UKA 2014 TUSAGASSIORTUNIK KATERSORTITSINEQ Septemberip 15-iat, nal. 9.00 Naalakkersuisut 2014-imi Inatsisartut ukiakkut ataatsimiinnissaannut suliniutaat Aleqa Hammond, Naalakkersuisut Siulittaasuat aamma Nunanut allanut tunngasunut Naalakkersuisoq
UKA 2014 Naalakkersuisut 2014-imi Inatsisartut ukiakkut ataatsimiinnissaannut suliniutaat Inatsisissatut siunnersuutit 13-it Inatsisit allanngortinneqarnissaannut siunnersuutit 13-it Aalajangiiffigisassatut siunnersuutit 14-it Nassuiaatit 6-t Taakku saniatigut Naalakkersuisut Inatsisartunut makku agguaassimavaat Periusissiat iliuusissatullu pilersaarutit 2 Nassuiaatit 3 Nalunaarutit isumaliutissiissutit il.il. 3
UKA 2014 16/18 Angajoqqaatut akisussaaffeqarneq il.il. pillugit inatsisissap atuutilersinneqarnissaanut aalajangiiffigisassatut siunnersuut Angajoqqaatut akisussaaffeqarneq pillugu inatsit Nunatsinni atuutilersinneqassasoq siunnersuutigineqarpoq Siunnersuutip meeqqat pisinnaatitaaffii angajoqqaajusut pisinnaatitaafiinit salliutinneqarnisaannut sammineruvoq Aammattaaq siunnersuutip kingunerissavaa tunngaviusumik ataatsimoortumik angajoqqaajusutut oqartussaaffeqarnissaq Aleqa Hammond, Naalakkersuisut Siulittaasuat aamma Nunanut allanut tunngasunut Naalakkersuisoq
UKA 2014 16/18 Katittarneq, avittarneq il.il. pillugit inatsisip atuutilersinneqarnissaanut siunnersuut Siunnersuutip nassatarissavaa suiaaqatigiit aappariittut suiaaqatigiinngitsutulli katissinnaanermut assigiimmik periarfissaqarnissaat, tassunga aamma ilanngullugu oqaluffimmi pisortaniluunniit katititaasarneq Aleqa Hammond, Naalakkersuisut Siulittaasuat aamma Nunanut allanut tunngasunut Naalakkersuisoq
UKA 2014 16/18 Haagerimi meeqqat pillugit il.il. isumaqatigiissutip Nunatsinni atuutilersinnissaanut aalajangiiffigisassatut siunnersuut Siunnersuutip malitsigissavaa nunat tamalaat akornanni isumaqatigiissutit Nunatsinni atuutilersinneqarnissaat Tamanna ilaatigut isumaqarpoq Nunarput nunat tamalaat akornanni meeqqanik aallarussisoqannginnissaa pillugu suleqatigiinnermut akuulissasoq, aammattaaq inatsisitigut unioqqutitsilluni Nunatsinni meeqqamik annissisoqarneratigut eqqartuunneqarsinnaalernissaq Aleqa Hammond, Naalakkersuisut Siulittaasuat aamma Nunanut allanut tunngasunut Naalakkersuisoq
UKA 2014 19 SIKUKI Nuuk Harbour A/S pillugu inatsisissatut siunnersuut aamma Nuummi umiarsualivittaarnissaq SIKUKI Nuuk Harbour A/S-ip pilersinneqarnissaanut siunnersuut Siunnersuutip imaraa Nuummi umiarsualiviup containerersorfiup nutaaliap sananeqarnissaanut ingerlanneqarnissaanullu Nunatsinni imaatigut assartuinerup patajaannerusumik ingerlasup qulakkeerneqarnissaa Aleqa Hammond, Naalakkersuisut Siulittaasuat aamma Nunanut allanut tunngasunut Naalakkersuisoq
UKA 2014 13/14 Nunanut allanut Pisortaqarfik Nunat avannarliit pillugit nassuiaat Nunanut allanut tunngasutigut naalakkersuinikkut ingerlatsineq pillugu nassuiaat Aleqa Hammond, Naalakkersuisut Siulittaasuat aamma Nunanut allanut tunngasunut Naalakkersuisoq
UKA 2014 20 Tarnikkut nappaatilinnik nammineersinnaajunnaarsitsineq allatigullu pinngitsaaliissutit pillugit inatsisip allanngortinnera Siunnersuut tarnimikkut nappaatillit atugaannut sukaterinerusussaavoq, ilaatigut nammineersinnaajunnaarsitsisoqartillugu allatigullu pinngitsaaliissuteqartoqartillugu inatsisitigut inissisimanerat pitsanngorsaavigineqassalluni Steen Lynge, Peqqissutsimut Attaveqarnermullu Naalakkersuisoq
UKA 2014 21 Umiarsualiviit pillugit inatsisissatut siunnersuut Makku qulakkeerneqarnissaat siunnersuutip siunertaraa: Umiarsualiviit Namminersorlutik Oqartussanit pigineqartut siunissaq eqqarsaatigalugu illoqarfiit nunaqarfiillu inuiaqatigiinnut tunngatillugu aamma attaveqarnikkut pisariaqartitat naapertorlugit tulluussarneqarnissaat Inunnut namminersortunut, inuussutissarsiutinik ingerlatsisunut kommunini oqartussaasunut siunissami umiarsualiviliortariaqartunut umiarsualivinnik ingerlatsivinni ingerlatsinissamut ikiuussinnaanermut periarfissiinerit Steen Lynge, Peqqissutsimut Attaveqarnermullu Naalakkersuisoq
Nunatsinnut, Nunatsinnit Nunatsinnilu usinik imaatigut assartuineq pillugu inatsisissatut siunnersuut UKA 2014 22 Siunnersuutip imaraa aningaasaliissutit Aningaasanut Inatsisissamiit imaatigut assartuineq pillugu inatsimmut nuunneqarnissaat Aningaasaliissutit 2011-mi eqqunneqarput, taakkulu nunaqarfinnut assartuutissanut nutaanut ukiuni aggersuni nunaqarfinnut avinngarusimanerusunullu assartuinermut atorneqartussatut aningaasaliissutaassapput Erseqqissaatigineqassaaq akileraarummik nutaamik pilersitsisoqanngimmat taamaallaat periarfissaliissut nuunneqarmat Steen Lynge, Peqqissutsimut Attaveqarnermullu Naalakkersuisoq
Aqqartartutut sulineq aqqartartutullu atortoqarneq il.il. pillugu inatsisissap atuutilersinneqarnissaanut siunnersuut Siunnersuutip imaraa inuussutissarsiutigalugu aqqartartutut allagartamut piumasaqaatit annikillisaavigineqarnissaat Siunnersuutittaaq siunertaraa Aqqartartoqarneq pillugu isumalioqatigiissitap atorunnaarsinneqarnissaa UKA 2014 23 Steen Lynge, Peqqissutsimut Attaveqarnermullu Naalakkersuisoq
Ilisimasortaqartarneq pillugu inatsisip ilaata atuutilersinneqarnissaanut aalajangiiffigisassatut siunnersuut UKA 2014 24 Siunnersuutip imarsiornermi isumannaallisaanissaq siuarsarpaa, ilaatigut ilisimasortaqartarneq ilisimasortanik akuerisanik ingerlanneqartassasoq piumasarineqarluni Steen Lynge, Peqqissutsimut Attaveqarnermullu Naalakkersuisoq
UKA 2014 25 Imarsiornerup isumannaatsuunissaa pillugu inatsimmi allannguutissat atuutilersinneqarnissaat pillugu aalajangiiffigisassatut siunnersuut Siunnersuutip Issittup Imartaani angalaneq eqqarsaatigalugu sukannernerusumik piumasaqaateqartoqalernissaa periarfissippaa, aammattaaq takornariat umiarsuaasa isumannaannerusumik atugaqalernissaat qulakkiissallugu Siunnersuut siunissami aamma umiarsuarnut ulorianartunik useqartartunut atorneqalissaaq Steen Lynge, Peqqissutsimut Attaveqarnermullu Naalakkersuisoq
UKA 2014 125 Qaqortumi mittarfissaq pillugu aalajangiiffigisassatut siunnersuut Siunnersuutip Naalakkersuisut pisussaaffilerpai Qaqortumi mittarfiliornissaq pillugu suliaq aallartinneqassasoq Steen Lynge, Peqqissutsimut Attaveqarnermullu Naalakkersuisoq
Ilulissani mittarfik pillugu aalajangiiffigisassatut siunnersuut UKA 2014 126 Siunnersuutip Naalakkersuisut pisussaaffilerpai aningaasaliisartuujumaartussat oqaloqatigalugit aallarteqqullugit aammalu aningaasatigut imminut akilersinnaassuseq eqqarsaatigalugu killiliussat pilerseqqullugit, timmisartornermi isumannaallisaaneq aammalu inuiaqatigiinni aningaasatigut ineriartorneq Tamanna Ilulissani mittarfiup uiguneqarnissaanut aalajangiinermut toqqammaviussaaq Steen Lynge, Peqqissutsimut Attaveqarnermullu Naalakkersuisoq
UKA 2014 7 Aningaasanut inatsit 2015 Vittus Qujaukitsoq, Aningaasaqarnermut Nunamullu Namminermut Naalakkersuisoq
UKA 2014 11 Nunap Karsiata naatsorsuutai 2013 2013-imi naatsorsuutit akuerineqarnissaannut siunnersuut Vittus Qujaukitsoq, Aningaasaqarnermut Nunamullu Namminermut Naalakkersuisoq
UKA 2014 127 Isertitanit akileraarusiinermut inatsisip allanngortinneqarnissaa Siunnersuutip pisortani aningaasaqarnikkut ineriartornerup patajaatsumik ataavartussamillu aaqqiivigineqarnissaa qulakkiissavaa Vittus Qujaukitsoq, Aningaasaqarnermut Nunamullu Namminermut Naalakkersuisoq
UKA 2014 128 Qalerallit akitsuuserneqartarneri pillugit inatsisip allanngortinneqarnera Siunnersuutip kingunerissavaa qalerallit suliarineqaqqaanngitsut annikitsumilluunniit suliarineqaqqaarnikut avammut tunisaatillugit akitsuuserneqarnissaat Siunnersuut ilimagineqarpoq Nunatsinni suliffissanik amerlanerusunik pilersitsissasoq Vittus Qujaukitsoq, Aningaasaqarnermut Nunamullu Namminermut Naalakkersuisoq
UKA 2014 131 Umiarsualivimmiinnermut aamma umiarsuarni takornarianik angallassisuni ilaasut akileraarutaat pillugit inatsisip allanngortinneqarnera Siunnersuutip kingunerissavaa takornarianik angalasunut ilaasut akileraarutaannik appartitsineq Akitsuutit appartinneqarnerat Nunatsinni takornariat amerlinissaannik nassataqassaaq, tassunga ilanngullugu suliffissat amerlinerannik Vittus Qujaukitsoq, Aningaasaqarnermut Nunamullu Namminermut Naalakkersuisoq
Missingersuutinut inatsisip allanngortinneqarnera UKA 2014 132 Siunnersuutip nassatarissavaa missingersuutinut inatsisip piviusumik, aaqqiinertalimmik ersarinnerulersitsisumillu allannguivigineqarnera Siunnersuutip nassatarissavaa siunissaq ungasinnerusoq isigalugu aningaasaliisartut aningaasaateqarfeqalernissaat Aningaasaateqarfiup ilaatigut pinngitsoortinniassavaa isertitaagallarsimasut malitsigisaanik pisortanit aningaasartuutit ataavartumik qaffanneqarnissaat Vittus Qujaukitsoq, Aningaasaqarnermut Nunamullu Namminermut Naalakkersuisoq
UKA 2014 133 Pisortanut akiitsoqartoqalernissaq pinngitsoortinniarlugu akiitsunillu akiliisitsisarnermut inatsisip allanngortinnissaa Siunnersuutip siunertaraa akiitsoqartoq aningaasarsiaanit akiitsorisat tiguneqarnissaannut killiffiliussat assigiissaartunngortinneqarnissaat Vittus Qujaukitsoq, Aningaasaqarnermut Nunamullu Namminermut Naalakkersuisoq
UKA 2014 134 Sulisoqarnermut akitsuut pillugu inatsisip allanngortinneqarnissaa Siunnersuutip sulisoqarnermut akitsuutip naatsorsorneqarnissaanut killissarititat akileraarutillu A-t naatsorsorneqarnerisa killissarititai assigiissassavai Assigiissaarinerup naammassisaqarnerulerneq kingunerissavaa Vittus Qujaukitsoq, Aningaasaqarnermut Nunamullu Namminermut Naalakkersuisoq
UKA 2014 135 Nioqqutissanik eqqussuineq annissuinerlu pillugit inatsisip allanngortinneqarnissaa Siunnersuutikkut Nunatsinnut nioqqutissanik eqqussuinerup Nunatsinniillu nioqqutissanik annissuinerup nakkutigineqarnera pitsanngorsaavigineqassaaq Vittus Qujaukitsoq, Aningaasaqarnermut Nunamullu Namminermut Naalakkersuisoq
Akileraaruserinermik ingerlatsineq pillugu inatsisip allanngortinnissaanut siunnersuut UKA 2014-136 Siunnersuutip pisortat sullissisarfiisa aningaasatigut ineriartornerat ataavartussamik aaqqiivigineqarnissaa qulakkiissavaa Siunnersuutip kommuninut ataatsimut akileraarut atorunnaarsissavaa Vittus Qujaukitsoq, Aningaasaqarnermut Nunamullu Namminermut Naalakkersuisoq
UKA 2014 139 Aningaasanoorutit ilai pillugit Nunatsinni inatsisip allanngortinneqarnerata atuutilersinneqarnissaa pillugu aalajangiiffigisassatut siunnersuut Siunnersuutip siunertaraa Nunatsinni inatsisit danskit inatsisaannut naapertuuttunngortinneqarnissaa Siunnersuut nalilerneqarpoq Nunatta aningaasaqarneranut periarfissanik nassataqassasoq Vittus Qujaukitsoq, Aningaasaqarnermut Nunamullu Namminermut Naalakkersuisoq
Iluarsartuusseqqinnissat aalajangersimasut pillugit aalajangiiffigisassatut siunnersuut UKA 2014 140 Siunnersuutip Naalakkersuisut pisussaaffilerpai iluarsartuusseqqittoqassasoq, inuup imminut pilersorsinnaanermigut kajumissusiata annertusarnissaa inuiaqatigiinnilu aningaasaqarnikkut patajaatsumik pilersueqataanissaa Vittus Qujaukitsoq, Aningaasaqarnermut Nunamullu Namminermut Naalakkersuisoq
UKA 2014 141 Pilersaarusiortarneq aamma nunaminertat atorneqartarnerat pillugit inatsisip allanngortinneqarnissaanik siunnersuut Siunnersuutip Kalaallit Nunaanni suliffeqarnikkut ineriartornerup periarfissai annertusarpai aningaasaliisarnissarlu kajuminnartunngortillugu Siunnersuutip aamma kommuneqarfiit periarfississavai nunaminertanik sanaartorfissatut piukkunnartunik inniminniisinnaaqqullugit Vittus Qujaukitsoq, Aningaasaqarnermut Nunamullu Namminermut Naalakkersuisoq
UKA 2014 142 Aalisarnermut aningaasaliissutinut immikkoortitat pillugit inatsisip allanngortinneqarnissaanik siunnersuut Siunnersuut periarfissaqartitsissaaq aalisariutaatillip angallatini isatersimagaluarpaguluunniit aalisarnermut allagartamik tunineqarnissaanut Aammattaaq siunnersuutip arlaliullutik angallammik piginneqatigiissut aalisarnermut allagartamik tunineqarsinnaanerinut periarfissaqartilissavai Finn Karlsen, Aalisarnermut, Piniarnermut Nunalerinermullu Naalakkersuisoq
UKA 2014 156 Aalisarnermut inatsisip allanngortinnera Siunnersuutip aalisagaqarnikkut pisuussutit pissusissamisoornerusumik kinguneqarluarnerusumillu aqunneqarnissaa siunertaraa Siunnersuutip imartani qaninnerusuni qaleralinniartarnermi ajornartorsiutaasartut sammisarivai Finn Karlsen, Aalisarnermut, Piniarnermut Nunalerinermullu Naalakkersuisoq
Aatsitassat pillugit inatsisip allanngortinneqarnera UKA 2014 143 Siunnersuutip ersarinnerulersittussaavaa: Aatsitassat eqqarsaatigalugit avatangiisinut tunngassutillit Avatangiisinut Pinngortitamullu Naalakkersuisumit isumagineqassasut Aatsitassanut tunngassutillit Inuussutissarsiornermut Aatsitassanullu Naalakkersuisup isumagissagai Jens-Erik Kirkegaard, Inuussutissarsiornermut Aatsitassanullu Naalakkersuisoq
UKA 2014 144 GeoSurvey Greenland (GSG) pillugu inatsit Siunnersuutip GSG tassaalersippaa Nunatsinni geologi aqqutigalugu misissuisarnermi ingerlatsivissaq nutaaq misissuisartussaq paasissutissanillu katersisartussaq aammalu aatsitassaqarnermik aallussinermi ineriartortitsisunut ikiuuttartussaq Jens-Erik Kirkegaard, Inuussutissarsiornermut Aatsitassanullu Naalakkersuisoq
UKA 2014 145 Suliffissarsiuussisarfik pillugu inatsisip allanngortinnera Internetikkut suliffissarsiorluni isertarfimmik pilersitsisoqassasoq siunnersuutigineqarpoq Siunnersuutip siunertaraa suliffissarsiortut periarfississallugit Nunatsinni suliffissat qanoq ittuuneri sumiinnerilu pillugit paasissutissiisarnissaq Siunnersuutittaaq siunertaraa avataaniit suliartortartut ikilisarneqarnissaat nunagisamilu nunaqavissunit suliffissarsiortunit tiguneqartassasut Jens-Erik Kirkegaard, Inuussutissarsiornermut Aatsitassanullu Naalakkersuisoq
UKA 2014 146 Nunarsuaq Tamakkerlugu Sulisartut Kattuffissuanni (ILO-mi) isumaqatigiissusiat Nunatsinni atuutilersinnissaannut aalajangiiffigisassatut siunnersuut Siunnersuutip sulisartutut inuttullu pisinnaatitaaffiit nunarsuarmut tamarmut atuuttut qulakkiissavai Siunnersuutittaaq qulakkiissavaa suliniutit annertuut eqqarsaatigalugit Nunatta inatsisitigut pisussaaffimminik eqquutsitsinissaa Jens-Erik Kirkegaard, Inuussutissarsiornermut Aatsitassanullu Naalakkersuisoq
Sulisilluni ajoquseratarsinnaanermut isumannaarineq pillugu inatsisip atuutilernissaa pillugu aalajangiiffigisassatut siunnersuut UKA 2014 147 Siunnersuutip siunertaraa sulisilluni ajoquseratarsinnaanermut aaqqissuussinerup inuiaqatigiit akornatsinni pisariaqartitanut naapertuunnerulernissaa Jens-Erik Kirkegaard, Inuussutissarsiornermut Aatsitassanullu Naalakkersuisoq
UKA 2014 148 2014-imit 2017-imut Suliffissaqartitsinermut Periusissiaq Periusissiap suliffissaqartitsinissaq annertusarniarlugu avataaniillu sulisussanik tikisitsisarneq millisarniarlugu qulakkiissavaa Jens-Erik Kirkegaard, Inuussutissarsiornermut Aatsitassanullu Naalakkersuisoq
UKA 2014 149 Inissiani attartortittakkani ineqarnermut tapiissutit pillugit inatsit Siunnersuutip assigiinngiiaarnerusumik inissiani attartortittakkani ineqarnermut tapiissuteqartoqarnissaata periarfissinneqarnissaa atornerlunneqarsinnaaneratalu pinngitsoortinissaa annertusassavai Martha Lund Olsen, Ilaqutariinnermut Inatsisinillu Atuutsitsinermut Naalakkersuisoq
UKA 2014 155 Siusinaartumik soraarnerussutisiat pillugit inatsit Siunnersuutip innuttaasut siusinaartumik soraarnerussutisiaqartut suliffeqarsinnaanermut periarfissaat annertusarlugillu pilerinartunngortissavai Siunnersuutip nikerartumik suliffissat amerlanerusut pisortanillu aningaasalersorneqartut pilersissavai Martha Lund Olsen, Ilaqutariinnermut Inatsisinillu Atuutsitsinermut Naalakkersuisoq
UKA 2014 150 Immani avatangiisit illersorneqarnissaat pillugu inatsit Siunnersuutip siunertaraa Nunatsinni immani avatangiisit pillugit inatsiseqarneq nunat tamalaat akornanni pisussaaffinnut naapertuuttunngussasoq aammalu immani avatangiisinik illersuineq pitsaanerusoq pilersinneqassasoq Siunnersuutittaaq Namminersorlutik Oqartussat periarfississavai umiarsuit qimaannakkat piginnittup akiligaanik peerneqartarnissaannik Kim Kielsen, Avatangiisinut Pinngortitamullu Naalakkersuisoq
UKA 2014 151 Gassi pillugu inatsit Siunnersuutip gassi pillugu isumannaallisaaneq siuarsassavaa, ilaatigut piginnaatitaanermut piumasaqaatip eqqunneqarneratigut kiisalu gassinik atortulersuutinik ikkussuisutut soraarummeersimanissamik piumasaqaateqarnikkut Kim Kielsen, Avatangiisinut Pinngortitamullu Naalakkersuisoq
UKA 2014 152 Katersugaasiviit pillugit inatsit Siunnersuut tassaavoq katersugaasiviit pillugit inatsisip atuuttup nutarternera Siunnersuut pisinnaatitaaffiit tigussaanngitsut illersorneqarnissaannut pingaartitsinerujartuinnarnermut naapertuuppoq. Tassunga atatillugu Nunarput aalajangersimavoq UNESCO p kulturikkut kingornuttakkat tigussaanngitsut illersorneqarnissaannut isumaqatigiissusiaanik Danmarkip atortuulersitsisimanera tapersersorniarniarlugu Nick Nielsen, Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoq
UKA 2014 153 Allagaataasiviit pillugit inatsit Siunnersuutip oqaluttuarisaanermi najoqqutarisassat kinguaajusunut tammatsaalineqarnissaat qulakkiissavaa, soorlu kulturikkut kingornussatta aqutsisoqarfiit allagaataasivianniittut nakkutigalugit paasissutissiarinerisigut Nick Nielsen, Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoq
UKA 2014 154 Meeqqanik innarliisimannginnermik uppernarsaammik noqqaassuteqartarneq pillugu inatsisip allanngortinnnissaa Siunnersuutip meeqqat illersorneqarnissaat annertusarniarlugu meeqqanik innarliisimannginnermik uppernarsaammik pissarsiniarsinnaaneq annertusarpaa Nick Nielsen, Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoq
Q u j a n a q Photo: Ulrik Bang / BANG.GL