalens ilman ette liikuttaa ronkkia. Tehe molemille kantile. Alota 3 askelheela ja lissää pikkuhiljaa 10 askelta joka kantile. Sie saatat tehhä hankalamaksi löysäämällä käsitukea. Seiso yhelä jalala tuen kansa 1. 2. 3. 4. Seiso sinun tuen likelä ja piätä jos sie tarttet. Seiso suorassa ja nosta yks jalka laattiasta. Piätä sinun asentoa 10 sekunttia. Tehe uuesti sinun toisela jalala Sie saatat tehhä hankalamaksi löysäämällä käsitukea, ilman ette koskettaa jalkoja toishiin tukena ja pitentämällä asentoaikaa. Sie saatat kansa yrittää pittää silmiä kiini. OHJEITA JA NEUVOJA ETTE ESTÄÄ LANKEAMISONNETTOMUUKSIA ARKIPÄIVÄSSÄ 13

Löyvä palansi lääkekaapissa Jokku lääkheet lissäävät riskiä ette kaatua, esimerkiksi ette net tekevät sinun väsyhneeksi elikkä antavat päähuimausta. Se oon sen takia tähelistä ette sie saat tietää kunka sinun lääkheet toimivat, yhthäältä ittesthään,yhthäältä yhessä muitten lääkheitten kansa. Tästä sie piät kysyä sinun lääkäriltä. Se oon erittäin tärkeätä ette sie kysyt jos sulla oon monta lääkäriä. Sie saatat kansa kysyä apteekissa. Lääkheet kulkevat kropassa erhiin laihiin riippuen iästä Nousevalla iälä kropan sätti ette ottaa halthuun lääkheet muuttuu. Lääkheet saattavat esimerkiksi olla pitemän aijan jäljelä kropassa vanheemalla henkilöllä ko nuorela. Se saattaa tehhä ette lääkheitten vaikutus oon pitemän aijan jäljelä, mutta kansa ette lääkheenmäärä kasvaa liika korkeaksi. Seuraus siittä saattaa olla isompi riski ette sie lankeat. Vissit lääkheet saattavat lisätä riskiä ette lengeta Rauhottavat ja ahistustalaskevat aihneet saattavat lisätä riskiä ette langeta/lankeamisriskiä. Sen tekevät kansa lääkheet joitako käytethään depresuunia vasten ja unilääkheet. Voimakhaat särkylääkheet niinku morfiini, ja morfiiniplosteri lissäävät lankeamisriskiä, niinku kansa jokku syän - ja suonilääkheet. Ko kompineeraa kipuvähentäviä lääkheitä, antidepresii- 14 OHJEITA JA NEUVOJA ETTE ESTÄÄ LANKEAMISONNETTOMUUKSIA ARKIPÄIVÄSSÄ

vilääkheitten, rauhotuslääkheitten elikkä nukkumalääkheitten kansa niin lankeamisriski nousee paljon korkeamaksi. Uskala kysyä lääkäriltä sinun lääkheistä Niitä oon monia tutkintoja ympäri mailmaa jokka toistavat ette lääkheet saattavat olla aiheena ette vanheemat lankeavat ja tärväävät ittensä. Ette estää ette se tapahtuu sulle, sie saat tästä joitaki ohjeita kysymykshiin sinun lääkheistä joitako sie saatat ottaa ylös sinun lääkärin kansa. Älä pölkää ette sinua piethään hankalanna. Se oon kyse sinun kropasta ja sinun terhveyestä ja sulla oon täysi oikeus kysyä semmosesta jostako sie hunteeraat. Miksis mie tartten nämät lääkheet? Onkos muuta hoitoa ko lääkettä? Jos ei ole alternatiiviä mitäs mie piän hunteerata? Mulla oon jo monta eri lääkettä. Saatankos mie saaja läpikäynin lääkheistä? Lissääkos lääke riskiä ette mie lankean, esimerkiksi sillä laila ette mulla huimaa päätä? Saattaakos lääke lisätä riskiä ette mie lankean jos mie otan sen muitten lääkheitten kansa? Piä vaarila sinun lääkheitten vaikutuksista Yritä pittää vaarila mikkä vaikutukset sinun lääkheilä oon. Yks hyvä neuvo oon ette sie kirjotat ylös koska sie alat ottamhaan uutta lääkettä. Kirjota kansa ylös jos sie huomaat sivuvaikutuksia, esimerkiksi jos sulla huimaa päätä elikkä jos sie tunnet jotaki muuta huonoa oloa. Kirjotuksitten avula se oon helpompi nähhä onko yhtheyttä lääkheen ja sinun kokemuksitten kansa. Se oon kansa tärkeätä ette sie selität sinun kokemuksista lääkärille. Piiain lääkäri häätyy muuttaa annosta elikkä vaihettaa onku lääkheen. OHJEITA JA NEUVOJA ETTE ESTÄÄ LANKEAMISONNETTOMUUKSIA ARKIPÄIVÄSSÄ 15

8 helppoa neuvoa ette vähentää lankeamisriskiä Helpoila keinoila sie saatat tehhä kotimiljöön turvalisemaksi niin ette sie vähenät lankeamisriskiä. Tässä oon joitaki tipsiä mitä sie saatat huomioittea. 1. Pistääkos matonsyrjiä ylös? Tartteekos liukeamasuojia matoitten alle? 2. Onkos slatia semmosissa paikoissa missä oon riski ette sitä kompastuu niiten yli? Menneekos slatia vettää seiniä myöten? 3. Onkos kylliksi valosaa? Tartteekos vyölamppuja? Onkos trapuissa hyvät valot? 4. Kannettava telefooni vain mupili? Ette pittää telefoonin matkassa joka paikassa antaa hopumpaa apua jos vahinko sattus tulheen. 5. Onkos kynnykset haittana? Menneekos niitä ottaa pois? 6. Onkos net kampheet helpposaatavinna joitako käyttää useasti? Se saattaa olla kampheita jonka kansa sitä touhua, jotako sitä käyttää köökissä elikkä jostako oon tarve useasti? 7. Onkos istumapaikkaa ko ottaa pois ja pannee pääle kenkiä, elikkä jossako mennee levätä jos tarttee? 8. Liukeamissuoja paatihuohneessa. Märät laattiat oon liukhaat laattiat. Liukeamissuoja paatikaarassa elikk tyssissä saattaa olla avuksi, niinku liukeamaton paatihuonematto jonka päälä mennee seisoa jälkhiin paatin elikkä tyssin. Tartteekos tyssipallia elikkä tyssilautaa Ette vaihettaa kartiiniä, kattolamppuja ja ette vaihettaa patteria palohälyttäihään saattaa olla hankala. Jos sie tehet sen itte se oon hyvä jos sie käytät hyvvää trappua sen siihaan ko ette sie kiikut toolin pääle. Elikkä taho apua - monessa kunnassa oon fiksaripalveluaja jokka saattavat auttaa semmositten asioitten kansa. 16 OHJEITA JA NEUVOJA ETTE ESTÄÄ LANKEAMISONNETTOMUUKSIA ARKIPÄIVÄSSÄ