Kysymyksiä ja vastauksia Esikoulu & pedagookinen huolto Enköpinkin kunta
Kaikile lapsile ja nuorisolle Enköpinkin kunnassa annethaan maholisuus ette kehittää heän parhautta ommaa itteä tulevaisuutta vasten. Valokuva: koulukontturin arkiivi 2
Sisältö Sivu Hae paikkaa 4 Paikan tarjous 5 Sisäletulotieto ja seema 6-7 Niin paljon paikka maksaa 8 Ylheinen esikoulu 3-5 åvuotisille 9 Sano ylös paikan 10 3
Hae paikka Ennen ko sie tehet valikoinin sie olet tervetuloa käyhmään esikoulussa elikkä pedagookisessa huolossa. Kontaktitiot kaikile esikouluile ja pedagookisille huoloile sie löyvät enkoping.se rypriikin alla Barn och utbildning/lapsi ja koulutus. Ko sie piät hakea paikkaa sie käytät e-palvelun esikoulu, pedagookinen huolto ja vapa-aikakoti. E-palvelu oon enkoping.se rypriikin alla E-tjänster/E-palveluja. Sie tarttet e-legitimasuunin ette käyttää e-palvelua. E-legitimasuunin sie haet Telialta elikkä sinun pankolta. Jos sulla oon suojatut henkilötiot elikkä jos sulla ei ole ruottalaista henkilönumeroa sie et saata käyttää e-palvelua. Ota sen siihaan yhtheyttä koulukontturin kansa. Kontaktitiot oon prosyrin takapuolela. 4
Paikan tarjous Ko oon paikkaa sie saat ilmotuksen sms:in elikkä sähköpostin kautta. Ilmotuksessa tahothaan sinua ette lokata sisäle e-palvelhuun ja hyväksyä elikkä hylätä paikan. Kunnala oon pakko tarjota paikka lainmukhaisen karanttiaijan sisäle joka oon neljä kuukautta. Kunnala ei ole velvolisuus tarjota ensikätheistä valikointia karanttiaijan sisäle. 5
Sisäletulotieto ja seema Koska makso räknäthään huushollin aktyellin sisäletulon jälkhiin ennen veroa tet piättä ilmottaa sisäletulon e-palvelussa. Tet piättä kansa jättää tion vaimon/ miehen/sampuun aktyellistä sisäletulosta. Tet kirjotatta sisäle seeman e-palvelhuun sille aijale ko lapsi oon esikoulussa elikkä pedagookisessa huolossa. Seemamuutoksen pittää ilmottaa viimisthään kuukauven viimisennä päivänä ennen sitä kuukautta ko muutosta toivothaan, mutta viimisthään kaks viikkoa ennen ko muutos pittää jällata. Mitäs tapahtuu jos väärä sisäletulotieto oon rekistreerattu? Jos sisäletulo oon ilmotettu matalamaksi niin väliraha vaaithaan. Väärää maksoa saatethaan vaatia jos seemaa ei muuteta aijalansa. Mitäs tapahtuu jos väärä seema oon rekistreerattu? Jos seemaa ei ole niin täysi oloaika rekistreerathaan. Jos seemaa ei ole muutettu aijalansa sie häyt maksaa täyven makson. 6
Sisäletulotion kontrolli Kerran vuessa verrathaan huushollitten verotoimisthoon deklareeratut sisäletulot koulutoimisthoon ilmotetuitten tuloitten kansa. Jos sie olet maksanu liika paljon maksoja sie tulet saahmaan ulosmakson ja sie joka olet maksanu liika vähän tulet saahmaan lisäfaktyyran. 7
Niin paljon paikka maksaa Sie saatat e-palvelussa räknätä ulos kunka paljon justhiins sinun paikka maksaa. Enköpinkin kunta tarjoa systeemin maksitaksan kansa. Se merkittee ette oon katto kunka korkea makso oon joka lapsesta. Sie maksat vissin prosentin huushollin kokohnaisesta sisäletulosta. Makshoon ei vaikuta se kunka monta tiimaa lapsi oon esikoulussa. Korkein makso paikasta oon 1 260 kruunua. Niin sanottu 3 prosenttia huushollin bruttotulosta joka enniiten räknäthään 42 000 kruunuksi per huusholli. Ei maksovappaa kuukautta Ei ole maksovappaa kuukautta. Sie maksat saman makson kakstoista kuukautta vuessa. Se jällaa vaikka sinun lapsi oon sairas. 8
Ylheinen esikoulu 3-5 vuotisille Ylheinen esikoulu tarjothaan kaikile lapsile iässä 3-5 vuotta. Se oon sen takia ette antaa stimylansia ja yhtheyttä muitten lapsitten kansa. Ylheinen esikoulu jällaa syystermiinasta siltä vuelta lähtien ko lapsi täyttää kolme. Tiimamäärä joka ei maksa Ylheinen esikoulu oon 525 tiimaa vuessa ja seuraa peruskoulun lukuvuotta. Se vastaa viistoista tiimaa viikossa ja nämät tiimat oon ilhmaiset. Tiimamäärä yli net ilhmaiset Jos lapsi oon enämpi ko viistoista tiimaa esikoulussa elikkä siinä pedagookisessa huolossa se räknäthään niinku paikaksi ja ortinaarie taksa otethaan ulos 22,5 prosentin vähenyksellä Makso Sie maksat saman makson kakstoista kuukautta vuessa. Se merkittee ette net tiimat jokka oon ilhmaiset ja net tiimat jostako sie maksat oon tasasesti jaettu koko vuele. 9
Sano ylös paikan Sie häyt sanoa ylös esikoulupaikan vähhiinthään kuuskymmentä päivää ennen sitä taatumia ko lapsi meinaa heittää. Sie sanot ylös paikan e-palvelussa esikoulu, pedagookinen huolto elikkä vapa-aikakoti. Makso esikoulupaikasta debiteerathaan kuuskymmentä päivää siittä taatumista ko sie sanot ylös paikan. 10
OTA MEÄN KANSA YHTHEYTTÄ Koulukontturi Kungsgatan 42 745 80 Enköping fragaforskolafritids@ enkoping.se www.enkoping.se