Ileqquusumik ataatsimeersuarnermit imaqarniliaq Royal Greenland A/S Reg.nr. A/S 184.991 Hotel Hans Egedemi, Nuuk, 26. januaari 2011, nal. 13.00 Peqataapput: Piginittoq sinnerlugu: Aalisarnermut, Piniarnermut Nunalerinermullu Naalakkersuisoq Ane Hansen, Naalakkersuisoqarfimmi pisortaq Jens K. Lyberth, Allaffimmi ingerlatsisoq Rasmus Pedersen, AC-fuldmægtigi Jesper Gjøl Christensen, Immikkut ittumik siunnersorti Andreas Boysen-Kleist. Siulersuisuni ilaasortat: Niels Harald de Coninck-Smith (Siulittaasoq) Sven Lyse (Siulittaasup tullia) Svend Bang Christiansen Otto Eliassen Marie Fleischer Sara Heilmann Peter Korsbæk, sulisut sinniisaat Lars Berthelsen, sulisut sinniisaat Niels Ole Møller, sulisut sinniisaat. Pisortaqatigiit: Kukkunersiuisut: Suliffeqarfissuarmi ingerlatsisoq pisortaanerlu Flemming Knudsen, Suliffeqarfissuarmi ingerlatsisunngortussaq pisortaaninngortussarlu Mikael thinghuus, Aningaasaqarnermi pisortaq Nils Duus Kinnerup. Kukkunersiuisoq naalagaaffimmit akuerisaasoq Per Jansen, Deloitte Kukkunersiuinermi piginneqatigiilluni ingerlatseqatigiiffik Naalagaaffimmit akuerisaasoq Qupp. 1
Aqutsisoq: Imaqarniliortoq: Oqalutsi: Peqataasut allat: Eqqartuussissuserisoq Gedion Jeremiassen Inatsisilerinermi siunnersorti Andor Thomsen Nutserisoq Hans Ole Petersen Tusagassiortut il.il. Siulersuisuni siulittaasup Niels Harald de Coninck-Smithip Naalakkersuisuni ilaasortaq ataatsimeersuarnermilu peqataasut allat tikilluaqquai kingornalu Gedion Jeremiassen aqutsisussatut siulersuisunit maleruagassat malillugit toqqarneqartoq oqaaseqartillugu. Aqutsisoq oqaaseqartinneqartussanngornini pillugu qujavoq nalunaarutigalugulu 29. decembari 2010-mi allakkani ilanngullugu nalunaarutigineqartoq maleruagassani 4 naapertorlugu piffissaq eqqorlugu ataatsimiigiaqqusisoqarsimasoq. Ataatsimiigiaqqussut ullormi qulaani taaneqartumi Ervhervsstyrelsenimut aamma nassiunneqarpoq, takuuk aktieselskabit pillugit inatsimmi 73, imm. 3-mi imm. 2, taamatuttaaq ataatsimeersuartoqarnissaa pillugu sulisunut nalunaaruteqartoqarsimasoq, takuuk aktieselskabit pillugit inatsimmi 73, imm. 2, 4 5-ilu. Taamatuttaaq oqaatigaa, Namminersorlutik Oqartussat kisimi piginnittuusoq sinnerlugu Aalisarnermut, Piniarnermut Nunalerinermullu Naalakkersuisoq Ane Hansen piginnaatitsissut malillugu ataasimeeqataasoq, ataatsimeersuarnermilu peqataasut tamarmik tikulluaqquai. Tamatuma kingorna apeqqutigaa, ataatsimeersuarnissamut aggersaasoqarsimaneranut tunngasumik oqaaseqartoqarusunnersoq, oqaaseqartoqanngimmallu maleruagassat malillugit aalajangiisinnaassuseqarfiulluni inatsisillu malillugit ataatsimeersuarneq ingerlanneqartoq nalunaarutigaa. Nalunaaruteqareermat oqaluuserisassat saqqummiunneqarput, makkuusut: a) Ingerlatseqatigiiffiup ingerlanera pillugu nalunaaruteqarneq. b) Ukiumoortumik nalunaarusiamik akuerisassanngorlugu saqqummiineq. c) Ukiumoortumik nalunaarusiaq akuerineqartoq naapertorlugu sinneqartoorutinik atuinissamut imaluunniit annaasaqaatinik matussusiinissamut aalajangiineq. d) Ingerlatseqatigiiffiup maleruagassaanik allannguinissamut siunnersuuteqarneq. Qupp. 2
e) Siulersuisuni ilaasortassanik qinersineq, tamatumanilu siulersuisuni siulittaasussamik qinersineq. f) Siulersuisup siulittaasunilu ilaasortat akissarsiassaannik aalajangersaaneq. g) Kukkunersiuisunik qinersineq. Imm. a pillugu) Ingerlatseqatigiiffiup ingerlanera pillugu nalunaaruteqarneq Oqaluuserisassat aqutsisumit saqqummiunneqareermata siulersuisuni siulittaasoq Niels Harald de Coninck-Smith oqaaseqartinneqarpoq, imatullu nalunaaruteqarpoq: "Ukioq 09/10 RG-imi sutigut tamatigut nutaanik aallartitsiffiuvoq. Piginnittoq siulersuisunik nutaanik pilersitsivoq RG-illu ataannarnissaa anguniarlugu siulersuisunik nutaanik pilersitsineq sioqqullugu pisariaqartumik aningaasaliisoqarnissaa qulakkeerneqarpoq. Uiverneq qaangiuppoq, angusaqartoqarnissaanullu ukkassisoqarsinnaanngorpoq. Aallaqqaasiutigalugu piginnittup RG-imut tapersersuilluarsimanera pillugu piginnittumut qujarusuppunga. RG suliassatigut sutigut tamatigut merserineqarlunilu oqallisigineqarusunneq ajorpoq. Siulersuisut pisortaqatigiillu ineriartortitsinissaq pillugu aalajangigaat eqquutsinnissaanut atatillugu ingerlatseqatigiiffiup "kiffaanngissuseqartinnissaa" soorunami unammillernartoqarpoq. Tamatumunnga atatillugu oqaatigissavara suliatigut atugassarititaasut pitsaasimaqisut. Piginnittoq politikerillu ilungersunartunik aqqusaagaqarsimanerat suliffeqarfimmut sunniuteqanngilluinnarpoq. Tamannalu pillugu qujanarujussuaq siulersuisuninngaanniillu suliakkiutigineqarsimasoq pillugu qujavugut.tulluusimaarpugut akisussaaffitsinnillu naammassinninnissarput anguniarlugu sapinngisarput tamaat sulilluta. Royal Greenlandilu ingerlalluarnerulerpoq. Ukiumoortumik nalunaarusiap saqqummiunneqarnera tusagassiutitigut nalunaarutigaarput. Tamatumani taasassatut pingaarnerit naatsumik saqqummiutissavakka, kingornalu siunissaq pillugu aamma oqaaseqassallunga. Ingerlatsinermi pingaarnermi angusat qaffariangaatsiarput, tamatumani 159 mio. DKK-ullutik 2009/10-milu akileraannginnermi angusat 195 mio. DKK-ullutik. Ukiumi angusat 43 mio. DKK-usut ilimagisatsitut iluanaaruteqarfiunatillu annaasaqarfiunngillat, tamannalu naammaginanngilaq. Aaqqissuusseqqinnerit arlallit naammassineqarput, taakkualu 39 mio. DKK-nik aningaasartuuteqarfiupput, aningaasartuutillu naatsorsuinermi ilanngutinnginnerini angusat iluanaaruteqarfiunatillu annaasaqarfiunngillat. Qupp. 3
Naak aaqqissuusseqqittoqarsimagaluartoq ukiup affaata aappaani ingerlatsinermi pingaarnermi 57 mio. DKK-nik angusarfiusumik, 2,8 %-imik aningaasanngorlugillu 14 mio. DKK-nik sinneqartooruteqarfiusumik angusatigut ineriartornerup takutippaa ineriartorneq pitsaasumik ingerlasoq. Royal Greenlandip soorlu Tysklandimi, Tuluit Nunaanni, Skandinaviami Kalaallit Nunaannilu tunisassianik avammut tunisinerup tungaatigut niuernikkut inissisimanera ineriartorfiulluartumik iluanaaruteqarfiusumillu attanneqaannarsinnaasimavoq naak niuernerup ingerlanera pitsaanerpaanngikkaluartoq. Aallussanik imminut akilersinnaanngitsunik unitsitsineq tunisassiassakinnerunerlu kaaviiaartitat ikinnerunerannut pissutaanerupput. Ingerlatsinermi - ingammik Tysklandimi sinneqartoorutit pitsanngoriarsimanerat pissutigalugu angusat amerleriarput. Tamatumani tunisassiassat akiisa ineriartornerisa qisuariarfiginissaat pikkorinnerulerfigisimanerat peqqutaanerpaavoq. Aningaasat tigoriaannaat amerlanerunerisa kingunerisaannik aningaasalersuinermut aningaasartuutit ikiliartornerat katillugit angusat pitsanngoriarnerannut pissutaaqataapput. Kiisalu aningaasartuutit aalajangersimasut aaqqissuusseqqinnermi aningaasartuutit ilanngullugit naatsorsuinnginnermi 65 mio. DKK-nik imaluunniit 8 %-imik ikilipput. Pitsanngorsaalluni ingerlatsineq attattuarumallugu unammillersinnaanerup tungaatigut pitsanngorsaanissaq pingaaruteqarpoq. Tamannalu tunisassiornerup tungaatigut ilaatigut tunisassiornermik pitsanngorsaanissamut maskiinanillu atuinerulernissamut aningaasaliinikkut anguneqassaaq. Ilulissani raajanik tunisassiorfik 2009/10-mi nutarsarneqarpoq, qanittukkullu aalajangerneqarluni Sisiumiuni tunisassiorfik aamma nutarsarneqassasoq kiisalu Qasigiannguani tunisassiornerup tungaatigut pitsanngorsaaqqittoqarnissaanut aningaasaliisoqassasoq. Suliffeqarfiup aningaasaqarnermikkut piumasaminik iliorsinnaanerata annertussusaa naammaginarpoq, akiitsullu erniallit EBITDA naapertorlugu 19 %-imiit 8 %-imut ikilipput. Patajaassuseq - pisussaaffilimmik taarsigassat ilanngullugit - 28 %-iuvoq. Royal Greenlandimi aaqqissuussaanikkut allannguineq annertooq ukioq manna pivoq. Niuernermut pisortartaarput siulersortigalugu tuniniaanermi nittarsaassinermilu immikkoortortaq iluatsilluartumik pilersinneqarpoq. Assartugalerinermi pisiortornermilu immikkoortortat misilittagalinnik nutaanik sulisoqarlersinnerisigut patajaallisarneqarput. Ukiumoortumik naatsorsuutini kingullerni Royal Greenlandimi qullersaalluni pisortaaninnngortussarlu isumaqatigiissusiortoqarpoq. Suliffeqarfiup soqutigisaqaqatigisai suliffeqarfiup avataaneersut eqqarsaatigalugit siulersuisut pisortaqatigiillu qanimut suleqatiginerisigut isertuanngissuseqarnerunissarput attaveqaqatigiinnerunissarpullu anguniarparput. Qupp. 4
Tamanna pillugu ilaatigut suleqatigiinnissamut isumaqatigiissutit pillugit KNAPK-lu kinguneqartussamik oqaloqatigiinnerput ingerlavoq. RG-ip Kalaallit Nunaanni tusaamaneqarnera pillugu misissueqqissaarititseqqammerpugut, misissueqqissaarinerullu uppernarsisippaa RG-ip aningaasaqarnikkut angusaqarluarnissaa akisussaaffilimmillu ingerlatsinissaa Kalaallit Nunaata inuiaqatigiivinit annertuumik pingaartinneqartoq. Niuernikkut pitsaasumik ingerlatsinertalimmik suliniutit taaneqartut tamaasa kattunnerisa ilutigisaanik Royal Greenland ukiumoortumik naatsorsuutit tulliinut atatillugu sillimalluarlunilu isumalluarpoq. Siulersuisut pisortaqatigiit peqatigalugit anguniakkanik nutaanik ingerlatseqatigiiffiullu ingerlatsineranut atatillugu piumasaqaatinik nutaanik aalajangiipput, aalajangiinerallu ukiumi matumani ukiumoortumik naatsorsuutini angusatigut pitsanngoriaateqartoqarsimaneranut kiisalu aningaasaqarnikkut tunngaviusup naammaginartuuneranut pissutaaqataavoq. Royal Greenlandip Kalaallit Nunaata inuiaqatigiivinut pingaaruteqarluinnartuunera ingerlatseqatigiiffiullu politikerinit soqutigineqarnera siulersuisunit arajutsisimaneqanngilluinnarpoq. Taamaattumik siulersuisut suliffeqarfik qanimut suleqatigaat, tamatumanilu pisortaqatigiit sulisullu aalajangersimasut akulikitsumik naapittarlugit. Ingerlatseqatigiiffiup Kalaallit Nunaanni Europamilu tunisassiorfiutai arlallit siulersuisunit ukiup ingerlanerani pulaarneqarput. Siulersuisut pulaarnerminni Royal Greenlandip niuernermik ingerlatsinerata annertussussaa pillugu paasisaqarput. Eqqaaneqareersutuut siulersuisut pisortaanermik nutaamik atorfinitsitsipput. Mikael Thinghuus nunani assigiinngitsuni sulinermik misilittagaqarluarpoq, suleqatiginissaalu qilanaaraarput. Mikael ullumikkut najuuppoq, oqaloqatiginnikkusuttunillu oqaloqateqarnissaminut aamma piareersimavoq. Ukiuni pingasuni qaammatinilu arfinilinni kingullerni pisortaanerput Flemming Knudsen ullumikkut inuulluaqquarput. Ataatsimeersuareerutta ilasseqatigiisitsissaagut, tassanilu Flemmingip sulilluarsimanera pillugu oqaaseqalaarumaarpugut. Maanngaanniillu qujaffigerujussuarparput siunissamilu ingerlalluarnissaanik kissaallugu. Atorfinitsitsinermut tunngatillugu soraarninngornissamut aaqqissuussineq pisortaqatigiinnut atuuttoq nalinginnaasunngortinneqarpoq. Pisortaqatigiinni akuerisaasumik allannguinerup kingunerisaanik 2009-10-mi soraarninngornissamut aaqqissuussinermut tunngatillugu 14 mio. DKK-t immikkut ittumik immikkoortinneqarput. Qupp. 5
Suliffeqarfik Royal Greenland piorsaasutut pimoorussillunilu ingerlatsisutut siulersuisunit isigineqarpoq, ingerlatseqatigiiffiullu ineriartorteqqinnissaa isumalluarluta qilanaaraarput. Siulersuisut sulianik ingerlatsisimanerat ukiumoortumik naatsorsuutit naaneranni siulersuisunit nalilerneqarpoq, tamannalu tunngavigalugu siulersuisut siunissami sulianik pitsaanerusumik ingerlatsinissaannut siunnersuutigineqartut akueraat. Taamatuttaaq kukkunersiuinermi suleqatigiissitat oqaatigaat naatsorsuuserinermi periuutsit pitsanngoriartortuarsinnartut, tamatumani nammineq nakkutilliisarnerit sukateriffigineqarlutik. Siunissaq Royal Greenlandip qularinngilaa siumut saakkiartoqqittugut taamaasillutalu pingaarnertut iliuuseqarfigisassatut toqqakkatta tungaatigut suliffeqarfittut siuttunngornissarput ukkatariniaripput. Torersaanerit, aaqqissuusseqqinnerit aningaasaliissutissanillu pissarsiornerit ukiuni arlalinni ukkatarineqareerlutik ineriartortitsinissaq iluanaarutillu annertussusaannik patajaallisaanissaq anguniagaassapput. Tunisat 4,5 %-imik annertuseriassangatinneqarput, angusallu 3,5-4 %-iussasut, tassa 155-170 mio. DKK-ussasut piumasaqaataavoq. Annertunerusumik tunisassiorneq tamatumanilu Kalaallit Nunaanni tunisassianit iluanaarutit amerleriarnerat kiisalu Wilhelshavenimi Koszalinimilu aallutat ineriartornerat pissutigalugit ineriartorneq ingerlavoq. Kalaallit Nunaanni pisassat ikilineqarnissaat ilimanarmat tunisatigut ineriartorneq unammillernartoqarfiuvoq, taamaattoqarnerali Kalaallit Nunaanni tunisassiat aamma Kalaallit Nunaanni tunisassiorfiit kilisaatillu ingerlanneqarneri pillugit iliuusissatut pilersaarummi piumasaqaatit sukannernerulerput. Aningaasalersuinermut aningaasartuutit ikilinerisa kingunerisaannik pingaarnertut ingerlatsinermi angusat qaffannerat pissutigalugu ingerlatseqatigiiffik siunissami sinneqartoorumaartoq ilimagineqarpoq. Aappaagu sinneqartoorutit 50 mio. DDKussasut ilimagineqarpoq. Suliffeqarfissuup ineriartorteqqinneqarnerani suliaqarfiit pilerinarnerpaat ukiup ingerlanerani erseqqissarneruniarpavut. Akiitsut suli amerlajuarsinnartut ikilisinneqarnissaat pingaarnertut anguniagaassaaq. Isertitat tungaatigut aalisakkanik tunisassiornermik aallutaqartuni siuttut akornanni inissisimalernissarput anguniakkatta ilagaat. Qupp. 6
Naggasiutigalugu siulersuisut sinnerlugit sulisorpassuit sulilluarsimanerat pillugu qutsavigingaarpakka. Sulilluarsimanerat suleqatitsinnut pisisartutsinnullu avataaneersunut atassuteqarnerput pitsaanerulersippaat. Royal Greenlandip pisisartuisa naammaginninnerat siunissatsinnik naggataatigut aalajangiisuusarput." Nalunaarut pillugu oqaaseqaateqartoqarusunnersoq aqutsisumit apeqqutigineqarpoq, kingornalu Aalisarnermut, Piniarnermut Nunalerinermullu Naalakkersuisoq Ane Hansen aqutsisumit oqaaseqartinneqarpoq, imatullu oqaaseqaateqarpoq: "Ingerlatseqatigiiffiup ukiup qaangiuttup aallartinnerani unammillernartunik annertuunik toraagaqarnerata malitsigisaanik Royal Greenland A/S-ip ingerlatsinerata ukiumi matumani qaangiuttumi soqutigineqarnera annertuvoq. Tamatumunnga atatillugu Naalakkersuisut sinnerlugit 2009/10-imi ineriartorneq pillugu ukiumilu aggersumi unammillernartoqarfiusussat pillugit oqaaseqaateqarusuppunga. Royal Greenland A/S-ip 2009-10-mi ukiumoortumik nalunaarusiaata takutippaa, ingerlatseqatigiiffiup angusai siorna angusanut sanilliullugit 159 mio. kr.-nik amerlanerusut. Missingersuusiornermi anguniagaasimavoq angusat annaasaqaateqarfiunatillu iluanaaruteqarfiussanngitsut. 2009/10-mi angusat 43 mio. kr.-nik annaasaqarfiusut Naalakkersuisunit paasineqarpoq, angusallu inernerat tusaatissatut tiguaat. Naalakkersuisulli maluginiarpaat, annaasat ikinnerusut Royal Greenland A/S-ilu suliniutinik arlalinnik suliffeqarfissuup pitsaasumik ineriartorneranut iluaqutaasunik ingerlatsisimasoq. Ingerlatseqatigiiffimmi ineriartorneq pillugu Royal Greenland A/S Naalakkersuisunut ataavartumik ilisimatitsissuteqartarsimavoq. 2009/10-imi ukiumoortumik naatsorsuutit tunngavigalugit missingersuusiornermi anguniakkamut tunngatillugu nikinganeq pillugu Royal Greenland A/S ukiup sisamararterutaa qaangiutereersorlu Naalakkersuisunut ilisimatitsissuteqarpoq.tamatumani paasinarsivoq, angusat annaasaqarfiunnginnissaannik ilunaaruteqarfiunnginnissaannillu anguniagaq anguneqarsinnaanngitsoq, ataatsimulli isigalugu ingerlatseqatigiiffiup angusat siorna angusanut sanilliullugit annertuumik amerlanerulersikkusuppai. Royal Greenland A/S-ip missingersuusiornermi anguniagassatut isumaqatigiissutigineqarsimasut eqquutsinneqarsinnaanersut paasiniarlugu ataavartumik naliliisarnera ajornartorsiuteqartoqaraangallu suli piffissaatillugu iliuuseqarfigineqarnissaat anguniarlugu nikingasoqaraangat nikinganeq pillugu ilisimatitsissuteqartarnera Naalakkersuisunit pitsaasutut toqqissisimanartutullu isigineqarpoq. Ingerlatseqatigiiffiup Kalaallit Nunaata inuiaqatigiivinut aningaasaqarniarneranullu pingaaruteqarnerata malitsigisaanik Royal Greenland A/S- Qupp. 7
imi ineriartorneq Naalakkersuisunit soqutigineqarluni malinnaavigineqartuarsinnassaaq. Ukiumoortumik naatsorsuutini kingullerni Mikael Thinghuus Flemming Knudsen kingoraarlugu ingerlatseqatigiiffimmi pisortaaninngortussaq - peqatigalugu isumaqatigiissusiortoqarpoq. Iluatsillugu Flemming Knudsen Royal Greenland A/S-imi pisortaanertut sulisimanera pillugu qutsavigaara siunissamilu ingerlalluarnissaanik kissaallugu. Taamaalisukkullu Naalakkersuisut sinnerlugit Mikael Thinghuus tikilluaqquara. Royal Greenland A/S-ip siumut kalerriutigisimavaa, Kalaallit Nunaanni tunisassiarineqartartut amerlinerisigut kiisalu ingerlatseqatigiiffiup Polenimi Tysklandimilu tunisassiorfiini ineriartortitsinerit annertusinerisigut ineriartortitsinissaq iluanaarutillu annertussusaannik patajaallisaanissaq ukiumi aggersumi anguniarneqassasut. Ataatsimut isigalugu angusat 50 mio. kr-unissaat anguniagaavoq. Ingerlatseqatigiiffiup pilersaarusiornera Naalakkersuisunit tatigineqarpoq, ukiullu ingerlanerani ineriartornerup malinnaaviginissaa qilanaaraat. Tamatuma saniatigut Royal Greenland A/S-ip ilisimatitsissutigaa, aningaasaqarnikkut ineriartorluarnerup attanneqaannarnissaa anguniarlugu suliffeqarfissuarmi suliassaqarfiit sorliit ineriartortinneqarluarnerusinnaanersut paasiniarlugu suliffeqarfissuaq pillugu misissueqqissaarisoqarnissaanut pilersaarusiortoqartoq. Naalakkersuisut misissueqqissaarinermi inernerusut takunissaat qilanaaraat. Suliniutit aallartinneqareersut eqqarsaatigalugit Naalakkersuisut upperaat siulersuisut pisortaqatigiillu nutaanik ilaqartut suliakkiutigineqartunik suleqatigiillutik naammassinnissinnaasut. Kalaallit Nunaanni aalisarnermut tamatumanilu Royal Greenland A/S-imut pingaarutilinnut tunngasunik Naalakkersuisut siunissami qaninnerusumi suliassaannut unammillernartoqarfiusunut atatillugu erseqqissaatigissavara aalisarnermut inatsisip allanngortinneqarnissaa Naalakkersuisunit pingaartinneqarmat. Sinerissap qanittuani aalisarnerup aaqqissuusaaneranik pissusissamisoortumik allannguinissamut tunngatillugu inatsisip allanngortinneqarnissaa pingaarnertut anguniarneqartut ilagaat. Inatsisissatut siunnersuutigineqartoq Inatsisartut ukiaanerani ataatsimiineranni pilersaarutaasut malillugit saqqummiunneqassaaq, aalisarnermullu inatsisissaq marloriarluni oqaluuserineqaqqaariarluni kingusinnerpaamik Inatsisartut 2012-imi ukiaanerani ataatsimiinnerisa naanerani inaarutaasumik akuerineqassasoq ilimagineqarpoq. Tamatuma saniatigut Kalaallit Nunaanni tunisassianik imminut pilersornerup annertusineqarnissaa Naalakkersuisunit politikkikkut anguniagaavoq. Tamatumunnga atatillugu Royal Greenland A/S suleqataalluassasoq Naalakkersuisunit Qupp. 8
kissaatigineqarpoq. Anguniagaq taaneqartoq angujumallugu Naalakkersuisut kommunit suleqatiginerisigut pisortat suliffiutaat Kalaallit Nunaanni tunisassianik pisiortornerulernissaat sulissutiginiarpaat. Pisortat suliffiutaat Kalaallit Nunaanni tunisassianik pisiortornerulerunik Royal Greenland A/S-ip nunaqarfinni tunitsiviini tunisassiat piumaneqarnerulernerannik kinguneqartussaassaaq, tamannalu siunissaq ungasinnerusoq eqqarsaatigalugu nunaqarfinni tunitsivinnut kiffartuussinissamik isumaqatigiissutit aqqutigalugit ingerlatsinermut tapiiffigineqarnissamik pisariaqartitsinerit ikilisinneqarnissaannut iluaqutaassalluni. Apeqqutit akit pillugit isumaqatigiinniarnernut aamma tunisinermi pissutsinut tunngasut politikkikkut suliassatut isigineqartartut Naalakkersuisunit siumukulaneqartarput, tamatumani illua tungeriit pitsaanngitsumik attaveqaqatigiinnerat pissutaalluni. Suleqatigiit ataqqeqatigiillutik attaveqaqatigiittarnissaat aamma tunngaveqarluarlutik kinaassusersiornatillu oqaloqatigiittarnissaat Naalakkersuisunit pingaartinneqarpoq. Taamaattumik Kalaallit Nunaanni aalisarnermi susassaqartut tamarmik kajumissaarpakka kinaassusersiunngitsumik tunngaveqarluartumillu oqaloqatigiittassasut. Naggasiutigalugu Naalakkersuisut sinnerlugit sulisut, pisortaqatigiit siulersuisullu siumut ingerlaqqilernermik kinguneqartumik sulilluarsimanerat pillugu qutsavigerusuppakka qujanaq." Tamatuma kingorna aqutsisup nalunaarutigaa, aqutsisut nalunaarutaat oqaaseqaatillu aqutsisut nalunaarutaannut tunngasut ilanngullugit tusaatissatut tiguneqartut. Imm. b pillugu) Ukiumoortumik nalunaarusiamik akuerisassanngorlugu saqqummiineq Suliffeqarfissuarmi aningaasaqarnermi pisortaq Nils Duus Kinnerup ukiumoortumik nalunaarusiaamik kukkunersioriigaasumik siulersuisuniillu akuerisaareersumik saqqummiivoq. EBIT - angusat 73 mio. DKK-upput. Ilanngaaseereerluni angusat (43) DKK-upput. Tamatuma kingorna kisitsisit pingaarnerit najoqqutassallu suliffeqarfissuarmut tunngasut aamma saqqqummiuppai: Qupp. 9
Kisitsisit pingaarnerit DKK mio. Kaaviiaartitat 4249 Akileraartigani angusat (15) Ukiumi ilanngaaseereerluni angusat (43) Pigisat nalillit/akiligassat 3748 Akiitsut ernialersukkat 1.976 Sinneqartoorutit (%) 1,6 % Nammineq pigisat erniortinneri (4,3) % Nils Duus Kinnerupip oqaatigaa, naatsorsuutit qammatit arfinilinnut kingullernut tunngasut assut neriulluarnartoqartut, tamatumanilu ingammik Tysklandimut tunngatillugu isumalluarnartoqartut. Taamatuttaaq Skandinaviami Tuluillu Nunaanni siuariaateqartoqarsimaneranik takussutissiipput. Tuluit Nunaat raajanik niuerfiuvoq pingaarutilik. Suliffeqarfik 22 %-imik akiliisinnaassuseqarpoq. Akiitsut ernialersukkat suli amerlavallaarput, pilersaarusiorlunili annertuumik pisiortornernit aamma sunnigaaqqapput. Ukiumoortumik naatsorsuutit naaneranni sulisut katillugit 1.934-upput, siornalu ukiumoortumik naatsorsuutit naaneranni sulisut amerlassusaannut sanilliullugit 146- nik ikinnerupput. Sulisut ikinnerunerannut pisariillisaanerit pitsanngorsaanerillu pissutaapput. Kalaallit Nunaanni sulisut 826-upput, ukioq mannalu sulisut amerlassusaat siorna sulisut amerlassusaannut sanilliullugit aamma ikinnerupput. Tamatuma kingorna Aalisarnermut, Piniarnermut Nunalerinermullu Naalakkersuisup Ane Hansenip nalunaarutigaa, ukiumoortumik nalunaarusiamut tunngatillugu siunnersuutigineqartut Namminersorlutik Oqartussanit akuerineqartut. Aqutsisup kingornatigut oqaatigaa siunnersuut akuerineqartoq. Imm. c pillugu) Ukiumoortumik nalunaarusiaq akuerineqartoq naapertorlugu sinneqartoorutinik atuinissamut imaluunniit annaasaqaatinik matussusiinissamut aalajangiineq Aqutsisup ukiumoortumik nalunaarusiaq angusanit atugassiinissamut (1000 DDK) siunnersuuteqarfiusoq innersuuppaa: Qupp. 10
Naleqassutsit tamarmiusut malillugit periuseq malillugu ilanngaasaleereerluni qummut iluarsiinissamut sillimmatit Ukiup tullianut nuussineq Ukiumi angusat (14.266) DKK (28.273) DKK (42.539) DKK Aalisarnermut, Piniarnermut Nunalerinermullu Naalakkersuisup Ane Hansenip nalunaarutigaa, angusanit atugassiinissamut tunngatillugu siunnersuutigineqartoq Namminersorlutik Oqartussanit akuerineqartoq. Aqutsisup kingornatigut oqaatigaa siunnersuut akuerineqartoq. Imm. d pillugu) Ingerlatseqatigiiffiup maleruagassaanik allannguinissamut siunnersuuteqarneq. Aqutsisup nalunaarutigaa, oqaaseqaatinik ilaqartunik maleruagassanik allannguinissamut siunnersuuteqartoqarsimasoq: "1. 5.1-imi aalajangersagaq ataatsimut isigalugu ima oqaasertaliorneqassasoq siunnersuutigineqarpoq: "Siulersuisuni ilaasortassanik qinersineq." 5 allanngortinneqassanngilaq. 2. 8.6, imm. 1-imi aalajangersagaq ataatsimut isigalugu ima oqaasertaliorneqassasoq siunnersuutigineqarpoq: "Siulersuisuni ilaasortanit ukiunik marlunnik sivisussusilimmik siulittaasussamik ataatsimeersuarnermi qinersisoqartassaaq." 3. 8.6-imi nutaatut imm. 2 ilanngunneqassaaq: "Siulersuisuni siulittaasoq piffissaq siulittaasuuffigisassani suli naanngitsoq tunuarpat tamatumalu kingunerisaanik siulersuisuni siulittaasoq nutaaq qinerneqarpat siulersuisuni siulittaasunngortoq siulersuisuni siulittaasutut tunuartup piffissap siulittaasuuffigisassaraluata sinnerani siulittaasuussaaq." Qupp. 11
Tamatuma kingorna 8.6, imm. 2 immikkoortoq 3-nngussaaq aalajangersagarlu allanngortinneqassanngilaq. Siunnersuut 1, 2 3-lu pillugit oqaaseqaatit: Siunnersuutit ersersippaat, Naalakkersuisut kissaatigigaat siulersuisuni siulittaasussamik manna tikillugu ukiukkuutaartumik qinersisarneq atorunnaarluni ukiut marlukkaarlugit qinersisoqartalissasoq, tamatumani Naalakkersuisut pingaartitaat naapertorlugu ingerlatseqatigiiffimmi pisortaqatigiit atajuarnissaannut iluaqutaassammat. 4. 10.1-imi aalajangersagaq ataatsimut isigalugu ima oqaasertaliorneqassasoq siunnersuutigineqarpoq: "Siulersuisuni siulittaasup siulersuisuni ilaasortaq alla peqatigalugu, imaluunniit siulersuisuni siulittaasup pisortaq peqatigalugu, imaluunniit siulersuisuni siulittaasup tulliata pisortaq peqatigalugu ingerlatseqatigiiffik sinnerlugu atsiussaaq." Siunnersuut 4 pillugu oqaaseqaatit: Ingerlatseqatigiiffimmi atsiorsinnaatitaanermut manna tikillugu malittarisassaq atuuttoq ingerlatseqatigiiffiup qullersaqarfianut killeqanngitsumik pisinnaatitsivoq, Naalakkersuisullu isumaqarput tamanna naleqqutinngitsoq. Taamatuttaaq malittarisassap allanngortinneqarnissaanut siunnersuutigineqartoq Royal Greenland A/S-imi atsiorsinnaatitaanermut malittarisassap ingerlatseqatigiiffinni allani Namminersorlutik Oqartussanit pigineqartuni atsiorsinnaatitaanermut malittarisassamut naapertuunnerunissaanut iluaqutaassaaq." Aalisarnermut, Piniarnermut Nunalerinermullu Naalakkersuisup Ane Hansenip nalunaarutigaa, maleruagassanik allannguinissamut siunnersuutigineqartut Namminersorlutik Oqartussanit akuerineqartut. Aqutsisup kingornatigut oqaatigaa siunnersuutit akuerineqartut. Imm. e pillugu) Siulersuisuni ilaasortassanik qinersineq, tamatumanilu siulersuisuni siulittaasussamik qinersineq Siulersuisuni ilaasortaareersut Niels Harald de Coninck-Smith, Sven Lyse aamma Marie Fleischer ullumikkut qineqqusaarput. Aqutsisup nalunaarutigaa, siulersuisuni ilaasortaareersut qineqqusaartut qinerneqaqqissasut siunnersuutigineqartoq, soorluttaaq siulersuisuni siulittaasoq Qupp. 12
qinerneqaqqissasoq siunnersuutigineqartoq. Siunnersuutigineqartut akuerineqassappata siulersuisut ima katitigaassapput: Niels Harald de Coninck-Smith, siulittaasoq (2013-ip tungaanut) Sven Lyse, (2013-ip tungaanut) Marie Fleischer (2013-ip tungaanut) Svend Bang Christiansen (2012-ip tungaanut) Sara Heilmann (2012-ip tungaanut) Otto Eliassen (2012-ip tungaanut) Aqutsisup Aalisarnermut, Piniarnermut Nunalerinermullu Naalakkersuisoq Ane Hansen aperaa, siulersuisuni ilaasortatut qinerneqaqqittut Namminersorlutik Oqartussanit akuerineqarnersut, angerporlu. Aqutsisup kingornatigut oqaatigaa qineqqusaartussatut siunnersuutigineqartut qinerneqartut. Aqutsisup aamma ilisimatitsissutigaa, sulisut sinniisaannik ukiut sisamakkaarlugit qinersisoqartanera pissutigalugu ataatsimeersuartoqarnerani sulisut sinniisaannik qinersisoqarsimanngitsoq, tamatumanilu sulisut sinniisaattut siulersuisuni ilaasortat ukuusut: Peter Korsbæk Lars Berthelsen Niels Ole Møller. Imm. f pillugu) Siulersuisup siulittaasunilu ilaasortat akissarsiassaannik aalajangersaaneq Aqutsisup nalunaarutigaa, siunnersuutigneqartoq siulersuisuni siulittaasup akissarsiai 400.000 kr.-ussasut, siulersuisuni siulittaasup tulliata akissarsiai 300.000 kr.-ussasut siulersuisunilu ilaasortat allat akissarsiaat 200.000 kr.-ussasut. Aqutsisup Aalisarnermut, Piniarnermut Nunalerinermullu Naalakkersuisoq Ane Hansen aperaa, akissarsiassatut siunnersuutigineqartut Namminersorlutik Oqartussanit akuerineqarnersut, angerporlu. Aqutsisup kingornatigut nalunaarutigaa, akissarsiassatut siunnersuutigineqartut akuerineqartut. Imm. g pillugu) Kukkunersiuisunik qinersineq Aqutsisup ilisimatitsissutigaa, siunnersuutigineqartoq Deloitte Statsautoriseret Revisionsanpartsselskab ingerlatseqatigiiffiup kukkunersiuisuattut Qupp. 13
qinerneqaqqissasoq. Tamatumani aqutsisup Aalisarnermut, Piniarnermut Nunalerinermullu Naalakkersuisoq Ane Hansen aperaa, tamanna Namminersorlutik Oqartussanit akuerineqarnersoq, angerporlu. Tamatuma kingorna aqutsisup nalunaarutigaa, Deloitte Statsautoriseret Revisionsanpartsselskab ingerlatseqatigiiffiup kukkunersiuisuattut qinerneqaqqittoq. Aqutsisup kingornatigut oqaatigaa, oqaluuserisassat tamarmik oqaluuserineqareersut apeqqutigalugulu allanik oqaaseqaateqarusuttoqarnersoq, allanillu oqaaseqaateqarusuttoqanngimmat ataatsimeersuarneq naammassisutut nalunaarutigaa. Aqutsisoq: (atsiorneq) Gedion Jeremiassen Eqqartuussissuserisoq Qupp. 14