Ataatsimiinneq aallartippoq nal. 08.30 videokonference atorlugu Peqataasut: Atassut Siverth K. Heilmann Tønnes Kreutzmann Siumut Marius Olsen Aqqalu Skifte Jakob Olsen 1
Ammasumik ataatsimiinnermi oqaluuserisassat: Imm. 01 Oqaluuserisassat akuersissutigineri Suliassat nalinginnaasut Imm. 02 Piniarnissamut piffissaliussat Tuttutassiissutit Umimmattassiissutillu Ukiuunerani 2017 Imm. 03 Tamalaat 2
Imm. 01 Oqaluuserisassat akuersissutigineri Aalajangiineq Oqaluuserisassat akuerissutigineqarput. 3
Imm. 02 Piniarnissamut piffissaliussat Tuttutassiissutit Umimmattassiissutillu Ukiuunerani 2017 Journalnr. 72.01.01.02/03 Tunuliaqutaq Aalisarnermut Piniarnermullu Naalakkersuisoqarfiup ulloq 15. december 2016 piniarnissamut piffissaliussat tuttutassiissutit umimmattassiissutillu pillugit allakkatigut nalunaarutaat, aammalu Aalisarnermut Piniarnermullu Naalakkersuisoqarfiup ulloq 23. december 2016 nut allakkat. Maleruagassatigut tunngavissaq Namminersorlutik Oqartussat nalunaarutaat nr. 8 umimmaat illersugaanerat piniagaanerallu pillugit 27. juni 2013-imeersoq. Namminersorlutik Oqartussat nalunaarutaat nr. 7 tuttut nujuartat illersugaanerat piniagaanerallu pillugit 27. juni 2013-imeersoq. Pissutsit atuuttut 2017-imi ukiuunerani piniarnissamut piffissaliussat, tuttutassiissutit kiisalu umimmattassiissutit piffissami maajip aqqaneq-pingajuaniit 2016-imi juunip 17-iat ilanngullugu tusarniutigineqareersut nalunaarutigineqarput Tuttut 1. Piniarfik 2 (Sisimiut-Kangerlussuaq): Ukiuunerani piffissami februarip 18-ianiit marsip qulingat ilanngullugu killeqanngitsumik inuussutissarsiutigalugu tuttunniarnissaq. 2. Piniarfik 1 (Naternaq), Piniarfik 4 (Ameralik), Piniarfik 5 (Qeqertarsuatsiaat), Piniarfik 6 (Qassit), Piniarfik 7 (Neria) kiisalu Piniarfik 8 (Nuussuaq): Piniarfinni pineqartuni tamani ukiuunerani piffissami februarip 18-ianiit martsip qulingat ilanngullugu inuutissarsiutigalugu tuttunniarnissamut tuttunik 100-nik pisassiissoqarpoq. Tunngavilersuutit: Piniarfik 2-mi (Sisimiut-Kangerlussuaq) tuttut ikilisarniarlugit ukiuunerani sapaatip akunneri pingasuni killeqanngitsumik inuutissarsiutigalugu tuttunniartoqassaaq, imm. 1 takuuk. Naalakkersuisup kissaataa malillugu Piniarfik 1-mi, 4-mi, 5-mi, 7-mi kiisalu 8-mi inuutissarsiutigalugu piniartut ukiuunerani killilimmik tuttutassinneqarput, imm. 2 takuuk. Umimmaat Aqitsiveqarfik Maniitsoq Aqutsiveqarfik Pisassiissutit Piniarnissamut piffissaliussat - Piniarfik 1 Aqutsiveqarfiit tamaasa Ammasoq Ukiukkut inuuss. Sunngiffimmilu piniarneq 10. jan. - 10. marts Aqutsiveqarfik Pisassiissutit Piniarnissamut piffissaliussat - Piniarfik 2 Maniitsoq aamma Sisimiut Ukioq: 400 Ukiuunerani inuuss. Piniarneq: 22. jan. - 5.febr. Aqutsiveqarfik Pisassiissutit Piniarnissamut piffissaliussata - Piniarfik 3 Maniitsoq aamma Sisimiut Ukioq 800 Ukiukkut inuuss. Piniarneq 10. jan. - 10. marts 3. Aqutsiveqarfik Maniitsoq: Piniarfik 2-mi Kangerlussuup kujataata-kangianiittumi ukiuunerani 2017-imi inuutissarsiutigalugu umimmanniarneq januarip 22-at aallarnerfigalugu ammaqqinneqassaaq februarip tallimaat ilanngullugu ingerlassalluni. 4
Piniarfik 2-mi umimmattassiissutit 400-put. Piniarfik 3-mi ukiuunerani 2017-mi inuutissarsiutigalugu umimmanniarneq januarip qulingat allarnerfigalugu aallartissaaq marsip 10-at ilanngullugu ingerlassalluni. Piniarfik 3-mi umimmattassiissutit 800-put. Piffissami januaarip qulinganiit marsip qulingat ilanngullugu ukiuunerani inuutissarsiutigalugu aamma sunngiffimmi umimmanniarneq Piniarfik 1-mi ingerlassaaq, tassanilu motoorilinnik ingerlaartoqaqqusaanani. 4. Aqutsiveqarfik Sisimiut: Ukiuunerani umimmanniarneq matoqqatinneqarpoq. 5. Aqutsiveqarfik Ivittuut: Ukiuunerani umimmanniarneq matoqqatinneqarpoq. 6. Aqutsiveqarfik Ittoqqortoormiit: Ukiuunerani 2017-imi inuutissarsiutigalugu aamma sunngiffimmi umimmanniarneq martsi naallugu ingerlassaaq, tassalu 2016-imut ukiuuneranilu 2017-imut umimmattassiissutinit sinneruttut pineqarlutik. Tunngavilersuutit: Kangerlussuup eqqaani Piniarfik 2-mi ukiuunerani 2016-imi minnerpaaffiliinikkut kisitsereernerup kingorna ukiuunerani 2017-imi inuutissarsiutigalugu umimmanniarneq killilimmik ammaqqinneqarpoq pissutigalugu umimmaat piniarfimmut pineqartumut uteqqilereermata. Kangerlussuup eqqaani Piniarfik 3-mi ukiuunerani 2017-imi 800- nik umimmattassiisoqarpoq, pissutigalugu ukiuni arlaqartuni ukiuunerani killeqanngitsumik piniarneqartarnerat umimmaqatigiinnut sunniuteqarpallaaqimmat, imm. 3 takuuk. Sisimiut aqutsiveqarfiani umimmaat sinneruttut ikippallaalernerat pissutigalugu ukiuunerani umimmanniarneq matoqqatinneqarpoq, imm. 4 takuuk. Ivittuut aqutsiveqarfiani ukiuunerani umimmanniarneq matoqqatinneqarpoq kulavaat naartusut eqqissisimatinniarlugit taamaaliornikkut norraat amerlisinniarlugit, imm. 5 takuuk. Sunngiffimmi piniarnermut allagartap 1. maj sioqqullugu akilereersimanissaa pillugu piumasaqaat atuutiinnarpoq taamatullu sunngiffimmi piniarnermut akuersissutit inunnut Kalaallit Nunaanni najugalittut inuit nalunaarsorsimaffiannut nalunaarneqarsimasunut ukiunilu qaangiuttuni marlunni nalunaarsoqqareersimasunut taamaallaat tunniunneqarsinnaanerat pillugu piumasaqaat atuutsinneqarluni. Piniarnissamut piffissaliussat pisassiissutillu pillugit attuumassuteqartunut tusarniaanermi akissutigineqartut tulliuttut takkupput: Sisimiuni Aalisartut Piniartullu Peqatigiiffiat imatut allapput: Sisimiuni Aalisartut Piniartullu siunnersuutigaat umimmaat ukioq 2017 agguaanneqassasut inukmiit inuk-mut qinnuteqartut aallaavigalugit agguaassisoqassasoq, taamaalilluni assigiimmik pissarsisoqassammat. Sarfannguani umimmanniartartut isumaqarput pisassiissutit inuttussuseq tunngavigalugu avinneqassasut imaluunniit inummoorlugit. Sisimiuni Angallateerarsorlutik Aalisartut Piniartullu Peqatigiiffiat imatut allappoq: Matumuuna Sisimiuni Angallateerarsorlutik Aalisartut Piniartullu Peqatigiit (SAAPP) ilaasortat piniartartut piniaqataasartullu isumasioreerlugit imatut isummerput: ullut piniarfissat ajorinngilagut, aammalu piniarfiit pingasunngorlugit agguataarneri ajorinngilarput. Unalu erseqqissaatigerusuppaat piniarfik 1-mik taasami piniarnermi nakkutilliisut nakkutiginninnerusariaqartut. Aammalu siunnersuutigineqarpoq piniarfik 2-mi piniarfik 3-milu katillugit 1200-t pisortaqarfimmiit siunnersuutigineqartoq Sisimiut aqutsiveqarfianut taamatullu Maniitsup aqutsiveqarfianut qeqqatigut avillugit agguaanneqarnissaat isumaqatiginngilarput, 5
pissutigalugu ukioq kingulleq eqqarsaatigalugu Sisimiut aqutsiveqarfianiit ukiuunerani umimmanniartut, umimmanniartut 70% missaaniimmata Maniitsullu aqutsiveqarfiani 30% missani ukiuunerani umimmanniarmata. Taamaattumik siunnersuutigaarput ni piniarnermut allagartalinnut qulaani pineqartumi piniarfik 2-mi piniarfik 3-milu pisassissutit 1200-rujuusut qinnuteqaatigineqassasut qinnueqartullu tunngavigalugit agguaanneqassasut. Taamaanngippat siunnersuutigaarput qulaani taasagut tunngavigalugit agguaanneqassasut tassa Sisimiut aqutsiveqarfianut 70% Maniitsup aqutsiveqarfianut 30% takkulu aqutsiviit qinnuteqartitsinermikkut agguaatissagaat. Maniitsumi Aalisartut Piniartullu Peqatigiiffiat imatut allappoq: Maniitsumi Aalisartut Piniartullu Peqatigiit matumuuna piumasarivarput 2017-imi ukiuunerani umimmanniarnissami Maniitsup aqutsiveqarfiani piniarfik 2-mi 3-milu pisassanit katillugit 1200- juusunit Maniitsup aqutsiviani najugalinnut inuussutissarsiutigalugu piniartunut pisassat affai pisassiissutigineqassasut. Taamatut piumasaqarnermi tunngavigivarput akilersinnaasumik Kangerlussuarmi ukiuunerani Maniitsup aqutsiveqarfiani piniartut najugallit umimmanniassappata pisassat naammattut pissarsiarisariaqarmata. Umimmannik nammineq tunisassanik timmisartukkut Maniitsumut nassitsineq akisuvoq taamaammat Kangerlussuarmi umimmanniarnermut tunngasut aningaasartuutit annertusarput taamaammat Kangerlussuarmi Maniitsormiut umimmanniarnissaanni pisassat naammattut qulakkeerneqartariaqarput. Allaffeqarfiup naliliinera Umimmaat Umimmaat pisassiissutit pillugit tusarniutigineqartumut akissutigineqartut assigiinngitsut arlaliummata allaffeqarfiup nalilerpaa pisassiissutinik siunnersuutigineqartut tunngavigalugit assersuutinik saqqummiussaqassalluni. Ukiuni kingullerni allalinni ukiuunerani Sisimiut Maniitsullu aqutsiveqarfiineersut umimmanniartartut amerlassusii tunngavigalugit piniarfik 2-mi aamma 3-mi pisassiissutit assigiimmik piniartunut tamanut pisassiisoqassappat pisassiissutinit 1200-nit, piniartoq ataaseq umimmannik 35-/36-nik pisassinneqarsinnaavoq. MAPP-p siunnersuutaa malillugu pisassiissutit 1200-t pisassiissutigineqassappata Maniitsup aqutsiveqarfianeersoq piniartoq ataaseq umimmannik 60-it missaani pisassinneqassaaq, Sisimiullu aqutsiveqarfianeersoq umimmannik 24-t missaani pisassinneqarluni. SAAPP-p siunnersuutaa kingulleq malillugu pisassiissutit inuit ukiuunerani umimmanniartartut amerlassusii tunngavigalugit aqutsiveqarfinnut avinneqarlutik aalajangiisoqassappat Sisimiut aqutsiveqarfianut 840-t pisassiissutigineqassapput, Maniitsullu aqutsiveqarfianut 360-t pisassiissutigineqarlutik. Taamatut avitseqatigiittoqassappat Sisimiut aqutsiveqarfianiit piniartoq ataaseq 35-nik pisassinneqassaaq Maniitsullu aqutsiveqarfianeersut 36-nik. Tuttut Ukiuunerani nut piffimmut Piniarfik 2-mut (Sisimiut - Kangerlussuaq) killeqanngitsumik pisassiisoqarnera tunngavigalugu, ni inuussutissarsiutigalugu piniartut atuuttumik piniarnermut allagartallit saaffiginnittut tuttunniarnissamut akuersissummik tunineqarsinnaapput. 6
Allaffeqarfiup innersuussutaa Allaffeqarfiup innersuussutigivaa ukiuunerani umimmattassiissutissat PUPA-p oqallisigissagaa aalajangiillunilu. PUPA-p aalajangiinera Umimmannut pisassiineq 60% Sisimiuni piniartunut 40% Maniitsumi piniartunut aalajagiunneqartoq januaarip 3-ani 2017.. Ukiukkut tuttunniarnerup ammarneqarnera ataatsimiititaliaminngaanit isumaqatigineqanngilaq. Piniarfiit avananaatungaani ilaneqarnissaat pillugu Aqqalu Skifte kommunalbestyrelse-mut sinnersuuteqarniarpoq. Pissutsit atuuttut Ulloq januaarip 6-at 2017 Maniitsumiit ukiuunerani umimmanniarnissamik qinnuteqaatinik tigusanik nalunaaruteqartoqanngimmat Pisuussutit Uumassusillit Pillugit ataatsimiititaliaq aalajangiissaaq pisassiissutinik agguaassinissaq pillugu. Allaffeqarfiup innersuussutaa Allaffeqarfiup innersuussutigivaa ukiuunerani umimmattassiissutissat PUPA-p pissutsit atuuttut tunngavigalugit oqallisigissagaa aalajangiillunilu. PUPA-p suliamik suliarinninnera 09.01.2017 Maniitsup aqutsiveqarfiani qinnuteqartitsisoqarsimannginnera tunngavigalugu isumaqatigiissutigineqarpoq aqutsiveqarfik Maniitsoq piaartumik qinnuteqartitsissasoq Kangerlussuarmut umimmanniarusuttunik. Qinnuteqartitsineq tallimanngorneq 13. januar nal. 12.00 tungaanut ingerlanneqassaaq. Avitseqatigiinneq 60 40 suli attanneqarpoq. Suliap suliareqqinnera Maniitsup aqutsiviani piniartunut pingaaruteqarsimavoq paasissalllugu Kangerlussuarmi umimmannik tunitsivik ammassanersoq. Tamanna pissutigalugu maannamut nalunarsimavoq Maniitsuip aqutsiviani piniartut qasserpiaat umimmanniassanersut. Illua.-tungaatigut Sisimiut aqutsiviani piniartut peqatigiiffii nalunaaruteqartarput kissaatigalugu pisassiissutit ni piaartumik agguaanneqassasut. Piniartut umimmaniarlutik Kangerlussuarmiittut allakkatigut 23.01.2017-meersukkut naammagittaalliutaat tiguneqarpoq. Pissutsit taamatut inissisimanerat Sisimiut aqutsiviani piniartunut toqqissisimanartinngilaat tamannalu pillugu Sisimiuni Aalisartut Piniartullu Peqatigiit allakkatigut naamammagittaalliutaat 24. januar 2017-meersoq nit tiguneqarpoq. Aammattaaq Partii Naleraq Sisimiut allakkatigut naammagittaalliutaat 24. januar 2017 tiguneqarsimallutik. Allakkani pineqartuni piumasarineqarpoq ni qinnuteqartut assigiimmik amerlassusilerlugit pisassinneqassasut. Tamannalu piaartumik aalajangiiffigineqarnissa piumasarineqarluni. Ulloq 25. januar 2017 Namminersorlutik Oqartussaniit Lilleholm Food ApS nalunaarfigineqarpoq Naalakkersuisut neqeroorutertik siulleq attatiinnaraat. Tamanna tunngavigalugu Lilleholm Food ApS ulloq 25. januar 2017 Qeqqata Kommmuniani aalisarnermut piniarnermullu siunnersortimut 7
nalunaaruteqarpoq suliffeqarfiup Kangerlussuarmi tunitsiviani 2017-mi umimmannik tigooraasinnaanani. Ilisimatitsissutigineqassaaq Naalakkersuisoqarfimmiit januarip 24-ani email-erutigineqarmat Piniarnermut Naalakkersuisoq aalajangiisimasoq inuussutissarsiutigalugu piniartut Nuummeersut Piniarfik 3-mi umimmannik 20-nik pisassinneqassasut, taamaalillutillu Piniarfik 3-mi umimmanniarsinnaanngorlutik. Tassunga atatillugu pisortaanerup januarip 24-ani paasiniarpaa taamatut aalajangiinermi suna inatsit aallaavigineqarsimanersoq. Maannamut aalajangiisimaneq tunngavigalugu piniartut Sisimiut aqutsiveqarfianeersut 16-nik pisassinneqarput, Maniitsullu aqutsiveqarfianeersut 40-nik pisassinneqarlutik. Saniatigullu Piniarnermut Naalakkersuisup Nuummeersunut 20-nik pisassiillutik. Innersuussut Innersuussutigineqarpoq massakkut pissutsit atuutilersut tunngavigalugit oqallittoqarlunilu aalajangiisoqassasoq. Aalajangiineq Aalajangiunneqarpoq januarip 17-ani 2017 siulittaasup email-ikkut siunnersuutai akueralugit makkuusut: 1. Pisassiissutit 1.200-t kommunimi piniarniarlutik qinnuteqartunut 56-nut assigiimmik agguaanneqassasut, taamaalilluni piniartoq ataaseq 20/21-nik pisaqarsinnaassalluni 2. Piniartup pisassani tamaasa piniarnianngikkunigit tamanna piaartumik piniarnermut siunnersortimut nalunaarutigissavaa kingusinnerpaamik 23. februar nal. 15.00 3. Februarip 24-aniit siunnersortit nalunaarutigissavaat qassit utertinneqarsimanersut, sinneruttullu suli piniarniartunit qinnutigineqarsinnaassallutik. Ilanngussat 1. Allakkat 15.12.2016 tuttut umimmaallu ukiuunerani 2017 2. APN nut allakkat 23.12.2016 3. KNAPP Sarfannguit oqaaseqataat 27.12.2016 4. SAAPP-p oqaaseqaataa 28.12.2016 5. MAPP-p oqaaseqaataa 28.12.2016 6. SAPP-p oqaaseqaataa 28.12.2016 8
Imm. 03 Tamalaat Aqqalu Skifte: Kissaatigaa Namminersorlutik Oqartussaniit paamaarussisarnerit allakkatigut annguneqartariaqartut qitiusumik aqutsisunut. Ataatsimiinneq naammassivoq nal. 09.50 9