Siulersuisut ataatsimiinnerat nr. 11, sisamanngorneq 15. sept. 2016 nal. 13.00 Narsami. Peqataasut: Erik Bjerregaard (EB), siulittaasoq Karsten Lyberth-Klausen (KL-K), siulit.tullia Helge Tang (HT) Lena P Fisker (LPF) Daniel Skifte (DS) Paarnannguaq Tittussen (PT) Jens Høegh Andersson (JHA), sulisut sinnerlugit Poul Nørris Christensen (PNC), pisortaaneq, allatsi Anna Marie Knudsen (AMK), ilinn.pisortaq, imaqarn. Ivan Kristensen aamma Lena P. Fisker peqataasinnaanatik nalunaarsimapput. Ataatsimiinneq aatsaat nal. 15.00 aallartippoq, timmisartoq kingusinaarluni tikissimammat. Siulittaasoq tikilluaqqusivoq, nuannaarutigalugulu Nunatsinni Pissartanngorniuuttoqarnerani siulersuisut Inuilimi ataatsimiissinnaasimammata. Imm. 1. Imaqarniliat nr. 10-p 27. april 2016-meersut akuerineqarnerat atsiorneqarnerallu Imaqarniliat akuerineqarput atsiorneqarlutillu. Oqaluuserisassat ilaneqarnissaat kissaatigineqarpoq: Imm. 1 B: Oqaluuserisassat akuerineqarnerat. Siulitt.tulliaata siunnersuutigivaa Aalisakkanik tunisassiorfinni pisortassatut ilinniagaqarneq immikkoortutut nutaatut ilanngunneqassasoq. Imm. 2. Suliniutit assigiinngitsut inissisimaffii nalllersorneqarnerat aalajangiiffigineqarnerallu. Siunissamut siunnerfiit 1:. Pisortaanerup allakkatigut saqqummiussivoq Siunnerfiit 1 pillugit: Ilinniartitsisunik ilinniarluarsimasunik atorfinittitsisarnissaq, aammalu ilinniaqqinnissamut neqerooruteqarsinnaasarnissaq. Pisortaanerup erseqqissaassutigivaa, sulisoqarnikkut pissutsit pillugit unammilligassat maannamut imatut allannguuteqarsimanngimmata. Siulersuisut allakkatigut nalunaarut pillugu iluarinninnerarput, tamatumani taaneqarluni ilinniartitsisussarsiortarnerni qinnuteqaateqartartut ilisimasatigut naamaginartarsimannginneri pillugit. Ilinniartitsisut inuusukaajunerusut pisariaqartinneqarput, ingammik kalaallit, aammalu suiaassutsikkut assigiinngisitaartariaqarnerat taaneqarluni, tamatumali saniatigut ilinniartitsisooreersut piginnaanngorsarneqartarnissaat pisariaqartinneqartoq. Ilinniartitsorineqartut agguaqatigiissillugu 49-nik ukioqarput. Ilinniartitsisut piginnaanngorsartarnerinut tunngatillugu massakkorpiaq ilinniartitsisut 3-t PG-mik ingerlatsipput. 1
Pisariaqartitsineq naapertorlugu siunissami TechCollege, Aalborg-imiit aammalu Uddannelsescenter Holstebro-miit ilinniartitsisunik attartortarsinnaassaagut. Tamatumuuna qulakkeerneqassaaq, sulisorineqarnerisa saniatigut paasissutissanik nutaanerusunik pineqartut aqqutigalugit pissarsiaqartarsinnaasarnissarput, tamakkulu ilinniartitsisorisatta iluaqutigisassavaat. Atorfeqartitsisarnernut tunngatillugu maluginiaqquneqarpoq, siunissami ilinniartuutigineqartussat ilaatigut ikittuararsuusarnissaat naatsorsuutigineqarmat. Soorlu assersuutigalugu saqisut. Anguniakkat 7-mi allaqqasut: Inuilip peqqinnartunik tunisassiortarnermigut igasarnera toqqammavigalugu kantinatsialaqarnera naqissuserneqartussaavoq. Inuilip nerisassiat kantiinami sallaatigineqartartut immikkut isiginiarlugit suliniuteqarpoq, nalilersortuarlugillu tamakku anguniakkanut naapertuuttuunersut. Kantiina pillugu siunnersuisoqatigiit ilinniartut nutaat takkunnerat ilutigalugu ingerlallualersinniarneqarpoq. Pisortaaneq siunnersuisooqatigiinni inissisimaqataassaaq. Siulersuisut oqariartuutigivaat anguniakkat 1-miittut 7-miittullu piviusunngortinniarneqarnerat iluarisimaaritsik. Anguniakkat allat pillugit pisortaanerup oqaatigivaa, Perlen-i ilinniartunit aammalu sulisorineqartunit atorluarneqartartoq unnerlugu. Ungasinnerusoq isigalugu immikkut suliniuteqarfittut inissikkiartuaassaaq, tamatumani assassornerit, nerrivinni arsaararnerit, nukittorsarnerit nipilersukkanillu tusarnaarfittut atorneqarsinnaalissalluni. Aningaasassaqarneq apeqqutaatillugu Perlen-i ineriartortikkiartuaarneqarpoq. Upernaviarsummi timigissarnermut kr. 100.000-nik aningaasaliisoqareersimavoq. Inuilip ataavartumik CSR-i suleqatigisarpaa, ungasinngitsukkullu ilinniagaqartut ilinniartitsisullu peqataaffigisaanik ulluni marlunni isumasioqatigiissitsisoqarsimalluni. Imm. 3. Aningaasaqarneq. Inuilip ukiariartornerani suliniutit appariartornerannut upernaaq pisimasunut sanilliugit isiginiarpai. Tamatumunnga pissutaavoq PKU-mit AMA-miillu 2016-mut tunngatillugu aningaasaliissutit nungunneqangajalluinnarsimaneri. Nalunngilarpulli kingorna immikkut aningaasaliisoqarsinnaasartoq. Siulersuisut suliutit aningaasatigullu anguneqarsimasut pillugit iluarisimaarinnillutik oqariartuuteqarput. Naatsorsuutit ajunngilluinnartutut isikkoqarput, siulersuisuniillu immikkut oqaaseqarfigineqaqqinngikkaluarlutik tusaatissatut tiguneqarlutik. Igasutut saqisutullu ilinniartitsinerit takoqqusaaruteqarnerusarnikkut siuarsaavigineqarsinnaagaluarput. Inuilip ilinniartitaanikkut suliniutigisartagai facebook il.il. ilinniarfiullu quppersagaa aqqutigalugit takoqqusaarutigineqartartut oqaatigineqarpoq. Naatsorsuutit pillugit oqaaseqaatit siulersuisut atsiorlugulu maluginiarpaat ilinniarfiup aningaasaqarniarnera ajunngitsumik inissisimasoq. 2
Imm. 4. Oqaluuserisassat. Imm. A: Upernaviarsummi mink-uteqarluni ineriartortitsinissap misileraaffigineqarsinnaanera. Siorna kommunip pisortaaneq aperisimavaa, periarfissaqartoqannginnersoq Upernaviarsummi minkiuteqarluni misileraalluni ingerlatsisinnaaneq misileraaffigineqarsinnaannginnersoq. Siulersuisut isumaqarput, Inuilip kommunip mink-inik uumasuuteqalernissaq siunertaralugu suliniuteqarneranik minnerpaammilluunniit ingerlatsisuussanngitsoq. Upernaviarsummi suliassat suli arlaqarput, tamakkulu salliutinneqartariaqarlutik. Imm. B: 2017 2021-mut tunngatillugu siulersuisunik ilaasortassanik inassuteqarnissaq. 2017-mi siulersuisussanik qinersinissamuttunngatillugu maannakkut siulersuisuusut Naalakkersuisoqarfimmut nutaanik inassutiginnittussaapput. Siulersuisussat imatut aggulunneqassasut siulersuisunit inassutiginiarneqarpoq: SIK. Igaffissuarni kantinanilu sulisut akornannit ataatsimik innersuussaqassasut. Nusuka. Aalisarnermik soqutigisaqartunit ataaseq INK. Økonomat peqatigiiffiannit ilaasortassaq ataaseq. Taanna aamma igaffissuarnit kantinaniillu sinniisuusinnaavoq. GE. Sinniisorisat 4-t: o Akunnittarfiit sinniisaat ataaseq o Sallaasiisarfiit sinniisissaat ataaseq o Niuernermiit sinniisissaq ataaseq o Ilinniarnerup pitsaassusissaat pillugit sinniisoq ataaseq. Naalakkersuisoqarfimmut pineqartut pillugit siulittaasumit ulloq 16. septembar inassutigineqassapput. Imm. 5. Immikkut sammisaq. Imm. A: Karakterit pillugit piumasaqarnerusalernissamut saqqummiussaq. Ilanngullugu siulit.tulliata oqaluuserisassatut siunnersuutigisaa eqqartorneqarpoq: Ingerlariaqqinnissamut piumasaqaatit, imatut paasillugu tunngaviusumik ilinniagaqalernissamut/grundforløb -imut ingerlariassagaani ilinnialersunut piumasaqaatigineqartartussat. Ass. TNI-flex, sap.ak. 20-ni siumut piginnaanngorsaqqaarsimanissaq piumasaqaatigineqartarpoq. Inuili suli periarfissaqassaaq 2017-mut tunngatillugu piumasaqaatit qanoq isikkoqartinnissaanut siunnersuuteqassalluni. Inuusuttoq ukiut 10-t meeqqat atuarfianni atuareersimappat, iluaqutaanngilaq ukioq ataaseq tassani uninngateqqissallugu. Pisariaqarpoq Majoriaq-mi (Piareersarfinni) ingerlatsinerit inuussutissarsiutitigut ilinniarfinnut nuuneqarnissaat. Inuusuttut pisariaqartippaat fag-it aalajangersimasut pillugit immikkut atuartinneqarnissartik. Imaassinnaavoq nangeqattaarfiusunik ilinniartitsisoqartassasoq, ilaatigullu Campus Kujalleq suleqatiserineqartariaqartassasoq. 3
Inuili periarfissaqarpoq kollegiat pigineqartut eqqarsaatigalugit suli 15-20-nik ilinniartuuteqarnerusalernissani, taamaakkaluartorlu ilinniartut najugaqarfiinik amerlanerusunik pissarsitinneqarnissarput qinnuteqaatigeqqissimallutigu. Imm. 6. Siulittaasup pisortaanerullu ilisimatitsissutiginiagaat. Imm. A: Pisortaanerup nalunaarutaa allaganngorlugu pigineqarpoq. Nalunaarusiornermini aningaasanut, sulisoqarnermut, anguniakkat pillugit isumaqatigiissutit, Food Festival aammalu Nunatsinni Pissartanngorniuunerit taakkartorsimavai, taakkua siullermeersumik septembarip qaammataani ingerlanneqarsimapput, pisarnermiit qaammatit 2-t sioqqutsisumik ingerlanneqarsimallutik. Siulittaasup ilisimatitsissutigivaa, nammineq pisortaanerlu marlussoriarlutik (siuliani ataatsimiinnerup kingorna) oqarasuaatikkut ataatsimiittarsimallutik. Tamatuma saniatigut siulittaasoq ilassutissaqanngilaq. Taamaattorli oqaatsigalugu, siunissaq isigalugu ilinniagaqartut inissaat pisariaqartinneqarnerarlugit. Iggaviit ataatsimuulersinneqarnissaat aammalu allaffissornikkut aqutsiviup qulaatungaanut nuuneqarnissaata kissaatigineqarnera. Imm. 7. Immikkut taajumasat. Ajuusaarutigineqarpoq aqutsisooqatigiit nerisassiornermik assistent-itut ilinniartut pillugit praktikkernermi sammisartagassat pillugit nassuiaat tamanna pillugu suliakkiissutissatut pissarsiarineqarsimasut pillugit samminnittoqarsinnaasimanngimmat. Suliassaq pillugu qanittukkut aallartisaasoqassaaq. Inuilip oqaatsit atukkat pillugit soorlu pikkorissaanerni unammilligassat, ajunngitsumik isumagisarai maluginiarneqarpoq. Siulersuisut nutaassat toqqartorneqarnerannut atatillugu kissaatiginartinneqarpoq siulersuisuni suiaaqatigiit amerlaqatigiissinniarneqarnissaat. Tamatumunnga oqaatsigineqarpoq, manna tikillugu siulersuisuni issiasimasut sunniuteqarfigisinnaasimanngimmassuk kikkut soqutigisaqaqatigiiffinnit toqqartorniarneqarnersut. AMA aqqutigalugu nunalerinermut ilinniarfimmi pikkorissaasarnerit eqqarsaatigalugit pisortaanerup Upernaviarsummilu ilinniarfiup pisortaata soqutigisaqartut aggersassamaarpaat, tamatumanilu anguniassallugu savaatilinnik pikkorissaasarnerit pillugit qanimut suleqatigiittoqarnerulernissaa. Aalisakkanik suliffissuit ujartuiffigivaat aalisakkani suliffissuarmi sulisussatut ilinniartitsisisarnerit. Tamatumani suliamik ilinniagaqarsimanatik suliffissuarmi sulisuusut ilinniartinneqartalernissaat siunertaassalluni. Siulittaasup tulliata DTU-p Inuilimut saaffiginnissuteqarnissaa innersuussutigisimavaa, tamatumani aalisarneq pillugu bachelor-inik ilinniartitsisalernissaq siunertaralugu. Inuussutissarsiornikkut ingerlataqartut ilumut aalisarnerup iluani taamatut ilinniartitsisoqartalernissaanik ujartuinersut misissuiffi- 4
gineqareerpat, ilinniartitaaneq Holstebro-p, Inuilip aammalu DTU-p akornanni aaqqissuusseqatigiissutiginiarneqartariaqarnersoq paasiniarneqassaaq. Skills-ertarneq pillugu DM-eqartitsisarnernik suliniuteqartoqarpoq. Suliniutit tamarmik inuussutissarsiornikkut ilinniarfiit suleqatigalugit ingerlanniarneqarput. Soqutigineqarpoq nunatta peqataatitaqartalernissaa, fag-inik ingerlatanik nuannaartorinninnerulernissaq taamaasilluni aqqutissiuuneqarsinnaassammat. Angalanernut aningaasartuutit qaffakkiartorput. Namminersornerusut Vejle Rejser suleqatigilersimavaat, tamatumanilu Inuili malinnaasussaatitaalluni. Oqarasuaatikkut ukiup naalernerani ataatsimiinnissaq Nuummi naapilluni pisussatut aaqqiivigineqassasoq siunniunneqarpoq. Ukiup sinneranut aappaagumullu pilersaarutit imatut isikkoqalerput: 8. december, pingasunngorneq, Nuummi HHE-mi siulersuisut ataatsimiissapput. 20.2 27.2 Island-imi takusassarsiorsinnaaneq, tamatumani paasisaqarfigineruniarlugu Island-imi savaatilinnik ilinniartitsisarneq qanorpiaq aaqqissuuneqartarnersoq, tamatumanilu nunatsinniit savaatilinngorniat qarnorpiaq ingerlatsivigineqartarnersut. Porskereerpat, april: Inuilimi siulersuisut ataatsimiissapput. 08.09 09.09. Inuilimi Nunatsinni pissartanngorniuuneq. Siulersuisut pisoq iluatsillugu ataatsimiissapput, tikissallutik 07.09, aallaqqillutik 11.09. Ataatsimiinneq naamassineqarpoq, nal. 18.15. Upernaviarsuk, sapaat ulloq 18.09.2016. Siulersuisut Upernaviarsuk takusassarsiorfigivaat sapaammi 18. sept. Tamatumani ilinniarfiup pisortaa angallassisoralugu. Tamatuma kingorna ataatsimiinnermi siulittaasup oqariartuutigivaa, aserfallattaaliugassat amerlanerarlugit. Ilinniarfiup pingaarnerutippai suliassat makkua isumagineqarnissaat: Ilinniartut inigisaat nutarsaavigineqassapput, matulerlugit nutaanillu madrassilerlugit. Atuarfigisami issiaviliinissaq isumagineqassaaq. Inuilip pedel-lii Upernaviarsuliarsinnaapput, tassanilu aaqqissuusseqataalaarlutik. Ilinniarfiup pisortaata uumasuuteqarnerulernissartik kissaatiginerpaavaa, puulukit arlallit, nersutit, soorluli aamma minkiuteqarluni suliniuteqarsinnaaneq. Minkit pillugit siulersuisut itigartitsipput, taamaattorli puulukinut, kukkukuunut nersutinullu akuersaarlutik, tamannali ammaffigineqassaaq siulittaasumit unnerneqarpoq. Nersutit marluk pigineqalerpata Upernaviarsuk immoqarniarnermut tunngatillugu nammineq pilersulersinnaassaaq, aammalu ilinniartut tamakkuninnga suliassaqartalissallutik. Nersutaasiviit. Quersuaq aappaluttoq iluarsartuuneqarluni naamassineqaleruttorpoq. Tassani savaatit meqquiarneqartassapput. Tikeraarneq naamassineqarpoq, nal. 15.00. 5
Imaqarniliaq akuerineqarpoq, ulloq: Erik Bjerregaard, siulittaasoq Poul Nørris Christensen, pisortaaneq 6