Imai. Suliffeqarfik pillugu paasissutissat 1. Aqutsisoqatigiit atsiorneri 2. Kisitsisit pingaarnerit aallavissallu 3. Aqutsisut nalunaarutaat 4

Transkriptio

1

2 Imai Qupperneq Suliffeqarfik pillugu paasissutissat 1 Aqutsisoqatigiit atsiorneri 2 Kisitsisit pingaarnerit aallavissallu 3 Aqutsisut nalunaarutaat 4 Suliffeqarfissuup aaqqissuussaanera 6

3 Suliffeqarfik pillugu paasissutissat Suliffeqarfiup aqqa: Ulluinnarni taaguutit: KNI A/S Pilersuisoq A/S (KNI A/S) Polaroil A/S (KNI A/S) Najugaqarfia: J. M. Jensenip Aqq. 2, Postboks Sisimiut Nalunaarsuutini normua GER - normua CVR/SE - normua Kommuneqarfik najugaq: Qeqqata Kommunia Oqarasuaat Telefax (+299) info@kni.gl Nittartagaq Piginnittut: Namminersorlutik Oqartussat, Postboks 1015, 3900 Nuuk - (100 % piginneqataassutigalugit) Siulersuisut: Niels Thomsen, siulittaasoq Høgni Hansen, siulittaasup tullia Bodil Nyboe Andersen Annette K. Sadolin Søren Jakobsen Najaaraq Christiansen Mikol Heilmann (sulisut qinigaat) Dorthea Isaksen (sulisut qinigaat) Kristian Stach Olsen (sulisut qinigaat) Aqutsisut Pisortaaneq / CEO Peter Grønvold Samuelsen Kukkunersiuineq: Deloitte Statsautoriseret Revisionspartnerselskab 1

4 Aqutsisoqatigiit uppernarsaasiinerat Piffissami 1. april 30. september 2017 KNI A/S-ip ukiup affaanut siullermut nalunaarusiaa ullumikkut ulloq siulersuisut aqutsisullu akueraat. Ukiup affaanut nalunaarusiaq kukkunersiugaananilu kukkunersiuisutigoortinneqarnikuunngilaq. Ukiumoortumik nalunaarut ukiumoortumik naatsorsuutit pillugit inatsit tunngavigalugu suliarineqarpoq. Ukiup affaanut nalunaarutip suliffeqarfissuup pigisai aningaasanik nalillit, akiligassaatit, 30. september 2017-imilu aningaasaataasa killiffiat, kiisalu piffissami 1. april 30. september 2017-imut suliffeqarfissuup suliaqarneratigut angusanik ersarissumik tikkuussisuusut qularutiginngilarput. Ukiup affaanut naatsorsuutit suliarineqarnerisa ullullu oqimaaqatigiissitsiffiusup kingornatigut immikkut pisimasoqanngilaq, ukiup affaanut nalunaarusiamik misinnartumik allanngortitsisumik. Sisimiut ulloq 7. december

5 Kisitsisit pingaarnerit najoqqutassallu Kisitsisit pingaarnerit 1/4-30/9 1/4-30/9 1/4-30/9 1/4-30/9 1/4-30/9 (mio. kr.) 2017/ / / / /14 Angusat: Ilanngaasereerlugit kaaviiaartitat 1.250, , , , ,6 Pingaarnertut ingerlatanit angusat (EBIT) 76,9 84,6 79,5 69,7 43,6 Aningaasanik nalilitsigut angusat (16,8) (19,5) (22,0) (23,0) (19,1) Alkileraannginnermi angusat 60,0 65,1 57,5 46,7 24,5 Piffissami angusat 60,0 65,1 57,5 46,7 24,5 Oqimaaqatigiissitsineq: Sanaartugaatinik pigisat 969,7 937,0 927,7 937,7 944,9 Nioqqutissat uninngasuutit 1.194, , , , ,6 Nioqqutissarsisisatta akiitsui 96,4 87,2 94,1 99,3 131,3 Nammineq aningaasaatit 1.187, ,5 896, ,0 885,0 Oqimaaqatigiissaakkat katillugit nalingi 2.354, , , , ,9 Sanaartukkanut aningaasaliissutit 38,9 47,1 35,6 38,7 70,6 Kisitsisit paasissutissat: 1/4-30/9 1/4-30/9 1/4-30/9 1/4-30/9 1/4-30/9 2017/ / / / /14 EBIT - margin (%) 6,1 % 6,9 % 6,5 % 3,5 % 3,9 % Aningaasaliissutinit pissarsiat (%) 9,2% 9,7 % 10,3 % 8,8% 8,9 % Ilanngaasereerlugit pissarsiat/aningaasaatinit pissarsiat 1,0 1,0 1,1 1, Attartorluni aningaasalersuutit 0,6 0,7 1,0 0,8 0,7 Namminerisamik aningaasaatit erniaat (%) 5,1% 5,9 % 6,4 % 4,5% 2,8 % Akiliisinnaassuseq (%) 50,4 % 43,8 % 36,1% 45,0% 40,6% Akiitsut ernialersorneqartut /EBITDA 6,8 6,8 7,6 8,6 10,9 3

6 Aqutsisoqatigiit nalunaarutaat Pingaarnertut ingerlatat Pingaarnertut ingerlatat KNI A/S-ip ingerlatai Inatsisartut peqqussutaat nr. 4 ulloq 6. juni 1997-imeersoq, Inatsisartut peqqussutaat nr. 1 ulloq 31. maj 2001-imeersoq aamma Inatsisartut peqqussutaat nr. 7 ulloq 14. november 2004-meersoq tunngavigalugit ingerlanneqarput. KNI tassaavoq suliffeqarfik Nunatsinni inissisimasoq Kalaallit Nunaata isumaginninnikkut kulturikkullu naleqartitaanik ataqqinninnermik ersersitsisoq, aammalu Nunatsinni inuiaqatigiinni sumiluunniit inissisimasut tapersersorlugit niuernermik ingerlatsisoq. Pitsaassuseq, isumannaatsuutitsineq, avatangiisinik eriaginninneq sapinngisamillu pitsaanerpaamik kiffartuussineq KNI-p ingerlataasa ilisarnaatigissavaat. Suliffeqarfiup sinneqartooruteqarnissi anguniarpaa, taamaalilluni isumagisassaminik naammassinnissinnaajuaannarnissi qulakkeerumallugu, isumannaatsumik aningaasatigut tunngavissaqarumalluni; ilaatigut aserfallatsaaliuinissamut, akiliisinnaassuseqarnissamut aningaasanillu tigoriaannarnik pigisaqartariaqar-nissamut piumasaqaatit naammassisinnaajumallugit. Suliffeqarfiup suliarisai anguniagaalu siunertalimmik iliuuseqarnikkut makku aqqutigalugit piviusunngortinniarneqassapput: Sulisut sullitanut qanittumiittut sapinngisamik aalajangiisinnaassuseqartinnerisigut. Suliffeqarfiup immikkoortuini tamani sulisorisat piginnaanngorsarluarnerisigut, piginnaatitaaneq akisussaaffillu imminnut malittariitinnerisigut. Siunnerfiit, periusissiat iliuusissallu ingerlaavartumik malittarinerisigut uppernarsarneqarsinnaasumillu ineriartorfiuneri uuttorneqarsinnaatinnerisigut. Niuernermi immikkoortut pioreersut ineriartorteqqinnerisigut niuillaqqissuseq, kiffartuussilluarneq naammassisaqarsinnaassuserlu iluaqutigalugit. KNI A/S-ip aningaasartuutinik sukangasuumik ersarissumillu aqutsiuarneratigut. KNI A/S suliffiussaaq pitsaasoq orniginartorlu sulisumik piginnaanngorsaanermik suliumassuseqarnermillu aallussiviusoq. Aqutsinermi atortorissaarutit sulisunut atoruminartuussapput, pisariitsuullutik pisariaqanngitsumillu aningaasartuutaanatik. Ingerlatsinermi isumannaassuseq KNI A/S-imut pingaarneruvoq teknikkikkut atortorissaarutit nutaaliaanerpaat piginissaanninngarnit. KNI A/S-ip erseqqissumik siunnerfilimmillu suliffeqarfiup periusissiai paasissutissiissutigerusuppai. Tamanna pissaaq piginnittunut, sulisorisanut Kalaallit Nunaannilu inuiaqatigiinnut. Suliffeqarfissuup immikkoortuini pingaarnerni marlunni 2017/18-imi ukiup affaani ingerlatai ukuusimapput. Nioqqtutissanik ingerlatsiviit: Nunaqarfinni illoqarfinnilu nioqquteqarneq engros-millu tunissat. Immiaaqqanik imeruersaatinillu siammarterineq engros-millu tunisat. Suleqatitut isumaqatigisanut nunaqarfinni sumiiffinnilu isorliunerusuni kiffartuussilluni tunisat. Ikummatissaqarnermik ingerlatsivik: Ikummatissanik imerpalasunik eqqussuineq, siammarterineq tunisinerlu. Perrassaatinik, gassinillu puiaasaniittunik suliffissuillu atugassaannik eqqussuineq, siammarterineq tunisinerlu. 4

7 KNI-ip isumagisassaasa ilai nalinginnaasumik niuernerpalaartumik taamaallaat aallaaveqarluni naammassineqarsinnaanngillat. Taamaattumik Namminersorlutik Oqartussat kiffartuussinissamut isumaqatigiissusiortoqarsimavoq, inuiaqatigiinnit isumageqquneqartut isumagineqartarnissaat pillugu. Nioqqutissanik pilersuineq pillugu ulloq 1. januar 2017 atuutilersumik nutaamik isumaqatigiissuteqartoqarnikuuvoq. Kiffartuussinissamik isumaqatigiissut ima aaqqitaavoq ukiuni sisamani atuuttussamik isumaqatigiissutip ukiumik ataatsimik sivitsorneqartarnissaa qulakkiigaalluni, taamaalilluni isumaqatigiissut ukiuni sisamani atuuttuaannalersillugu. Isumaqatigiissut taanna naapertorlugu KNI pisussaaffilerneqarpoq nunaqarfinni illoqarfinnilu mikinerusuni pisiniarfinnik ingerlatsinissamik sumiiffiillu pineqartut tassaapput pisiniarfinni quersuarniillu nioqquteqarnermi kiisalu quersuarniit niuernermik imminnut akilersinnaasumik ingerlatsiviusinnaanngitsut. 1. januar 2017-imiit atuuttumik ikummatissanik imerpalasunik Nunatsinni tamarmi tuniniaanissamut aamma isumaqatigiissuteqarpoq, isumaqatigiissut aningaasartaligaanngilaq, aalajangersagaqarporli isumaqatigiissummi pineqartumi ikummatissamik imerpalasumik tuniniaanermi suliffeqarfiup iluanaarutigisinnaasaanik qaffasinnerpaaffiliisumik. Kiffartuussinissamik isumaqatigiissut taanna aamma nioqquteqarneq pillugu isumaqatigiissummi piffissap atuuffigisaata asserluinnaanik tunngaveqarpoq, tassa isumaqatigiissut ukiuni sisamakkaartuni atuuffeqartarluni. Kiffartuussinissamik isumaqatigiissutini nutaani isumaqatigiissuteqarnikkut maanna KNI-p pingaarnertut ingerlataani ukiuni sisamani isumaqatigiissutip atuuttarnissaa qulakkeerpaa. KNI aamma allanut isumaqatigiissuteqarnermigut nunaqarfinni illoqarfinnilu sisamani isorliunerusuniittuni inuiaqatigiinni kiffartuussinissamik isumagisassat pillugit sullissisussaavoq, soorlu Nunarput tamakkerlugu engros- mik ingerlataqarpoq, Kangerlussuarmi akitsuutitaqanngitsunik pisiniarfeqarneq, umiarsuarnut aatsitassarsiorfinnullu ikummatissamik pilersuineq. Piginnittuuneq KNI A/S Kalaallit Nunaanni Namminersorlutik Oqartussanit 100 %-mik pigineqarpoq piginneqataassutit DKK 310 mio.-iupput. Suliffeqarfissuup aaqqissuussaanera Suliffeqarfiit pigisat: KNI A/S ullormi naliliiffimmi Neqi A/S-p aktiaataanik 100 %-mik piginnittuuvoq (piginneqataassutit 0,6 mio. koruuniupput) kiisalu KNI Ejendomme A/S pigineqataaffigalugu (piginneqataassutit 1,0 mio. koruuniupput). Taakku saniatigut KNI A/S ullormi naatsorsuiffiusumi Akia Sisimiut A/S-imi piginneqataassutit 82,5 %-ii pigisarai (piginneqataassutit tamarmik nalingat 3,0 mio.dkk). Suliffeqarfiit allat: Pitsaasut ApS 50 %-ia KNI-mit pigineqarpoq, (piginneqataassutit 80 t. DKK). 5

8 Piffissaq naatsorsuiffiusoq naatsumik oqaaseqarfigalugu Una ukiup affaanut ilisimatitsissut 1. april 2017-imiit 30. september 2017-imut tunngavoq. 2017/18 ukiup affaani siullermi kaaviiaartitat mio. DKK-iupput, imaluunniit 2016/17-imi ukiup affaani siullermi kaaviiaartitanut sanilliullugit 30 mio. DKK-nik amerleriarlutik. Ukiuni kingullerni tallimani ukiup affaani kaaviiaartitat imatut isikkoqarput KNI katillugit - ilanngaasereerlugit kaaviiaartitat (t. DKK.) Ukiup affaa siulleq 2017/ / / / / /18 Realiseret Matuma qulaani takutinneqartutut piffissami kaaviiaartitanit tamarmiusunit 703 mio. DKK-it nioqqutissanik pilersuinermeersuupput 539 mio. DKK-illu ikummatissaarniarnerminngaaneerlutik. Nioqqutissanik pilersuinermi kaaviiaartitat ukiup taamaalinerani kingullermut sanilliullugu taamaaginnarput, ikummatissaarniarnermili kaaviiaartitat 4,7 mio. DKK-nik pitsanngoriaateqarlutik. Suliffeqarfiup ingerlataani nioqquteqarnermik ingerlatsinermi engros-imillu tuniniaanermi angusat ukiup naatsorsuiffiup siulianut 2016/17-imut sanilliullugu allanngorsimanngillat. Ikummatissanik tuniniaanermi kaaviiaartitat qaffariarnerat patsiseqarpoq kiffartuussinissamik isumaqatigiissutip avataani suliaqarnermi kaaviiaartitat amerlinerinik. Ukiup affaani naatsorsuiffiusup 2017/18-ip affaani siullermik KNI akileraarut suli ilanngaatiginagu 60,0 mio. DKK-nik sinneqartooruteqarpoq, sinneqartoorutit 2016/17-imi 65 mio. DKK-iusimallutik. Sinneqartoorutit ukiuni kingullerni tallimani ukiup affaanoortut matuma ataani takuneqarsinnaapput. 6

9 KNI katillugit- akileraarut suli akilernagu angusat (t. DKK.) Ukiup affaa siulleq 2017/ / / / / /18 Realiseret Angusat ukiup siulianut 2016/17-imut sanilliullugu 5,0 mio. DKK-inik ikinnerunerat patsisaavoq ikummatissaqarnermik nioqquteqarnermi angusat ikileriarnerinik, akerlianilli nioqquteqarnermik ingerlatsivimmi qaffariarlutik. Ikummatissanik nioqquteqarnermik angusat 10,9 mio. DKK-nik ikileriarput, tamannalu pingaarnertut patsiseqarpoq - Namminersorlutik Oqartussat isumaqatigiissuteqarfigalugit - sinneqartoorutissat ikilineqarnikuunerinik. Tamatuma saniatigut ikummatissat november 2016-imi literimut 18 øremik akikillineqarput kiisalu april 2017-imi literimut 20 øremik akikillineqarlutik. Suliffeqarfiup nioqqutissanik ingerlatsiviini angusat pitsanngoriarnerat - 5,0 mio. DKK nalinganut pisiniarfinni nioqquteqarnermeersuupput, kisiannili engros-imik nioqquteqarnermi isertitat taamaginnarlutik. Suliffeqarfiup suliffeqarfinni pigisaani ukiumi naatsorsuiffiusumut sanilliullugu 0,9 mio. DKK-nik pitsanngoriarput. Piffissami naatsorsuiffiusumi angusat anguneqarput suliffeqarfiup nutaamik periusissiornermini Killingusaaq-mi 1. januar 2017-imi aallartitamini sukumiisumik ukkassinermigut. Maanna suliffeqarfiup aningaasaqarnermigut ineriartornera suliffeqarfiup periusissiornermini anguniagassatut ersarissumik siunnerfeqarneranit pivoq. Suliffeqarfiup periusissiornermini ataani taaneqartut pingasut anguniarlugit siunnerfeqarluartumik sulisoqarpoq: akileraarutit suli akilerneqannginnerini angusat pitsaasumik ineriartornerat ingerlaannassasoq namminerisamik aningaasaatit ernialersorneqarnerisa pitsaasumik ineriartornerat ingerlaannassasoq akiliisinnaassutsip annertussusia pitsaasumik ineriartornerat ingerlaannassasoq Qulaani taakkartorneqartut saniatigut piffissami pineqartumi aningasartuutinik aqutsinerup ukkanneqarnera ingerlatiinnarneqarpoq. Tamatumallu kinguneraa aningaasartuutit ataatsimut isigalugit naatsorsuiffimmi ukiup siuliani angusat assigiinnarmassuk. 7

10 KNI katillugit - aningaasartuutit (t. DKK.) Ukiup affaa siulleq 2017/ / / / / /18 Realiseret Qulaani takuneqarsinnaavoq ukiuni tallimani kingullerni ukiup affaani nalunaarusiarisartakkatsinni aningaasartuutigisimasavut. Ineriartornermi takuneqarsinnaavoq eqqaaneqareersutut ukiuni kingullerni nutaanik amerlasuunik sammisaqaleraluarluta ukiuni sisamani kingullerni aningaasartuutivut suli 20,0 mio DKK-nik ikinnerusut. Suliffeqarfiup siunissami ikummatissaqarnermik nioqquteqarnermillu ingerlatsiviini iluarsaassinermi kinguaattoorutiminik aningaasaliinissaanut maanna suliffeqarfiup isertitamigut inissisimanera assut pingaarutilimmik inissisimavoq. Nioqquteqarnermi ingerlatsiviup iluarsaassinissamik kinguaattoorutai 300 mio DKK-nik naleqarput, kiisalu ikummatissaqarnermik ingerlatsivimmi 200 mio DKK-nik naleqarlutik. Aningaasanik taamak amerlatigisunik aningaasaliisoqarnissaanik pisariaqartitsinermi suliffeqarfiup isertitamigut akiliutissaqarsinnaaneranut tunngatillugu annertuumik ukkassineq pisariaqarpoq. Aningaasaliisarnermi ukiut tamaasa aningaasarpassuit illikartinneqartaraluartut aningaasaliissutit tamaasa atornissaat eqqarsaatigalugu ajornartorsiorfiugajuppoq, tassami sanaartornissami akuersissutit pissarsiarineqarsimanngikkaangata imaluunniit sanasussat nunaqarfinnukarsinnaasut pissarsiariuminaakkaangata aningaasaliissutit atunngitsoorsinnaasarput. Ukiup affaata matuma naatsorsuiffiusup naalernerani KNI-p akiitsorsinnaanermini 703,4 mio. DKK-nik akiitsorpoq ukiumi siuliani 762,0 mio. DKK-usoq akiitsorsinnaanermik atuisinnaanerup iluani 58,6 mio. kr.-inik ikileriarfiulluni. Ukiumi naatsorsuiffiusumi 2017/18-imi angusassat eqqarsaatigalugit 31. marts 2018 tungaanut ukiumoortumik naatsorsuiffiup naanissaata tungaanut aningaasanik atuinissaq eqqarsaatigalugu, naatsorsuutigineqarpoq akiitsut ernialersukkat mio. DKK-nik appariaateqarsimanissaat ukiumi naatsorsuiffiusumi 2016/17-imi akiitsuusimasunut sanilliullugu. Suliffeqarfiup nammineq aningaasaatai 1.187,4 mio. DKK-iupput, ukiullu affaani 66,2 mio. DKK-nik sunnerneqarsimallutik aningaasanik nalilinnik niuerutit eqqarsaatigalugit, akileraarutissap illuartitap ilanngaatiginissaa sioqqullugu. Aningaasalersuinermi atortut pilersinneqartarput ikummatissat imerpalasut tuniniarneqarneranni akii allanngortippallaarumanagit nioqqutissat akiisa aningaasallu nalingi pillugit qularnaarinerit ingerlaavartumik 8

11 isumaqatigiissuteqarfigineqarnerisigut. Qularnaarinerit tamakku niuerfinni akii ullormi naatsorsuiffiusumi inissinneqartarput namminerlu aningaasaatitut inissinneqartarlutik. Taamatuttaaq suliffeqarfik ernianut tunngatillugu qulakkeerinninniartarpoq, erniat annertuumik nikerarsinnaanerannut illersorniarluni. Qularnaarinerit tamakku niuerfinni akii ullormi naatsorsuiffiusumi toqqaannartumik inissinneqartarput namminerlu aningaasaatitut inissinneqartarlutik. Ataani takuneqarsinnaavoq ukiuni kingullerni tallimani ukiup affaanut nalunaarusiortarnitsinni akiliisinnaassutsip ineriartornera. 55,0 50,0 45,0 40,0 35,0 30,0 KNI katillugit - akiliisinnaassuseq(%) Ukiup affaa siulleq 2017/ / / / / /18 Realiseret 40,6 45,0 36,1 43,8 50,4 Tassani ersippoq ukiuni kingullerni akiliisinnaassuseq qaffariartorsimasoq, tamannalu tunngaveqarpoq suliffeqarfiup nammineq aningaasaataanut niuerfinni ineriartornerup sunniinerat. Suliffeqarfiup ineriartornissaanut ilimagisat Ukiup affaanut nalunaaruterput tunngavigalugu ukiumi naatsorsuiffimmi 2017/18-imi angusat tamarmiusut pitsaasumik ineriartuinnarnissaat naatsorsuutigaarput, upperaarpullu suliffeqarfiup periusissiornermini suliaqarnermini angusassat pitsaasut tunniussinnaajumaarivut. KNI A/S-ip naatsorsuutigaa ukiumi naatsorsuiuffiusumi 2017/18-imi ukiup affaani angusassat anguneqarumaartut, taamaalilluni ukioq tamakkerlugu akileraarut sioqqullugu mio. kr.-nik sinneqartooruteqarnissaq siunertaareersutut anguneqarsinnaassalluni 9