Kalaallit Nunaanni qitornavissiartaartarneq pillugu nalunaarut

Transkriptio

1 28. april 2010 Nr Kalaallit Nunaanni qitornavissiartaartarneq pillugu nalunaarut Qitornavissiartaartarneq pillugu inatsisip allannguutaanik inatsisit assigiinngitsut Kalaallit Nunaanni atuutilersinnerannik peqqussummi nr. 410, 21. april 2010-meersumi 10, imm. 1, 27 aamma 35, imm. 2 naapertorlugit makku aalajangersarneqarput: Kapitali 1 Atuuffia il.il. Atuuffii 1. Qitornavissiartaartarneq pillugu sulianik Naalagaaffiup Sinniisoqarfiata suliarinnittarnera pillugu nalunaarummi matumani malittarisassat atuutinneqassapput, matuma kinguliini allamik aalajangersaasoqarsimatinnagu. Nassuiaatit 2. Nalunaarummi matumani makku ima paasineqassapput: 1) Qitornassamik qitornavissiartaarneq: Tassaavoq aappaasup meeraanik imaluunniit qitornavissiaanik qinnuteqartup qitornavissiartaarnera, tak. qitornavissiartaartarneq pillugu inatsisip allanngortinneqarnera pillugu inatsisit assigiinngitsut Kalaallit Nunaannut atuutilersinneqartut pillugit peqqussummi nr. 410-mi 21. april 2010-meersumi 7 (qitornavissiartaartarnermik peqqussut) 2) Ilaquttamik qitornavissiartaarneq: a) tassaavoq qinnuteqartup ernguttaminik, qatanngummi meeraanik qatanngummilluunniit qitornavissiartaarneq, b) tassaavoq angajoqqaat qinnuteqartup qanittumik sivisuumillu ilisarisimasaasa meeraanik 18-it inorlugit ukiulimmik qitornavissiartaarneq, imaluunniit c) tassaavoq qitornavissiartaarnissamik qinnuteqaateqartup immikkut attuumassuteqarfigisaanik qitornavissiartaarneq, tak. qitornavissiartaartarneq pillugu peqqussummi 5, imm. 2 (tassaagajuttoq meerarsiamik qitornavissiartaarneq). 3) Ilisarisimanngisamik qitornavissiartaarneq: Tassaavoq qinnuteqartup meeqqamik 18-nit inorlugit ukiulimmik qitornavissiartaarnera, qinnuteqartoq qitornavissiartaartutut akuerineqassasoq piumasaqaataalluni, tak. qitornavissiartaartarneq pillugu peqqussummi 5, imm. 1. 4) Kalaallit Nunaanni qitornavissiartaarneq: Tassaavoq qinnuteqartup meeqqamik nunami maani najugalimmik qitornavissiartaarnera. 5) Meeqqamik nunami allamiumik qitornavissiartaarneq: Tassaavoq qinnuteqartup meeqqamik nunami allami najugalimmik imaluunniit meeqqamik qitornavissiartaartitsinissaq siunertaralugu Kalaallit Nunaannut nuuttumik qitornavissiartaarnera. 6) Nuna qitornavissiartaartitsisoq: Nuna meeqqap najugaqarfia. Kapitali 2 Qitornavissiartaarnissamik qinnuteqarneq il.il.

2 Qitornavissiartaarnissamik qinnuteqaat 3. Matuma kinguliini allamik aalajangiisoqanngippat qitornavissiartaarnissamik qinnuteqaat Naalagaaffiup Sinniisuanut tunniunneqassaaq. Imm. 2. Suliartortitaaneq assigisaaluunniit pissutigalugu qinnuteqartoq sivisuumik nunami allamiittariaqarpat, imaluunniit qinnuteqartoq nunami allami najugaqarpat, tak. qitornavissiartaartarneq pillugu peqqussummi 33, qinnuteqaat Statsforvaltningen Hovedstadenip suliarissavaa. Familiestyrelsilli naalagaaffiup ingerlatsivia alla, Kalaallit Nunaanni Naalagaaffiup Sinniisua imaluunniit Savalimmiuni Naalagaaffiup Sinniisua pisinnaatissinnaavaa qinnuteqaat suliareqqullugu. 4. Immersugassaq Familiestyrelsip akuerisaa atorlugu qinnuteqaat tunniunneqassaaq, ilisarisimanngisamik qitornavissiartaarnissaq pillugu akuersissutip pilersinneqarnissaa qinnuteqaammi pineqanngippat. Imm. 2. Nalunaarutit, uppernarsaatit assigisaallu immersugassami taaneqartut qinnuteqarnermi ilanngunneqassapput. 5. Nalunaarutit, uppernarsaatit, eqqartuussutit allaganngortinneri assigisaallu danskit, kalaallit, norskit, svenskit, finlandimiut, islandimiut, tuluit imaluunniit tyskit oqaaserinngisaannik allatat qinnuteqaateqartup piumaffigineqarnermigut qallunaat kalaallilluunniit oqaasiinut nutserneqarsimasut pissarsiarissavai. Nunami pineqartumi pisortatut oqartussaassusillit imaluunniit nunami maani nunamiluunniit nunami pineqartumi translatøritut nutserisutulluunniit akuerisaasup nutsigaq atorsinnaasutut uppernarsassavaa. Meeqqap qitornavissiartaaritinnissaanik noqqaaneq 6. Meeraq Kalaallit Nunaanni najugaqarpat najugaqarallarpalluunniit Naalagaaffiup Sinniisuanut saaffiginninnikkut qitornavissiartaariumallugu qinnuteqartoqarsinnaavoq. 7. Naalagaaffimmi allami meeqqat illersugaanissaannik aamma nunani allamiunik qitornavissiartaartarnermik suleqatigiinneq pillugu Haagimi isumaqatigiissummik 29. maj imeersumik atsiortumi najugalik Kalaallit Nunaanni najugalimmik qitornavissiartaarniarluni qinnuteqartoq taamatuttaaq Naalagaaffiup Sinniisuanut saaffiginnissaaq. Imm. 2. Qinnuteqaat Familiestyrelsimut Haagimi isumaqatigiissut sinnerlugu qitiusumik oqartussaasutut sinniisumut Naalagaaffiup Sinniisuata saqqummiutissavaa, tak. kapitali 10. Kapitali 3 Qitornavissiartaarnissamik qinnuteqaatip suliarineqarnera Aalajangersakkat nalinginnaasut 8. Kapitalimi 4-mi 5-mi aamma 6-mi malittarisassat naapertorlugit meeqqap angajoqqaavisa aamma angajoqqaat sinnerlugit akisussaatitaasup kiisalu meeqqap akuersissutaat uppernarsaataallu Naalagaaffiup Sinniisuata pissarsiarissavai. Imm. 2. Qinnuteqartup naammattumik siunnersorneqarnissaa paasissutissinneqarnissaalu imaluunniit siunnersorneqareersimanissaa paasissutissinneqareersimanissaalu Naalagaaffiup Sinniisuata qulakkiissavaa.

3 9. Qitornavissiartaarnissamik qinnuteqaat ima pisoqartillugu Naalagaaffiup Sinniisuata Familiestyrelsimut saqqummiutissavaa: 1) qitornavissiartaarnissamut akuersissut nunami allami oqartussamut atorfeqarfmmulluunniit akuerisassanngortinneqarsimappat aamma qitornavissiartaartarnermik peqqussut 32, imm. 2 malillugu akuerisaasumik qitornavissiartaarneq nunami allami aalajangerneqarsimanngippat, 2) angajoqqaat akuersiteqqaarnagit qitornavissiartaarnissamik qinnuteqartoqarsimappat, tak. qitornavissiartaartarnermik peqqussummi 11, 3) kingusinnerusukkut qitornavissiartaarnissamik akuerineqarnissaq qinnuteqaatigineqarpat, tak. qitorvissiartaartarnermik peqqussummi 12, qinnuteqarnermi qitornavissiartaartarnermik peqqussummi 37, imm. 1 unioqqutinneqartoq 4) pasitsaanneqarpat (unioqqutitsinikkut qitornavissiartaarniarnermi ikiuineq), imaluunniit 5) suliap saqqummiunneqarnissaa tunngavissaqarpat. 10. Angajoqqaat akuersiteqqaarlugit akuersiteqqaarnagilluunniit meeraq ilisarisimanngisatut qitornavissiartaarisassanngortinneqarpat paasissutissat Naalagaaffiup Sinniisuata Kalaallit Nunaanni Namminersorlutik Oqartussanut nassiutissavai. Tamannali atuutissanngilaq qitornavissianngortitsinissaq siunertaralugu qitornavissianngortitsisoqarpat, taama pisoqarpat suliaq Naalagaaffiup Sinniisuata kisimiilluni suliarisussaammagu. Ilisarisimanngisamik qitornavissiartaarneq 11. Meeqqap qinnuteqartumut qitornavissianngortinngitsiarnerani qitornavissiartaartutut akuerineqarnissaq pillugu Kalaallit Nunaannut nalunaarummi 2, imm. 1, nr. 2 naapertorlugu qinnuteqartoq meeqqamik ilisarisimanngisamik qitornavissiartaartussatut akuersissutaatilik pillugu pineqaatissinneqartarnermut uppernarsaammik peqartoqarneranik Naalagaaffiup Sinniisua paasiniaassaaq. Akuersissutip naammassillugu suliarineqarnissaa sioqqutitsiarlugu qitornavissiartaartutut akuerineqarnissaq pillugu Kalaallit Nunaannut nalunaarummi 2, imm. 1, nr. 1 naapertorlugu qinnuteqartoq meeqqamik aalajangersimasumik qitornavissiartaartussatut akuersissutaatilik pillugu pineqaatissinneqartarnermut uppernarsaammik peqartoqarneranik Naalagaaffiup Sinniisua paasiniaassaaq. Ilaquttamik qitornavissiartaarneq 12. Ilaquttamik qitornavissiartaarnissamik qinnuteqartoqartillugu, qitornarsiaqarnissamik akuersissummi malittarisassat malillugit qinnuteqartoq qitornarsiaqarnissamik piumasaqaatinik naammassinninnersoq Naalagaaffiup Sinniisua kommunalbestyrelsimut nalunaarummik noqqaassaaq, taamaattorli takuuk imm. 2. Kommunalbestyrelsip ilisimatitsissutigissavaa nalunaarusiap pilersinnissaanut paasiniaanermi suut tunngaviunersut, aamma ilisimatitsissutigissavaa qitornavissiartaartitsinissaq meeqqamut ilumut iluaqutaanissaa eqqarsaatigalugu pissutsinik immikkut ittunik qularsisitsisinnaasunik taasariaqartoqarnersoq. Taamaattoqarsimappat paasissutissat kommunalbestyrelsimiittut nalunaarummut ilanngullugit Naalagaaffiup Sinniisuanut nassiunneqassapput. Imm. 2. Meeraq 18-nik ukioqalereersimasoq qitornavissiartaariniarneqarpat imm. 1 atuutissanngilaq. 13. Meeqqat illersorneqarnissaat nunallu tamalaat akornanni qitornavissiartaartitsisarneq eqqarsaatigalugu suleqatigiinnissaq pillugu 29. maj 1993-mi Haagimi isumaqatigiissut tunngavigalugu ilaquttamik qitornavissiartaarnissamik qinnuteqartoqarpat, paasissutissallu

4 pigineqartut tunngavigalugit qitornavissiartaartitsinissaq meeqqamut iluaqutaassasoq Naalagaaffiup Sinniisuata akuersaarnartippagu, qinnuteqaat Naalagaaffiup Sinniisuata oqartussanut nunami qitornavissiartaartitsisumi oqartussat toqqagaanut oqartussanulluunniit allanut nassiutissavaa. Qinnuteqaammut ilanngunneqassapput qitornavissiartaarniarluni qinnuteqartoq pillugu nalunaarusiaq aamma paasissutissat pigineqartut tunngavigalugit qinnuteqartoq qitornavissiartaartussatut piukkunnartutut isigineqartariaqarnersoq Naalagaaffiup Sinniisuata tunngavilersuutaa. Imm. 2. Meeraq pillugu nunamit qitornavissiartaartitsisumit paasissutissat tunngavigalugit qitornavissiartaartitsisoqarsinnaasoq Naalagaaffiup Sinniisua isumaqarpat, Haagimi isumaqatigiissummi aalajangersagaq 17 c naapertorlugu tamatumunnga uppernarsaat Naalagaaffiup Sinniisua tunniutissavaa aamma nunap qitornavissiartaartitsisup oqartussaasuinut imaluunniit oqartussanut aalajangersagaq 17 c naapertorlugu uppernarsaammik tigusisussatut piginnaatitaanut nassiutissavaa kiisalu taamaaqataanik aalajangersagaq 17 c naapertorlugu nuna qitornavissiartaartitsisoq Naalagaaffiup Sinniisuanut nassiussisimanersoq misissussallugu. Oqaaseqatigiit siulliit tunngavigalugit uppernarsaat Familiestyrelsimit akuerisaq immersuganngorlugu tunniunneqassaaq. Imm. 3. Haagimi isumaqatigiissumut attuumassuteqanngitsumik nunami allamiumik qitornavissiartaarnissamik qinnuteqartoqartillugu, nunami pineqartumi inatsisit piumasaqaatigippassuk nunami qitornavissiartaartitsisumi oqartussat qitornavissiartaartitsinissami ilanngunneqarnissaat Naalagaaffiup Sinniisuata misissussavaa. Imm. 4. Nuna qitornavissiartaartitsisoq inatsisitigut piumasaqarpat qinnuteqaatip suliarineqarnera suliniaqatigiiffimmit qitornavissiartaarnermik peqqussummi 36 naapertorlugu inatsiseqarnermut ministerip akuerisaanit ingerlanneqassasoq imaluunniit tamanna naleqquttutut isigineqarpat, imm. 2-mi 3-milu taaneqartunik pisoqartillugu qinnuteqartoq suliniaqatigiiffimmut ilaasortanngussasoq Naalagaaffiup Sinniisuata piumasarisinnaavaa. 14. Ilaquttamik qitornavissiartaarnissamik akuersissutip pilersinngitsiarnerani qinnuteqartoq pinerluuteqarsimannginnermut uppernarsaammik tamakkiisumik peqarpat Naalagaaffiup Sinniisua pissarsiniassaaq. Imm. 2. Qitornavissiartaarneq meeqqamut iluaqutaassanersoq pillugu suliap misissorneqarnerani kommunalbestyrelsip uppernarsaasiussai imaluunniit paasissutissat Naalagaaffiup Sinniisuata pissarsiai tunngavigalugit qinnuteqartup timikkut tarnikkullu peqqissusianik paasissutissat nalorninissamut patsisissaqartitsippata, qitornavissiartaarniartoq pillugu paasissutissat nangaanartoqarnerannik Qitornavissiartaarnissamik Aalajangiisartut oqaaseqaataannik Naalagaaffiup Sinniisua pissarsiniarsinnaavoq. 15. Qitornavissiartaarneq tamatumalu isumaa pillugu oqaloqatigiinnissamut Naalagaaffiup Sinniisuata qinnuteqartoq aggersassavaa. Imm. 2. Qinnuteqartorli oqartussaanit allanit naammattumik siunnersorneqarsimappat aalajangersagaq atuutissanngilaq. Qitornassamik qitornavissiartaarneq 16. Aapparisap qitornavissiaanik qitornavissiartaarnermik akuersissut taamaallaat nalunaarutigineqarsinnaavoq qitornavissiartaarneq pillugu peqqussummi kapitali 2 malillugu akuersissut siornatigut pilersinneqareersoq inatsisaareersunik inatsisinillu atuuttunik maleruagassaqartinneqarpat. Imm. 2. Akuersissut pilersinneqarsinnaavoq qitornavissiassaq 18-inik ukioqaraluarpalluunniit.

5 Kapitali 4 Angajoqqaat imaluunniit angajoqqaatut sinniisuusup akuersinerat Aalajangersakkat nalinginnaasut 17. Qitornavissiartaartarnermik peqqussumi 9 malillugu angajoqqaat angajoqqaatulluunniit sinniisuutitat akuersinerminnik atsiussapput Naalagaaffiup Sinniisuanut politiinulluunniit nammineq takkunnermikkut. Imm. 2. Angajoqqaat angajoqqaatulluunniit sinniisuutitat Danmarkimi imaluunniit Savalimmiuni najugaqarpata najugaqarallarpataluunniit, Naalagaaffiup Sinniisuata naalagaaffiup ingerlatsivia Savalimmiuniluunniit Naalagaaffiup Sinniisua qinnugisinnaavaa akuersinermik atsiornissaq siunertaralugu pineqartup nammineerluni takkunnissaa noqqaassutigeqqullugu. Imm. 3. Angajoqqaat angajoqqaatulluunniit sinniisuutitat nunami allami najugaqarpata imaluunniit sivisunerusumik najugaqarallassappata, Naalagaaffiup Sinniisuata danskit sinniisuutitaqarfiat qinnuigisinnaavaa akuersinermik atsiornissaq siunertaralugu pineqartup nammineerluni takkunnissaa noqqaassutigeqqullugu. 18. Qitornavissiartaartarnermik peqqussummi 9 malillugu akuersinermik atsiorneq pissaaq immersugassami Familiestyrelsip akuerisaani. Imm. 2. Angajoqqaat angajoqqaatulluunniit sinniisuutitaq akuersinermik atsiortinnagit Naalagaaffiup Sinniisua siunnersuissaaq aamma qitornavissiartaartitsinerup akuersillunilu atsiornerup inatsisitigut sunniutissai pillugit paasissutissiissaaq, matumani kapitali 2 aamma 3, qitornassamik qitornavissiartaarnissamik qinnuteqaatigineqarsimanngippat, peqqussummi 11, imm. 1 aamma 14 ilanngullugit eqqarsaatigalugit. Akuersineq oqartussamit allamit tiguneqarsimappat, oqartussap pineqartup oqaaseqatigiinni siullerni taaneqartut malillugit siunnersuinissaq paasissutissiinissarlu pisussaaffigai. 19. Qitornavissiartaarnissamut akuersineq piumasaqaatitaqassanngilaq. Ilisarisimanngisamik qitornavissiartaarneq 20. Meeqqap ilisarisimanngisap qitornavissianngortinneqarnerani, tak. qitornavissiartaartarneq pillugu peqqussummi 9, angajoqqaat angajoqqaatulluunniit siniisuutitap akuersinerat qitornavissiartaartussatut Namminersorlutik Oqartussat toqqagaanut nalunaarutigineqarsinnaavoq. 21. Qitornavissiartaartarneq pillugu peqqussummi 36 naapertorlugu suliniaqatigiiffik akuerisaq aqqutigalugu meeqqamik nunami allamiumik qitornavissiartaarneq ingerlanneqarsimappat tamatumunngalu nunap allap oqartussaasui atorfeqarfialluunniit peqqussut 32 imm. 2 naapertorlugu nunami maani akuerisaasumik aalajangiisimappata, akuersissut danskit oqartussaassuisa akuersinerannut naligiissinneqassanersoq Familiestyrelsip aalajangissavaa. Kapitali 5 Qitornavissiartaarnermik nalunaaruteqarneq

6 22. Qitornavissiartaartarneq pillugu peqqussummi 15 aamma 16 naapertorlugit angajoqqaat angajoqqaatullu sinniisuutitap nalunaarutaat immersugassaq oqaasertalersugaq Familiestyrelsip akuerisaa atorlugu tunniunneqassaaq. Imm. 2. Angajoqqaat angajoqqaatullu sinniisuutitap nalunaarummik tunniussinnginneranni qitornavissiartaarnerup inatsisigut atugassarititaanik peqqussummilu kapitali 2 aamma 3-mi pineqartunik paasissutissinneqarsimanersut Naalagaaffiup Sinniisuata misissussavaa. Suliami pisut ajornartinngippassuk nalunaarut Naalagaaffiup Sinniisuanut politiinulluunniit nammineq takkunnikkut tunniunneqassasoq Naalagaaffiup Sinniisuata piumasarisinnaavaa. Imm. 3. Angajoqqaat angajoqqaatulluunniit sinniisuutitaq Danmarkimi Savalimmiuniluunniit najugaqarpata najugaqarallarpataluunniit Naalagaaffiup Sinniisuata naalagaaffiup ingerlatsivia imaluunniit Savalimmiuni Naalagaaffiup Sinniisua qinnuigisinnaavai nalunaarummik tunniussinissaq siunertaralugu pineqartoq nammineerluni takkuteqqullugu aggersassagaat. Imm. 4. Angajoqqaat angajoqqaatulluunniit sinniisuutitaq nunami allami najugaqarpata imaluunniit nunami allami sivisunerusumik najugaqarallassappata Naalagaaffiup Sinniisuata danskit sinniisuutitaat qinnuigisinnaavaa nalunaarummik tunniussinissaq siunertaralugu pineqartoq nammineerluni takkuteqqullugu aggersassagaa. Kapitali 6 Meeqqap akuersinera aamma meeqqap qitornavissiartaartitsinermut isumaa 23. Qitornavissiartaartarnermik peqqussummi 8, imm. 1 naapertorlugu akuersissut atsiorneqassaaq Naalagaaffiup Sinniisuanut imaluunniit politiinut nammineerluni takkunnikkut. Meeraq Kalaallit Nunaanni najugaqanngippat najugaqarallanngippalluunniit, Naalagaaffiup Sinniisuata naalagaaffiup ingerlatsivia, Savalimmiuni Naalagaaffiup Sinniisua danskilluunniit sinniisuutitaat qinnuigisinnaavai akuersinissaq siunertaralugu meeraq nammineerluni takkuteqqullugu aggersassagaat. Imm. 2. Naalagaaffiup Sinniisuata aalajangersagai malillugit, akuersineq allakkatigut oqaatsilluunniit atorlugit tamatigut pisassaaq. Meeqqap qitornavissianngortitsinermut akuersinera allakkatigut tunniunneqassasoq Naalagaaffiup Sinniisuata aalajangerpagu tamatumunnga immersugassaq oqaasertalersugaq Familiestyrelsip akuerisaa atorneqassaaq. Meeqqap akuersinera oqaatsit atorlugit pissasoq Naalagaaffiup Sinniisuata aalajangerpagu akuersinerup tunniunneqarnera pillugu nalunaarut Naalagaaffiup Sinniisuata pilersissavaa. Imm. 3. Meeqqap akuersitinnginnerani Naalagaaffiup Sinniisua politiilluunniit meeqqamik oqaloqateqassapput tamatumanilu qitornavissiartaartitsinermi meeqqallu akuersinerani atugassarititat pillugit meeraq siunnersorneqassaaq paasissutissinneqassallunilu. Meeraq Kalaallit Nunaanni najugaqanngippat najugaqarallanngippalluunniit, Naalagaaffiup Sinniisuata naalagaaffiup ingerlatsivia, Savalimmiuni Naalagaaffiup Sinniisua danskilluunniit sinniisuutitaat meeraq oqaloqatigeqqullugu qinnuigisinnaavai. Imm taamatulli atuutissaaq. 24. Meeraq 18-nit inorlugit ukioqarpat meeqqallu akuersissutaanik pissarsinissaq meeqqamut ajoqutaasussatut isumaqarfigineqarpat, akuersissut piumasarineqassanngilaq. 25. Tak. qitornavissiartaartarneq pillugu peqqussummi 8, imm. 3, meeraq 12-it inorlugit ukioqarpat qitornavissiartaarnissaq pineqartoq pillugu meeqqap isumaanik paasissutissat pissarsiariniarneqassapput meeqqap ukiui, perorsimassusia suliamilu pisut naleqquttuunissaat mianeralugit.

7 Imm , imm. 3-mi taaneqartut malillugit meeqqap siunnersorneqarsimanissaa paasisutissinneqarsimanissaalu Naalagaaffiup Sinniisuata qulakkiissavaa. Kapitali 7 Akuersissummik pilersitsineq 26. Immersugassaq Familiestyrelsip akuerisaa atorlugu qitornavissiartaarnissamik akuersissut Naalagaaffiup Sinniisuata pilersissavaa. Akuersissutip nuutsinneqarnera Naalagaaffiup Sinniisuata suliami allagaatinut toqqortarissavaa. Imm. 2. Nunani tamalaani qitornavissiartaartarneq eqqarsaatigalugu qitornavissiartaartarnerup meeqqallu illersorneqarnissaata suleqatigiissutiginissaat pillugu Haagimi 29. maj 1993-mi isumaqatigiissummit pineqartumik qitornavissiartaarnermut akuersissut Naalagaaffiup Sinniisuata pilersippagu tamatuma tamat isumaqatigiissutaannut naapertuunera Naalagaaffiup Sinniisuata uppernarsarlugu atsiussavaa, tak. nunat tamat isumaqatigiissutaanni aalajangersagaq 23. Qitornavissiartaarnermut uppernarsaat immersugassami Familiestyrelsip akuerisaani pilersinneqassaaq qitornavissiartaartumullu tunniunneqassalluni. 27. Peqqussut 32, imm. 2 malillugu akuerisamik nunami allamiumik qitornavissiartaartoqarpat akuersissut pilersinneqassanngilaq, taamaattorli nunap allap aalajangiinerata akuerisaanera pillugu Naalagaaffiup Sinniisua allakkatigut uppernarsaassaaq. 28. Qitornavissiartaarnermi meeraq danskisut innuttaassuseqalersinneqarpat tamanna 27 malillugu akuersissummi imaluunniit uppernarsaammi allanneqassaaq. 29. Qitornavissiartaarneq pillugu Kalaallit Nunaanni, Danmarkimilu kiisalu Savalimmiuni oqartussanut Naalagaaffiup Sinniisua nalunaaruteqassaaq, qitornavissiartaarnermik paasissutissat taakkunani nalunaarsorneqassammata. Imm. 2. Tamatuma saniatigut pisut najoqqutaralugit nalunaarut ukununnga nassiunneqassaaq: 1) Qitornavissiartaarneq pillugu peqqussummi 8, 9, 15 aamma 16 naapertorlugit qitornavissiartaarnermik akuersissummik nalunaarummilluunniit pissarsiffigisat, pineqartoq qinnuteqaateqartumut katissimanngippat imaluunniit Namminersornerullutik Oqartussat toqqagaannut qitornavissiartaartumut, qitornavissiartaarnermik akuersineq pineqartumut nalunaarutigineqarsimappat. 2) Suliniaqatigiiffik qitornavissiartaarnermik suliaqartoq. 3) Oqartussaqarfik meeqqap nunami najugaqarallarsinnaaneranik nalunaaruteqartoq. 4) Kommuni qitornarsiaqarnissamik akuersissummik pilersitsisoq. Imm. 3 Qitornavissiartaartut inunngornermut kuisinnermullu allagartaasa/inunngornermut aamma atip allagartaasa katittoqarsimappallu katinnermut uppernarsaataasa assilineri imm. 1 malillugu nalunaarummut ilanngunneqassapput. 30. Qitornavissiartaarneq sioqqullugu meeqqap pilersorneqarnissaanut akilersuutinik akiliisoqartarnissaanik aalajangiisoqarsimappat, akilersuuteqarnissamik isumaqatigiissut qitornavissiartaarnermik uppernarsaasernissa aamma akilersuuteqartussaatitaanerup atorunnaarnera pillugu nalunaarnissaq Naalagaaffiup Sinniisuata isumagissavaa. 31. Nunami allami qitornavissartaarnermik akuersissutit pilersinneqartut aamma qitornavissiartaarneq pillugu peqqussummi 32, imm. 2 malillugu akuerisamik nunami allamiumik

8 qitornavissiartaarnermik aalajangiinerit pillugit Naalagaaffiup Sinniisuata Familiestyrelsi ilisimatissavaa. Kapitali 8 Qitornavissiartaarnerit pillugit inatsisit pisoqaanerit atugassarititaasa allannguutaat 32. Qitornavissiartaartarneq pillugu peqqussummi 43, imm. 2 malillugu qinnuteqaat qitornavissiartaarniamit tunniunneqassaaq, Naalagaaffiullu Sinniisua aqqutigalugu Familiestyrelsimut nassiunneqassalluni. Qitornavissiartaarniaq nunami maani najugaqanngippat qinnuteqaat Familiestyrelsimut nassiunneqassaaq. 33. Qinnuteqaat qinnuteqartup nammineq atsiussavaa, qitornavissiartaarnerullu kingorna meeqqap angajoqqaavisalu attaveqaqatigiinnerisa ingerlaannarsimanera pillugu paasissutissanik imaqassalluni. Imm. 2. Qinnuteqaammut ilanngunneqassapput: 1) qitornavissiartaarnermik akuersissutip allaqqaarnera imaluunniit taanna tammarsimappat Justitsministereqarfimmiillu pilersinneqarsimanngippat akuersissutip assilinera uppernarsaasigaq, 2) qitornavissiartaarnerup kingorna meeqqap angajoqqaavigisaasalu attaveqaqatigiinnerata ingerlaannarsimaneranik angajoqqaasut nalunaarutaat, 3) meeqqap akuersissutaa, 4) qitornavissiartaartut arlaat toqusimappat, toqusup allagartaa, pigisat avinneqarnerat pillugu eqqartuussivimmit allagartaq imaluunniit toqusoqarsimaneranut tunngasumik aalajangiinerup imaluunniit toqusorisimanninnermik eqqartuussutip assilineqarnerat, aamma 5) meeqqap angajoqqaavisa arlaat toqusimappat, qitornavissiartaarnerullu kingorna meeqqap angajoqqaavisalu attaveqaqatigiinnerat ingerlaannarsimappat, toqusup allagartaa, pigisanik agguaassisarnermut eqqartuussivimmit allagartaq imaluunniit toqusoqarsimaneranut tunngasumik aalajangiinerup imaluunniit toqusorisimanninnermik eqqartuussutip assilineqarnera. Kapitali 9 Naammagittaalliorneq il.il. 34. Naalagaaffiup Sinniisuata aalajangigai nalunaarummi pineqartut pillugit naammagittaalliuut Familiestyrelsip suliarissavaa. Naammagittaalliuut Naalagaaffiup Sinniisuanut ingerlatinneqassaaq, taassumalu naammagittaalliuut suliamilu allagaatit ingerlateqqillugit Familiestyrelsimut nassiutissavai. 35. Aalajangiinerup Familiestyrelsimut naammagittaalliuutigineqartup suliarineqarnera Naalagaaffiup Sinniisuata suliareqqissinnaavaa, 1) qinnuteqaat Naalagaaffiup Sinniisuata isummerfigisimanngippagu, 2) naammagittaalliuut paasissutissanik pingaarutilinnik nutaartaqarpat, 3) paasissutissat pingaarutillit Naalagaaffiup Sinniisuata isummerfigisimanngisai ilaappata, imaluunniit 4) aalajangiinermut pingaaruteqarsimasinnaasumik suliap suliarineqarnerani kukkusoqarsimappat. Imm. 2. Naammagittaalliuutip Naalagaaffiup Sinniisuanit suliarineqaqqinnissaa pillugu aalajangiineq naammagittaalliuuteqartup Familiestyrelsimut naammagittaalliuutigisinnaavaa.

9 Kapitali 10 Nunat tamat suleqatigiinnerat 36. Nunani tamalaani qitornavissiartaartarneq eqqarsaatigalugu meeqqat illersorneqarnissaat suleqatigiinnissarlu pillugit Haagimi isumaqatigiissut 29. maj 1993-meersoq malillugu Familiestyrelsi Kalaallit Nunaat sinnerlugu oqartussaavoq. 37. Familiestyrelsip oqartussatut 1) nunat allat nunat tamat isumaqatigiissutaannik atuutilersitsisimasut oqartussaasui suleqatigissavai, aamma 2) nunat tamat isumaqatigiissutaat malillugu qitiusumik oqartussat suliassaat aamma suliarisassavai. Kapitali 11 Atuutilersitsineq 38. Peqqussut manna 1. maj 2010-mi atuutilerpoq. Imm. 2. Qitornavissiartaarnermik suliassat suliarineqartarnerat pillugu kaajallaasitaq nr. 150, 28. juni 1968-meersoq atorunnaarsinneqarpoq. Justitsministereqarfik, ulloq 28. april 2010 LARS BARFOED /Lars Thøgersen