ISERIT A/S. Inissiamik naliginnaasumik iluarsaassinerit aserfallatsaaliuinerillu

Transkriptio

1 ISERIT A/S Inissiamik naliginnaasumik iluarsaassinerit aserfallatsaaliuinerillu iikkat - qilaaq - natit 1

2 Aserfallatsaaliuinissamut ilitsersuut Inissiamik naliginnaasumik iluarsaassineq Inissiani ataasiakkaani atortussat atortorissaarutit ikkussukkat il.il. assigiinngitsorpassuit inissisimasarput, matumanilu aserfallatsaaliuinermut ilitsersuummi attartortunit nammineerluni isumagineqaqqusaasut oqaluttuarineqarput, taamatullu inissiap iluani isumagisassat assigiinngitsut qanoq pineqarnissaat sammineqarluni. Aserfallatsaaliuineq ataatsimut isigissagaanni suliassartai assassorluni sulisartutut eqqortumik isumagisariaqarput. Inissiap najugaqarfigisavit iluani nammineerlutit aserfallatsaaliuinermut atatillugu isumagisaqarniaruit, aammalu tamanna pitsaanerpaamik inerneqassappat, matumani ilitsersuutigineqartut malissagitit inassutigissavarput, tamatumanilu ikiorserneqarnissat siunertarineqarluni. Arlaatigut nalornisaqassaguit Iserit A/S aperiinnariaavat. Misileeqattaarnerit pinaveersaakkit. Kingornami iluarsaasseqqittariaqarnernut sulisartunit ilinniarsimasunit Iserit A/S-imit toqqakkanit ingerlanneqartussaassammata, taamaaliorneq akisusinnaasarpoq. Attartornerup nalaani isumagineqartartussat Attartukkap aserfallatsaaliorneqarsimasutut naliginnaasumillu iluarsaanneqarsimasutut isikkoqarnissaa - qilaanik qequinerit, qalipaasimaneq aamma / imaluunniit iikkanik tapet-ilersuineq kiisalu inissiap iluani naternik lak-erinerit attattornerup nalaani attartortutut illit akisussaaffigaatit. Attartornerup nalaani attartukkanni aserfallatsaaliuinissannut pisussaaffik naammassineqarsimanngippat, inissiamik paarsinerlussimanerup kinguneranik aaqqissuussinissat pillugu Iserit A/S-imit qinnuigineqarsinnaavutit, imaluunnit illit akiligassannik suliassartaasut aallartinneqarnissaat Iserit A/S-imit aalajangerneqarsinnaalluni. Inissiamik qimatsinermi Inissiamik qimatsinermut atatillugu attartukkavit naliginnaasumik iluarsaannissaa nammineerlutit isumagisinnaavat, taamaassanngippalli qimatsereernerup kingorna isumagineqartussat Iserit A/S-imit aallartinneqassapput. Tamatumani aningaasartuutaasut qularnaveeqqusiissutitut akiliutigisimasannit ilanngaatigineqassapput. Attartukkanni nammineerlutit naliginnaasumik iluarsaassinissanik isumaginninniaruit suliassap isumaginerani, atortussanik toqqaanerni il.il. ilitsersuummi matumani aalajangersakkat malinneqartussaaneri eqqumaffigissavatit. MALUGIUK: Attartortut aserfallatsaaliuinissamik pisussaaffik attartornerup nalaani ataavartumik malinneqarsimanngippat attartornerup nalaani atornerluisimanertut isigineqassaaq, tamannalu Inissianik Attartortitsisarneq pillugu Inatsisartut peqqussutaanni nr. 2, 12. maj 2005-imeersumi 78-imi allassimasut naapertorlugit attartukkamik qimatsinermi ilanngaataasussanik pissarsinissaq ajornassalluni. Udgiver: Iserit A/S Postboks Nuuk Tel: Mail: iserit@iserit.gl Layout og grafisk produktion: Info Design aps Nuuk

3 Qalipaanissaq aallartilluarniaraanni... ILISIMASASSAT - qalipaanermut atatillugu isumagisassat Qalipaalersinnak qalipaaffissavit aalajaatsuunera, salilluarsima nera, tunisinnaannginnera panersimaneralu qulakkiissavatit. Aal lartinnginnermi isumagi sassat sukumiisumik ajunngitsumillu naammasseqqaarnissaat imminut aki lersinnaalluarpoq, taamaalioruimmi kusanartumik naammassinissaannut periarfissaqarluarnerussaatit. Qalipaalernissap aallartinneqannginnerani naqqa tikillugu eq qi aasinnaasumik qaqorsaat iikkanut atussallugu naleqquttumik atorlugu qalipagassap eqqiarluaqqissaaqqaarnissaa pingaaruteqarpoq. Qalipareersimasat qalipaatimikkut qillernermikkullu assigiissutut isikkoqassapput. Putoqarpat nuttaqarpallu tamarmik matullugit qallerneqaqqaassapput. Iigaagunik teqeqquugunilluunniit manissuussapput. Qalipaanermi atortut tamarmik akuerisimasaasimassapput. 3

4 QILAAQ - QILAAQ - QILAAQ - QILAAQ - QILAAQ - QILAAQ Qilaaq qalipassimasoq Attartortutut inissiap iluani qilaat qalipalluarsinnaavatit, tamannali navianartortaqarsinnaasoq Iserit A/S-imit ilisimatitsissutigissavarput. Iserit A/S-imi ataasiaannarata qilaat qalipanneqarsimanerini katagarsimanerit takusarsinnaavagut, namminerlu isumaginiaraanni taamaalisoortoqarsinnaanera annikinnerulissanani. Aallartinnginninni makku eqqumaffigissavatit: Qilaaq gips-imik beton-imillu sanaaq Qalipaataajarsimaffii qapiarneqarlutillu putoqassappat kitsiterneqassapput. Tamanna pereerpat qilaa asanneqassaq. Simersimasoqarpat immikkut salinneqaqqaarlutik siulinneqassapput, tamassumalu kingorna qalipaat imermik akuneqarsinnaasoq imaluunniit qalipaat plasteq atorlugu qalipanneqarsinnaalerluni. Qilaaq qisummik sanaaq Pujoralaajaanikkut imaluunniit pujoralaajaat atorlugu saliinikkut ulluinnarni eqqiaaneq ingerlanneqarsinnaavoq. Qilaat annertunerusumik eqqiartariaqassappata naqqa tikillugu eqqiaasinnaasumik qaqorsaat atorlugu asanneqarsinnaapput. Qilaaq qisummik sanaaq Iserit A/S-imit akuersissummik peqqaarani qalipaqqusaanngilaq. 4

5 IIKKAT - IIKKAT - IIKKAT - IIKKAT - IIKKAT - IIKKAT Iikkat qalipannissaat Iikkat pilattornikunik assigisaannillu akulinnik tapetilersukkat qalipallugit qallerneqarsinnaapput. Iikkat qalipannikut tapetitaqanngitsut aamma taamatut qalipanneqarsinnaapput. Iikkat qalipanneqarnerminni naligiissumik assigiissumillu isikkoqartinneqassapput. Ataatigut iikkiussat, siliniussat, nateq, innaallagissamut kappuffiit il.il. qalipaammik attorneqassanngillat. Taamaammat peqqissaartumik assersuinissaq pisariaqarpoq, qalipaammillu kusersoortooraanni ingerlannaaq allarummik masattumik tamanna allarterneqassaaq. Ataatigut iikkiussat, siliniussat, innaallagissamut kappuffiit, nateq il.il. qalipaammik kuuffigineqarsimassappata salinnissaannut illit akiliisussanngortinneqassaatit. Inimi, ineeqqani torsuusami paarlermilu iikkat Iikkat eqqiarneqassapput, putoqarpata putut matuneqassapput qalipaammillu plast-imik qalipanneqassallutiik (glans 10). 5

6 IIKKAT - IIKKAT - IIKKAT - IIKKAT - IIKKAT - IIKKAT Uffarfimmi perusuersartarfimmilu iikkat Iikkat asalluarneqassapput, arlaatigullu putoqarsimassappat siminneqassallutik, ininullu isugutattunut qalipaammik naleqquttumik (glans 50) qalipanneqassallutik. Uffarfinni perusuersartarfinnilu il.il. iikkat (igaffiup silarlia, igaffimmi iikkani kissarsuutip eqqaaniittuni qalipatat il.il.) qalipanneqartinnatik qaqorsaat naleqquttoq atorlugu naqqa tikillugu eqqiarneqaqqaassapput, kiisalu naggataatigut imermik akoqanngitsumik allarterneqassallutik (immikkut ilisimasalimmut / niuertarfimmut illuni atortussaarniarfimmut paasiniaagit). 6

7 IIKKAT - IIKKAT - IIKKAT - IIKKAT - IIKKAT - IIKKAT Iikkanik tapet-ilersuinerit Iikkat tapet-eqareersut tamakkiisumik atalluarnersut misissorneqassaaq, qinnerit, kikissat il.il. piiarneqassallutik Putoqaarfii matoorneqassapput, pisariaqassappallu qapiagassat isumagineqassallutik qillersarneqarsallutillu Iikkanik tapet-ilersornermi naligiissaarisoqassaaq - eqingasoqarani, - katiternerinilu ersittoqarani. Rutex (pilattornerlukunik sanaat) tapet-illu allat assingusut ikkussornerini naligiissaarinissaq pingaaruteqarpoq. Tapet-i atareersoq qalleraanni katiternerinik ersittoqassanngilaq. Iikkat Rutex-imik assigisaannillu qallersorni kut taamaallaat qalipanneqarsinnaapput. Taam a- tuttaaq iikkat qalipareernikut tapet-itaqanngitsut taama pineqarsinnaapput. ILISIMASASSAT - Aallartinnginnermi isumagisassat Suliassat tamarmik piareersarnernik aallartinneqartarput. Pipallallutit iluamik pinngikkuit, imaluunniit piareersaatissat isumaginngikkukkit suliap inernera qaqutigut naammaginarsinnaasarpoq. Allaat imaassinnaavoq tapet-ilersuineq naqqaniit aallarteqqittariaqassagit, tamanalu aningaasat piffissarlu eqqarsaatigalugit qa noq atuinartiginngila. Rutex tapet-illu assingusut qaavasigut allanik tapet-ilerfigeqqusaanngillat. Matut sikaaviillu matui tapet-ilersoqqusaanngillat. Tapet-it pillugit mikisualuit... Pisiniarfinni tapet-it assigiinngitsorpassuit nassaassaapput, Iserit A/S-imilli sorliit pitsaanerunersutut taakkartuissalluta inassuteqassanngilagut. Tamatumanili tapetniamut saaffiginninnissat inassutigiinnassallugu. Tassani tapet-ilerfissavit qanoq isikkoqarnissaa, nipinnequtissat sorliit atussaneritit il.il. pillugit paasiniaasinnaavutit. 7

8 NATIT - NATIT - NATIT - NATIT - NATIT - NATIT - NATIT Natit aamma alloriusat qisuit Natit aamma alloriusat qisuit lak-imik qallerneqarsimasut lak-ip naqqata tungaanut nungul larsimannginneri takuneqarsinnaanngitsutut isumagineqarluarsimasutut isikkoqartinneqassapput. Nateq lak-ertinnagu sukumiisumik eqqiarneqaqqaassaaq, tamannalu qaqor saat naliginnaasoq (immikkut ilisimasalimmut / niuertarfimmi illumi atortussaarniarfimmi apeqqutigiuk) atorlugu isumagineqarsinnaavoq. Imiinnaq atorlugu arlaleriarluni kingunerneqartussaavoq, panerluarsimanissaalu utaqqeqqaarlugu lak-erneqarsinnaalissalluni. Lak-ertinnaguli nateq siorartigarterneqaqqaassaaq - taamaaliunngikkaanni lak-i iluamik atasinnaassanngilaq. Nateq pujoralaajarneqassaaq, lak-ilu akoqanngitsoq taniguunneqarluassalluni. Qillertillugu inerniannginneqarpat lak-i plastikertalik nammineerluni manngertittartoq atorneqarsinnaavoq. Nateq tamakkerlugu lak-ertinnagu nungullarnerusimasut pisariaqartitsinerusullu aallartiffigineqarsinnaapput. Naternik lak-iiaanerit qapiaanerillu immikkut ilisimasalinnit isumagineqassapput. Nateq eqqiaatissamik imerpalasumik siornatigut asanneqartarsimanngikkuni taama asanneqassanngi laq Natit simissiamik sanaat Pujoralaajaat atorlugu ulluinnarni eqqiarneqarsinnaapput, sukumiinerusumilli eqqiarniaraanni natit asaammik siggorluarsimasumik panersarneqaqqaassapput. Qalipaatinut arrorsaatit kimittuut, soorlu acetone imaluunniit imerpallarsaatit, atoqqusaanngillat. Natit vinyl-it Natit vinyl-it imermik qaqorsaatitalimmik asariarlugit asaammik siggorluakkamik panersarneqassapput. Natit vinyl-it quatsissinnaammata qillersorneqarnissaat siunnersuutigineqarsinnaanngilaq Natit marriamik illisaasaliat natsisilersukkallu Imermik qaqorsaatilikkamik (qaqorsaatit aggukkat iml. qaqorsaat kajortoq) akuttunngitsutigut asattarlugit isumagilluarneqarsinnaapput. Natit marriamik illisaasaqartut eqqiareerneqarsimasat aamma uuliamik taninneqarsinnaapput (immikkut ilisimasalimmut / niuertarfimmut illumi atortussaarniarfimmut paasiniaagit). 8