12. juni 2018 UKA 2018/xx Siunnersuummut nassuiaatit Nassuiaatit nalinginnaasut 1. Aallaqqaasiut Kalaallit Nunaanni Kommunit Kattuffiat, KANUKOKA, 2018-ip ingerlanerani atorunnaarsinneqassaaq. KANUKOKA-p kommunit soqutigisai isumagisarisimavai aammalu Inatsisartut inatsisaanni arlalinni oqartussani sullissivinnilu ilaasortanik, Kalaallit Nunaanni suliassaqarfinni tamaginni piginnaatitaaffinnik, kommuninut ataasiakkaanut imaluunniit innuttaasunut pingaaruteqarsinnaasunik, atuisinnaasunik toqqaanissamut imaluunniit inassuteqarnissamut pisinnaatitaaffeqartinneqarluni. KANUKOKA-p atorunnaarsinneqareernerata kingorna aamma oqartussani taakkunani kommunit sunniuteqarsinnaanerisa qulakkeerneqarnissaa pingaaruteqartutut isigineqarpoq, taamaattumillu siunnersuutigineqarpoq toqqaasarnermut maleruagassat allanngortinneqassasut, taamaalilluni oqartussani taamaattuni ilaasortanik toqqaanissamut imaluunniit inassuteqarnissamut piginnaatitaaffiit kommunit ataatsimoorlutik ingerlatissallugit. Taamaaliornikkut aamma siunissami kommunit akornanni suleqatigiinnerup suliaqarnermi pisarnissaanut Inatsiartut inatsisaat qulakkeereqataassaaq, qulequttani taakkunani kommuninut tamaginnut suli pingaaruteqaannartussani, misilittakkat ilisimasallu najukkani katersorneqartut, iluaqutigineqarnissaat periarfissaqartinneqassalluni. Upalungaarsimanermut suliassaqarfimmi pineqarpoq Kalaallit Nunaanni upalungaarsimanermut ataatsimiititaliaq Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat pillugit Inatsisartut inatsisaanni 3 malillugu pilersinneqartoq. Upalungaarsimanermut ataatsimiititaliaq taamaalilluni katitigaavoq, ataatsimiititaliap Naalakkersuisunut siunnersuisarnerani ilisimasat misilittakkallu Naalakkersuisut, kommunit, Kalaallit Nunaanni Politimesterip, Nunatsinni nakorsaanerup, Arktisk Kommando-p aamma Rigsombudsmandip akornanni suleqatigiinnermi pissarsiarineqartut, tunngavigineqartarlutik. 2. Siunnersuummi immikkoortut pingaarnerit Siunnersuutigineqarpoq upalungaarsimanermut ataatsimiititaliap katitigaaneranut kommunit sunniuteqarnerat attatiinnarneqassasoq ingerlateqqinneqassasorlu, taamaalilluni toqqaasinnaatitaaneq Naalakkersuisunut imaluunniit kommuninut ataasiakkaanut nuutinneqassanani, kisianni aalajangiinerni ataatsimiititaliami aalajangiiffigineqartussani kommunit soqutigisaasa isumagineqarnissaat siunertaralugu, inuit kikkut kommunit inassutiginissaat kissaatigineraa pillugu kommunit isumaqatigiissutigisassagaat tunngavissaritinneqarluni. Tamanna isumaqanngilaq inassuteqarnermi kommunit akornanni isumaqatigiinnissaq piumasaqaatigineqartoq. Kommunit ataatsimoorlutik aalajangiinerat amerlanerussuteqartut akuersinerisigut pisassaaq. Peqatigisaanik siunnersuutigineqarpoq ilaasortanut tamaginnut sinniisussaq ataaseq toqqarneqartassasoq, taamaalilluni ilaasortaq ataaseq arlallilluunniit ilaasortaajunnaarpata, suliaqarneq uninngaannassanani.
Tamatuma saniatigut Kalaallit Nunaanni annaassiniarnissamut upalungaarsimaneq il.il. pillugit Inatsisartut inatsisaata allanngortinneqarnissaanut inatsimmi ataasiakkaatigut aaqqissuussinermi allanngortitsisoqarpoq, tassami oqaaseq Grønlands Kommando-p taarserneqarluni imatut Arktisk Kommando-p, aammalu taaguut Statens Luftfartsvæsen allanngortinneqarluni imatut Trafikstyrelsi, pissutigalugu danskit naalakkersuisuisa Statens Luftfartsvæsen aqutsisoqarfinnut allanut kattutsissimammagu. Inatsisissatut siunnersuut inatsimmut atuuttumut sanilliullugu 1 4. Upalungaarsimanermut Ataatsimiititaliaq 7-inik ilaasortaqarpoq aammalu marluk aalajangiisinnaanatik peqataasartussatut toqqarneqassapput. Ilaasortat marluk Naalakkersuisunit toqqarneqassapput, kiisalu KANUKOKA, Nakorsaq Peqqinnissakkut Nakkutilliisoq, Kalaallit Nunaanni Politimesteri, Grønlands Kommando aamma Kalaallit Nunaanni Rigsombudsmandi tamarmik immikkut ilaasortassamik ataatsimik toqqaassapput. Avatangiisinut peqqissutsimullu naalakkersuinikkut akisussaasut tamarmik immikkut ataatsimik aalajangiisinnaanani peqataatinneqartussamik toqqaassapput. Imm. 2. Upalungaarsimanissamut Naalakkersuisup upalungaarsimanissamut ataatsimiititaliap siulittaasua toqqassavaa. KANUKOKA-p ataatsimiititaliami siulittaasup tullia toqqassavaa. Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat pillugit Inatsisartut inatsisaanni nr. 14, 26. maj 2010-meersumi, Inatsisartut inatsisaanni nr. 14, 3. december 2012-imeersumi allanngortinneqartumi, makkua allanngortinneqarput: 1. 4, imm. 1 aamma 2 imatut oqaasertalerneqarput: Upalungaarsimanermut Ataatsimiititaliaq 7-inik ilaasortaqarpoq aammalu marluk aalajangiisinnaanatik peqataasassapput. Ilaasortat marluk Naalakkersuisunit toqqarneqassapput. Ilaasortaq ataaseq kommunit ataatsimoorlutik toqqassavaat. Nunatsinni nakorsaaneq, Kalaallit Nunaanni Politimesteri, Arktisk Kommando aamma Kalaallit Nunaanni Rigsombudsmandi tamarmik immikkut ilaasortaq ataaseq toqqassavaat. Ilaasortanut tamaginnut taamaaqataanik sinniisussaq ataaseq toqqarneqassaaq. Avatangiisinut peqqissutsimullu naalakkersuinikkut akisussaasut tamarmik immikkut aalajangiisinnaanani peqataasartussamik ataatsimik toqqaassapput. Imm. 2. Naalakkersuisut upalungaarsimanermut ataatsimiititaliami siulittaasoq toqqassavaat. Ilaasortaq kommunit ataatsimoorlutik toqqagaat, ataatsimiititaliami siulittaasup tulliatut Side 2/6
8. Annaassiniarnissamut upalungaarsimasuni sulisut Namminersorlutik Oqartussat aamma KANUKOKA-p akornanni isumaqatiginninniartoqareerneratigut maleruagassat aalajangersarneqartut tunngavigalugit akissarsiaqartinneqassapput akissaasersorneqassallutillu. 10, imm. 3. Imm. 3. Annaassiniarnissamut upalungaarsimasut ajutoortoqarnera, ajunaarnersuarmik pisoqarnera imaluunniit sorsuttoqarnera pissutigalugu pisariaqalerpat Naalakkersuisut, kommunip allap, Statens Lufthavnsvæsen-ip (RCC), Grønlands Kommando-p (MRCC) imaluunniit politiit tamatuminnga kissaateqarnerat tunngavigalugu pisariaqartunut ikiuutissapput. toqqarneqassaaq. 2. 8 imatut oqaasertalerneqarpoq: 8. Annaassiniarnissamut upalungaarsimasuni sulisut Namminersorlutik Oqartussat aamma kommunit akornanni isumaqatiginninniartoqareerneratigut maleruagassat aalajangersarneqartut tunngavigalugit akissarsiaqartinneqassapput akissaasersorneqassallutillu. 3. 10, imm. 3-imi allanngortinneqarpoq Statens Luftfartsvæsen-ip (RCC) imatut: Trafikstyrelsip (RCC), aamma Grønlands Kommando-p (MRCC) imatut: Arktisk Kommando-p (JRCC) 2 Inatsisartut inatsisaat ulloq 1. januar 2019 atuutilerpoq. Imm. 2. Upalungaarsimanermut ataatsimiititaliami siulittaasup tullia KANUKOKA-mit toqqarneqartoq, kommunit ataatsimoorlutik siulittaasup tullianik nutaamik toqqaanissaasa tungaanut, atuuffimmi tassani ingerlaannassaaq. 3. Pisortanut aningaasaqarnikkut allaffissornikkullu sunniutaasussat. Siunnersuut pisortanut aningaasaqarnikkut imaluunniit allaffissornikkut sunniuteqassanngilaq, kisianni Kalaalit Nunaanni Kommunit Kattuffiat atorunnaarsinneqaraluartoq, kommunit sunniuteqarnerisa attatiinnarneqarnissaa qulakkeerniassallugu ingerlatiinnassallugulu. 4. Inuussutissarsiortunut aningaasaqarnikkut allaffissornikkullu sunniutaasussat Siunnersuut inuussutissarsiortut atugaanni allanngortitsinermik malitseqassanngilaq, taamaattumillu inuussutissarsiortunut aningaasaqarnikkut allaffissornikkullu sunniuteqassanani. Side 3/6
5. Avatangiisinut, pinngortitamut aamma inuit peqqissusaannut sunniutaasussat Siunnersuummi avatangiisit, pinngortitap aamma inuit peqqissusaasa mianerineqarnissaanik maannamut isumaginninnerup, kiisalu ikuallattoornissamut allatigullu ajunaarnersuaqarnissamut isumannaallisaanerup ingerlatiinnarnissaat qulakkeerneqassaaq. 6. Innuttaasunut sunniutaasussat Siunnersuummi suliassaqarfiit Kalaallit Nunaanni annaassiniarnissamut upalungaarsimaneq il.il. pillugit Inatsisartut inatsisaanni pineqartut iluanni najukkami misilittakkat ilisimasallu atorneqarnissaannut periarfissat ingerlatiinnarneqassapput. 7. Sunniutaasussat annertuut allat Siunnersuut allanik annertuunik sunniuteqassanngilaq. 8. Oqartussanut kattuffinnullu il.il. tusarniaaneq Siunnersuut piffissami xx.xxx.2018 - xx.xxx.2018 Namminersorlutik Oqartussat tusarniaanernut nittartagaanni pissarsiarineqarsinnaavoq kiisalu tusarniaaffigineqartunut ukununnga nassiunneqarluni: (Kingusinnerusukkut immersorneqassaaq) Siunnersuummi aalajangersakkanut ataasiakkaanut nassuiaatit. 1-imut Nr. 1-imut Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat pillugit Inatsisartut inatsisaanni 3-imi aalajangerneqarpoq, Naalakkersuisut upalungaarsimanermut ataatsimiititaliamik Naalakkersuisunut Kalaallit Nunaanni upalungaarsimaneq pillugu apeqqutini siunnersuisussamik, pilersitsisoqassasoq. Upalungaarsimanermut ataatsimiititaliap Kalaallit Nunaannut upalungaarsimanermut pilersaarummik suliaqarnissaq suliassaraa, aammalu annertunerusunik ajutoortoqartillugu ajunaarnersuaqartillugulu imaluunniit pisariaqartitsineq malillugu aggersarneqartarluni. Upalungaarsimanermut ataatsimiititaliaq Naalakkersuisunut aamma naalagaaffimmi oqartussanut paasissutissanut tunngavissanik tamakkiisunik Side 4/6
pissarsititsisussaavoq aammalu upalungaarsimanermut pilersaarut naapertorlugu oqartussat akuusut ingerlataannik ataatsimoortitsisussaalluni. Suliassat pingaaruteqartut taakkua tunngavigalugit 4-imi aalajangerneqarpoq upalungaarsimanermut ataatsimiititaliaq 7-inik ilaasortaqassasoq, ilaatigut Naalakkersuisunit aamma KANUKOKA-mi kiisalu Nunatsinni nakorsaanermit, ilaatigut naalagaaffimmi oqartussanit, Kalaallit Nunaanni Politimesterimit, Arktisk Kommando-mit aamma Kalaallit Nunaanni Rigsombudsmandimit toqqarneqartunik. Tamatuma saniatigut Inatsisartut inatsisaanni 4-i mi aalajangerneqarpoq, avatangiisinut peqqissutsimullu naalakkersuisoqarfinni suliassaqarfiit tamarmik immikkut aalajangiisinnaanani peqataasartussamik toqqaassasut. Upalungaarsimanermut ataatsimiititaliami kommunit sunniuteqarnerisa attatiinnarnissaa pingaaruteqartoq naliliisoqarpoq, tassami upalungaarsimanermut ataatsimiititaliap kommunit suleqatigisussaammagit, aammalu kommunini ataasiakkaani atugassarititaasut ilisimanissaat, Naalakkersuisut, kommunit aamma naalagaaffimmi oqartussat akornanni suleqatigiinnikkut suliniuteqarnerit ataatsimoortinnissaannut pisariaqartumut, tunngaviusussaammat. Taamaattumik siunnersuutigineqarpoq ilaasortaq, KANUKOKA-mit toqqarneqartartoq, siunissami Kalaallit Nunaanni kommunit ataatsimoorlutik toqqassagaat. Aammattaaq siunnersuutigineqarpoq, ilaasortap taassuma upalungaarsimanermut ataatsimiititaliami siulittaasup tulliatut toqqarneqartarnera, attatiinnarneqassasoq. Siunnersuutigineqarpoq upalungaarsimanermut ataatsimiititaliami ilaasortanut tamaginnut sinniisussaq ataaseq toqqarneqassasoq. Taamaaliornikkut ilaasortaq ataaseq arlallilluunniit ilaasortaajunnaaraluartut, ataatsimiititaliami sulinerup uninngannginnissaa qulakkeerneqassaaq. 4, imm. 1-ip aamma 2-ip oqaasertalerneqarnerannut atuuttumut tunngatillugu, Grønlands Kommandomut taaguutip Arktisk Kommando-nngorlugu allanngortinneqarluni allanngortitsisoqarpoq, aammalu 4, imm. 2-imi upalungaarsimanermut ataatsimiititaliap siulittaasuanik toqqaanissamut piginnaatitaaneq Naalakkersuisunut inissinneqarluni. Tamatuma kingorna upalungaarsimanermut ataatsimiititaliami siulittaasumik toqqaasarneq Naalakkersuisuni ilaasortamut aalajangersimasumut suliakkiunneqassanersoq Naalakkersuisut imaluunniit Naalakkersuisut siulittaasuata aalajangissavaa. Nr. 2-imut Inatsisartut inatsisaanni atuuttumi 8-imi aalajangerneqarpoq, upalungaarsimasuni inuttat akissarsiaqartinneqarnerat akissaasersorneqarnerallu maleruagassat Namminersorlutik Oqartussat aamma KANUKOKA-p akornanni isumaqatiginninniarnikkut aalajangersarneqartut malillugit aalajangersarneqassasut. Tamanna Namminersorlutik Oqartussat aamma kommunit akornanni isumaqatiginninniartoqartassasoq allanngortinneqassasoq siunnersuutigineqarpoq. Tassani taamaalilluni aaqqissuussinermi allanngortitsisoqarnissaa kisimi pineqarpoq. Side 5/6
Nr. 3-imut Inatsisartut inatsisaanni 10, imm. 3-imi danskit oqartussaasuini taaguutit Statens Luftfartsvæsen aamma Grønlands Kommando allassimapput. Taaguutit taakkua Danmarkimi allanngortinneqarsimammata, siunnersuutigineqarpoq periarfissaq manna atorlugu aamma taaguutit tassaniittut allanngortinneqassasut, taamaalilluni Statens Luftfartsvæsen maannakkut taagorneqalissalluni Trafikstyrelsen, aammalu Grønlands Kommandop taaguutaa allanngortinneqarluni imatut Arktisk Kommando. 2-imut Siunnersuutigineqarpoq Inatsisartut inatsisaat ulloq 1. januar 2019 atuutilissasoq. Piffissaq atuutilerfissaa, qaqugu KANUKOKA atorunnaarsinneqassanersoq, aalajangiisuunngilaq. Tamanna 2, imm. 2-imi erseqqissarneqarpoq, tassani siunnersuutigineqarluni upalungaarsimanermut ataatsimiititaliami siulittaasup tulliatut KANUKOKA-mit toqqagaasoq, ilaasortap Inatsisartut inatsisaanni maleruagassat nalinginnaasut malillugit atorunnaarnissaa tikillugu, atuuffimmi tassani ingerlaannassasoq. Upalungaarsimanermut ataatsimiititaliami siulittaasup tullianut tunngatillugu, taamaalilluni siulittaasup tullia KANUKOKA-p atorunnaarsinneqarnera apeqqutaatinnagu, kommunit ataatsimoorlutik siulittaasup tullianik toqqaanissaasa tungaanut, siulittaasup tulliatut ingerlaannassaaq. Taamaaliornikkut maannakkut ilaasortaasoq toqqaqqinneqarsinnaavoq. Side 6/6