Ruotti saapi uuet setelit ja klopot/kolikot TARKISTA RAHAT S V E R I G E S R I K S B A N K
1-kruununen 2-kruununen 5-kruununen 10-kruununen
Ruotti saapi uuet setelit ja klopot/kolikot Vuet 2015 ja 2016 Ruotti saapi uuet setelit ja klopot/kolikot. Met saama kans uuen valöörin, 200-kruununsetelin. Lisäksi saama kohata vanhaan tutun 2-kruunusen, jota taasen alethaan antamhaan ulos. Setelit saavat uusia varmuusmerkkiä jokka paremin suojavat väärentämistä vasthaan ja klopoista/kolikoista tullee pienemät ja keveämät. Setelit ja klopot/kolikot tulevat kahessa omgongissa: lokakuussa/oktuuperissa 2015 ja lokakuussa/oktuuperissa 2016. Joksiki aikaa nykyset ja uuet setelit tulevat näkyhmään samala yhteiskunnassa. Nykyset setelit ja klopot/kolikot menevät pikkuhiljaa vanhaaksi (paitti 10-kruununen jota ei vaiheteta). Vältä sitä ettei vanhaat setelit ja klopot/kolikot jää kotia, maksaa niilä eli pane pankhoon jo nyt. Ko saat uuen setelin kätheen niin kallista sitä eestakasi ette saatat tarkistaa onko se aito. Saat sillon nähhä kuvia jossa färi muuttuu ja kuvia jokka liikkuvat ja jossa myösteri vaihtuu. Stefan Ingves Riikinpankonpäälikkö Syyskuu/Septemperi 2015 Katto Ruottin uusia seteleitä meän apissa Sen nimi oon Kolla pengarna ja sen mennee ilman laajata alle App Store:ista ja Google play:istä.
Uuet setelit lokakuussa/ oktuuperissa 2015 Lokakuun/Oktuuperin 1pv 2015 Riikinpankko alkaa antamhaan ulos uusia 20-,50- ja 1000-kruununseteleitä joissa oon uuet kuvat. Sitäpaitti saama uuen setelivalöörin, 200-kruununsetelin. Saattaa viä vähän aikaa ennenko saat uuen setelin kätheen siittä syystä ette yhenaikaa nykyset setelit tulevat olheen yhteiskunnassa samala ko uuet. Kuva etupuolela Kirjailia Astrid Lindgren Kuva takapuolela Småland, missä Astrid Lindgren kasusi ylös Kuva etupuolela Runoilia, säveltäjä/ nuotinpania ja taiteilia Evert Taube Kuva takapuolela Bohuslän, yks Evert Tauben monesta inspirasjuunipaikoista Kuva etupuolela Resjisööri/Ohjaaja Ingmar Bergman Kuva takapuolela Gotland (Fårö), missä Ingmar Bergmanilla oli kotipaikka Kuva etupuolela, Jeneraalisihteeri FN:issä ja Svenska Akademin johtokunnan jäsen Dag Hammarskjöld Kuva takapuolela Lappi, jonka luonthoon Dag Hammarskjöldilä oli suuri innostus
Kallista eestakasi seteliä tarkista ette se oon aito Uusissa seteleissä oon uuet varmuusmerkit jokka hankaluuttavat väärentämistä. Jos kallistat seteliä niin saatat tarkistaa ette se oon aito. Varmuuspanti Luojisuora panti jossa oon kolme ruutua. Ruutuissa oon kuvat jokka liikkuvat ja vaihettavat myöstäriä ko eestakasi kallistat seteliä. Färiämuuttava kuva Kuva joka pikkuhiljaa muuttaa färiä kullasta vihriäisheen ko kallistat seteliä. Varmuuspanti Uusissa 200- ja 1000-kruununseteleissä oon luojisuora varmuuspanti. Pantissa oon kolme ruutua. Ruutuissa oon kuvat jokka liikkuvat ja vaihettavat myöstäriä KR:istä kuninkhaankruuhnuun ko kallistat seteliä. Varmuuspanti oon vasemalla puolen porträttikuvvaa setelin etupuolela. Pantissa oon eri färi joka setelivalööhriin.
Färiämuuttava kuva Uusissa seteleissä oon färiämuuttava kuva joka kuuluu yhtheen ihmisen kans josta oon kuva setelissä. Kuvassa oon kans setelin valöörinnumero. Kuva ja valöörinnumero muuttavat pikkuhiljaa färiä eestakasi kullasta vihriäisseen ko kallistat seteliä. Kuva oon oikealla puolen setelin etupuolta. 20-kruununseteli Kirja 50-kruununseteli Vene 200-kruununseteli Filmiklappa 1000-kruununseteli Ulivioksa Seteleissä oon monta muutaki varmuusmerkkiä. Lissää tietoa näistä saatat löytää Riikinpankon webbisivulta: riksbank.se/kollapengarna
Setelit jokka ei jällaa jälkhiin 30 pv kesäkuuta 2016 Nykysiä 20-, 50- ja 1000-kruununseteleitä saatat niinku tavalista käyttää maksamisessa eli panna sisäle pankkotilile aina 30 pv kesäkuuta/ jyyniä 2016 asti. Jälkhiin 30 pv kesäkuuta 2016 setelit ei ennää kelpaa maksamisessa. Toishaalta sulla oon maholisuus panna net pankkotilile viimisthään elokuun/aukystin 31 pv 2016. Muista olla hyvissä aijoissa. Saattaa olla niin ette pankoila ja kauppaliikheissä oon rajotuksia kontantin vasthaanottamisessa. Kääny sinun pankhoon eli puohjiin niin saat lissää tietoa. Jälkhiin 31 pv elokuuta/aukystiä 2016 Riikinpankko saattaa lunastaa setelit, jokka ei ennää jällaa, 100 kruunun makson eestä. Siksi pankko häätyy kysyä Ko halvat panna rahoja sisäle pankhoon eli tehhä transaksjuunia/siirtoja niin häyt olla valmis vastaahmaan kysymykshiin mistä rahat tulevat ja sie häyt näyttää id-totistuksen. Joissaki taphauksissa pankko häätyy kans nähhä sopimukset, kuitit, maksot/faktyyrat eli toisenlaisia papereita jokka näyttävät kunka rahat oon tullu sinun käshiin. Se johtuu rahanpesolaista, joka merkittee ette muun muuassa pankoila oon velvolisuus ottaa selvile mistä rahat tulevat. Tämä tarkistus oon pakolinen vaikka ei ole eppäystä rikoksesta. Rahanpesolain päämäärä oon ette estää ettei pankkoja eli muita finansiyrityksiä käytetä hyväksi rahanpeson kautta, eli toisin sanoen laki estää ette rahat rikolisesta toiminasta muuttuu rahaksi jonka mennee panna pankkitilile ja käythöön. Säänöt koskeva kaikkia yrityksiä/ företaakia EU:ssä. Riikinpankko seuraa kans lakia rahanpesosta.
Mitäs tapahtuu 100- ja 500-kruununseteleille ja klopoile/kolikoille? Lokakuussa/Oktuuperissa 2016 Riikinpankko alkaa antamhaan ulos uusia 100- ja 500-kruununseteleitä ja uusia 1-, 2- ja 5-kruununklopoja kans. 10-kruununen tullee olevan sama. Nykyset 100- ja 500-kruununsetelit ja kaikki nykyset klopot/kolikot, paitti 10-kruununen, ei jällaa jälkhiin 30 pv kesäkuuta/jyyniä 2017. 10-kruununen tullee olevan sama Lissää tietoa seteleistä ja klopoista/kolikoista jokka tulevat ulos vuona 2016 ja net jokka menevät vanhaaksi eikä ennää jällaa vuona 2017 saat ensi vuona
Käytä klopojasi/ kolikoitasi jo nyt! Muista ette kaikki klopot/kolikot paitti 10-kruununen ei jällaa jälkhiin 2017. Jos sulla oon isompi määrä klopoja/kolikoita, ala käyttämhään niitä jo nyt. Sillon oon vähemän riskiä ette sulla jääpi niitä jälkhiin ko net oon menheet vanhaaksi eikä jällaa. Pankoila ja kauppaliikheissä saattaa olla rajotuksia klopoitten/kolikoitten vasthaanottamisessa niin ole liikheelä hyvissä aijoin. Lissää tietoa Riikinpankon webbisivu: riksbank.se/kollapengarna Facebook: facebook.com/kollapengarna Appi: Hae Kolla pengarna appipuojistasi Ruottin riikinpankosta Riikinpankko oon Ruottin sentraalipankko. Met annama ulos seteleitä ja klopoja/kolikoita. Met piämä kans vaaria siittä ette rahoila pyssyy arvo ja ette maksoja saattaa toimittaa turvalisesti ja tehokhaasti.
Täheliset päivät Lokakuu/Oktuuperi 2015 Lokakuu/Oktuuperi 2016 5-kruununen 1-kruununen 2-kruununen 5-kruununen 2015 2016 2017 2018 Ei jällaa jälkhiin 30 pv kesäkuuta/jyyniä 2016 Ei jällaa jälkhiin 30 pv kesäkuuta/jyyniä 2017 1-kruununen 2-kruununen
Katto Ruottin uusia seteleitä meän apissa Riikinpankon apila Kolla pengarna saatat tutkia Ruottin uusia seteleitä. Opi tunnistamhaan aijon setelin eli pellaa meän uutta setelipeliä. Apissa löyät kans tämän prosjyyrin äänikirjana ja sen mennee kans lukea monela eri kielelä. Apin mennee ilman laajata alle App Store:ista ja Google play:istä. Ruotti saapi uuet setelit ja kolikot/klopot riksbank.se/languages S V E R I G E S R I K S B A N K