6. Siulersuisut Danmarkimi ataatsimiinnerat, ulloq: 07.04.2019 Peqataapput: Karsten Lyberth-Klausen (KL-K), siulittaasoq Lena Pedersen (LP), siulitt.tullia Daniel Skifte (DS) Jeppe Ejvind Nielsen (JEN) Paarnannguaq Tittussen (PT) Christian Laursen (CL) Jens Høegh Andersson (JHA), sulisut sinnerlugit Anna Marie Knudsen (AMK), ilinniartitaanermut pisortaq, allatsi Jesper Nielsen (JN), ataatsimeeqataasartoq, immikkut oqaaseqarsinn. Peqataanngillat: Jes Nyborg Poul Nørris Christensen Ataatsimiinneq aallartinneqarpoq nal. 09.00. Siulittaasoq tikilluaqqusineratigut. Oqaluuserisassat akuerineqarput, immikkullu oqaluuserisassatut ilanngunneqarluni, sammisaq: Sungiusaatigalugu ilinniarfiusinnaasut, ullup qeqqareernermi sammisassatut. Imm.1. Manna tikillugu suliniutit inissisimaffiannik nalilersuinerit aalajangiinerillu. Siulittaasup ilisimatitsissutigivaa, ilinniartitaanermut pisortaqarfiup nutaamik ilinniartitaanermut aaqqissuusseqqinnermut tunngasoq, tamatumani ukiuni 12-ni atuartussaatitaanissap eqqunneqarnissaanut tunngatilugu ernumassuteqarfigineqarluni, tamannami annertuumik aningaasartuuteqarfiusussaassammat. Siuliani siulersuisut ataatsimiissimanerannit imaqarniliaq qimerloorneqarpoq. Ilinniagaqartut sungiusaatigalugu ilinniarfiinik suleqateqarniarneq ingerlaavartumik sammineqallattaasariaqarpoq. Upernaviarsummut tunngatillugu 2018-mi amigartoorut, 2017-mut sanilliullugu, annikinnerulersimavoq, taamanikkummi 600.000 kr.-ninik amigartooruteqartoqarsimammat. Ilaatigut ilinniartoqarnerulernissaq siunertaralugu suliniuteqarnerit siunissami ingerlateqqinneqassapput. Siulittaasup siunnerfigineqarsimasut saqqummiuteqqippai. Siulitt.tulliata iluarisimaarpaa, maannakkut ingammik naatsitat akuutissanik akuugaanngitsut pillugit aningaasartuutinik malinnaanerusoqalersimammat. Tamatumani imm. marlussuit ilanngunneqassapput: Ilinniagaqartut sulisorisallu atugarisaminnik misigisimanninnerat. Ilinniagaqartut atukkaminnik misigisaqartarnerat misissuiffigineqassalluni. Ilisimatusartusarfik, ilinniarnertuunngorniarfiit inuuss. Ilinniarfiit peqataatinneqassapput. Niuernermik Ilinniarfik sulisorisamik atugarisatik pillugit misiginnittoqarneranik misissuinikuusimavoq. Inuilimi taamatut misissuisimaneq 1. april-imi saqqummiunneqarsinnaassaaq. 1
Imm. 2. Aningaasaqarniarneq 2 A Missingersersuutinik qaqeqqiineq Siumut missingersuutinut tunngatillugu qimerluuinnissimaneq tusaatissatut tiguneqarpoq, taamaattumillu ukiup matuma inissisimanerani immikkut misissueqqinnissaq pisariaqartinneqarani. 2 B 2018-mi ukiumoortumik naatsorsuutit JN-ip Inulip 2018-mut tunngatillugu naatsorsuutai nassuiaassuteqarfigivai. Deloitte ukiumoortumik naatsorsuusiortuuvoq, suliniullu tamanna aallartinneqareernikuusimalluni. Savaateqarnermut Ilinniarfik kr. 359.000-nik atuiallaarsimavoq. Tamatumunnga tunngatillugu JN-p oqaatigivaa, tamanna immikkut anguniagaasimangikkaluartoq, ingammik tamatumap Inuilip naatsorsuutaanik oqimaatsorsiorsinnaanera eqqarsaatigalugu. Aningaasatigut inissisimanerup ineriartornera kisitsisitigut takussutissiarineqarsinnaagaluarpoq, tamatumani eqimattat/ilinniagaqartut ataasiakkaarlugit qanoq aningaasartuuteqarfigineqartarnersut takussutissiarinerisigut. Pikkorissaasarnermut tunngatillugu immikkut taaneqarpoq, aalisakkanik suliffissuarni minguitsuunissamut tunngatillugu misissuisarnernut pikkorissaasarnissat immikkut pingaaruteqartuusut. Tamatuma saniatigut takussutissiarineqarsinnaasunut ilaasinnaalluni sulisut akornanni nikerartarnerit suullu tamaasa eqqarsaatigalugit nalilersuisoqartariaqarluni. Immikkut iggavnni sulisussatut ilinniagaqartut ilinniagaqartullu inaani sulisorineqartut immikkut maluginiarneqartarfigineqarlutik. 2018-mut tunngatillugu ukiumoortumik naatsorsuutit tusaatissatut tiguneqarput. Imm. 3. Oqaluuserisassatut inissitat 3 A. Ukiup ingerlaarnera pillugu assakaasaq Siulersuisut ataatsimiinnissaat imatut aaqqiivigineqarput: Ataatsimiinneq nr. 7: 05.09/06.09.2019, Narsami pissartanngorniuuttoqarneranut tunngatillugu ataatsimiinneq Ataatsimiinneq nr. 8: 28.11.2019, Nuummi Ataatsimiinneq nr. 9: 28.02.2020, Nuummi Ataatsimiinneq nr. 10: 14./15.05.2020, oqarasuaatikkut. 3 B. Siulersuisut sulinerannik nalilersuineq Tullissaanik siulersuisut ataatsimiinnissaanut kinguartinneqarpoq. 3 C. FishTech (aalisakkerinermik ilinniartitsinerit) Ilinniartitaaneq FishTech malunnaatilimmik qaffaavigineqartariaqartutut isumaqarfigineqarpoq, tamatumani pikkorissartut ilinniartunullu ingerlateqqinneqartartut eqqarsaatigalugit. Maannakkumut pikkorissaanertut 6-nik immikkoortulittut ingerlatsiviusarluni. Tamanna aalisakkanik suliffissuarni pisariaqartitsinermut sanilliullugu naammaqqajanngilaq. Immaqa Maniitsumi 2
aalisakkani sulifffissuarni sulisussatut ingerlatsigaani periarfissaq pitsaanerusimassagaluarlunni pisariarfissaginnerullunilu ineriartornissamut aqqutissat angujuminarnerussagaluarlutik. Siunissami aalisakkap 98%-ia atorluarneqartariaqarpoq, tamatumali anguniarnissaa piffissami aggersumi sulissutigineqartariaqarluni. Tamatumani aalisakkanik ingerlatsiviit piumassuseqarput, ilanngullugu aamma FishTech-ip ineriartortinneqarnissaanut aqqutissiuuneqarnissaa eqqarsaatigalugu. FishTech-ip ilinniartitaanikkut ineriartortinneqarnissaanut saqqummiussaq akuersissutigineqarpoq. Tamatumali nassatarisaanik Ilinniartitaanermut Naalakkersuisoqarfimmut akuerisassanngorlugu ingerlateqqinneqarluni. Imm. 4. Sammisaq 4 A. Upernaviarsuk Upernaviarsummut tunngatillugu immikkut naatsorsuutit/kontop inissisimaneri siulersuisunut takusassiatut nassiunneqassapput. Tamatuma kingorna neriuutigineqarluni ulluinnarni ingerlatsisoq siulersuisut ataatsimiinnerini najuuttarsinnaajumaaortq. Ilanngullugu oqaluuserineqarpoq: sungiusaatigalugu ilinniartarnermi pissutsit. Tamatuman siulittaasup saqqummiussaa toqqammavigalugu oqallittoqarluni. Taamaattumik PowerPoint-ikkut saqqummiussaq ilanngullugu nassiunneqassaaq. Oqallinnermut tunuliaqutaavoq ukiumut 16-18-nik ukiulli 350-usut akornanni atuarnerminnik ilinniakkamilluunniit naamassinninnatik / ingerlataqaratik tarfiinalertarnerat. Imatut paasillugu katillugit 700-t missaat 16-18-nik ukiullit suffeqaratik naparfiinalertarnerat naluneqarani. Doris Jakobsen-ip atuartitaaneq pillugu isumaliuutissuummi imatut nipilimmik allaaserisaqarsimavoq: Ukiut 2-t. Ilinniarnertuunngorniarfiit HF/GU/ Inuuss.Ilinn. Ilinniarnertuunngorn. 4-at (Campuseqarfiit) Ukiut 2-t. 9. aamma 10. klasse Illoqarfinni Ukiut 8-at Meeqq.Atuarfii Tamani Ukiuni 12-ni atuartussaatitaaneq aallaaviuvoq. 9. aamma 10. klassini inuuss. tunngasut sammineqartassapput. Ukiut marluk kingorna nammineerluni toqqaanissaq siunertaralugu sorusunnermut qularnaarniaaffiussallutik. Sungiusaatigalugu suliffiusinnaasut pillugit 2016-mi isumasioqatigiittoqarpoq. Ilinniarnermik naamassinnilluni allagartartaarnissamut aqqutissat eqqartorneqarlutik: 1. Ilinniarfimmi aallaaveqarluni 2. Suliffeqarfimmi aallaaveqarluni 3
3. Tapitartukkaarlugit (modul) ilinniagaqarneq. Siulittaasoq naapertorlugu inuusuttut 1/3-ii kisimik ilinniarnermik aallartitsisarput. Sukumiisumik misissuisoqarneratigut paaserusunnarpoq, sooq taamak amerlatigisut aallartinngitsoortarnersut. Sukumiinngitsumik paasiniaanerit kisiat tunngaviginiarmeqartarnerat aamma naamaginarani. Pissutsit imaapput: Pisortat suliffeqarfiusaasa kaaviiaartittarpaat akissarsiat 40%-ii, kisiannili ilinniartut 20%-iinai ilinniartorisarlugit. Namminersorlutik inuussutissarsiuteqartut akissaatit 60%-ii akiliutigisarpaat, ilinniartullu 80%-ii ilinniartorisarlugit. 2012-mi ilinniarfissat 965-upput, 2017-mili 779-nut appariaateqarsimallutik, tassalu 20%-it miss. appariaateqarsimallutik. Suli amerlanerusunik ilinniartoqartoqarsinnaanerluni? Siunnersuutigineqarsinnaallunilu: Suliffeqarfiit ilinniarfinnik qaninnerusumik suleqateqalersinnerisigut Ilinniarfiit suliffeqarfinnik suleqateqarnerulersinnerisigut Tamakkua saniatigut aamma sulissutigineqarsinnaavoq: Tunngaviusumik atuartanerup ukiunut 1 2-nut sivitsuiffigineqarnera Ilinniarfinni sungiusaatigalutik ilinniartartut amerlinerisigut Ilinniarfiit aallaaviginerullugit ilinniartitsisalernikkut Avataani suliffiusussanut isumaqatigiissuteqartarnikkut Paarlakaajaatitsilluni isumaqatigiissuteqartarnikkut Ilinniartut ingerlaavissaat inatsimmi allaqqapput. Ilinniagaqartoq pillugu immikkut 2-nik suleqatigiittoqarsinnaavoq: Suliffeqarfik ilinniartumik isumaqatigiissuteqariarluni, taanna allamut atukkiussinnaavaa Suliffeqarfiit marluk suleqatigiillutik ilinniartuutitaarsinnaapput. KTI-ip pilersaarutigivaa quppersagaliorniarluni, tassuunatigullu takuneqarsinnaassalluni suliffeqarfiit sorliit ilinniartunik sulisoqarnersut, aammalu suliffeqarfiit sorliit ilinniartoqarnissamut akuerisaasimanersut, kisiannili ilinniartuuteqaratik. Tamatumani ajornartorsiutit arlaliusinnaapput: Ilinniartoqarnissamut akuerisaasimasut saqqumilaartinnerulernerisigut Suliffeqarnerup pissuserisaanik qulaajaanerusalernikkut Ilinniagaqartut inigisassaanik amigaateqartoqarnera Ilinniarfiusinnaasut pillugit ujartuilluarnerulernikkut. Inuilimut tunngatillugu apeqqutit makkuusinnaapput: Qanoq iliorluni ilinniarfik amerlanerusunik ilinniartuuteqartalersinnaava? Ilinniagaqartut qassit sungiusaatigalugu ilinniarfissaminnik 4
nassaartarpat? SP-tigut ilinniagaqartut, ilinniartoqarnissamut akuerisaasut taavalu akuerisaasimagaluarlutik ilinniartoqanngitsut nikingassusaat? Ilinniartunut inissiat amigaataappat? Imm. 5, Siulittaasumit pisortaanermiillu ilisimatitsissutit Tamatumani siulittaasoq immikkut oqaasissaqannginnerarpoq. Pisortaanerup ilisimatitsissutai allakkatigut agguaaneqareersimapput. Ilisimatitsissutigineqarpoq siulittaasup tullia namminerisaminik Inuilimi pikkorissaanikuusimasoq. Maluginiarsimavaalu Inuili pikkorisaanermik ingerlatsivigissallugu ajunngilluinnartuusoq. Ilinniarfik ingerlarsorfiullunilu uummaarissumik pissuseqartuuvoq. Ilisimatitsissutigineqarpoq Tamakkiisuunerusumik kiffartuussisuunissamut pikkorissaanissaq ukiariaanut pilersaarutigineqalersimasoq. Pikkorissaanissanut pilersaarutit imaqarniliaq ilanngullugu siulersuisunut nassiunneqarumaarpoq. Siulittaasup tulliata aamma TechCollege, Aalborg aammalu UC Holstebro-mi paasisassarsioqqammersimaneq ilisimatitsissutigivaa, takusassarsiorsimanerillu pissarsiffiulluarsimanerarlugit. Taamatut ilinniarfinnik marlunnik paasisassarsiorsimanerup aqqutissiuulluarsinnaavaa Nunatsinni inuussutissarsiornikkut ingerlatsinermi periuserineqarsinnaasut suunerinik. Imm. 6, Immikkut taarusutat Siulersuisut tullissaanik ataatsimiinnissaanut oqaluuserisassat marluk: Ilorrisimaarneq pillugu atukkat aammalu naammagittaalliutit suliarineqartarnerat. Tunuliaqutaasut makkuupput: DS-ip siulittaasoq nassuiaalaaqquaa, sooq Inuilimi sulisut akornanni ilorrisimaarneq pillugu misissuisoqarnissaa aallartinneqarsimanersoq. Tamatumani siulittaasoq ilisimatitsivoq, december 2018-ip aallartinnerani Inuilimi pisortat pillugu naammagittaalliummik tigusaqarnikuusimalluni. Tamanna toqqammavigalugu siulittaasup siulersuisunut ilaasortat allaffigisimavai, naammagittaalliummik taamatut ittumik tigusaqarnikuusimalluni, taamaattumillu sulisut akornanni ilorrisimaarneq pillugu misissuisoqarnissaanik kissaateqalersimalluni. Mail-itigut siulittaasup ilisimatitsissutigisimavaa, neriuutigalugu siulersuisut tamatumunnga isumaqataassasut. Taamatut aperigami akerlianik isummersuutinik tusagaqarsimannginnerarpoq. LP tamanna pillugu imatut oqariartuuteqarsimavoq: Siulittaasup oqarneratuut: På den baggrund, har formanden udsendt en mail til hele bestyrelsen om at han havde modtaget en klage, Naammagittaalliuut toqqammavigalugu siulittaasoq siulersuisoqatiminut email-ersimavoq, ilumut naammagittaalliuummik tigusaqarnikuusimalluni, siunnersuutigalugulu akornanni ilorrisimaarneq pillugu misissuisoqassasoq. LP p oqarneratuut: Tamanna toqqammavigalugu sulisut ilorrisimaarnerat pillugu misissuinermik aallartitsilersaarluni. Ilanngullugu siulittaasup email-ikkut allassimavaa: Neriuutigalugu siulersuisunut ilaasortat taamaasiortoqarniarneranut isumaqataassasut. Tamatumunngalu siulersuisut akornanni akerliusoqarneranik tusagaqarsimannginnerarluni LP-p oqarneratuut: Lenap allakkatigut siulittaasoq attaveqarfigisimavaa aammalu suliassap ingerlateqqinneqarnissaa siunertaralugu 5
annertunerusumik paasisaqarnissani kissaatigisimallugu. Tamatumunngalu tunngatillugu akineqannginnami, siulittaasoq oqarasuaatikkut sukumiinerusumik paasiniaavigisimallugu. Kingorna naammagittaalliuut kiminngaaneernersoq takuneqarsinnaajunnaarlugu siulersuisunut nassiussuuneqarsimavoq, apeqqutigineqarsimallunilu naammagittaalliuteqarsimasut kikkuusimanersut. Tamatumunnga siulittaasoq ilisimatitserusunngilaq. Siulersuisunut ilaasortat arlallit isumaqarput, naammagittaalliuut qanganitsereernikuusimasoq, ilumullu sulisut akornanni naammagittaalliuteqartut amerlasimanersut imaluunniit inuit ikittuinnaasimanersut apeqqutigineqarsimalluni. Tamatumunnga aamma siulittaasoq akissuteqarusunngilaq. Siulittaasoq ilisimatitsivoq, pisortaaneq ilisimatinneqarsimasoq sulisorisat akornannit taamatut nipilimmik naammagittaalliuteqartoqarsimasoq, tamannalu toqqammavigalugu sulisorisat akornanni ilorrisimaarneq pillugu misissuisoqarnissaanik siunniussisoqarsimasoq. Oqaluuserisaq imatut inerneqarpoq, siulittaasup namminermut apeqqusiilluni ilumut suliassaq kukkusumik qaqeriarnikuusimanerlugu. Taamatut oqariartuuteqarsimasoq nammineerluni attaveqarfiginiarpaa, tamatumuuna kinaassusaanik isertuussineq atorunnaarsinneqarsinnaanersoq apeqqutiginiarlugu. Tamanna ajornarpat suliassaq unitsiinnarneqarumaarmat. Taamaattumik siulersuisut tullissaanik ataatsimiinnissaanut aqqutissiuussiniartoqassaaq, naammagittaalliutinik pissarsisoqarsimatillugu qanoq tamakku suliarineqartassanersut eqqarsaatigalugit. AK isumaqarpoq, Inuilimi pisortaasut tapersersorneqarnissaat akerlilersorneqarneranniit kissaatiginarnerusoq, taamatummi oqariartuuteqarsimaneq naliliivigissallugu pissusissamisoornerorpasimmat. Ataatsimiinneq naavoq nal. 15.30. Ulloq una imaqarniliaq akuersissutigineqarpoq: Karsten Lyberth-Klausen, siulittaasoq Anna Marie Knudsen, Ilinniartitaanermut Pisortaq/imaqarniliortoq 6