Kysymyksiä ja vastauksia Vapa-aikakoti Enköpingin kunta
Sisältö Kaikile lapsile ja nuorisolle Enköpingin kunnassa annethaan maholisuus kehittää heän kaikhiin parriimpaa itteä ommaa tulevaisuutta vasten. Sivu Hakemus paikasta 4 Sisäletulotieto ja seema 5 Näin paljon paikka maksaa 6 Sanoa ylös paikka 7 Valokuva: Jessica Lindegren 2 3
Hakemus paikasta Sisäletulotieto ja seema Ko sie piät hakea paikkaa sie käytät e-palvelua Esikoulu, pedagookinen huolto ja vapa-aikakoti. E-palvelun sie löyvät osotheesta: enkoping.se. Ennen ko sie saatat käyttää e-palvelua täyvelisesti sie tarttet e-legitimasuunin, mutta sie et piä sitä käyttää ko sie haet paikkaa. Sie haet paikkaa ja räknäät ulos makson ilman e-legitimasuunia. E-legitimasuunia tarttee ko meinaa sanoa joo elikkä ei paikhaan, rekistreerata seeman ja ette sanoa ylös paikan. Jos sulla oon suojatut henkilötiot elikkä jos sulla ei ole ruottalaista henkilönumeroa sie et piä käyttää e-palvelua. Ota sen siihaan yhtheyttä koulukontturin kansa. Kontaktitiot oon prosyrin takapuolela. Ko lapsi mennee yli esikoulusta elikkä muusta pedagookisesta toiminasta esikoululuokhaan lapsi siirethään vapa-aikakothiin sillä ehola ette hakemus paikasta vapa-aikakothiin oon jätetty sisäle. Sie maksat paikasta vapa-aikakoissa elokuusta lähtien. Lapsi joka assuu vuorottellen hänen huoltajitten kansa oon paikka vain yhessä vapa-aikakoissa. Vuorottelu-asuminen tarkottaa ette lapsela oon kesätävä ja säänölinen asuminen moleman huoltajan tykönä, ei vain pyhänyliasuminen. Makso paikasta vapa-aikakoissa räknäthään ulos huushollin aktyellitten sisäletuloitten mukhaan. Ette maksosta tullee oikea se oon tärkeä ette sie rekistreeraat sinun sisäletulotiot e-palvelussa. Sie piät kansa jättää tiot vaimon, miehen elikkä sampun sisäletulot. Lapsen seeman pittää rekistreerata e-palvelussa. Jos sie halvaat muuttaa seemaa sieä häyt ilmottaa sen viimisthään kaks viikkoa ennen ko muutos alkaa jällaahmaan. Lapsela oon oikeus vapa-aikakothiin sille aijale ko huoltaja oon töissä elikkä opiskellee, reisuaika siiheen pääle. Ette rekistreerata sisäletulotiot ja seeman e-palvelhuun sulla häätyy olla e-legitimasuuni. Sie haet e-legitimasuunia Teliasta elikkä sinun pankosta. Kontrolli sisäletuloista Kerran vuessa huushollin deklareeratut sisäletulot Verotoimistossa verrathaan sisäletulotioitten kansa jokka sie olet rekistreeranu e-palvelhuun. Jos sie olet maksanu liian paljon paikasta niin sie saat takashiin. Jos sie olet maksanu liika vähän niin sie saat ekstra faktyyran. Lapsela joka assuu Enköpingin kunnassa oon oikeus paikhaan vapa-aikakoissa jos huoltaja oon töissä, oon siukkakirjoila elikkä lukkee. 4 5
Näin paljon paikka maksaa Sanoa ylös paikka Sie saatat räknätä ulos kunka paljon sinun paikka tullee maksamhaan e-palvelussa. Enköpingin kunta tarjoa systeemin jossako oon niin sanottu makstaksa. Se merkittee ette oon katto kunka korkea makso saapii olla lasta kohin. Korkein makso paikasta oon 840 kruunua. Met käytämä yhtheistaksaa. Se merkittee ette makso oon sama riippumatta kunka pitkhään lapsi oon vapa-aikakoissa. Ei ole ilhmaista kuukautta Meilä ei ole ilhmaista kuukautta. Sie maksat saman makson kakstoista kuukautta vuessa. Se jällaa vaikka sinun lapsi oon kipeäki. Sie häyt sanoa ylös paikan vähhiinthään 60 päivää ennen sitä taatumia ko lapsi pittää heittää. Paikan sie sanot ylös e-palvelussa Esikoulu, pedagookinen huolto ja vapa-aikakoti. Makso paikasta otethaan 60 päivää siittä lähtien ko sie sanot ylös paikan. Ko lapsi mennee yli esikoulusta vapa-aikakothiin esikoulupaikka lopetethaan automaattisesti 31 heinäkuuta. Paikka vapa-aikakoissa alkaa jällaahmaan 1 elokuuta. Jos sie sanot ylös paikan, mutta halvaat saaja takashiin sen meljän kuun sisäle, sie saat maksaa kuukausista siinä välissä. 6 7
Ota meän kansa yhtheyttä Koulukontturi/ Skolkontoret Kungsgatan 42 745 80 Enköping fragaforskolafritids@ enkoping.se www.enkoping.se