eän tehtävä oon kysymys luottamuksesta
otilaslautakunta Potilaslautakunnan työ oon ette toimittaa hyvät suhtheet potihlaitten ja henkilökunnan välilä ja tukea ja auttaa yksityisiä potihlaita. Ko sie käänyt meishiin sie saat yhtheyttä yhen tutkian kans Luulajan kansliassa. Politiikkerillä ja henkilökunnala jokka kuuluvat Potilaslautakunthaan oon salhaisuuenvelvolisuus. Lautakunta tukkee ja auttaa potihlaita Maakäräjän ja kunnitten terhveys- ja saihraanhoijossa Kunnitten vanhoittenhoijossa Yksityishoijossa jonka kans maakäräjällä/kunnala oon sopimus Maakäräjän hamphaanhoijossa Lautakunta oon riippumaton, puolueton instansi johonka potihlaat, omhaiset ja henkilökunta saattavat kääntyä.
aankos mie toela nähjä minun surnaalia? Tohinkos mie kysyä tohturilta onko niitä muita syynäyskeinoja? Mitäs mie tehen ko mie en ole tyytyväinen millä laila mammaa hoijethaan vanhoittenasunossa? Saatankos mie tahtoa remissin siiheen spesiaalikothiin astmalaisile Schweizissä? Häätyykos minun vanhaa pappa toela pittää blöijoja kaiken aikaa? Kunkas mie jatkan asiata ja valitan sitä leikkoa jonka kans mie en ole tyytyväinen? Ja mitäs tapahtuu jos mie panen vasthaan yhtä hoitoa? Tässä brosyrissä, jonka Potilaslautakunta antaa ulos, sie saat vastaukset näishiin kysymykshiin ja tietoa muusta jotako oon tähelistä tietää potihlaana, omhaisenna ja henkilökuntana.
inun oikeuet potihlaana Sinua häätyy kohela kunnioituksella. Sie häyt saaja semmosta tietoa sinun terhveuen tilantheesta jotako sie käsität. Sie häyt saaja semmosta tietoa jotako sie käsität siittä syynistä elikkä hoijosta jotako esitelthään. Sie häyt saaja tietoja muista syyni-elikkä hoitokeinoista. Sie häyt saaja nähjä sinun surnaalia jos sie itte halvaat ja saaja sisälön selvitetyksi (vissiä poikkeuksia oon). Sulla oon oikeus panna vasthaan hoitoa ja huoltoa. Sulla oon ittelä vastuu omasta terhveyestä. Sulla ei ole esimerkiksi pakko jääjä potihlaaksi sairalhaan ja sie saat jättää sairalan koska sie halvaat. Eikä sinua saata kukhaan pakottaa ottamhaan vissiä lääkheitä ja sie saatat keskheyttää käynissä olevaa hoitoa (poikkeuksia oon). Mutta jos sie valikoittet ette luopua hoijosta elikkä keskheyttää sen, vaikka sinun lääkäri oon yrittänny sinua houkutella ja selittänny seurauksista, niin silloin kans saihraanhoijon vastuu sinusta loppuu.
ikeuksilla oon raja Sie päätät itte sinun ruuhmiin ja sinun hoijon yli, mutta et vaikka kunka pitkälti. Sie et saata vaatia hoitoa elikkä syyniä jotako lääkäri ei tykkää ette sie tarttet elikkä joka oon tietettä ja koettua kokemusta vasthaan. Tämä koskee kans remissiä erikoisheen hoithoon. Tässä lääkärin lääketietheelinen virkavastuu ottaa yli. Sinun vaatimukset häätyvät kans pysyä saihraanhoijon ja hamphaanhoijon resyrsitten sisälä. Sulla ei ole ittesthään selvä oikeus saaja remissiä ja maakäräjältä maksettua hoitoa esimerkiksi Karolinskan sairalassa Stokholhmissa.
rupleemit häätyy ensi siassa ratkasta niitten kesken joitako se koskee Jos sie et ole tyytyväinen sen hoijon kans jonka sie olet saanu elikkä jos sie muula laila olet epätyytyväinen kunka hoijon kans oon meneteltty, yritä sitten ensi siassa ottaa yhtheyttä sen henkilökunnan kans jonka kans sie olet ollu yhtheyessä. Jos tet että yhessä pysty selvittämhään sitä mikä oon aiheuttannu sitä tyytymättömyyttä, sie saatat kääntyä laitoksen johtajan työ. Jos sie et vieläkhään ole tyytyväinen niin sie saatat kääntyä meitten työ Potilaslautakunthaan. Osotheen ja telefooninumeron sie löyät takapuolela.
äin met tehemä töitä Potilaslautakunnan päätehtävä oon ette toimia niin ette potihlaila ja henkilökunnala oon hyvät suhtheet. Met annama tietoja ja vastaama kysymykshiin yhtheisöltä ja henkilökunnalta. Met toimitamma kontaktia. Met tutkima ja esittelemmä ratkaisuja asioishiin jonka kans ihmiset oon kääntynheet meitten työ. Met tuoma takashiin potihlaitten ylheiset mielipitheet hoithoon niin ette mielipitheet otethaan taltheen. NEUONANTAJA JA SALHAISUUENVELVOLISUUS Potilaslautakunta oon neuonantaja eikä sillä ole yhthään kurittavia oikeuksia. Politiikkerillä ja virkamiehilä jokka kuuluvat Potilaslautakunthaan oon salhaisuuenvelvolisuus.
os sie OLET SAANU HOITOVIAN Jos sie tutkit ette sie olet saanu hoitovian sie saatat kolmen vuen sisäle (joissaki asioissa pitemphään)tehjä ilmotuksen potilasvakkuutuksheen. Vakkuutus tutkii jos sulla oon oikeus saaja korvausta. Osotheen ja telefooninumeron sie löyät seuraavalla sivula. Lissää tietoa ja ilmotusblankettiä sie saat osastolta/ hamphaanhoitoklinikalta, sairalan kyrattorilta, lääketietheelisesti vastuuessa olevalta systeriltä kunnassa elikkä Potilaslautakunnalta. TYKKÄÄT ETTE JOKU OON TEHNY VÄÄRIN Jos sie tykkäät ette joku työntekiä oon tehny semmosen vian sen työssä ette se häätyis saaja jonkulaisen kuritusrangastuksen, sie saatat kahen vuen sisäle tehjä ilmotuksen Terhveysja saihraanhoijon vastuulautakunthaan. Osotheen ja telefooninumeron sie löyät seuraavalla sivula. Lissää tietoa sie saat Potilaslautakunnalta. OLET YLHEISESTI EPÄTYYTYVÄINEN Jos sie olet ylheisesti epätyytyväinen hoijon elikkä sairalan, hoitolaitoksen, hamphaanhoitoklinikan elikkä siukkatuan tavan kans ette tehjä työtä niin sie saatat kääntyä Sosiaalihallituksen aluheelisheen osasthoon Uumajassa. Osotheen ja telefooninumeron sie löyät seuraavalta sivulta.
POTILASVAKKUUTUS Osote PSR Personskaderegleringen AB Box 17830 118 94 Stockholm Telefooni 08-442 10 00 TERHVEYS- JA SAIHRAANHOIJON VASTUULAUTAKUNTA Osote Hälso- och sjukvårdens ansvarsnämnd Box 3539 103 69 Stockholm Telefooni 08-783 19 00 SOSIAALIHALLITUS Osote Socialstyrelsen Box 34 901 03 Umeå Telefooni 090-71 43 20
TUOTANTO: PERSSON& WESTERBERG AB LAYOUT, KUVAT: PS DESIGN AB PÄÄLYSVALOKUVA: PRESSENS BILD PAINOS: LULEÅ GRAFISKA, 2005
otilaslautakunta Patientnämnden Landstinget 971 89 Luleå Telefooni: 020-59 90 00 (ei maksa mithään)