Katuaq Kalaallit Nunaata Kulturikkut Illorsua Ukiumoortumik Nalunaarut 2012

Transkriptio

1 Katuaq Kalaallit Nunaata Kulturikkut Illorsua Ukiumoortumik Nalunaarut 2012 Katuaq Kulturip Illorsua, Imaneq 21, Postbox 1622, 3900 Nuuk, Kalaallit Nunaat

2 Katuaq Imarisai Qupperneq Paasissutissat nalinginnaasut 1 Aqutsisut oqaaseqaataat 2 Kukkunersiuisup kiffaanngissusillip oqaaseqaataa 3 Aqutsisut nalunaarutaat 5 Naatsorsuuserinermi periuserineqartoq imi angusat naatsorsornerat 31 Ulloq oqimaaqatigiinneq imi aningaasat naatsorsornerat 34 Oqaaseqaatit 34

3 Katuaq 1 Paasissutissat nalinginnaasut Aningaasaateqarfik Katuaq Reg.nr. ERF GER-nr Imaneq Nuuk Kommuuni angerlarsimaffik: Kommuneqarfik Sermersooq reception@katuaq.gl Siulersuisut Michael Skourup, siulittaasoq, Kalaallit Nunaanni Takornariaqarnermi Inuussutissarsiornermilu Siunnersuisoqatigiinnit toqqarneqartoq Inge Brandt, siulittaasup tullia, Kalaallit Nunaanni Namminersorlutik Oqartussanit toqqarneqartoq Hanne Saandvig, Eqqumiitsuliortut Peqatigiiffiannit (EPI-mit) toqqarneqartoq Mille Søvndahl Pedersen, Kommuneqarfik Sermersuumit toqqarneqartoq Angunnguaq Larsen, siulersuisuni ilaasortaq sulisunit qinerneqartoq Pisortaq Julia Pars Kukkunersiuisut Deloitte Kukkunersiuisoqatigiit Naalagaaffimmit Akuerisaasut

4 Katuaq 2 Aqutsisut oqaaseqaataat Ullumikkut ulloq Katuaq pillugu ukiumi naatsorsuusiorfiusumi 1. januar 31. december 2012-imut ukiumoortumik nalunaarut saqqummiupparput. Ukiumoortumik nalunaarut ukiumut naatsorsuutinut inatsit naapertorlugu saqqummiunneqarpoq. Naatsorsuuserinermi periuserineqartoq siunertamut naapertuuttutut isigaarput, taamaasilluni ukiumoortumik nalunaarut aningaasaateqarfiup pigisaanut akiligassaanullu, aningaasaqarnikkut inissisimanermik, aningaasat ingerlaarnerannik kiisalu angusat tunngaasigut eqqortumik tikkuussillutik isikkoqarlutik Nuuk, ulloq 14. marts 2013 Qullersaqarfik Julia Pars Pisortaq Siulersuisut Michael Skourup Inge Brandt Hanne Saandvig Siulittaasoq Siulittaasup tullia Mille Søvndahl Pedersen Angunnguaq Larsen

5 Katuaq 3 Kukkunersiuisup kiffaanngissuseqartup oqaaseqaataa Katuap siulersuisuinut Katuap ukiumoortumik naatsorsuutai ukiumi naatsorsuusiorfiusumi 1. januar 31. december 2012-moortut kukkunersiorsimavagut, taakkualu imaraat aqutsisut oqaaseqaataat, aqutsisut nalunaarutaat, naatsorsuuserineq atorneqartoq, angusat naatsorsornerat, oqimaaqatigiinneq, aningaasat ingerlaarnerisa nalunaarsornerat aamma nassuiaatit. Ukiumoortumik nalunaarut ukiumoortumik naatsorsuutinut inatsit naapertorlugu nalunaarusiarineqarpoq. Aqutsisut ukiumoortumik nassuiaammut tunngatillugu akisussaaffiat Aqutsisut ukiumoortumik nalunaarut, ukiumoortumik naatsorsuutinut inatsit naapertorlugu eqqortuliornermik isikkulittut iliuuseqarnermik tikkuussisup suliarinissaa akisussaaffigaat. Taassuma saniatigut, imminut nakkutigineq, aqutsisut ukiumoortumik nalunaarummik annertuumik kukkusumik paasissutissiinngitsoq, apeqqutaatinnagu peqquserluuteqarneq imaluunniit kukkuneq, aqutsisut pisaqartutut suliarissallugu isigisartik akisussaaffigaat. Kukkunersiuisup akisussaaffia Uagut akisussaaffigaarput ukiumoortumik nalunaarutip kukkunersiuinerput tunngavigalugu inernilerneqarnera ersersissallugu. Kukkunersiuinerput nunani tamalaani kukkunersiuinermi tunngavigineqartut taassumalu saniatigut kalaallit kukkunersiuinermi inatsisaat naapertorlugit ingerlassimavarput. Ileqqorissaarnermut piumasaqaatinik eqquutsitsinissaq kiisalu isumannaassuseq qaffasissoq anguniarlugu, ukiumoortumik nalunaarutip annertuumik paasissutissiinnginnissaa, kukkunersiuinerup isumannaatsumik pilersaarusiorlugulu ingerlanneqarnissaanik eqquutsisinissaq tamatumani piumasaqaataavoq. Kukkunersiuineq ukiumoortumik naatsorsuummi aningaasat paasissutissallu kukkunersiuisumit uppernarsarneqarnissaat siunertaralugu kukkunersiuisup iliuusaanik imaqarpoq. Kukkunersiuisup iliuuserissalugit toqqagai kukkunersiuisup naliliineranik tunngaveqarput, tassunga ilanngullugu ukiumoortumik nalunaarummi kukkusumik paasissutisseeratarsinnaaneq, tassani apeqqutaatinnagu peqquserluuteqarneq imaluunniit kukkuneq. Qularnaateqarsinnaasunik nalilersuinermi kukkunersiuisut imminut misissorneq, aningaasaateqarfiup ukiumoortumik nalunaarusiorneranut attuumassuteqarsinnaasoq, eqqortumik tikkuussisoq, eqqarsaatersuutigisimavaa. Tamatumani siunertarineqarpoq, kukkunersiuisut tungaannit pissutsinut tulluartumik, kisiannili aningaasaateqarfiup imminut misissortarnerata pitsaassusaanik ersersitsisuunngitsoq ilusilersussallugu. Kukkunersiuineruttaaq ilagaa, aqutsisut naatsorsuusereriaatsimik periuserisaat tulluartuunersoq nalilersussallugu, aqutsisut naatsorsuuserinermi naliliinerat naammaginartuunersoq kiisalu ukiumoortumik nalunaarutip ataatsimoortup saqqummiunneqarneranut tunngassuteqartut ataatsimut nalilersornerat. Isumarput naapertorlugu, kukkunersiuinermi uppernarsaat naammattoq inerniliinitsinnullu tunngavigissallugu atorneqarsinnaasoq. Kukkunersiuinermi sillimmartaarnissamut pisariaqartitsisoqarsimanngilaq. Inerniliineq Isumaqarpugut, ukiumoortumik nalunaarut aningaasaateqarfiup aningaasaataanik, akiligassaani aningaasaqarnikkullu inissisimaneranik ulloq 31. december 2013 kiisalu aningaasaateqarfiup sammisaani aningaasallu ingerlaarnerannik piffissami 1. januar december 2012 angusatigut takussutissat ukiumoortumik naatsorsuuserisarneq pillugu inatsimmut naapertuuttut.

6 Katuaq 4 Kukkunersiuinermik paasinninnissaq pillugu ilassutitut paasissutissat Aningaasaateqarfiup angusaanik nalunaarsuinermi angusallu nalunaarsornerannut oqaaseqaatini 2012-imi aningaasartuutit ilaannut ataasiakkaanut missingersuutini kisitsisinut oqaaseqaatinik paasissutissiissoqarpoq. Kukkunersiuinermi missingersuutini kisitsit ilanngunneqanngillat. Nuummi, ulloq 14. marts 2013 Deloitte Kukkunersiuisoqatigiit Naalagaaffimmit Akuerisaasut Peter A. Wistoft Kukkunersiuisoq Naalagaaffimmit akuerisaasoq

7 Katuaq 5 Aqutsisut nalunaarutaat Sammisaq pingaarneq Aningaasaateqarfiup Kalaallit Nunaanni Kulturikkut Illorsuaq aallaavigalugu suliffeqarfiit, kattuffiit, inuit ingerlatseqatigiiffiillu suleqatigalugit kulturikkut misigisat eqqumiitsuliornikkut nalilersuineq tamatigoortoq, pituttorsimanngitsoq kiffaanngissuseqartorlugu aqqutigalugu takutissavai, uummarissassavai ineriartortillugillu. Aningaasaateqarfiup kalaallit kulturiata Kalaallit Nunaanni nunanilu tamalaani saqqumilaartinneqarnissaa peqataaffigissavaa, aammattaaq Kalaallit Nunaata nunarsuullu sinnerata akornanni suleqatigiinnikkut kulturikkut ingerlatitseqqinneq peqataaffigissallugu. Angusat Katuaq 2012-imi 703 t.kr.-inik sinneqartooruteqarpoq (2011: sinneqartoorutit 437 t.kr.) 107 t.kr.-it sinneqartoorutigineqartussatut missingiutigineqarsimagaluarput. Angusat immikkoortortaqarfinni missingersuutigineqarsimasunut naleqqiullugu annertunerusumik kaaviiaartitaqarsimanermik annertuumik sunnerneqarsimapput, kiisalu matussutissat missingersuutigineqarsimasunut naleqqiullugit qaffasinnerujussuusimanerat, ingammik Cafétuami. Naak kaaviiaartitat annertunerusimagaluartut, aningaasartuutit aalajangerimasut ataatsimut isigalugit, sulisunut aningaasartuutit ilanngullugit missingersuutinut naapertorlugit ingerlanneqarsimapput. Ukiumi aningaasat ingerlaartut ingerlatsinermeersut t.kr.-inik pissarsissutaasimapput, sanaartornermullu 579 t.kr.-inik aningaasaliissuteqartoqarsimalluni. Tamatuma kingorna ukiumi aningaasat tigoriaannaat t.kr.-iupput ullorlu aningaasat tigoriaannaat t.kr.-iupput. Ukiumi angusat naammaginartorujussuartut isigineqarput.

8 Katuaq 6 Isertitat aningaasartuutillu 2012-imi isertitat aningaasartuutillu ataatsimut imatut agguataarneqarsimapput (1.000 kr.): Isertitat agguataarnerat Namminersorlutik Oqartussat Kommuneqarfik Sermersooq Cafetuaq Saaffiginnittarfik il.il Ataatsimeersuarnerit Nipilersorneq & Isiginnaartitsineq Filmertarfik Kioski Isertitat allat Katillugit % 15% 18% 5% 1% 0% 15% 16% 25% Namminersorlutik Oqartussat Kommuneqarfik Sermersooq Cafetuaq Saaffiginnittarfik il.il. Ataatsimeersuamerit Nipilersomeq & Isiginnaartitsineq Filmertarfik Kioski Isertitat allat Aningaasartuutit agguataarnerat Ingerlatsineq nalikilliliinerit ilanngullut Aningaasarsiat Akissarsiat Café Saaffiginnittarfik il.il Ataatsimeersuarnerit Nipilersorneq & Isiginnaartitsineq Filmertarfik Kioski Katillugit % 8% 1% 0% 12% 12% 6% 20% 38% Ingerlatsineq nalikilliliinerit ilanngullut Aningaasarsiat Akissarsiat Café Saaffiginnittarfik il.il. Ataatsimeersuarnerit Nipilersorneq & Isiginnaartitsineq Filmertarfik Kioski Katuamik ingerlatsineq Ingerlatsinermi aningaasartuutit ataatsimoortut takutippaat kulturikkut illorsuup Katuap ingerlanneqarnera qanoq akeqarnersoq, tassunga ilanngunnagit suliniutinut sulisunut aningaasartuutit. Ingerlatsinermut aningaasartuutinut oqaaseqaatit naatsorsuutini oqaaseqaatini takuneqarsinnaapput. Ingerlatsinermi aningaasartuutit agguataarnerat Eqqiaaneq Teknik aamma 2 aserfallatsaaliuineq Angalanermi aningaasartuutit Siulersuisut Allamit kiffartuunneqarnerit Illumut akiliut, kallerup innera, 6 imeq aamma kiassarneq Allaffissorneq Nammineerluni ingerlaneq Nalikilliliinerit Katillugit % 13% 29% 10% 4% 14% 22% 5% 1% Eqqiaaneq Teknik aamma aserfallatsaaliuineq Angalanermi aningaasartuutit Siulersuisut Allamit kiffartuuneqarnerit Illumut akiliut, kallerup innera, imeq aamma kiassarneq Allaffissorneq Biileqarneq Nalikilliliinerit

9 Katuaq imut aqutsisut nalunaarutaat Katuap aqutsisuisa 2012 angusat ataasiakkaat kulturimut tunngassuteqartuni isiginnaartitsinermi aamma qitinnermi, tusarnaartitsinerni, oqalugiartitsinerni, eqqumiitsulianik aamma assinik saqqummersitsinernik imaqartut pisoqarfiusimasorujussuartut nalilerpaat. Katuami aamma pisut ilagisimavaat filmertitisnerit, aalajangersimasunik sammisaqartitsilluni pikialaartitsinerit, pikkorissartitsinerit, isumasioqatigiinnerit, ataatsimeersuarnerit, ataatsimiisitsinerit kikkunnut tamanut ammasut, qaaqqusinerit amerlasuunit peqataaffigineqartut, ilasseqatigiissitsinerit il. il. Katuap 2012-imik ukiakkut Nordisk Koncertkor, NAIP Nuummi aliikkutaralugu isiginnaartitsisartut qitittartullu peqatigiiffiat, Nuummi Nipilersornermik Ilinniarfik, Nipilersoqatigiinnut Ilinniarfik (Nuuk Byorkester og Tambourkorps) isumaqatigiissusiorfigai. Isumaqatigiissutit qulakkiissavaat, peqatigiiffiit atugassarititaasut allat naapertorlugit kulturikkut aaqqissuussinerminni Katuamik atuisinnaanerat kiisalu ukiut tamaasa pisartussanik Katuami aaqqissuussisarnissat. Katuaq Kalaallit Nunaata Isiginnaartitsivianik, Eqqumiitsuliornermik Ilinniarfimmik, KIMIK-mik, Kommuneqarfik Sermersuumik, Eqqumiitsuliortut Peqatigiiffiannillu isumaqatigiissuteqarluni suleqateqareerpoq. Meeqqat inuusuttullu Katuap sullinniagaanut pingaarutilinnut ilaapput. Tamanna aamma Kommuneqarfik Sermersuup nipilersornermik ilinniarfiutaanut nuannarineqaqisumut tunngavoq, taanna ukiup ingerlanerani arlaleriarluni tusarnaartitsinernik aaqqissuisarpoq. Nuuk Orkesterskole og Tambourkorps ukiortaami aasamilu tusarnaartitsinerit aaqqissuuppai. Aaqqissuussinerit tamarmik ukiut tamaasa pisartussatut uagut tungitsinnit naatsorsuutigineqarput. Ukioq manna aamma Katuap KIMIK-ullu Katuami upernaakkut saqqummersitsineq nunatsinni eqqumiitsuliortut arlallit saqqummersitsisoralugit aaqqissuuppaat. Eqqumiitsuliornermik Ilinniarfiup ilinniartut naammassisut saqqummersitsinerat, ilinniartut eqqumiitsuliaannik paggatiinnarlugit pisisoqarfiusoq, aaqqissuuppaa ip aallartilaarnerani aningaasaleeriaaseq nutaaq Katuap Inuussutissarsiornermut Klubbia aallartinneqarpoq. Taanna tassaavoq, suliffeqarfinnik inuussutissarsiornermik ingerlataqartunik arlalinnik, Air Greenlandimik, Royal Arctic Linemik, Grønlandsbankenimik, Deloittemik, Brugsenimik, TelePostimik aamma Banknordikimi Katuami kulturikkut aaqqissuussinernik aningaasaliisarnermik tunngassuteqartoq., 2012 aamma tassa ukioq nunami kitaatugitsinniittumi sanilitsinnut qaninnerulernerput. Katuap canadamiut tulukkat pillugit erinarsorluni isiginnaartitsineq inuit oqaluttuaataannik oqaluppalaavinillu aallaaveqartoq pillugu isiginnaagassiortartunik aaqqissuussisartunillu isumaqatigiissuteqarpoq. Isiginnaagassiaq ateqarpoq Tulugaq, taassumallu 2013-imi Kalaallit Nunaanni angalaarluni isiginnaartitsissutigineqarnissaa naatsorsuutigineqarpoq.

10 Katuaq 8 Katuap nunani avannarlerni nipilersornermik festivaali Northern Islands Music Festival 2012 aaqqissuuppa, festivaalertitsinermi Savalimmiuniit, Islandimiit nipilersortartunillu kalaallinik arlalinnik pulaartoqarpugut. Katuap festivaalip taassuma ukiut tamaasa pisarnissaa sulissutigaa. Ukioq 2012 Katumut ataatsimeersuarnerit tungaatigut ukiuuvoq pitsaasoq. Upernarnerani suliffeqarfiit uku ataatsimeersuarnerit annertuut ingerlappaat; Alisissumit ilinniartitsineq pillugu ataatsimeersuarneq, februaarimi Ilinniartitaanermut Naalakkersuisoqarfimmit aaqqissuunneqarpoq, apriilip qaammataani Sarfarissoq TelePostimit Kompetencekompagniet suleqatigalugu aaqqissuunneqartoq, maajip qaammataani EU-p Ambassadøriisa ataatsiminnerat Kalaallit Nunaanni Namminersorlutik Oqartussat Nunanut Allanut Pisortaqarfiannit aaqqissuunneqartoq. Ukiakkut ilaatigut Issittumi Sakkutooqarfik HM Dronning Margrethemik peqataaffigineqartoq Katuami ilasseqatigiissitsissutigineqarpoq imi Katuap siulersuisuni imatut katitigaapput: Siulittaasoq Michael Skourup, Kalaallit Nunaanni Inuussutissarsiornermi Takornariaqarnerilu Siunnersuisoqatigiinnit toqqarneqartoq Siulittaasup tullia Inge Olsvig Brandt, Kalaallit Nunaanni Namminersorlutik Oqartussanit toqqarneqartoq Mille Søvndal Pedersen, Kommuneqarfik Sermersuumit toqqarneqartoq Hanne Saandvig, Eqqumiitsuliornikkut Pinngorartitsisut Ingerlatsisullu kattuffiannit toqqarneqartoq Angunnguaq Larsen, Katumi sulisunit toqqarneqartoq Leise Johnsen, alaatsinaatsoq, Nordisk Ministerrådimit toqqarneqartoq

11 Katuaq 9 Pisut aalajangersimasut pillugit nalunaarut Nipilersorneq Inuit ataasiakkaat nipilersortartullu nipilersornikkut amerlasuunik misigisassaqartitsinerat Ukiumi Katumik atuisut nipilersornikkut assigiinngitsorpassuarnik misigisaqarput, taamaasillunilu Katuap nipilersornikkut misigisassanik assigiinngiiaartunik misigisassaqartitsisutut naatsorsuutigineqarnini taamaasilluni angoqqippaa. Rockertoqarpoq, poppertoqarpoq, bluesertoqarpoq, jazzertoqarpoq, operartoqarpoq, klassiskertoqarpoq, erinarsoqatigiinnik erinarsortoqarpoq il. il. Katuap suliassatut pingaarnerpaatut isigaa kulturikkut illorsuup nipilersornermik, kulturimik aammalu eqqumiitsulianik Kalaallit Nunaanneersunik takutitsissalluni. Paarlersuarmi tusarnaartitsinerit 2012-imi paarlersuarmi 18-eriarluni nipilersoqatigiit assigiinngitsut 32-t nipilersortoralugit tusarnaartitsisoqarpoq. Taakkua tassaapput: Varna & Taaq, Qaammataasat & Small Time Giants, Rikka & Kishima, Lis Sørensen, AQUA, Robben Ford & Bobo Moreno, Pussycat & Juaaka Band, Sys Bjerre, Inua, Qarsoq, Aalut, Akisuanerit Festival, Savage Rose, Northern Island Music Festival, Liima Inui, Nina & Kimmernaq Marluusa. Akisuanerit Festival 2012 Akisuanerit Festival Atlantic Musicip Katuallu suleqatigiillutik aaqqissuussaat ulluni pingasuni ingerlanneqarpoq nillu isertoqarluni. Nipilersortartut nipilersortut tassaapput: Hans Mortensen, Sume, Tim Christensen, Zikaza, Nanook, Sussat, Arctic Spirits, Qeqquaq, Jenseeraq, Tulleriit, Rikka.

12 Katuaq 10 The Savage Rose The Savage Rose 24-ssaannik CD-mik nutaamik saqqummersitseqqammersoq nuannivissumik paarlersuarmi inunnut 500-nut 5. oktober tusarnaartitsipput. Katuap Nuummut Ilulissanullu angalanerit aaqqissuuppai. Katuami tusarnaartitsinermi Mike F. Thomsen, Leif Immanuelsen aamma Else Danielsen uaajeerlutik inngerlutillu peqataapputg. Northern Islands Music Festival 2012 Katuap ulluni marlunni festivaali nipilersortartut Savalimmiuneersut, Islanndimeersut aamma Kalaallit Nunaanneersut bluesimik, misileraalluni nipilersornermik, reggaeimik, folkimik nipilersortillugit kiisalu taalliornermik sammisaqarfiusut aaqqissuuppai. Nipilersortartut arfinillit ukuusut peqataapput: Hjalmar Islandimeersut, Arctic Yggdrasil kiisalu Marius Savalimmiuneersut, Kalaallit Nunaanniit Kunngi, Nukannguaq Blues Project kiisalu Varna peqataapput. Inuit 313-it ullut taakkua marluk tamaasa peqataaffigaat. Katuap Arctic Yggdrasilip Ilulissanut Qaanaamullu angalanerat aningaasaliiffigaa. Paarlersuarmi aaqqissuussinerit allat Zumba, Santa Lucia Qupannavaat, Ullukinneq. Hans Lyngep Inersuani tusarnaartitsinerit 2012-imi Hans Lynge Inersuani 17-iarluni tusarnaartitsisoqarpoq; Chris Minh Doky, Nordisk Tenorfestival, Erinarsoqatigiit N.I.P.E., Nordisk Koncertkor, Nipilersornermik Ilinniarfik, Hannah Paulsberg Concept, Peter A.G., Orkesterskolen, Simon Lynge, Qasapip Ullua Kingulleq, Duo Arctica, Adventip sapaataani tusarnaartitsineq, Hinnarik Meeqqallu Juullimi Tusarnaartitsineq, Kangaamiuni Erinarsoqatigiit Juullimut tusarnaartisinerat. Simon Lynge Arfininngornermi ulloq 8. september Simon Lynge Richard Lobb peqatigalugu Hans Lyngep Inersuani tusarnaartitsivoq. Tusarnaartitsineq inunnit 279-init tusarnaariarneqarpoq. Tusarnaariat tusarnaartitsineq nuannaraat, tusarnaartitsereernerullu kingorna Simon Lynge assiliseqatigalugulu atsiornera pivaat. Qasapip ullua kingulleq Katuap aamma Inuit Theater Compagnip, Simon Mooqqu Løvstrømimit pigineqartup, 2011-mi isiginnaartitsilluni tusarnaartitsineq Kalaallit Nunaanni angalaarluni takutinneqartussaq pillugu isumaqatigiissutigaat Katuallu suliniut tamanna aningaasaliisutut aaqqissuusseqataasutullu ilannguffigaa. Ajoraluartumik suliniut naatsorsuutigisatut aningaasaliiffigineqanngilaq tusarnaartitsissutissaannartullug annikilliserujussuarneqarluni. Ulluni oktober Katuami Hans Lyngep Inersuani tusarnaartitsisoqarpoq. Tusarnaartitsineq isiginnaartitsinertaqanngikkaluarluni pitsaavoq erinarsuutillu immikkuullarilluinnarlutik. Ilulissanut, Sisimiunut Nuummullu tusarnaartitsineq angallanneqarpoq. Aasiaat, Paamiut Qaqortorlu tusarnaartitsiffigiartorneqartussaasimagaluarput, kisianni ataqatigiissaarinermik aningaasanillu peqquteqartumik taamaatiinnarneqartariaqarsimapput.

13 Katuaq 11 Inersuaaqqami tusarnaartitsinerit 2012-imi Inersuaaqqami 17-eriarluni tusarnaartitsisoqarpoq, tassani tusarnaartitsisut ilaatigut tassaapput Elektronisk Festival Naqqarmiut, Jamerluni unnussiuaartitsinerit, Nipilersornermik Ilinniarfik, Pele Møller Band, Sermersooq Guitarfestival, NUIMA tusaamasaanngitsut festivaaliat aamma Jan Hartbeck Quartet Jazz. Jan Harbeck Quartet arfininngornermi ulloq 22. september Inersuaaqqami jazzimik tusarnaartitsisovq. Billetit tamarmik pisiarineqarput (tusarnaariat 80-it) tusarnaariallu tusarnaartitsineq nuannarisorujussuuaat. Tusarnaartitsinermut atatillugu ulluni marlunni illoqarfimmi nipilersortartunut sammisassaqartitsisoqarpoq nipilersornerlu aqqutigalugu naapinneq annertuumik pissarsiffiuvoq. Ilaatigut Jim Milnep, Tietken Jacobsenip, Martin Zinkip aamma Varnap (il.il.) jazzeriaatsitik pitsanngorsarpaat sammisassaqartitsinermiillu nutaanik pissarsiaqarlutik. NQQMT Stage two DJ-t unnuaq ulloq 17. november Naqqarmiut ilagalugit Inersuaaqqami naammaannartumik iluatsippoq. DJ-t tallimat Kalaallit Nunaanneersut, Italiameersut Danmarkimeersullu tusarnaarianut 136-nut nipilersuutinik elektroniskiusunik nipilersorput. Siorna tusarnaarianut naleqqiullugit tusarnaariat ukioq manna ikinnerungaatsiarput. Katuami nipilersornermik aaqqissuussinerit 2012-imi nipilersornermik aaqqissuussinerit katillugit 40-pput, taakkualu inunnit akiliillutik isertunit init ornigarneqarput. Taakkunanit tusarnaartitsinerit 18-it paarlersuarmi pisut inunnit akiliillutik isertunit init ornigarneqarput. Sinerissami illoqarfinni allani tusarnaartitsinerit Katuaq PUSSYCAT -ikkut Maniitsumut tusarnaartitsiartortippai. Savage Rose Ilulissanut aamma Arctic Yggdrasil Ilulissat Qaanaamullu. Qasapip ullua kingulleq Ilulissanut, Sisimiunut Nuummullu angallanneqarpoq. Simon Lynge aamma Katuap aaqqissugaanik Ilulissanut tusarnaartitsiartorpoq.

14 Katuaq 12 Isiginnaartitsineq, qitinneq il.il. Isiginnaartitsineq qitinnerlu tassaapput Katuap ataatsimut aaqqissugaanit salliutinneqartut. Meeqqanut inuusuttunullu isiginnaartitsinerit salliutillugit pingaartinneqartorujussuupput, Katuaq isumaqarmat, meeqqat inuusuttullu inuunerminni siusissukkut isiginnaartitsinermik misigisaqarnissaminnik periarfissaqarnissaat pisariaqartoq. Taassuma saniatigut kulturikkut assigiinngissitaarnikkut amerlagaassuseqarnermik paasinnissinnaassuseq ammarneqartarpoq kiisalu isiginnaartitsineq aqqutigalugu ilisimasaqalertoqarsinnaavoq, meeqqat inuusuttullu ulluinnarni inuunerminni atorsinnaasaanik. Katuap Kommuneqarfik Sermersooq illoqarfiup atuarfiini klassini isiginnaartitsisarnerit pillugit kinguneqarluartumik suleqatigaa, tamtaumalu kingunerisaanik atuartut ukiumut arlaleriarlutik isiginnaartitsisunik qitittunillu, aalasunik, isummanik nikisitsisunik paqumigineqartunillu nipangiussiunnaarnermik kinguneqartunik misigisassaqartinneqartarput. Isiginnaartitsineq, qitinnerlu oqaatsivullu atorlugit kulturerput takutinneqartarpoq Katuallu Kalaallit Nunaata Isiginnaartitsisarfia allallu isiginnaartitsinermik suliaqartut Kalaallit Nunaanneersut suleqatigilluarpai imi Katuaq isiginnaartitsisartunit Kalaallit Nunaanneersunit (Nuummersunit Tasiilameersunillu), Danmarkimeersunit, Norgemeersunit Canadameersunillu pulaarteqarpoq. Isiginnaartitsissutigineqartut assigiinngitsorparujussuusimapput, soorlu meeqqanut toqu pillugu isiginnaartitsissut, nutaaliamik qitinneq, isiginnaartitsinerillu aliikkusersuutaasut eqqarsartitsilersullu. Inuussutissarsiutiginagu inuussutissarsiutigalugulu isiginnaartitsisartut isiginnaartitsisimapput inuillu assigiinngitsunik ukiullit isiginnaariarsimallutik. Kit Johnsonip qitilluni isiginnaartitsissut Rankefod Hans Lyngep Inersuani akunnerup naanerani ulluni februar isiginnaartitsissutigaa. Ulluni marlunni isiginnaariat 47-t takkupput, isiginnaariat amerlasuut

15 Katuaq 13 isiginnaartitsineq nersualaarpaat, isiginnaariallu arlallit ullut pineqartut marluk tamaasa isiginnaariarput. Kitt Johnson tassaavoq Danmarkimi kisimiilluni qitittartunit piumaneqarnerpaat ilaat, isiginnaartitsissullu Rankefod 2009-mi upernaakkut canadamiut isiginnaartitsinermi nersornaasiuttagaanik DORA-mik Best Dance Performance of the Year -imik nersornaaserneqartussatut innersuunneqarpoq. My home is the home of peace Ulloq 1. marts My home is the Home of Peace Hans Lyngep Inersuani isiginnaartitsissutigineqarpoq. Taanna tassaavoq Kalaallit Nunaata Arctic Winter Gamesip ammarnersiorneqarneranut atatillugu inuusuttunik qitittunik isiginnaartitsissutaa. NAPA isiginnaartitsinermik aaqqissuussisuuvoq inuppasuillu isiginnaartitsineq isiginnaariarpaat. Anaana A/S aamma Academymut nalunaarut Kalaallit Nunaata Isiginnaartitsisarfia isiginnaagassiat marluk, isiginnaagassiap ataatsip akiganut akilerlugit, isiginnaartitsissugai, isiginnaartitsissutigineqartullu tassaapput Anaana A/S aamma Academymut nalunaarut. Kikkunnut tamanut ammasumik arfineq marloriarluni isiginnaartitsisoqarpoq, taakkunanilu inuit 523-t isiginnaariarput kiisalu atuartunut sisamariarluni 240-t missaannik isiginnaartoqarluni isiginnaartitsisoqarluni. Ilumoorsaarneq qiimmisaarnerlu isiginnaartitsinerni taakkunani marluususi misigisassaavoq. Piffissaq isiginnaartitsiffiusoq pivoq Inersuaaqqami ulluni marts. Tulugaq Canadamiut Ullui Katuaq isiginnaartitsisartunit arfineq marlunnit tikeraarneqarpoq, taakkualu isiginnaartitsisartut erinarsortartullu illoqarfitsinneersut suleqatigalugit isiginnaartitsipput. Isiginnaartitsinerit pipput Hans Lyngep Inersuani ulluni 4. Aamma 5. maj. Isiginnaartitsineq inunnit 509-nit isiginnaarneqarpoq inersuarmilu nuannisarneqarluni. Peqataasut ilaat ukuupput: Kimmernaq, Angu, Qupannavaat isiginnaartitsisartullu canadamiut arfineq marluk. Hr. Muffin inuulluarit Teater Refleksionermiut Taseralik, Sisimiut aamma Katuaq maajip qaammataani meeqqanut isiginnaagassiaq Hr. Muffin Inuulluarit isiginnaartitsissutigiartorlugu tikeraarput. Katuami ulluni 15. aamma 16. maj atuartunut kikkunnullu tamanut ammasumik marloriarluni 17. maj isiginnaartitsisoqarpoq. Kikkunnut tamanut ammasumik Inersuaaqqami isiginnaartitsineq inunnit 83-init isiginnaariarneqarpoq. Dance with snowflakes Meeqqat arfinillit Tasiilameersut Inersuaaqqami qitilluni isiginnaartitsissut Dance with Snowflakes isiginnaartitsissutigaat. Lana Hansen isiginnaartitsissummik pilersitsisuullunilu aningaasassarsiortuuvoq. Suliniut assut pitsaasuuvoq meeqqallu qitittut imminnut assut tatigilersillugit. Isiginnaartitsissut marloriarluni Meeqqat Ulluanni juunip aallaqqaataani takutinneqarpoq kikkunnullu tamanut isiginnaartitsinermi inuit 136-t isiginnaariarput. Isiginnaartitsisartut isiginnaartitsinnginnerminni misiliinerminnut meeqqerivimmeersut Nuummeersut qaaqquvaat.

16 Katuaq 14 Snik aamma Snok qaammammi Snik aamma Snok qaammammi qitilluni isiginnaartitsissutaavoq nutaaliaasoq, filmi, medieteknik il.il. ikiorsiullugit silarsuarmik piviusuusaartitamik nunarsuarmioqatigiinnik ulluinnarni inuusunik pilersitsisoq. Inuiaqatigiit atuisuusut, mingutsitsineq annaassiniallaqqissullu isiginnaartitsinermi qulequtarineqarput. Isiginnaartitsinermi annertuumik aliikkusersuinertaqarpoq meeqqallu Snik aamma Snook ilassilluartorujussuuaat isiginnaartitsinerullu kingorna apersorlugit. Atuartunut sisamariarluni isiginnaartitsisoqarpoq, taakkunanilu atuartut 532-t ilinniartitsisullu isiginnaariarput kiisalu kikkunnut tamanut isiginnaartitsineq inunnit arfineq pingasunit isiginnaariarneqarluni. Kikkunnut tamanut isiginnaartitsinerup tallimanngornermi ualikkut silaginnerujussua unammillersinnaasimanngilaa. Duoen Siljeholm aamma Christophersen Norgemeersuupput. OuterVision dance festival 2012 Qitinnermik Festivaali OuterVision ukiut pingasut ingerlatiinnarlugit 2012-imi ingerlanneqarpoq. Ukioq manna angalaarneq piffissami august pivoq Ilulissanut, Uummannamut Nuummullu. Meeqqat 300-t sinnerlugit akeqanngitsumik qitinnermik ilinniartinneqarput, inuillu 350-it missaanniittut takusassiaq Some like it hot isiginnaarpaat. Taassuma sanitigut masterclassertoqarpoq (inuussutissarsiutigalugu qitittartunut sammisaqartitsineq) tivarnermik, uaajeernermik piareersaqqaaranilu takutitsineq Kalaallit Nunaannit, Norgemit, Sverigemit, Finlandimit, Letlandimit, Danmarkimit Ålandimiillu peqataaffigineqartut. Nuummi aamma utoqqalinersiutillit ulloqartinneqarput aappariillu inersimasut illoqarfinni tamani qitsitsinneqarlutik. Uummannami meeqqat angerlarsimaffiat qitittartunit pulaarneqarpoq Leif Immanuelsenilu qilaatersornermik ilinniartitsilluni. Kalaallit Nunaata Isiginnaartitsisarfiani Qullissara Isiginnaartitsissut Qullissara Hans Lyngep Inersuani ulluni 1. aamma 2. september takutinneqarpoq. Inuit 962-it takutitsinernut marlunnut ornigupput isiginnaariallu Vajgatorkesterikkut nipilersuutaannut nuannisavissorput. Nuannattoqarpoq nipilersortullu torrallaaqalutik. Qitilluni takutitsineq Welcome to the jungle Nunat pingasut, qitittartut pingasut, nipilersortartut marluk, 5 kiilu qajuusat aamma 2 kiilu sioqqat akulerukkaanni, taava sunngussappat? Estlandip, Finlandip Kalaallit Nunaanta akornanni qitinnermik nipilersornermillu suleqatigiinneq. Hans Lyngep Inersuani takutitsinermi inuit 78-it isiginnaariarput. N.A.I.P. show Qungujugit ulluni 9. aamma 10. november. Aaqqissuussineq iluatsilluartoq nuannarineqaqisorlu isiginnaartitsinermik, nipilersornermik, qitinnermik quiasaarinermillu imalik. Isiginnaariat aamma isiginnaartitsisartut ArtCirqikkut Nunavumeersut takuaat. Isiginnaartitsinerit marluk inunnit 956-init isiginnaariarneqarput. 6, P LR K Piffissami oktober 6, P LR K Teatret st. tv. -mit takutinneqarpoq, taanna 2010-mi Reumertip nersornaasiuttagaanik nersornaatisisimavoq, atuartunullu sisamariarluni takutinneqarluni. Arfininngornermi ulloq 27. oktober inuit marluinnaat billetisisimammata, isiginnaartitsinissaagaluaq taamaatiinnarneqarpoq.

17 Katuaq 15 Sanasoq Andersen Nissiararlu GNT-p juullimi isiginnaagassiaq Sanasoq Andersen Nissiarlu ullut pingasut ingerlanerini inunnut 378-inut Hans Lyngep Inersuani takutippaa. Nuummi isiginnaartitsineq qitinnerlu Katuaq aaqqissuuppai: Isiginnaartitsinermi qulequttat 7 isiginnaartitsinerni katillugit 31-ni inunnit init isiginnaariartneqartut. Sinerissami isiginnaartitsineq qitinnerlu Katuap Teater Refleksionip Inuulluarit Mr. Muffinnip Tasiilami, Sisimiuni Kulturikkut Illorsuarmi Taseralimmi takutinneqartumi angalanermut atatillugu aningaasanik tapeeqataavoq. Outervision Ilulissani Uummannamilu takutinneqarpoq.

18 Katuaq 16 Malaatiinnarlugu aliikkusersuineq (stand-up) Katuap ukiuni kingullerni kalaallisut malaatiinnarlugu (stand-up), quiasaarutiginninneq aamma quianartuliat inunnit assigiinngiiaartorujussuarnit isiginnaariarneqartartut pingaartissimavai imi malaatiinnarlugu uku isiginnaartitsipput: Hans Jukku Show Hans Jukku Noahsen & Nukannguaq Geisler ulluni 14. & 15. september kalaallisut malaatiinnarlugu aliikkusersuipput nipilersornermik akunnilertarlugu. Unnuit taakkua marluk inuit 677-it isiginnaariarput, aliikkuersuinerillu nuannarineqartorujussooqqipput. Jan Gintbergip malaatiinnarlugu isiginnaartitsineq I Luv Jan -imik taaguutilik ulloq 26. oktober 2012 takutippaa. Billetit tamarmik 508-sut tunineqarput. Saqqummersitsinerit Katuami 2012-imi katillugit 14-inik saqqummersitsisoqarpoq, taakkualu inunnit it missaannit takuniarneqarsimanerat naatsorsuutigineqarpoq. Maliinannguaq M. Mølgaard Maliinannguup piffissami januar qalipakkani Katuami saqqummersippai. Assilialiat kalaallit oqaluttuatoqaannik imaqarput. Bibi Chemnitz Atisanik ilusilersuisartup Bibi Chemnitzip ilusilersukkami ilai Inersuaaqqami piffissami februar 2012 saqqummersippai. Bibi Chemnitz Kalaallit Nunaanneersuuvoq Danmarkimilu najugaqarluni, tassani Bibip pisiniarfiutitaani ammaqqammerpaa.

19 Katuaq 17 Katuap 15-iliinera Saqqummersitsineq Katuap 15-iliinera tassaavoq Katuap kulturikkut illorsuartut 15-iliineranik nalliussiniarluni ukiut ingerlanerini plakaatinik assinillu saqqummersitsineq. Saqqummersitsineq pivoq piffissami 15. februar 2. april KIMIK upernaakkut saqqummersitsineq Eqqumiitsuliortut kattuffiat KIMIK Katuami upernaakkut piffissami 12. april 6. maj 2012 saqqummersitsivoq. Ukioq manna qulequtaq tassaavoq: MISIGISAQ. Taanna tassaasinnaavoq misigisaq imaluunniit misigissuseq, KIMIK-illu ilaasortai nutaat ilaasortatoqaalu qulequtaq taanna assigiinngitsumik qalipappaat. Ukioq manna saqqummersitsisut tassaapput: Arnannguaq Høegh, Buuti Pedersen, Ivalo Abelsen, Camilla Nielsen, Ivan Burkal, Julia Pars, Pierre A.C. Auzias, Naja Rosing-Asvid, Miki Jacobsen, Lisa Kreutzmann, Maria Panínguak Kjærulff, Peter Kujooq Kristensen, Anne-Mette Arendt, Lisbeth Karline aamma Anne-Lise Løvstrøm. Pulaartutut saqqummersitsisut: Inuuteq Storch aamma Zoe Skovgaard. Angalaneq - Aviaaja Kleist Burkalip & Ivan Burkalip saqqummersitsinerat Piffissami maj 2012-imi Aviaaja Kleist Burkalip pinnersaatini & Ivan Burkalip "Angalaneq" pillugu qalipakkani saqqummersippaat. Eqqumiitsuliornermik Ilinniarfimmi ilinniartut soraarummeerutiminnik saqqummersitsinerat Piffissami junimi Eqqumiitsuliornermik Ilinniarfimmi ilinniartut ileqquusutut Katuami soraarummeernerminni saqqummersitsipput. Ukioq manna saqqummersitsisut tassaapput: Malu Grønvold Petersen, Nukannguaq Mathiesen, Mette Marie Thorleifsen, Sissi Møller Lynge. Eqqumiitsuliornermik Ilinniarfimmi ilinniarnermut atatillugu saqqummersitsipput. Ina Rosingip aasaanerani saqqummersitsinera Ukiup aasaanerani saqqummersitsisuata Ina Rosingip piffissami 28. juni 2. agusut 2012-imi assilisani saqqummersippai. My native land, Inap saqqummersitani taamak taaguuserpai. Tassunga imatut tunngavilersuuteqarpoq: "Saqqummersitsineq Kalaallit Nunaannut oqaatsimullu angerlarsimaffimmut tunngatillugu attuumassuteqarninnut misissuineruvoq. Aallaavigisara pitsaasuuvoq, tassa tunuliaquttanni inunnguutsinnilu kalaaliussusimma nukissannik tunisaraanga isumaqarama". Saqqummersinneqartut qalipataapput, titartagaallutik (grafik) kiisalu assilisaallutik. Meeqqat eqqumiitsuliaannik saqqummersitsineq Kommuneqarfik Sermersuup Aviaaja Hammeken Schultz iluisilersuinermik titartaanermik mersornermillu ilinniartitsisoq suleqatigalugu meeqqanut inuusuttunullu aasaanerani pikkorissartitsivoq. Meeqqat 7-init 22-nut ukioqarput. Pikkorissaasoqareermat meeqqat suliatiik Katuami saqqummersippaat. Saqqummersitsineq pivoq piffissami august 2012-imi. Jens Kromann Jens Kromannip qalipakkani angisuut mikisullu piffissami september 2012-imi saqqummersippai.

20 Katuaq 18 Saqqummersitsineq ornigarneqarluarpoq, tassani atuarfiit ilaat Jens Kromannimit takusassarsiortinneqarput oqalugiarfigineqarlutillu. Innarluutillit sap. akunneqartinnerannut atatillugu saqqummersitsineq Kommuneqarfik Sermersooq aamma inaarluutilinnut sukisaarsarfik (handikapværested) ulluni oktober Katuami saqqummersitsipput. Saqqummersitsinermik ammaaneq saqqummersitsisunut qalipaasimasunut, titartaasimasunut assassorsimasunullu nuannersuuvoq. Danskit aviisini titartaasartut oktoberimi saqqummersitsipput. Danskit aviisini titartaasartut Peqatigiiffiat Nuummi Ilulissanilu Saqqummersitsinermut atatillugu Kalaallit Nunaanni angalasut suleqatigalugit saqqummersitsisoqarpoq. Artic Inu Ice Anna Elionora Olsen Rosingip aamma Anna Gunnarsdottirip islandip savaaraasa meqquinik suliatik namminnerlu pappialaliatik saqqummersippaat. Saqqummersitsineq novemberimi pivoq. Isabelle Vasseur Frankrigimeersoq decemberimi saqqummersitsivoq. Qalipakkat Tunumi pinngortitaq malillugu suliaapput. Oqalugiarneq Katuaq oqalugiarnermut atorneqakkajuppoq, tamannalu Katuami allat namminersortulluunniit oqalugiarniartut suleqatigalugit aaqqissuunneqartarpoq imi 15-eriarluni oqalugiartoqarpoq, taakkunannga oqalugiarnerit sisamat Namminersorlutik Oqartussanit aaqqissuunneqarput, taaguuserneqartumik Ilisimatooq naapiguk. Suliffeqarfimmik aallarnisaaneq pillugu sammisaqartitsineq, Kommuneqarfik Sermersooq, 14. januar Carsten Egevang, Kalaallit Nunaannit assit, 2. februar Kultureqarnermut tapiissutit pillugit unnukkut paasissutissiineq, 9. februar 2012.

21 Katuaq 19 Chris Minh Doky, Inuunera nipilersornermik imalik ( Mit liv med musikken ), 11. februar Bubber, Ajunngitsumik isumaqarneq inuunermillu nuannarinninneq nuannaarneq aqqutigalugu pitsaanerusumik sulinermi atugaqalerneq, 17. marts Siumut, Aatsitassat pillugit oqallinneq, 21. marts Ilisimatooq naapiguk, Kalaallit Nunaanni uumassusillit isumalluutitut, 3. april Ilisimatooq naapiguk, 17. april Nunarsuarmi atuakkat ulluat, 22. april Ilisimatooq naapiguk, 3. maj 2012 Filmi Inuk pillugu oqalugiarneq, 13. maj 2012 Siumut, Siumup Inatsisartuni ilaasortaatitai naapikkit, 21. maj Martin Møller, Kajumissuseqarneq, anguniakkat sungiusarnerlu, 30. maj Ilisimatooq naapiguk, 4. juni Katuap 2012-imi oqaluagiarnerit sisamat aaqqissuuppai. Katuap nammineq oqaluugiaatai tassaapput: Carsten Egevangip oqalugiarnera Carsten Egevangip Kalaallit Nunaata pinngortitaa pillugu assilisani ulloq 2. februar Katuap ineeraani oqalugiaatigaa. Iserneq akeqanngilaq Katuallu inersuaaraa ulikkaavillugu 100-t missaannik tusarnaartoqarpoq. Oqalugiarneq Milik Puplishing suleqatigalugu aaqqissuunneqarpoq. Chris Minh Doky Chris Minh Dokyp Katuami nipilersornerminut atatillugu Inuunera nipilersornermik imalik pillugu oqalugiarpoq. Katuap inersuaaraani ulloq 11. februar aaqqissuussineq akeqanngilaq isiginnaariallu 60-it missaanniittut takkupput. Chris Minh Dokyp oqaluttuaraa qanoq nipilersortalersimanini nipilersuutinillu appisimaarluni. Ajunngitsumik isumaqarneq inuunermillu nuannarinninneq Bubberip oqalugiarnera Ulloq 17. marts unnukkut ingerlanneqarpoq. Oqalugiarneq nuannersumik ingerlanneqarpoq illarnertalimmik aamma ilaatigut nuannaarneq aqqutigalugu pitsaanerusumik sulinermi atugaqalersinnaaneq oqariartuutigineqarpoq. Oqalugiarnermut inuit 152-it tusarnaarput. Mads Ole Kristiansen. 1. december 2012-imi Ullutsinni Avannaani piniartutut inuuneqarneq pillugu oqalugiarneq, qilaatersorneq oqallissaarinerlu akeqanngitsoq ingerlanneqarpoq. Ilulissani kulturikkut illorsuaq suleqatigalugu tamanna aaqqissuunneqarpoq, isiginnaariat 100-t missaanniittut takkupput. Film Katuap filmertarfiata filminik takutitseqqaartartutut kategori A-tut inissisimanini 2012-imi ingerlatiinnarpaa, tassa kategori A filminik takutitseqqaarnissamut pisinnaatitaaffiuvoq. Ukiuni makkunani filmiliornermi filmertitsisarnermilu 3D-p digitalillu iliuini teknikkikkut ineriartortoqarpoq. Royal Arctic Linep 2011-imi

22 Katuaq 20 annertuumik aningaasaliissuteqarneratigut Katuap filmertarfini 3D-mut digitaliusumut nutarterpaa. Aammattaaq Royal Arctic Logistics filminik assartuinermut aningaasaliissuteqarpoq. Filmertarfiup nipilersuutai katuap 2012-imi taarserpai. Nipilersuutit nutaat filmertarfiup nipaa 7.1-imiisippaat, tassa nipi aqqutit assigiinngitsut arfineq marluk subwofferilu ataaseq aqqutigalugit siammarterlugu. Taamaalilluni Katuap filmertarfia filminut digitaliusunut tamakkiisumik naleqqussarneqarpoq, ukiorpassuillu siumut isumannaarneqarpugut. Januaarimi Katuap Københavnimi Kinamiut aallartitaqarfiat suleqatigalugu Kinamiut filmiinik takutitsipput. Katuap filmit assigiinngitsut arfineq pingasut Kinameersut Inersuaaqqami takutippai. Aamma 2012-imi Katuaq ukiunik 15-inngortorsiorpoq, taamaammat ulloq 15. februar Løvernes konge 3Dinngorlugu Katuap 20 kr.-niinnarmik iserneq akilersillugu takutippaa, inissallu tamakkerneqarlutik. Art Cinema aamma DOXBIO 2012-imi ingerlaqqipput, filminillu allaasunik soqutiginninneq annertusiartorpoq. Katuap filmiliorfinnik mikinerusunik suleqateqarneratigut filminik mikinerusunik assigiinngorpassuarnik takutitsisinnaasoqalerpoq imi filmit takuneqarnerpaat tallimat 1. Inuk: t isiginnaartut 2. The Twilight Saga - breaking dawn imm. 2: t isiginnaartut 3. Hobbitten en uventet rejse 3D: t isiginnaartut 4. The Avengers 3D: t isiginnaartut 5. The Dark knight rises: t isiginnaartut Filmit takutinneqartut filmit assigiinngitsut 161-it 949-riarlugit takutinneqartut isiginnaartullu t. Taakkunannga filmit 16-it meeqqanut filmertarfimmi meeqqanut 739-nut 15-riarlugit takutinneqarput. Ataatsimiinnerit Isumasioqatigiinnerillu Katuaq 2012-imi arlaleriarluni ataatsimiiffiullunilu isumasioqatigiiffiuvoq. Ataatsimiinnissamut isumasioqatigiinnissamullu aaqqissuisusartut peqataasartullu sullinniarlugit Katuaq suliniuteqarnerulerpoq, kiisalu caféni, igaffinni teknikkimullu immikkoortortaqarfimmi sulisunit nerisitsinerup sassaallertarnerullu pitsaasuulluarnissaa anguniarlugu. Cafémi illumilu tamarmi sapaatip akunnerani ullut tamaasa ammasarneq junip qaammataani Katuami aallartinneqarpoq, ammasarfiittaaq allanngortinneqarput Katuap igaffia nal mi ammasalertillugu. Suliaq tamanna Katuap sullitaanit tigulluarneqarpoq, taakku maanna filmeriartigatik Cafémi nereqqaarsinnaapput.

23 Katuaq 21 Katuap meeqqanut immikkoortortaa ilaqutariippassuarnit meerartalinnit nuannarineqalersimavoq, taakku meeqqat titartakkanik filmilianik isiginnaarnerini imaluunniit pinngussat atorneqarsinnaasut pinnguarinerini eqqissillutik ullup qeqqasiorlutilluunniit brunchitorsinnaapput imi suliffeqarfiit makku illumi ataatsimeersuartitsipput: Februaarip qaammataani alimmasissumit atuartitsineq pillugu isumasioqatigiinneq, Ilinniartitaanermut Naalakkersuisoqarfimmit Apriilip qaammataani Safarissoq pillugu isumasioqatigiinneq, Kompetence kompagniet Tele Post suleqatigalugu Maajip qaammataani EU- Ambassadørit, Namminersorlutik Oqartussat Nunanut Allanut Pisortaqarfianit Juulip qaammataani Arctic Base Supply/Shell Septemberip qaammataani Ilaqutariinnermut, Ilageeqarnermut Naligiissitaanermullu Naalakkersuisoqarfik Oktoberip qaammataani INERIK, Sermersuumi Inuussutissanut siunnersuisoqatigiinnit Oktoberip qaammataanni Aatsitassanut Ikummatissanullu Pisortaqarfiup innuttaasunik ataatsimiisitsinera Oktoberip qaammataani Ineqarnermut, Attaveqarnermut Angallannermullu Naalakkersuisoqarfik Oktoberip qaammataani Promote Island Messe Oktoberip qaammataani Kalaallit Nunaata juullimut nipitittagaa Oktoberip qaammataani ataqqinartorsuaq Dronning peqatigalugu Arktisk Kommandomik ammaaneq Decemberip qaammataani Telepost Ataatsimiinnerit isumasioqatigiinnerillu 227-t ullormut ataatsimiinnerit, seminarit ilassinninnerit katerisimaarnerit isumasioqatigiinnerit 40-t isumasioqatigiinnerit pikkorissarnerilluunniit ullormit ataatsimit sivisunerusut 14-it taamaatiinnarneqartut 124-t ataatsimiinnerit allat (illup iluani ataatsimiinneq, akeqanngitsoq im. akikillisaq) Katillugit it peqataasimapput. Piginnaanngorsaaneq Sulisut Suliffiup iluani ineriartorneq sullitanut suleqatinullu pitsaasumik sullissinissamut sulisunillu attassiinnarnissamut piorsaanissamullu pisariaqartoq anguniarlugu HR-p periusissiaa Katuap pingaarnertut periuserisarpai. Katuap aammaarluni sulisut arlallit suliatigut assigiinngitsutigut piginnaanngorsarneqarnissaannik 2012-imi neqeroorfigai aallartillugillu. Pikkorissarnerit ilinniarnerillu makku 2012-imi ingerlanneqarput:

24 Katuaq 22 Ikiueqqaarnermi pikkorissarneq, Tunngaviusumik pisortat pikkorissarneri, pisortamit HR-imi akisussaasutut, Netsimut allagit webbikkut attaveqatigiinneq pitsaanerusoq, Angusassamik toraagalik PR, Avatangiisinik suliaqarneq iluarsiuk, Thomas Person Profil Analyse (PPA) allagartartaarneq, C5-imik pikkorissarneq, NLP Inuttut Aqutsineq aamma Aaqqissuussaanermi Attaveqateqarnermilu Siulersuineq. Sulisut amerlassusaat Katuaq 2012-imi agguaqatigiissillugit qaammammusialinnik 20-nik nal. akunnermusialinnillu 34-nik sulisoqarpoq, tassa katillugit sulisut 54-it. (ukiumut sulisunut 39-nut naleqquttut). Ulloq 31. december 2012 arnat 26-t angutillu 28-t Katuami sulisuupput. Nal. akunnermusiallit nal. akunnerinik atuinerat tamarmiusoq 2012-imi ukiumut sulisunut 19-inut naleqquppoq.

25 Katuaq 23 Paasissutissat pilerisaarinerlu Paasissutissiisarneq pilerisaarisarnerlu Nuuk Ugeavisimi sap. akunneranut ussassaarisarnerup, Nuuk FM-mi radiokkut tusagassiisarnerup, Facebookimik atuisarnerup, KNR TV-mi takusassiisarnerup, kiisalu illoqarfimmi plakatinik nivinngaasarnerup saniatigut nittartagaq Katuap qitiusumik avammut pilersaarinermi atortarpaa. Tamatuma saniatigut Katuap saaffiginnittarfianit ulluinnarni sullissinermi paasissutissiisarnermilu Katuap paasissutissiisarfia qitiuvoq. Alakkaasut amerlassusaat 2012-imi 1. januaarimit 31. decemberimut nittartakkamut alakkaasut iupput kiisalu saniatigut takutitanik alakkaasut iullutik. Nittartakkamik atuisarneq agguaqatigiissillugu 1:35 minutsit sivisussuseqartarpoq. Nittartakkamut alakkaasut 75,86 %-ii Kalaallit Nunaanneersuupput, alakkaasut 20,31 %- ii Danmarkimeersuullutik, sinneruttullu 2,83 %-it Frankrigimut, USA-mut, Norgemut nunanullu allanut agguataarsimallutik. Avammut ussassaarineq Katuap aaqqissuuttagai pillugit paasissutissiisarneq Katuap pingaartilluinnarpaa. Taamaammat tusagassiuutinut nalunaaruteqartarnermut atatillugu akissutit amerlassusaat aallaavigalugit avammut paasititsiniaasarneq Katuamit uuttortarneqartalerpoq. Uuttortaanerit takutissavaat sukkut pitsanngorsaasoqarsinnaasoq. Tusagassiuutinut nalunaarutit 2012-imi tusagassiuutinut nalunaarutinit 49-nit tusagassiuutinut nassiunneqartunit 387-t saqqummiunneqarput. Teknik Eqqiaanerlu Ukioq 2012 Teknikkimut Immikkoortortaqarfimmut ulapaarfiusimaqaaq, ataatsimiinnissanut isumasioqatigiinnissanullu aaqqissuussinernut atatillugu suliassarpassuit annikinnerusut annertunerusullu suliarineqarput kiisalu illumik aserfallatsaaliisoqarluni. Teknikkimut immikkoortortaqarfik teknikerinik sisamanik ilinniartunillu marlunnik sulisoqarpoq. Eqqiaanermut immikkoortortaqarfik 2012-imi ukiup affaata siulliup ingerlanerani sulisuminik paarlakaattoqangaatsiareerluni, maanna sulisunik aalajangersimasunik patajaattunillu sulisoqalerpoq. Immikkoortortaqarfimmi sulisut sisamaapput. Ilinniartut Januaarip qaammataani Naleraq Eugenius Isiginnaartitsisarfimmi, Saqqummersitsinermi Aaqqissuussinernilu teknikeritut aallartippoq. Aggustusip qaammataani Hans Ole Amossen Nipilerinermi, Qullilerinermi Aaqqissuussinernilu teknikeritut aallartippoq.

26 Katuaq 24 Periusissatut iliuusissatullu pilersaarut imut Katuamut periusissiaq 2012-imi ukiakkut suliarineqarpoq. Nalilersuinermut atatillugu inuiaqatigiinnut sipaarutigineqartut sunniutaat, illup aserfallatsaaliorneqarnissamik pisariaqartitsigaluttuinnarnera, tassungalu atatillugu illup suli aningaasakilliornera oqaluuserineqarput imi pingaarnerpaatut angusarineqartut tassaapput: Pitsaassutsimik misigisaqarnissaq qitiutillugu aaqqissuussinerit assigiinngitsut, ilaatigut Unnuk kulturisiorfik, Ukiortaami tusarnaartitsineq, Nordisk Musikfestival, Kimik upernaakkut saqqummersitsineq, aasakkut saqqummersitsineq il.il. kiisalu ukiup ingerlanerani kulturikkut aaqqissuussarpassuit allat. Isumasioqatigiinnerit, soorlu; Namminersorlutik Oqartussat alimmasissumi ilinniartitsineq pillugu isumasioqatigiissitsinerat, Sarfarissoq aamma EU ambassadørit tikeraarnerat kiisalu Arktisk Kommandop Nuummi ammarnersiorneqarnera. Nordisk Koncertkorimik, NAIP-mik, Orkesterskolenimik aamma Nipilersornermik ilinniarfimmik suleqatigiinnissamik isumaqatigiissuteqarneq. Aningaasaliissuteqariaaseq nutaaq Katuaq Erhvervsklub aallartinneqarpoq; pingaarnertut aningaasaliissuteqarpoq Air Greenland, kulturimut aningaasaliissuteqarput Grønlandsbanken, Brugseni, Tele Post, Royal Arctic Line, BankNordik aamma Deloitte. DOX Bio aamma Art Bio iluatsittumik atuutsinneqalerput. Filmertarfimmi digitaliusumi nipip pitsaassusaa nipilersuutinik nutaanik pissarsinikkut pitsaanerulersinneqarpoq. Paasissutissiisarnerup uuttortarneqarnera aallartinneqarpoq. Kulturip inuiaqatigiit aningaasaqarnerannut sunniutai aamma Katuap inuiaqatigiinnut akisussaaffia Katuap tapiissutini 1 kruuni nipilersorneq isiginnaartitsinerlu, saqqummersitsinerit, filmertitsinerit, café, ataatsimiinnerit, qaaqqusinerit kiisalu ataatsimeersuarnerit aqqutigalugu 2,3 kruuninngortittarpaa. Tamanna isertitat tamarmiusut 70 %-eraat. Katuaq 2012-imi 54-inik sulisoqartitsivoq, taakkualu kommunemut nunallu karsianut 3,6 mio. kr.-inik isertitsissutaapput. Nipilersortartunut, erinarsortartunut, isiginnaartitsisartunut il.il. 1,9 mio. kr.-inik akissarsisitsisoqarpoq. Katuaq ingerlaavartumik pingasunik igasutut ilinniartoqarpoq marlunnillu aaqqissuussinermut ataatsimeersuarnermullu teknikerinik ilinniartoqarluni. Katuap ilinniarnermut atatillugu suliffimmik sungiusarfiunissamut akuersissutip aappaa upernaakkut pivaa, taannalu tassaavoq ukiuni sisamani pisunut teknikkilerinermik suliaqarneq immikkut ittumik nipilerinermik qullilerinermillu ilinniarnermik imaqartoq. Katuaq ukiut tamaasa meeqqat atuarfianniit sulinermik sungiusartoqartarpoq aammalu ilinniartoqarfinnit allanit sulinermik sungiusartoqartarluni. Katuaq CSR Greenlandimut ilaasortaavoq tassungalu atatillugu suliniutip Saligaatsoq 2012-ip ingerlanneqarneranut peqataalluni.

27 Katuaq imi unammilligassat kissaatillu Katuap Kalaallit Nunaanni kulturikkut pinngorartitsiffittut qitiunissaminik takorluukkami malersornera imiit 2017-imut periusissatut pilersaarut nutartigaq naapertorlugu nangeqqissavaa. Tassani ilaavoq illorsuup aserfallatsaaliorneqarnissaanut ingerlanneqarneranullu aningaasaqarnerup illersorneqarsinnaasup qulakkeernissaanut unammilligassat. Taamaattumik Katuap siulersuisuisa Katuap siunissaa pillugu illorsuaq pillugu politikkikkut aalajangiisartut ingerlaavartumik oqaloqatiginissaat kissaatigaat. Illorsuarmik piginnittut akunnerminni Katuap Nuummi Kommuneqarfik Sermersuumi Kalaallit Nunaatalu sinnerani kulturikkut sammisanut kivitsisuunissaata eqqartornissaa suli pisariaqarpoq. Ktauap kissaatigaa, aningaasanik tapiisartut akunnerminni tapiissuteqartarnermut politikki pillugu isumaqatigiissuteqarnissaat kiisalu kulturikkut sammisassanut tapiissutit annikilliartuinnannginnissaa kiisalu illorsuup nutaanngiliartortup annertusiartuinnartumik aserfallatsaaliorneqarnissaanut pisariaqartitsineq annertusiartuinnartoq eqqarsaatigalugu. Katuap siulersuisuisa Nunatta Isiginnaartitsivia Katuap ilaneqarnissaa pillugu isummernissamut tunngavissiaq pillugu oqaloqatigiinneq aallartissimavaat, Nunatta Isiginnaartitsiviata isiginnaartitsinermullu atuarfiup inissisimaffissaat. Katuap naatsorsuutigaa, isummernissamut tunngavissiap 2013-imi saqqummiunneqarnissaa. Illorsuaq Katuaq Ataatsimut isigalugu Illorsuaq Katuaq soqutigisaqaqatigiinnit Kalaallit Nunaanni Kulturikkut Illorsuaq A/S-imit pigineqarpoq (taanna Kommuneqarfik Sermersuumit aamma Kalaallit Nunaanni Namminersornerullutik Oqartussanit pigineqarpoq). Piginnittut tamarmik aqutsisoqatigiinni sinniisuutitaqarput. Aqutsisoqatigiit tallimariarlutik ataatsimiissimapput ataatsimiinnerillu ilaanni 2012-imut aserfallatsaaliuinissamut missingersuutit akuerineqarput. Taakkua saniatigut Katuap siulersuisui piginnittut ulloq 25. januar aserfallatsaaliuinissaq, ingerlatsineq kiisalu ineriartortitseqqinnissat pillugit ataatsimeeqatigaat. Katuap tungaanit kissaatigineqartoq naapertorlugu Kommuneqarfik Sermersooq 2012-imi upernaakkut kr.-inik pisianut elevatorissamut aningaasaliissuteqarpoq piumasaralugu, taamatut aningaasaliissuteqassaguni, taava Kalaallit Nunaanni Namminersorlutik Oqartussat illorsuarmik piginnittup aappaatut aningaasat taaneqartut amerlaqataannik aningaasaleeqataassasut. Kalaallit Nunaanni Namminersorlutik Oqartussat december 2012-imi siunertamut pineqartumut kr.-inik aningaasaliissuteqarput ip ingerlanerani pisianut elevatorip pilersinneqarnissaata Katuap naatsorsuutigaa. Katuap illorsuarmi ineriartortitsinissamut tunngatillugu pisariaqartinneqartut sinnerinut aningaasassarsiornissani naatsorsuutigaa; tassunga ilanngullugit paarlersuarmi nipilersortarfik, atisanik nivingaavik nutaaq, NAPA-mut isertarfik nutaaq, saaffiginnittarfik nutaaq, isertarfiit kiisalu naqqup ataani cafép ataaniittumi perusuersarfiit ilaneqarnissaat, peqqumaasiviit atisaajartarfiillu.