Hakea koulua 2019 Information på meänkieli Sida 0 av 7 Sie joka olet huoltaja lapsele joka täyttää kuus vuotta vuen aikana, haet sinun lapsele esikoululuokan aikakautena 15 janyaari aina 15 febryaarhiin asti. Sie kans jolla on lapsi koulussa josta puuttuu korkeampi vuosiluku, eli sie joka toivot muuttaa koulua sinun lapsele tehet sen tällä kautena. Esikoulunluokka on oblikatuurinen. Valtiopäivät päättivät 15 nuvemberiä 2017 ette kouluvelvolisuus pittää jällata siittä vuesta kun lapsi täyttää kuus vuotta. Sitä seuraa ette esikoulunluokka tullee oblikatuuriseks kaikile lapsile Ruottissa ja kaikin häätyvät käyvä koulua vähhiinthään kymmenen vuotta. Oletko vasta tullu Ruothiin ja piät hakea koulua Stokholmissa? Sie joka olet huoltaja vastatulheele oppilhaale, esikoululuokasta vuosilukhuun 9, jolla ei ole koulupaikkaa piät kääntyä suorhaan START Stockholmhiin. Start Stockholm hoitaa vasthaanottoa, sijotusta, alottavaa tietojen arvostelua ja terhveyskeskustelut. Vastatullut oppilas tarkottaa ette on aivan uusi Ruottissa eli on ollu kirjotettu yhteen Ruottin kouhluun lyhemän aijan kun 4 vuotta (48 kuukautta). START Stockholm Hornsgatan 124, plan 4 117 28 Stockholm telefooni 08-508 335 00 e-posti: START-mottagning@stockholm.se
Sida 1 av 7 Vertaa kouluja Stokholmissa on sekä kunnalisia ette erilisiä kouluja. Sie itte haet sen koulun mitä toivot sinun lapsele. Jokhainen koulu yrittää sitten totheuttaa sinun ensikäen haetun altternatiivin. Ei kunnalinen eli erilinen koulu vaai yhtään oppilasmaksoa. Kunnaliset koulut ei perustele valintaa jonoaikhaan. Sen kyllä jokku eriliset koulut saattavat tehhä. Ennen kun haet koulua sie saatat verrata Stokholmin kouluja. Vertailussa sie saatat muun muassa nähhä lukumäärä oppilhaita koulussa ja kuinka tyytyväisiä oppilhaat ja huoltajat on koulunsa kans. Sivula sie saatat löytää ja verrata kouluja Stokholmissa. Hakea esikoululuokhaan vaihtoehto vuosiluku 1-9 Sie haet koulusijotusta e-palvelun eli blanketin kautta aikakautena 15 janyaaria aina 15 febryaarhiin asti. Eriliset koulut jokka ei ole e- palvelussa mukana sie kontaktaat omin voimin. Linkki e- palvelhuun sekä blanketin löyät sivulta. Palvelussa Löyä ja vertaa peruskouluja (Hitta och jämför grundskolor) jokka on sie saatat nähhä mikkä koulut on haettavana (sekä kunnaliset ette eriliset) aikakautena 15 janyaaria aina 15 febryaarhiin asti. Sivula on kans filmi käänetty monheen kielhiin joka kuvaa kuinka se toimii ette hakea kouhluun Stockholmin kaupunkissa. Hae kolmheen koulhuun Sulla on maholisuus hakea kolmheen koulhuun jokka on liitetty kouluhakemuspalvelhuun Stokholmin kaupunkissa. Se on tärkeä ette sie tehet kolme valintaa jotta sinun lapsi saapi parhaimat maholisuuet saa paikan siihen koulhuun mihinkä sie huoltajana toivot. Esimerkiks: Jos sie et saa sinun ensikäen valintaa paikan puutheen vuoks, sinun toisenkäen valinan käsitelthään yhessä muitten huoltajitten ensikäen valinan kans haethuun koulhuun. Kuinka suuri maholisuus mulla on ette saa sen koulun mitä mie olen toivonu minun lapsele? 15 febryaaria met tiämä kuinka suuri hakupaino on koulhuin. Sen jälkhiin alkaa koulussa työ ette yrittää totheuttaa kaikitten huoltajitten toivomuksia kouluista. Jos yks koulu saapi enemän hakijoita kun sillä on paikkoja koulula on
Sida 2 av 7 valinanohjeet kuinka paikat jaethaan hakijoile. 15 marsia sie saat tietoja mihinkä koulhuun tulthaan tarjoamhaan paikkaa sinun lapsele. Erilisilä kouluila saattaa olla muita päivämääriä valinalle. Jos sinun lapsi ei saa paikkaa koulussa mitä olet hakenu teile tulthaan tarjoamhaan paikka yhteen koulhuun Stokholmin kaupunkin sääntöjen mukhaan valinale. Sulle ei ole taattu paikkaa siihen koulhuun joka on lähhiin kotia. Kukas saattaa hakea e-palvelun kautta? Huoltaja: lapsele/oppilhaale joka on väestörejistreerattu (folkbokförd) Ruottissa, joka on väestörejistreerattu samhaan osotheesheen kun lapsi/oppilas, ja on e-lekitimasjuuni, esimerkiks BankID. Länkki e-palvelhuun Hakea koulu Stokholmissa (Söka skola Stockholm) löyät sivulta. Se on vain huoltaja joka on väestörejistreerattu samhaan osotheesheen kun lapsi joka saattaa hakea e-palvelun kautta. Hakemusta mennee muuttaa aina 15 febryaarhiin asti. Kouluhakemuskauten jälkhiin sie et saata ennää lokata sisäle ennen 15 marsia. Sillon sie saatat nähhä mihinkä koulhuun sinun lapsele on tarjottu paikka. Huoltaja joka on väestörejistreerattu muuhun osotheesheen kun lapsi, saattaa lokata sisäle ja nähhä hakemusta joka piian on lähätetty sisäle toiselta huoltajalta. Väestörejistreerinki osotheesheen laskethaan se atressi mihinkä sinun lapsi on väestörejistreerattu viimisthään 15 febryaaria. Systeemi uuistethaan kerran viikossa uusila osotetioila. Huoltaja joka on väestörejistreerattu muussa osotheessa kun lapsi saattaa hakea blanketin kautta. Hakemus blanketila Jos sulla ei ole maholisuutta hakea e-palvelun kautta sie saatat hakea blanketila, ei ennen 15 janyaaria. Hakemusblanketin löyät sivulta. Hakemusblanketti lähätethään Söka skola, Kontaktcenter Stockholm Box 6061, 164 06 KISTA (osote on blanketissa). Eli jätethään suorhaan Opetushallinon resepsjuunhiin Hantverkargatan 2F, Stockholm. Huomaa ette blanketti häätyy tulla atreshiin Söka skola Kontaktcenter viimisthään 15 febryaaria ette kerithään rejistreerata sen ennen kouluhakukauen loppua.
Sida 3 av 7 Huoltaja alla olevhiin katekuurhiin lapsia/oppilhaita häätyy hakea blanketila: Huoltaja lapsele, jolta puuttuu henkilönumerot Huoltaja lapsele, jolla on suojattu henkilönumerot Huoltaja, jolla on yli-ikänen lapsi joka pittää hakea esikoululuokhaan Huoltaja, jolla ei ole henkilönumeroa eli jolla on suojattu henkilönumerot Huoltaja joka on väestörejistreerattu muussa osotheessa kun lapsi/oppilas häätyy kans hakea blanketila jos se toivoo muita kouluja. Sijotus koulhuun Suhteelinen läheisyys Pääsääntö on ette lapsi/oppilas pittää sijottaa siihen kouhluun missä huoltaja haluaa ette lapsi/oppilas käypi. Joka koulu yrittää totheuttaa sinun ensikäenvalintaa. Tämä ei kuitenkhaan saa tuottaa sitä seurausta ette yhen muun lapsen perustetut vaatimukset sijotuksheen kouluyksikhöön koin lähelä syrjithään. Stokholmin kaupunki ottaa sen takia huomihoon läheisyysprinsiiphiin missä lähethään jostaki mitä kuttuthaan Suhteelinen läheisyys. Se merkittee ette jos huoltaja lapsile A ja B on hakenut samoja kouluja ja vain yhele lapsele saattaa tarjota paikkaa sillon mitathaan lapsitten matkaa (lapsen väestörejistreerinki osotheesta) haethuun kouhluun ja altternatiivi kouhluun. Vaihtoehtoinen koulu on se koulu joka on lähhiin lapsen väestörejistreerinki osotetta. Jos lapsen huoltaja on hakenu lähimäisen koulun niin sillon se altternatiivi koulu on toiseks lähhiin koulu lapsen osotetta ja joka tarjoa haetun vuosikauen. Matka altternatiivi kouhluun vähenethään siittä matkasta mikä on haethuun kouhluun. Se lapsi joka saapi korkeiman arvon siinä vertauksessa saapi paikan. Koulumatkala meinathaan matkaa koin ja koulun välilä kävely- eli pyöräteilä ei linnun matkaa, kolektiivitrafiikin eli biilitien matkaa. Väestörejistreerinki osotheeks räknäthään se osote missä sinun on lapsi on väestörejistreerattu viimisthään 15 febryaaria. Stokholmin kaupunki määrittelee oppilhaan läheisyyttä esikoululuokhaan ja vuosiluku 1-3 olevan 2 km kävelymatkaa koulhuun, vuosiluku 4-6 on 3 km kävelymatkaa ja vuosiluku 7-9 on 4 km kävelymatkaa. Kouluvelvolisuutta valvova koulu pittää huolehtia ette oppilhaat aluessa suorittavat koulunkäynin ja tarjothaan sijotuksen koulhuun Stokholmin kaupunkin pääsysääntöjen ja läheisyyen määritelmän
Sida 4 av 7 mukhaan. Se ei tartte merkitteä ette sinun lapsi on taattu paikka sielä, vain ette se koulu on vastuussa ette lapsele tarjothaan sijotus läheisyysperiaatheen mukhaan. Pääsyvaatimukset esikoululuokhaan Jos kysyntä ylittää olevitten paikoitten määrän haetussa koulussa, sovelethaan seuraavat valinanperustat mainitussa järjestelyssä: 1. Oppilas petakookisen eli sosiaalisen muoton erikoisesta tarpheesta jolla on tarve saa sijotuksen vishiin kouluyksikhöön. 2. Lapsi joka assuu 2 km kävelymatkala ja jolla on siskoja jokka kulkevat esikoululuokassa eli vuosiluvussa 1-3 aijankohtasessa koulussa sinä lukuvuotena kun lapsi pittää alkaa. Lapset häätyvät asua samassa väestörejistreerinki osotheessa. 3. Lapsi jolla on oikeus paikhaan esikoululuokhaan 4. Lapsi joka täyttää 5 vuotta aijankohtasena lukuvuotena ja joka toivoo alkaa esikoululuokhaan 5. Lapsi joka assuu muussa kunnassa Pääsyvaatimukset peruskoulun luokat 1-9 Jos kysyntä ylittää olevitten paikoitten määrän haetussa koulussa, sovelethaan seuraavat valinanperustat mainitussa järjestelyssä: 1. Oppilas petakookisen eli sosiaalisen muoton erikoisesta tarpheesta jolla on tarve saa sijotuksen vishiin kouluyksikhöön. 2. Oppilhaat joila on oikeus paikhaan lukuvuotena 1-9 3. Oppilhaat jokka asuvat muussa kunnassa Eriliset peruskoulut Valinanperustat eli pääsysäänöt on välistä erinlaiset erilisissä kouluissa. Tavalisimat on jonoaika ja siskoitten etuoikeus. Kontaktaa sen erilisen koulun mistä olet kiinostunu ette saa tietoja mikkä valinanperustat jokka jällaavat siinä. Sie tarttet tietää jos hakemus tehhään Stokholmin kunnan kautta eli suorhaan siihen erilisheen kouhluun. Siksi se on tärkeä ette otat yhteyttä sen erilisen koulun kans riippumatta jos olet ollu heän jonossa pitkhään eli et ollenkhaan. Sie olet itte vastuussa varmistamassa ette sie ilmotat kouluista sinun hakemuksessa jokka on liitettynä. Mikkä net on löyät sivulta.
Sida 5 av 7 Oppilhaat joila on tarve saa erikoista tukea Sinun lapsela on oikeus tukheen koulussa. Tuen pittää mookata oppilhaan tarpheitten mukhaan ja eelytykshiin. Ja pittää ensi käessä antaa siinä ryhmässä eli luokassa mihinkä lapsi kuuluu. Kaikki koulut on velvotettu anthaan tämän tuen. Peruserityiskoulu Kaikki huoltajat pitävät hakea koulua riippumatta missä koulumudossa lapsi aikoo käyä. Lapset jokka kehityshäiriön takia et saata saavuttaa peruskoulun opetusvaatimuksia on maholisuus lukea peruserityiskoulun opetussuunitelman mukhaan. Jälkhiin erikoisen päätöksen tästä. Peruserityiskoulu on vuosiluvulta 1. Sie luet enemän koulumuodosta sivula stockholm.se. Missä sie kans saatat löytää ja vertaila peruserityiskouluja. Sie saatat kans nähhä jos koulu on erilinen eli kunnalinen koulu ja missä se on sijotettu. Pääsyilmotus ja vahvistettu paikka 15 marsista lähtien sie saatat lokata sisäle e-palvelhuun ja nähhä mihinkä kouhluun sulle on tarjottu paikka. Jos olet hakenu blanketin kautta sie saat pääsytion lähätettynä sinun lapsen väestörejistreeerinki osotheesheen. Nämät tiot lähätethään koulutushallinosta 15 marsia. Sie saatat kans e-palveluksessa allekirjottaa sinun lapsen sijotuksen. Huomaa ette jos tet oletta kaks huoltajaa ette molemat häätyvät allekirjottaa eli signeerata ilmotuksen. Se on tärkeä ette sie vahvistat paikan ette se varathaan sinun lapsele. Sen sie tehet joko signeeraamalla ilmotuksen suorhaan e- palveluksessa jälkhiin 15 marsia. Eli kirjottamalla alle pääsyilmotuksen ja lähättämälla sen takashiin kouhluun, joka pittää saa sen viimisthään 1 aprillia. Se pittää olla allekirjotettuna huoltajalta. Jos on kaks huoltajaa, pääsyilmotus häätyy olla allekirjotettuna eli signeerattu e- palveluksessa molemilta. Jos olet reisussa sie saatat antaa fullmahin jollekki allekirjothaan pääsyilmotusta. Jos sanotta ei paikhaan eli jos vastausta ei tule aijoissa, paikka saatta mennä tarjole muule oppilhaale. Sinun lasta mennee sijottaa monheen erilisheen kouhluun jokka ei ole liitetty Hakea koulua Stokholmissa ja samala sie saatat sanoa joo paikhaan yhteen kouhluun joka on liitetty. Hyväksytty paikka ei ole sitova. Mutta joskus sie häyt päättää paikasta, koska sinun lapsi ei saata olla kirjotettuna monheen kouhluun samala aikaa.
Sida 6 av 7 Jos kaut sinun toivomusta koulusta kun sinun lapsi on saanu sijotuksen sie kontaktaat sen koulun mihinkä sie haluat muuttaa. Rehtori sielä päättää jos on maholisuuksia ottaa vasthaan sinun lapsen. Vasta kun se uusi koulu on ilmottanu ette net saattavat ottaa vasthaan lapsen sie ilmotat siihen kouhluun missä lapsi on ette aiothaan lopettaa sielä. Päätös koulusijotuksesta on päätetty Koululain 10 kap. 30 1 kappalheen eli 9 kap. 15 1 kappalheen mukhaan. Pääsääntö on ette oppilhaale pittää tarjota paikka siihen kouhluun mihinkä huoltaja toivoo. Sijotuksen toivomuksesta ei saa panna laithaan muun lapsen perustheelisia vaatimuksia sijotuksesta koin lähelä kouluosasthoon. Jos kysyntä on korkeampi kun haetussa koulussa käytettävissä olevat paikat, sillon sovelethaan Stockholmin kaupunkin päätetyt valinan perustelut (katto ). Oppilhaat jokka asuvat muussa kunnassa ja on hyväksytty kunnalisheen peruskouhluun kotikunnan ulkopuolela tulevat olheen hyväksyttynä yks vuosi (1) kerrala. (Koululaki 10 kap. 28) Jos et saa paikkaa haethuin koulhuin Jos et ole saanu yhtään paikkaa niistä kouluista mihinkä hait, ja sinun lapsi pittää alkaa esikoululuokhaan, tai altternatiivina puuttuu korkeampi vuosiluku olevassa koulussa, sinua tulthaan kontaktaamhaan ja tarjothaan sijotuksen kouhluun koin lähelä. Stokholmin kaupunkissa läheisyys oppilhaale esikoululuokassa ja vuosiluku 1-3 määritelthään olevan 2 km kävelymatkaa. Vuosiluku 4-5 on 3 km kävelymatkaa, ja vuosiluku 7-9 on 4 km kävelymatkaa. Koulualku Koulut ilmottavat koska syyskausi alkaa. Jos haluat valittaa jos et saanu haetun koulun Valitus: Päätös koululain 9 kap. 15 eli 10 kap. 30 mukhaan saapi valittaa Hallinto-oikeutheen lailiskokheilhuun kunnalislain 10 kap. 8 mukhaan. Mikä koskee sijotusta erilisheen koulhuun sie käänyt suorhaan siihen koulhuun.
Sida 7 av 7 Vapa-aijankoti ja muita koulun erikoisia valintoja Sinun lapsi saattaa olla vapa-aijankoissa eli vapa-aijanklybissä ennen ja jälkhiin koulupäivää. Sie et hae vapa-aijanpaikkaa kun haet koulua. Koulu mihinkä sinun lapsi on valittu tullee ilmothaan kuinka sie saat paikan koulun vapa-aijankoissa. Vapa-aijankoti on vapaehtonen mutta maksolinen. Vississä alueissa on kans vapaita vapa-aijankotia, jokka ei ole liitetty koulhuun, johon huoltaja saattaa hakea suorhaan. Sinun lapsela on oikeus vapa-aijankothiin 6 ja 9 vuen iässä. Sen aijan kun sie vanheempana olet töissä eli opiskelet. Sama koskee jos sie vanheempana olet työtön, sen aijan kun sie aktiivisesti haet töitä. Lapsila on kans oikeus vapa-aijankotipaikhaan vanheempainloman aikana kun on saattu vasta syntynheen siskon. Vuosiluvusta 4 sinun lapsi saattaa olla mukana vapa-aijanklybissä. Se on avonainen vapa-aijan toiminta lapsile 10 ja 12 vuen välissä. Lapsila joila on muu kotikieli kun ruotti saavat maholisuuen kehittää sekä ruottin kielen ja äidinkielensä. Jos sinun lapsela on tarve saa kotikielenopetusta, opetusta kansalisilla vähemistökielilä ja B-kieltä ynnä muuta, sie ilmotat sen koulhuun kun sinun lapsi on hyväksytty. Se koskee kans Oppilhaan valintaa ja muita valintoja jokka on erikoiset just sille koulule. Onko sulla kysymyksiä koulun hakemisesta? Jos informasjuuni ei anna sulle vastauksia sinun kysymykshiin koulun hausta sie olet tervetulonen soithaan Stokholmin kaupunkin Kontaktsenterhiin telefoonisa 08-508 11 550. Sama jällaa jos sie et ole saanu tietoja valinasta viimisthään 15 marsia.