Meeraateqarfik Kanaartaq-mi pisimasut, ukiumullu pilersaarutit. 2017 1
Indholdsfortegnelse Meeraateqarfik Kanaartaq ilisaritinnera... 3 Meeqqanik aggiussisarneq aallertarnerlu... 3 Meeqqat nerisarfii... 4 Attavissat... 4 Pilersaarutit 2017-mut.... 5-8 Meeraateqarfik Knaartaq pilersaarutit pisussallu 2017... 9-10 Sulisut inissisimaffii aammalu ingerlatsineq 2016..10-11 2
Meeraateqarfik Kanaartaq ilisaritinnera: Ammasarfiit: 7.00-17.00 Meeraateqarfik Kanaartaq meeqqanut 64-nut inissaateqarpoq, imatut ukiullit meeraatigisarpagut Imatut init agguataagaapput.: Meeraaqqat 0-1½ ukiullit Kigutaarnat meeqqat 12. Inip aappaani 1½-3 ukiullit Kuannit 12. Meeqqerivittaani 40-nut inissaateqarpugut. Kimmernat 20-t, 3-4½ ukiullit. Kakillarnat 20-t, 4½ atulernissaat tikillugit ukiullit. Meeraateqarfik Kanaartaq innarluutilinnut naleqqussagaavoq meeqqamut angajoqqaamullu, meeraq innarluutilik meeqqatut marluttut naleqartinneqartarpoq. Imatut meeqqerivik sulisoqarpoq: Inini perorsaasoq ataaseq, Isumaginninnermi ikiorti ataaseq, ilinniarsimanngitsorlu ataaseq. Pisortaq ataaseq perorsaasutut ilinniarsimasuuvoq, eqqiaasoq ataaseq. Meeqqanik aggiussisarneq aallertarnerlu: Meeraateqarfik Kanaartaq meeraq aggiunneqartarpoq kingusinnerpaamik nal:9.00. aamma kingusinnerusukkut takkutissaguni kingusinaarneq nalunaarutigineqassaaq kingusinaarutigineqartartut makkuninnga peqquteqassaaq; nakorsianiarami, kingutileriffiliarniarami iml. Isaruaarniarfiliarniarami. Aterfiorneq niuffiornerlu. Nalunaarfissaq sianerluni: 866614. Meeraateqarfik meeqqanut ineriartortitsiviummat sapinngisamik kingusinaarnerit pisariaqanngitsut pinngitsooqquneqarput meeqqap sammisaqarnernut ineriartuutaasunut peqataaniassammat. Meeqqat kingusinnerpaamik nal: 17.00 aatereersimassapput, angajoqqaat namminneq aallersinnaanngikkunik immersugassami meeqqap isernerani immersuivik (Pædagogisk kort) aallareertussaavaat ilisimatitsissutigalugu kiap meeraq aasinnaaneraa. Aallertartoq 12-nik sinnerlugit ukioqalereersimassaaq, ullormi allamik aallertoqariasaassagaanni angajoqqaap sulisunut minnerunngitsumillu meeqqamut ilisimatissavaa kiap aassaneraa. Meeraateqarfimmut imigassamik aanngajaarniutinillu atuisimasut meeqqanik aallersinnaanngilaq. 3
Meeqqat nerisarfii: Meeraq nerereersimalluni meeraateqarfimmut takkunnissaa, ullaakkut nerisat pingaaruteqarmata sukkoqarpallaanngitsunik ullaakkorsiorsimanissaa pingaaruteqarpoq. Meeqqap tinguartissinnaassussaa ilikkajassusaa sunnerneqartarmata, ullullu sinneranut perliliaannginnerunissaalu pingaaruteqarmata. Ullup qeqqanut meeraaqqat nal: 10:45- tullii inimi 11.00-13.00 tungaanut. Ualikkorsiorneq nal: 13:45 tullii inimi 14.00. Meeqqerivimmiittut: 11.30-13.00. ualikkut nal: 14.15-15.15 Attavissat: Nalunnguarfimmut 1, telefon: +299 866614. e-mail: meeqqerivik.kanaartaq@greennet.gl 4
Pilersaarutit 2017-mut: Kigutaarnat 0-1½ ukiullit. Sammisaqartitsinermi anguniakkanilu pilersaarutit; Issialerlaat: Issiaqatigalugit eqqaani uninngaqatigalugit sungiusarlugit. Paarngornissaanut sungiusarlugit ilitsersorlugillu. Pisunnialerlaat: Assai illuttut tasiorlugit aammalu illuinnarmik. Uppinnaveersaarnissamik oqimaaqatigiittumik timi aalatinnissaanut atortillugit. Silami pisuttuarneq. Pussugissuseq: nerinermi nammineq nerisalernissaminnut imerfimmillu sungiusartassapput. Qalipaaneq, titartaaneq, Ipad. Assaaat atorlugit qalipaaneq. Oqaasertaartulerneq: Oqaatsit naatsut ersarissut atorlugit uteqattaaraluni taasaqattaarinikkut sungiusarneqassapput. Ass. Timimi suut pisatarivagut taakkartorlugit. Pisuttuarnermi takusat oqaatiginissaat. Eqqaamannissinnaanerat sungiusarlugu. Kinaana/kinaavunga. Assit atorluarnissaat. Erinarsorneq. Avatinik atuisinnaaneq: eqaarsaarneq. Ulikarneq, pissinneq, trillebørerneq, qallorneq, issakatsiaarneq. Qitinneq. 5
Kuannit. 1½-3 ukiullit: Sammisaqartitsinermi anguniakkanilu pilersaarutit; Uppinnaveersaarneq. (Balancegissarneq) Iloqqasunngorneq: kinaassuseq; aterminnik taaguineq angajoqqaallu atii, ukiut. Kisitsineq. Qalipaatinik taaguneq. Erinarsorneq. Qaammat. Ukiorlu. Timimik avatinillu atuisinnaaneq: piviusuusaartitsineq, oqaatsinik pinnguarneq. Pisuttuarneq -sammisaqarneq: imeq,kissartoq nillertoq, takusanik oqaasertalersuineq. Timip pisatai, timi atorlu erinarsorneq, qitik eqaarsaarneq. Nipisiuineq. Ipad. Eqqiluisaarneq. Errortorneq, quereernermi errortorneq. Nangeqassaarneq. Kalaallit kulturiat sammisani akuunerutillugu. Atisalersorneq/atisaajarneq. Inuttut ineriartorneq: Oqaatsit, takusat, misigisat oqaasertalernissai. Oqarsinnaaneq. Ajugaaneq/ajorsarneq. Timip ilisimalernera. Nammineersinnaanerulerneq. 6
Kimmernat 3-4½ ukiullit: Dec. 2016: juullerpaluttut juullimullu piareersaassapput assassornikkut. Januar 17: Oqallorissarneq. Nipit. Sigguit atorlugit. Oqallorissarneq. Oqaatsit assigiigajaat atorlugit oqallorissaaneq. Uinngiarsorneq. Februar 17: timimik avatinillu atuisinnaaneq: sisooraariarneq, maasararneq. Marts 17: ipeq. Imerfik ipeqanngitsoq ipilillu aallarniutigalugit, ippattarneq qanorlu ipeq peertarnersoq. April 17: Påskimut tunngasunik sammisaqartitsineq. Maj 17: Peeqinnartunik sammisaqarneq. Juni 17: Skonik qilersineq, qilerutit. Juli 17: nunami naasut. Nerineqartartut naasullu nerisassaanngitsut sammineqassapput. August 17: Atuakkat. Atuakkat imai suunersut; saqqaa, siulequt tunua atuakkiortut. September 17: Kalaallit uumasui. Uumasut assigiinngitsut. Imarmiut, timmissat nunamiullu assigiinngissusaat. Oktober 17: Oqorsaatit atisat. Qangaanerusoq atisat. Kamiit qarliit, annoraat, aaqqatit. November 17: nalunaaqutaq. December 17: erinarsuutit juullisiutit. Kakillarnat 4-atulernissaat tikillugu ukiullit: Bamse Kammak: bamse kammak meeqqanut suliassaqartitsisarpoq tukkunerani. Rabu&tras aallaavigalugu anguniagassiisarluni. Nipisiuineq; naqinnerit nipisiorlugit. 7
Misigissutsit; ualikkut iloqqasunngoqqittarneq, ullaap tungaani iloqqasunngorneq sivikinnerutillugu. Ualikkut, takusat misigisat meeqqap nammineq oqaasinnguinissaa oqaluttuarnissaa periarfissillugu. Naqinnerit; naqinnerit angisuut mikisullu sammisassavaat. Makittakkatut aamma atorlugit. Eqqaamannissinnaanerat sungiusarlugu aammlu immikkoortitsisinnaanerat misilittarlugu. Takunnissinnaaneq tassani pigaartillugu. Iloqqasunngorneq; atualertussat immikkut iloqqasunngortittarnissai ukiukkaarinermi. Kinaassuseq sungiusarlugu atermik, ukiunik, angajoqqaat atii, najugaq. Akuersaartumik perorsaariaaseq: Meeraq akueralugu, peqatiginissaa. Iloqqasunngornermi oqaasertaliinianngippat akueralugu, eqqaaseqqillugu kingusinnerusukkut oqaaseqarsinnaalluni eqqaasaqarsinnaalluni. Suliai akueralugit nersualaarlugulu. Pussugissuseq: meeraq nammineq ilusiliilluni, ilaagassat titartarlugit qiortarlugillu. Qalipaalluni. Allanneq. Tingoriaannaajuaannarput pappiaqqat qiuutit, qalipaatit aqerluusallu. Tassani aamma akuersaarneqareerput. Kisitsisit 0-10-mut anguaat. Pinngualiorneq; makittakkat, naqinnerit kisitsisillu. Angunngisat anguniarneqartussat 2017 julip tungaanut: Kisitsisit 0-20 tungaanut. Amerlassutsit makittarnerisigut qaammaassaqarfiginerulernissaat. Pinngualiorneq: tamakkiinerusumik pinngualiassat anguneqanngillat. Naqinnerit angisuut, mikisullu makittakkat ilisarinninnerusinnaaneq. Atualertussat Ullaakkut takkutiaarnissaat, tassa arfine-pingasunngunnginnarani meeqqerivimmut aggiunneqartarnissaat. Pussugissuseq; Nammineerlutik titartaallutik, qiortaallutik qalipaallutillu. Pussukumiarnartunillu suliaqarlutik. Sapagaaqqanik nuisineq. 8
Meeraateqarfik Kanaartaq-mi pilersaarutit/pisussallu atuisunut ukioq 2017-mi: Angajoqqaat. Agathe Thorleifsen Magdaline Abelsen Panerak Olsen Ivalo Olsen Martha Fontain sinniisaattut inissipput pilluaqquagut. Angajoqqaat pulaarsinnaanerat eqqaanerpoq meeqqat nammineq nassuiaallutik Kanaartami sulerisarnerminnik. Kaffillerneq temadag-lluni angajoqqaanut. 2017 Pilersaarutit: Nivanneq 13. Maj 2017, Grillereqatigiinneq. Alanngorsuaq 22. April angajoqqaaniik aqutsisut Agathe Thorleifsen Ivalo Olsen apersuissapput 27.Maj Maj peqqissuusa Magdaline Abelsen Niviaq Holm aaqqissuutissavaat. Meeqqat ulluat. 1.juni. meeqqeriviup aaqqissuutissavaa. 2017 imaqalerluareerpoq imatut allanngortoqarpallaanngilaq perorsaanilerineq qaammammut marloriarlutik atuisut Januarimi siullermiissaaq; qulequtarerusutaq; Meeraq qitiutillugu qanoq paasissavarput/paasiviuk? tullissaa kissaatigineqarpoq August atuartullu ataatsimiinnissaat eqqumaffigineqassasoq misissorneqarporlu ulloqaralini atuarfimmi ataatsimiinnissaat. Sulisut meeqqanut ineriartuutitut kulturi sakkutut atorlugu ukioq 2017 aallarnerfigalugu inerisaanissaq siunnertarissavaa. Tassani kinaassuseq namminniussuserlu aallaavigalugit meeraq ineriartortinnissaa Meeraateqarfik Kanaartaq siunniuppaa. Tamanna pillugu angajoqqaanut saqqummeereernermi isummersuereernermilu aallarnisassallutigu aalajagerneqarpoq atuisut ataatsimiinnerani, qujanartumik aamma paasineqarluni isumaqatigineqarpoq. Ukioq manna periuseq allanngortinneqarpoq Kanaartaq-mi ileqquusimasoq piffimmi sivisulaartumi, tassalu orpik ukioq manna dec. qaammat pinnersarneqassaaq meeqqanit angajoqqaanillu aamma angajoqqaat sulisullu isumasioqatigeerlutik tamanna allanngortinneqarpoq. Una anguniarneqarluni meeqqat orpik kaavilerunikku namminneq sanaaminnik pinnersarsimallunikku nuannaralugu kaavinneqarniassammat. Ukioq manna orpiliarneqassaaq qiortaanertalimmik ulloq 8. Dec. nal: 17:30-19:30 angajoqqaat namminneq kissartunik nassassapput Meeraateqarfik kaffe te-llu isumagissavaat. Kulturikkut illorsuatta Taseralik-mmi atualertussat Santa Luciassapput, ulloq 11. Dec nal: 13:00-15:00. Kingorna meeqqat Kanaartaq-mi Santa Luciassapput ulloq 13. Dec. Kanaartaq-mi. Meeqqanut tamanut sammisaqartitsivissat: sap. ak. 3-7-11-16-20-24-33-37-42-46-50. Meeqqat pinngussanik nassartarput pingasunngornikkut. Atuisut ataatsimoorfiat: 9
25. jan. 2017 atuisunut qulequtaq sammineqassaaq kinaassuseq aammalu piorsarsimassutsikkut inerisarneqarnerup qanoq meeqqamut pingaaruteqarlunilu sunniuteqartarnera. 22 aug. 2017 atuisunut nutaanut aammalu perorsaariaaseq akuersaartoq sunaana atuisunut. 21. nov. 2017 ukiumut pilersaarusiorneq atuisut sulisullu. Ullaakkorsioqatigiiffissat: Meeqqat qatanngutaasut angajoqqaat aammalu sulisut ullaakkorsioqatigiittassapput ulluni ukunani: 27. jan, 31. marts, 26. maj, 28. juli, 29. sept, 24. nov. Upernaamut maj 13 eqqiaaneqassaaq meeraateqarfik Kanaartaq-mi. Ulluni temadag kaffe- te-llu sassaalliutigineqartassapput. Tassani pineqarput aallertartut aamma qaninnerulerusullutigit aallernerminni inimut iserlutik isersimaalaarlutik periarfissaqarnissaat. Sulisut inissisimaffii aammalu ingerlatsineq 2016: Ukioq manna ukioq aallartittoq perorsaasoq ataaseq kisiat amigaatigineqarpoq, ukiulli affaa souchef sygmeldteqattaariarluni barselsorloverpoq august qaammat aallarnerfigalugu. 1. Septemberimi Isumannginnernermik inini ikiortit tamakkerlugit pigilerpagut. Aammali pisortaasimasoq aamma soraarniuteqarpoq septemberillu aallaqqaataani illoqarfimmut allamut nuulluni soraarluni. Taava taamaasilluni Kanaartaq marlunnik perorsaasutut ilinniarsimasunik sulisoqalerpoq. Unamminartoqarsimavoq arlaannaalluunniit peqanngikkagat ulapiffiullunilu tamaviaarnartoqartarpoq. 5-7 april 2016 sulisut marluk pikkorissarput: Inuk ressourcemi konflikhåndtering pillugu. Aamma iluaqutaavoq suliffimmi. 25-28 September sulisoq ataaseq peqataanikuuvoq Ipad workshoppimut. Perorsaasoq ataaseq Aqutsisutut ilinniarpoq decemberimilu naammassissallugu. Isumannginninnermi ikiorti 1. sept aallartittoq 26 sept. sulinngiffeqalerpoq suli naluarput qaqugu takkuteqqissanersoq. Inerisaavimmiik novemberi qaammat coathing ingerlanneqarnikuuvoq Meeqqerivitsialak pillugu. Vikarinik atuigaatsiarfiusimapput qaammatit ilai aammali qaammatit ilaanni pissarsiassaaleqinarsimalluni. Kiisami ukioq manna SIK sinniisaa ataatsimik sinniisoqateqalernikuuvoq. Qatserisartoq takuniaagami annikitsualuit aaqqeqqusai aamma iluarsivagut qujanartumik. Ukioq manna aningaasarpassuarnik kinguneqartumik Kanaartaq aserorteriffigineqarlunilu tillinniarfigineqartarsimavoq, ajuusaarnarpoq naammattuukkagut taamaannera. 10
Ukioq naalerparput nutaamik pisortaqarluni Kanaartaq, aammalu sulisunut assigiinngitsutigut sunniuteqarsimasumik. Kisiannili akuersaarlutik aammalu ineriartortitseqataarusullutik akisussaaffiitik ilinniarpaat qujanartumik. Tassami suliffeqarfik ingerlalluassappat kikkut tamat akisussaaffimmik tingusinngippata iluatsittoqarnavianngimmat. Neriullunga aamma aappaagu suleqatigiilluarumaartugut. Jacobine Jeremiassen, Pisortaq. 11