KOMMUNIMUT PILERSAARUMMUT TAPILIUSSAQ 2C4-1 Kulturikkut Niuernikkut Qitiusoqarfik (CCC), Nuuk. Februaari 2018

Transkriptio

1 KOMMUNIMUT PILERSAARUMMUT TAPILIUSSAQ 2C4-1 Kulturikkut Niuernikkut Qitiusoqarfik (CCC), Nuuk Februaari 2018

2 Kommunimut pilersaarummut tapiliussaq sunaava? Kommunimut pilersaarummut tapiliussaq tassaavoq ingerlaavartumik suliarineqartartoq, taamaattumik Pilersaarusiornermut inatsit naapertorlugu (Pilersaarusiorneq aamma nunaminertat atorneqartarnerat pillugit Inatsisartut inatsisaat nr. 17, 17. november 2010-imeersoq) naapertorlugu kommunalbestyrelse pisussaavoq, kommunimut pilersaarut pillugu pisariaqartutigut malinnaatitsissalluni. Taamatut malinnaatitsisarneq isumagineqartuartarpoq kommunimut pilersaarummut allannguutissanik imaluunniit ilanngussassanik pisariaqartunik tapiliussassaqartillugu. Kommunalbestyrelse kommunimut pilersaarummut tapiliussamik nunaminertamik atuinissamut sanaartukkanullu tunngasunik aalajangersagartalimmik taamaalilluni sukkulluunniit suliaqarsinnaatitaavoq. Tamatuma saniatigut Kommunalbestyrelse sukumiisumik aalajangersagartalimmik kommunimut pilersaarummut tapiliortussaatitaavoq: Nuna tamakkerlugu pilersaarusiornerup kommunillu pilersaarusiornerata piviusunngortinnissaanut qulakkeerinissaq pisariaqaraangat. Sanaartugassanik imaluunniit sulianut annerusunut pingaaruteqartunulluunniit nunaminertamik atugassiinnginnermi. Sanaartukkanik anginerusunik pingaaruteqarnerusunilluunniit ingutserilinnginnermi. Kommunimut pilersaarummut tapiliussaq marlunnik immikkoortortaqarpoq, nassuiaat aamma maleruaqqusanut tunngasut. Nassuiaammi kommunimut pilersaarummut tapiliussap siunertaa anguniagaalu, pissutsit immikkoortup iluani eqqaanilu pioreersut nassuiarneqarput. Malittarisassartaani pilersaarutip piviusunngortinnissaanut atatillugu, aalajangersakkat malinneqarnissaat allassimavoq. Aalajangersakkat pingaarnertut inissillugit allanneqarput aammalu aalajangersakkat sukumiisunngorlugit allanneqarlutik. Aalajangersakkat tamarmik inatsisinut pituttugaapput, taamaattorli pissutsini immikkut ittuni, aalajangersakkanit sukumiisunit immikkut akuersissummik tunniussisoqarsinnaavoq. Tamatuma saniatigut nunap assingi ilanngussat attuumassuteqartut, aalajangersagartaaniipput. Tamanut nalunaarut Kommunimut pilersaarummut tapiliussaq 2C4-1 inaarutaasumik atuutilersutut tamanut nalunaarutigineqarpoq ulloq Kommuneqarfik Sermersooq Sanarfinermut Avatangiisinullu Ingerlatsivik Postboks Nuuk Pilersaarut sumi atuarneqarsinnaava? Pilersaarut Nunatta Atuagaateqarfiani imaluunniit kommunip nittartagaani atuarneqarsinnaavoq, kommunip innuttaasunut sullissivianut imaluunniit Sanarfinermut Avatangiisinullu Ingerlatsivimmut Kuussuaq 2, 3900 Nuuk saaffiginnillutit pissarsiarisinnaavat, oqarasuaat

3 2C4-1 Cultural Commercial Complex (CCC) IMARISAI IMARISAI 1 NASSUIAAT PILERSAARUSIORFIK SIUNERTAA TUNNGAVIILU PISSUTSIT ATUUTTUT PILERSAARUMMI PINGAARNERIT PILERSAARUMMUT TAPILIUSSAP INATSISITIGUT ATUUFFII 7 2 AALAJANGERSAKKAT PINGAARNERTUT AALAJANGERSAKKAT AALAJANGERSAKKAT SUKUMIISUT 11 3 AKUERSINERMUT UPPERNARSAAT 22 4 ASSI ILANNGUSSAQ 23 KOMMUNEQARFIK SERMERSOOQ 3

4 2C4-1 Cultural Commercial Complex (CCC) NASSUIAAT 1 NASSUIAAT Una tapiliussaq immini kommunimut pilersaarummut tapiliussat 37-saat uunga "Nuummut pingaarnertut aaqqissuussaq nutaaq"-mut pilersaarummut ilanngunneqarpoq. Kommunip pilersaarutaanut tapiliussani 37-ni nunaminertat tamarmik pilersaarummut Nuuk City Developmentimut (NCD) ilaapput, aamma nunaminertat tunniunneqartut kommunip illoqarfimmik ineriartortitsinermut suliniutaanut toqqaannartumik tunniunneqarlutik. Nunaminertat Kommuneqarfik Sermersuumit imaluunniit Kommuneqarfik Sermersuup toqqaannartumik toqqaannanngitsumilluuniit 100 procentimik pigineqartunut ineriartortitsinermut peqatigiiffiusunik atorneqarsinnaavoq siunertanut pisortatigoortumik atugassatut siunertanulluunniit namminersortunit atugassatut. 1.1 PILERSAARUSIORFIK Immikkoortoq illoqarfiup ilaani Nuussuarmi inissisimavoq, naluttarfiup Maliup kommunillu eqqagassaleriffiata qanittuani. Immikkoortoq Borgmester Annitap Aqquserna killigalugu napineqarpoq. Tamatuma saniatigut immikkoortoq ikuallaasarfimmut eqqakkanillu tigooraavimmut killeqarpoq, aammalu kimmut Borgmester Annitap Aqqusernata tungaanut avannamullu kimmut aqqusinertaassap tungaanut. Kujammut umiatsianut talittarfimmut pulammagiaqarpoq, kangianilu ullumikkut ujaqqeriviugallartoq inissisimavoq, mittarfiup tallineratigut mittarfimmut ilanngunneqartussaq. Pioreersunut killigititat immikkoortullu ilaa nutaaq titarnernik aappaluttunik ilisarnaateqarput. KOMMUNEQARFIK SERMERSOOQ 4

5 2C4-1 Cultural Commercial Complex (CCC) NASSUIAAT Kommunimut pilersaarummut tapiliussaq, Kommuneqarfik Sermersuumut Kommunimut pilersaarummut 2028-mut ilaavoq taanna pingaarnertut inuussutissarsiornermut siunertaqartunut atugassatut naatsorsuunneqarpoq, qulaani assi takuuk. Kommunimut pilersaarummut tapiliassaq atorlugu immikkoortup ilaanik nutaamik inissiisoqassaaq, immikkoortullu atuuffia qitiuffinngortinneqassalluni kultureqarnikkut tamanut atuuffiusussaq. 1.2 SIUNERTAA TUNNGAVIILU Kommunimut pilersaarummut tapiliussaq aqqutigalugu kulturikkut niuernikkullu qitiusoqarfinnik pilersitsisoqarnissaa periarfissinneqassaaq, soorlu assersuutigalugu nutaamik timersortarfissualiornikkut, ataatsimeersuartarfiliornikkut, akunnittarfiliornikkut, katersugaasiviliornikkut saqqummersitsiviliornikkullu, kiisalu inuussutissarsiuteqarfimmi pioreersumi 3B1-imi nutaamik inuussutissarsiuteqarfiliornikkut. Immikkoortup ilaa taamaalilluni immikkuualuttunut pingasunut avinneqassaaq: Immikkuualuttoq 1 aamma 2: Nuummi nutaamik timersortarfissualiornissaq periarfississavaa, aammalu kulturikkut qitiusoqarfiliornissaq soorlu katersugaasiviliornissaq, saqqummesitsiviliornissaq, takornarianut qitiusoqarfiliornissaq niuernermullu tunnganerusunik suliffeqarfiliornissaq, soorlu akunnittarfinnik, ataatsimeersuartarfinnik assigisaannillu sanaartornissaq. Immikkuualuttoq 3: Inuussutissarsiuteqarfimmik nutaamik pilersitsinissaq periarfississavaa, ilaatigut qatserisartoqarfik aamma tamaaniissalluni - ullumikkut Nuup qiterpasissuani inissisimasoq. Kommunimut pilersaarummut tapiliussami tunngaviit tassaapput: Immikkoortut ilaata inuussutissarsiornermut siunertaqartunut atorneqarnissaa aalajangiunneqassasoq Suliffeqarfinnik kulturilerinermut tunngasunik pilersitsisoqassasoq, qitiusoqarfinnik aammalu allaffeqarfinnut sullissiveqarfissanullu, kiisalu qatserisartoqarfiliornissamut. Immikkoortoq, pioreersut avatangiisillu eqqarsaatigalugit aalajangiiffigineqassasoq Innuttaasut tikeraallu pitsaasunik atorluarsinnaasunillu ornitassaqartinneqarnissaat qulakkiissallugu Sumiiffimmut appakaaffissaqarnissaa qulakkiissalluguborgmester Annitap Aqqusernanit, Pukuffimmit aammalu Sarfaarsunnit, nunap assinga 2C4 innersuussutigalugu. KOMMUNEQARFIK SERMERSOOQ 5

6 2C4-1 Cultural Commercial Complex (CCC) NASSUIAAT 1.3 PISSUTSIT ATUUTTUT Immikkuualuttoq tamanna katillugu 14,6 ha missaannik annertussuseqarpoq, immikkuualuttunilu pingasuusuni isikkuata qaava assigiinngisitaartuulluni: Immikkuualuttoq 1 katillugu 3,6 ha missaannik annertussuseqarpoq, qatsissuseq 25imiit qatsissuseq 0-mut sissaq tamaat sinerlugu sivingalluni. Immikkuualuttoq 2 katillugu 4,8 ha missaannik annertussuseqarpoq, pingaartumik kangiani sivingasuujulluni, annikitsumik qattunersaqarnera pissutigalugu. Sumiiffiup kangiani sivinganeq qatsissuseq 29-imiit kitaani qatsissuseq 18-ip miss. tungaanut annertutigaaq. Sumiiffiup kitaani, qatsissutsimit 18-imiit qatsissuseq 13 miss. tikillugu qattuneqarpoq, sissallu tungaanut qatsissuseq 0 appariartuaarluni. Immikkuualuttoq 3 katillugu 6,2 ha miss. annertussuseqarpoq, tamannalu Borgmester Annitap Aqqusernata avannaatungaaniippoq. Sumiiffiup kitaa inuussutissarsiuteqarfiup Pukuffiup sinneranut appakaaffiusup eqqaa, maninnerumaarpoq qatsissuseq 5-imiit qatsissuseq 8 miss. Sumiiffiup kangia - Qinngutta tungaanoortoq - qatsissuseq 39 tikillugu sivingasuuvoq kimmut qatsissuseq 10 miss. tungaanut. Tamanna Borgmester Annitap Aqqusernani angallaffiusarpoq, Nuussuaq aamma Qinngorput akornata tungaanut. Tamatuma saniatigut immikkuualuttut 1 aamma 2 ilisarnaatigaat naluttarfik Malimmut qanittumi inissisimanertik, taavalu umiarsuit containerinik usisut talittarfiannut umiatsianullu talittarfimmut isikkiveqarlutik umiarsuarnut containerinik usisunut talittarfimmut Nuussuup Qinnguttalu akornannut kangerlummut isikkiveqarlutik. Immikkuualuttoq 3 aamma inuussutissasiuteqarfimmut Pukuffimmut avannamut killeqarpoq, kiisalu kommunip ikuallaasarfianut avannamut kitaanullu eqqagassanik tigooraasarfianut. 1.4 PILERSAARUMMI PINGAARNERIT Kommunimut pilersaarummut tapiliussami immikkuualuttut qitiusoqarfittut atorneqarnissaat aalajangersaaffigineqassaaq soorlu stadionimut nunatta saqqummersitsiviatut silamiiffissat ilanngullugit, biilinut uninngasarfiit assigisaallu. Kulturimut tunngasunik nipiliorfiunngitsunik suliffeqarfeqarnissaata saniatigut (takoqqusaarutilerisut, qarasaasialerisut, eqqartuussissuserisut, illussanik titartaasartut, ingeniørit, illunik tuniniaasartut, kukkunersiuisut allallu), klinikkit (kigutilerisut, isikkanik katsorsaasartut, tarnip pissusiinik ilisimasallit assigisaallu), kiffartuussiviit, pisortat allaffeqarfii, qatserisartoqarfik assigisaallu. Immikkuualuttoq 1-imi aamma 2-mi stadioniliornissamut aamma/imaluunniit kulturimik suliaqarfinnik allanik takornarialerinermullu tunngasunik KOMMUNEQARFIK SERMERSOOQ 6

7 2C4-1 Cultural Commercial Complex (CCC) NASSUIAAT pilersitsisoqarsinnaalissaaq, sanaartugassat tamakkerlugit m²-sut angitigisut tikillugit. Nuummi timersortarfissualiassatut suliassamut siunnersuusiortoqareerpoq aalasuliamillu takussutissaliortoqareerpoq, suliarinnittuullutik titartaasarfik BIG. Immikkuualuttup iluani immap immerneqarnissaanut periarfissaqassaaq, taamaasillutik sanaartorfigineqartussatut aalajangersakkat tamakkerlutik atorluarneqarniassammata. Immikkuualuttoq 3-mi, Borgmester Annitap Aqqusernata avannaatungaani inuussutissarsiuteqarfiit assiginngitsut pisortat namminersortullu sullissiveqarfii aammalu qatserisartoqarfik nutaaq pilersinneqarsinnaapput, tamakkerlutik m² tikillugit annertussuseqartumi. Pukuffimmi atuuffiit pioreersut suliffeqarfinnik nutaanik aaqqissuussisoqarfiunissaannik piumasaqaateqarfiuvoq. 1.5 PILERSAARUMMUT TAPILIUSSAP INATSISITIGUT ATUUFFII Inaarutaasumik inatsisitigut sunniutit Kommunimut pilersaarutip piviusunngortinneqarnissaanut Kommunalbestyrelse suliniuteqassaaq, tassunga ilanngullugu nunaminertanik atugassiinerni. (Pilersaarnermut inatsimmi 29) Kommunimut pilersaarummut tapiliussap matuma inaarutaasumik akuerineqarnera tamanut nalunaarutigineqareerpat kommunimut pilersaarummut tapiliussamut inatsisitigut piviusumilluunniit akerliusumik pissutsinik pilersitsisoqassanngilaq. (Pilersaarusiornermut inatsimmi 30) Pisulli ilaanni aalajangersakkanit sukumiisunit nikingasoornernut annikinnerusunut immikkut ittumik akuersissuteqartoqarsinnaasarpoq. Nikingasoornerit pingaarnerit aamma aalajangersakkanit pingaarnernit KOMMUNEQARFIK SERMERSOOQ 7

8 2C4-1 Cultural Commercial Complex (CCC) NASSUIAAT nikingasoornerit pissutigalugit nutaamik kommunimut pilersaarummut tapiliussaliortoqassaaq. (Pilersaarusiornermut inatsimmi 50) Nunaminertanik, illunik atortunillu manna tikillugu unioqqutitsinani atuinerit ingerlaannarsinnaapput, akerlianilli illunik atuinerit allanngortinneqarnerat nutaanilluunniit illuliornerit kommunimut pilersaarummut tapiliussamut akerliussanngillat. Kommunimut pilersaarummut tapiliussap malitsigisaanik imaanngilaq nunaminertat, illut atortulersuutillu pilersaarummi ilaatinneqartut, pilersinneqassasut. KOMMUNEQARFIK SERMERSOOQ 8

9 2 AALAJANGERSAKKAT Matumuuna Pilersaarusiortarneq nunaminertanillu atuineq pillugit Inatsisartut inatsisaat nr. 17, 17. novembari 2010-meersoq" (Pilersaarusiorneq pillugu inatsit) kingusinnerusukkut allannguutitalik naapertorlugu aalajangersakkat tullinnguuttut makku Kommunalbestyrelsimit aalajangersarneqarput. Aalajangersakkat aalajangersakkanut pingaarnernut aalajangersakkanullu sukumiisunut avitaapput. Aalajangersakkat tamarmik inatsisinut pituttugaapput, taamaattorli pissutsini immikkut ittuni, aalajangersakkanit sukumiisunit immikkut akuersissummik tunniussisoqarsinnaavoq. Aalajangersakkat pingaarnerit pilersaarummi tunngaviusumik tunngaviupput taamaattumillu aalajangersakkanit taakkunannga immikkut ittumik akuersissuteqartoqarsinnaanngilaq. 2.1 PINGAARNERTUT AALAJANGERSAKKAT MAANNA PINGAARNERTUT AALAJANGERSAKKAT PINGAARNERTUT AALAJANGERSAKKAT NUTAAT Immikkoortup ilaata killeqarfilersorneqarnera 1. Siunertaq Teknikkimut atortulersuutit attaveqaatillu Nalinginnaasumik atuineq: C Qitiusumik siunertanut Aalajangersimasumik atuineq: C1 - Qeqqani siunertat KOMMUNEQARFIK SERMERSOOQ 9

10 2. Atorneqarnera Immikkoortup ilaa teknikkimut atortulersuutitut siunertanut, soorlu eqqagassalerinermut, ikuallaavimmut, kommunip materialegårdiutaatut, sanaartornermit eqqakkanik immikkoortiterisarfittut, atoqqitassaasivittut, asfaltiliorfittut aamma naasuerniaqarfittut atorneqarnissaa aalajangersarneqarpoq. Immikkoortup ilaa pisortat kulturimut tunngasunik siunertaannut atorneqartussatut aalajangersarneqarpoq, pisortat namminersortullu suliffeqarfiutaannut, allaffeqarfinnut, qatserisartoqarfimmut il.il., inuussutissarsiuteqarfinnullu. Immikkoortoq immikkuualuttunut pingasunut aggorneqassaaq: Immikkuualuttut 1 aamma 2: Kulturimut siunertanut, tamatumunnga ilanngullugu stadion, saqqummersitsivik katersugaasiviillu, takornarialeriffik assigisaallu. Immikkuualuttoq 3: Inuussutissarsiuteqarfik sullissiveqarfiillu, qatserisartoqarfik ilanngullugu. 3. Sanaartukkat Nutaanik sanaartornermi, immikkoortup nunataata inissisimaneranik eqqarsaatiginnilluni ilusilersuisoqassaaq. Nutaamik sanaartorneq pisinnaaqqullugu immikkoortoq tamakkerlugu ataatsimoortumik pilersaarusiortoqassaaq sunik sanaartortoqarnissaanik, qanoq annertutigisumik inissisimaffissaalu kiisalu immikkoortup allanngoriartorneranut sukumiisumik aalajangersakkat aalajangersarneqaqqaassallutik. Immikkuualuttoq 1-imi illuliat quleriit tallimat tikillugit qulereeqarsinnaapput, portunerpaamik 20 m. Immikkuualuttuni 2-mi 3-mi illuliat sisamanik quleriillit tikillugit sananeqarsinnaapput portunerpaamik 16 m. Immap immerneqarnissaanut atatillugu immikkoortortap aggulunnerani 1-mi 2-milu Iggiaanut pulammagiaq eqqarsaatigineqassaaq. 4. Inissaqassuseq Immikkoortup ilaa 14,6 ha-it missaannik annertussuseqarpoq. Immikkoortoq: m²-nik stadioniliorfissamut inissaqarpoq, kulturilerinermut siunertanut allanut pilersitsiffissaq m², taavalu immikkuualuttoq 3-mi inuussutissarsiorfiliorfissamut m². Immikkuualuttuni pingasuni taakkunani sinneruttussaq illuliarineqartut inaarutaasumik isikkussaannut apeqqutaassaaq. Matuma qulaani sanaartorfissat atorneqareerpata, immikkoortoq tamakkerluni sanaartorfigineqareersutut sinneruttunillu inissaqartitsiffiunngitsutut isigineqalissaaq. 5. Eriagisariaqartut KOMMUNEQARFIK SERMERSOOQ 10

11 6. Nunaminertat piumasaqaatitaqarfiusut Mittarfiup eqqaani immikkut ittumik aalajangersagaqarpoq, mittarfiup tallissutaatut atuuttunik, nallarilluni manissup iluani aamma nunap immamit qatsinnerussusianut aalajangiussat iluanni mikkiartornermi qangattalernermilu akornutaasoqaqqunagu. Immikkoortoq mittarfimmut aporfeqanngitsup ataaniippoq narlorissullu inissisimanerata ilaanut ilaalluni, tassanilu illut nunamiit illuliat nuuata tungaanut 127,5 qaangerlugu sanaartoqqusaanatik aqquserngillu sanaartorneqarnerini 121,5 qaangeqqusaanagu. Narlorissumik aammalu suluunnartut ilusilimmik mittarfiup tallilerneqarnerani mikkiartornermi qangattalernermilu qaavisa aporfeqanngitsoqarnerisigut mittarfiup eqqaani killeqarfiit aalajangersagartaqartinneqassapput. Immikkoortoq mittarfimmut aporfeqanngitsup ataaniippoq narlorissullu inissisimanerata ilaanut ilaalluni, tassanilu illut nunamiit illuliat nuuata tungaanut 127,5 qaangerlugu sanaartoqqusaanatik aqquserngillu sanaartorneqarnerini 121,5 qaangeqqusaanagu. 7. Aqqusinertigut angallanneq teknikkikkullu pilersuinerit Sumiiffik Borgmester Annitap Aqqusernanik aqqusineqartinneqarpoq. Sumiiffik Borgmester Annitap Aqqusernanik aqqusineqartinneqarpoq. 8. Illoqarfimmik nutarterineq Umiarsuit containerinik usisut talittarfiata umiarsuillu atlantikoq ikaarlugu talittarfiata allineqarnissaanut atatillugu (2B2-3), Qeqertanut tungaanut ikaartarfiliortoqassaaq Borgmester Annitap Aqqusernatalu tungaanut aqqusinniortoqassalluni. Pilersitsinikkut aqquserngup immikkuualuttoq 1 killeqarfigissavaa. 9. Immikkoortukkuutaat 2.2 AALAJANGERSAKKAT SUKUMIISUT Immikkoortoq immikkuualuttunut pingasunut agguarneqassaaq, assitut ilanngussami takutinneqartutut. Immikkuualuttunut pingasunut nutaanut aalajangersakkanik sukumiisunik aalajangersaasoqassaaq. Aalajangersakkat sukumiisut assigiinngiiaartunut tunngapput, ilaatigut sanaartornermut nunaminertanullu sanaartorfiunngitsunut tunngassuteqarluni. Immikkut pisoqartillugu, aalajangersakkanit sukumiisunit immikkut akuersissuteqartoqarsinnaavoq. Immikkuualuttoq 1 1. Inissialiat inissinneqarnerat Imm. 1: Sanaartukkat inissialiallu nutaat assimi ilanngussami sanaartorfittut takutinneqartutut inissinneqassapput. Tamanna aamma illunut mikinerusunut soorlu sikkiliisivinnut, sakkuusivinnut, KOMMUNEQARFIK SERMERSOOQ 11

12 teknikkimut atortuusivinnut/atortulersuutinut assigisaannullu atuuppoq. Imm. 2: Sanaartukkat nutaat 1-5-nik qulereeqarsinnaapput, portunerpaamik 20 meterit angullugit. Teknikkikkut atortulersuutit soorlu silaannarissarfiit, elevatorit assigisaallu portussutsinik killilersuinernut ilaatinneqanngillat. Stadionip qulineqarnissaa portussutsimik killiliinermi ilaatinneqanngilaq, meterillu 30-it tikillugit portussuseqarsinnaalluni. 2. Inissialiat isikkui Imm 1: Nutaamik sanaartornikkut illuliortaaseq ersersinneqassaaq illoqarfimmi kulturimik niuernermillu qitiusoqarfiunerat, qaqqanut naleqqussarlugit. Imm. 2: Sanaartorfissani ataasiakkaani illuliat illulioriaaseq, atortussat qalipaatillu eqqarsaatigalugit ataatsimoortutut isikkoqartinneqassapput. Imm. 3: Illuliat tassunga ilanngullugit quit assigisaallu atortussat soorlu qisuit, igalaamerngit, eternit, savimerngit, ujaqqat, zink, aluminium, sisak betoniluunniit atorlugit sanaajussapput. Eqqaamiut saneqquasullu eqqarsaatigalugit illut silataasa iigai qinngorneqarlutik inngianartuussanngillat. Imm. 4: Qaliat qaavi minnerpaamik gradinik sisamanik uingatillugit aamma qalissiamik taartumik, zinkimik, kanngussamik, qisunnilluunniit qalliuserlugit qaliat qaavisut qorsuusutut ilusilersorneqassapput (issuatsiaanik ivikkanilluunniit) inngiasutsitsissanngillalli. Tamakkunannga ilanngutinngitsuukkat tassaasinnaapput aneerasaartarfiit assigisaallu atortussiat allat atorlugit uinganeqanngitsunillu sananeqarsinnaasut.aneerasaartarfiit assigisaallu atortussiat allat atorlugit uinganeqanngitsunillu sananeqarsinnaasut. Aniinganerusinnaasut, qaliat igalaarisinnaasaat assigisaallu qaliat qaavini naleqquttumik inissinneqassapput. Imm. 5: Seqerngup qinngornerinik katersuissutit, seqinisaatit assigisaallu illup qaliata iigaataluunniit ilaatut ilanngunneqarsinnaapput aamma eqqaamiunut saneqquasunullu inngiasutsitsissanngillat, imm. 2.3 takuuk. Imm. 6: Aneerasaartarfiit qaliallu aneerasaartarfii seqerngup sammivia illullu titartarneqarnera eqqarsaatigalugit inissinneqassapput. Aneerasaartarfiit 1,5 meterinit takinerusumik atitussuseqassanngillat. Imm. 7: Tummeqqat qalialiartarfiit illup timitaanut ilaatinneqassapput. Imm. 8: Silaannarissarfiit, elevatorit, pujoorfiit assigisaallu illup titartarneqarnerata ilaatut ilanngunneqassapput. Taamaattumik silaannarissarfiit motoorii illumi illulluunniit silataanni takussaasumut inissinneqassanngillat. Imm. 9: Allagartarsuit illup ilusaa titartarneqarneralu naapertorlugit ilusilersorneqassapput. Allannerisa angissusaat 2 m²-it sinneqassappata ikkussinissamut Kommuneqarfik Sermersuumut qinnuteqaateqartoqassaaq. 3. Aqquserngit aqqusineeqqallu Imm. 1: Aqqusernit Innartalimmit aamma Norsamit aqquteqassapput, assi ilanngussaq innersuussutigalugu. Imm. 2: Immikkoortut aqqusineeqqallu qanittumiittut atorneqartarnissaat qularnaarneqassaaq. Aqqusineeqqat sapinngisaq tamaat nunaareersumut naleqqussarneqassapput, taamaattorli tikikkuminarnissaat eqqarsaatigineqassaaq. KOMMUNEQARFIK SERMERSOOQ 12

13 Imm. 3: Immikkoortumi kommunimut pilersaarummi aalajangersakkat nalinginnaasut naapertorlugit biilinut inissiisarfiliortoqassaaq. Taamatuttaaq naqqup iluani biilinut inissiisarfimmik ilaneqarsinnaavoq. Stadionimut: 50 m²-imut biilimut inissaq ataaseq. Ataatsimut biilinut unittarfiliornermut tunngatillugu elbiilinut immiisarfissanik nappaasoqarnissaa periarfissaqassaaq. Taamatuttaaq sikkilinut inissiivimmik qulisamik naammaginartumik angissusilimmik pilersitsisoqassaaq. Imm. 4: Aqqusernit aalajangersimasunik titarnilersugaapput (immikkut ittumik killeqarfiliussat), inissialiorfiusut sanaartorfiillu aqquserngup qeqqaniit 20,0 meterinik qaninnerusumik Borgmester Annitap Aqqusernanut atalersumut aamma umiarsualivimmut aqqutaanut 7,5 meterinit qaninnerusumut taakkua akornannut aqqusiniulersussat inissinneqassanngillat. 4. Nunaminertat sanaartorfigineqanngitsut sunngiffimmilu atortulersuutit Imm 1: Nunaminertat sanaartorfiunngitsut, siunertanut allanut immikkoortinneqanngitsut, taamaallaat ataasimoorfissatut aaqqissuunneqarlutillu atorneqassapput, aammalu saligaatsuutinneqarlutillu torersuutinneqassallutik. Imm 2: Pequtit (issiaviit takisuut, eqqaaviit, allagartat paasissutissiissutit allallu) sanaartorfiunngitsuniittut ima suliarineqassapput, pequtit ataasiakkaat tamarmik sumiiffik tamakkerlugu assigiissallutik. Imm. 3: Immikkoortut aqqusinernut, aqqusineeqqanut, biilinut inissiisarfinnut aamma ataatsimoorullugit uninngaartarfinnut atugassiissutigineqarsimanngitsut sanaartorfigineqassanngillat aammalu uninngaartarfinnut pinngortitatut isikkoqartutut atugassiissutigineqassallutik. 5. Teknikkimut atortulersuutit Imm. 1: Inissialiat nutaat pisortat innaallagissamut imermullu aqqutaataannut aamma kuuffissuaataannut attavilerneqassapput. Imm. 2: Imikoq qasertoq qernertorlu tamarmik kuuffissuakkut kuutsinneqassapput. Nunap qaavata ernga kussiamiillu imeq kuuffissuakkoortinneqassanngillat kisiannili illulianut, aqqusinernut, aqqusineeqqanut nunaminertanullu sanaartorfigineqanngitsunut eqqaamiorisanut akornutaanngitsumik kuutsinneqassapput. Imm. 3: Pilersuinermut aqqutit tamarmik nunap iluatigoortinneqassapput. Ledninginik inuup allap allanngortiterisinnaanera ledninginik piginnittumut aningaasartuutaassanngilaq aamma tamanna ledninginik piginnittoq aatsaat isumasioqqaarlugu taassumalu innersuussutai malillugit pissaaq. Imm. 4: Immikkoortup ilaanut teknikkikkut atortulersuutit soorlu sakkortusaaviit assigisaalu immikkoortup ilaanut pilersuinermut atortut inissinneqarsinnaapput. Teknikkimut atortulersuuit Nukissiorfiit aamma Kommuneqarfik Sermersooq siunersiorlugu aamma atortut takussunarsaatinnagit inissinneqassapput. 6. Nunaminertat sanaartorfigineqanngitsut Imm. 1: Illuliat nutaat sapinngisamik nunaareersumut naleqqussarneqassapput. Teknikkikkut imminut illersorsinnaasumik illuliornissaq eqqarsaatigalugu pisariaqartitsineq taamaallaat naapertorlugu nunamik allannguisoqassaaq. Imm. 2: Assimi ilanngussami 2C4-mi takutinneqartutut sanaartorfinni nunaminertanilu aqqusinernut, biilinut inissiisarfinnut assigisaannullu atorneqartuni pisariaqartinneqartumik nunagissaasoqarsinnaavoq. KOMMUNEQARFIK SERMERSOOQ 13

14 Imm. 3: Immikkoortup ilaani naasut pioreersut sapinngisamik paariinnarneqassapput aammalu ajornanngippat inaalinneqassallutik, taamaalillutik sanaartortoqareerpat ilusaattut ilerseqqinneqarsinnaaniassammata. Imm. 4: Immikkoortup ilaa qaartiternerlukoqarpat qaartiterinermi assartuinermiluunniit siammarsimasinnaasunik salinneqassaaq. Imm. 5: Nunaminertat sanaartorfigineqanngitsut saligaatsuutinneqassapput eqqiluitsuutinneqarlutillu. Silami inaalitsisoqaqqusaanngilaq. 7. Eriagisassaq 8. Pinngortitap illersorneqarnissaanik soqutiginninnerit 9. Nunaleraluni nunamik atuinissamik soqutiginninnerit 10. Ataatsimut atortulersuutit Imm. 1: Immikkoortumi 3.3-mi biilinut inissiisarfiliornissat pillugit aalajangersakkat takukkit. Imm. 2: Immikkoortut 4.1 aamma 4.2. silami uninngaarfiit pillugit aalajangersakkat takukkit. 11. Piginnittut peqatigiiffii 12. Avatangiisinik mingutsitsinermi killissarititaasut Imm. 1: Immikkoortup ilaani eqqaavinnut eqqakkanut atugassanik inissiiffissanik nunaminertanik inniminniisoqassaaq. Imm. 2: Immikkoortup ilaani illut sukisaarsarfiillu nalinginnaasumik atorneqarnerannut ataatsimoortinneqarsinnaasunik namminersorluni inuussutissarsiutit atuuffiillu assigisaat taamaallaat naleqqussarneqarsinnaapput. Imm. 3: Imartami nunamilu taamaallaat uumassusilinnit atortut atortullu mingutsitsisinnaanngitsut nunniornermut atorneqarsinnaapput. Immiissutissaq assersuutigalugu betonimik akoqarpat, oqartussaasunut attuumassuteqartunut akuersissummik piniartoqassaaq. 13. Illut nukissiuutinik atuinikitsut Imm. 1: Illuliat nutaat illutut nukissiuutinik atuinikitsutut sananeqarsinnaapput. 14. Atuinissamut piumasaqaatit Imm. 1: Imatut pisoqaqqaartinnagu illuliat nutaat iserterfigineqassanngillat: immikkoortoq 3 naapertorlugu biilinut inissiisarfiliorneq. immikkoortoq 4 naapertorlugu nunaminertanik ataatsimoorussassanik pilersitsineq. pisortat pilersuutaannut attavilernerit. inaarutaasumik nunagissaanerit naammassineqarnerat. KOMMUNEQARFIK SERMERSOOQ 14

15 Piffissap sanaartorfiusup tamanna ajornartissappagu immikkoortuni taaneqartut Kommuneqarfik Sermersuumik isumaqatigiissuteqartoqareerpat piaarnerpaamik suliarineqassapput. Immikkuualuttoq 2 1. Inissialiat inissinneqarnerat Imm. 1: Sanaartukkat inissialiallu nutaat assimi ilanngussami sanaartorfittut takutinneqartutut inissinneqassapput. Tamanna aamma illunut mikinerusunut soorlu sikkiliisivinnut, sakkuusivinnut, teknikkimut atortuusivinnut/atortulersuutinut assigisaannullu atuuppoq. Imm. 2: Sanaartukkat nutaat 1-4-nik qulereeqarsinnaapput, portunerpaamik 16 meterit angullugit. Teknikkikkut atortulersuutit soorlu silaannarissarfiit, elevatorit assigisaallu portussutsinik killilersuinernut ilaatinneqanngillat. 2. Inissialiat isikkui Imm 1: Nutaamik illuliat sananeqaataasigut ersersinneqassaaq illoqarfimmi kulturimik niuernermillu qitiusoqarfiunerat, qaqqanut naleqqussarlugit. Imm. 2: Sanaartorfissani ataasiakkaani illuliat illulioriaaseq, atortussat qalipaatillu eqqarsaatigalugit ataatsimoortutut isikkoqartinneqassapput. Imm. 3: Illuliat tassunga ilanngullugit quit assigisaallu atortussat soorlu qisuit, igalaamerngit, eternit, savimerngit, ujaqqat, zink, aluminium, sisak betoniluunniit atorlugit sanaajussapput. Eqqaamiut saneqquasullu eqqarsaatigalugit illut silataasa iigai qinngorneqarlutik inngianartuussanngillat. Imm. 4: Qaliat qaavi minnerpaamik gradinik sisamanik uingatillugit aamma qalissiamik taartumik, zinkimik, kanngussamik, qisunnilluunniit qalliuserlugit qaliat qaavisut qorsuusutut ilusilersorneqassapput (issuatsiaanik ivikkanilluunniit) inngiasutsitsissanngillalli. Tamakkunannga ilanngutinngitsuukkat tassaasinnaapput aneerasaartarfiit assigisaallu atortussiat allat atorlugit uinganeqanngitsunillu sananeqarsinnaasut. Aniinganerusinnaasut, qaliat igalaarisinnaasaat assigisaallu qaliat qaavini naleqquttumik inissinneqassapput. Imm. 5: Seqerngup qinngornerinik katersuissutit, seqinisaatit assigisaallu illup qaliata iigaataluunniit ilaatut ilanngunneqarsinnaapput aamma eqqaamiunut saneqquasunullu inngiasutsitsissanngillat, imm. 2.3 takuuk. Imm. 6: Aneerasaartarfiit qaliallu aneerasaartarfii seqerngup sammivia illullu titartarneqarnera eqqarsaatigalugit inissinneqassapput. Aneerasaartarfiit 1,5 meterinit takinerusumik atitussuseqassanngillat. Imm. 7: Tummeqqat qalialiartarfiit illup timitaanut ilaatinneqassapput. Imm. 8: Silaannarissarfiit, elevatorit, pujoorfiit assigisaallu illup titartarneqarnerata ilaatut ilanngunneqassapput. Taamaattumik silaannarissarfiit motoorii illumi illulluunniit silataanni takussaasumut inissinneqassanngillat. Imm. 9: Allagartarsuit illup ilusaa titartarneqarneralu naapertorlugit ilusilersorneqassapput. Allannerisa angissusaat 2 m²-it sinneqassappata ikkussinissamut Kommuneqarfik Sermersuumut qinnuteqaateqartoqassaaq. KOMMUNEQARFIK SERMERSOOQ 15

16 3. Aqquserngit aqqusineeqqallu Imm. 1: Aqqusinikkut ingerlaarfissaq Samuel Kleinschmidt Aqqutaagut pissapput, assi ilanngussaq 2C4 tunngaviusoq takuuk. Imm. 2: Immikkoortut aqqusineeqqallu qanittumiittut atorneqartarnissaat qularnaarneqassaaq. Aqqusineeqqat sapinngisaq tamaat nunaareersumut naleqqussarneqassapput, taamaattorli tikikkuminarnissaat eqqarsaatigineqassaaq. Imm. 3: Immikkoortumi kommunimut pilersaarummi aalajangersakkat nalinginnaasut naapertorlugit biilinut inissiisarfiliortoqassaaq. Taamatuttaaq naqqup iluani biilinut inissiisarfimmik ilaneqarsinnaavoq. Siunertanut kulturimut tunngasunut: biilinut uninngasarfik 1, 100 m²-mut. Ataatsimut biilinut unittarfiliornermut tunngatillugu elbiilinut immiisarfissanik nappaasoqarnissaa periarfissaqassaaq. Taamatuttaaq sikkilinut inissiivimmik qulisamik naammaginartumik angissusilimmik pilersitsisoqassaaq. Imm. 4: Aqqusernit aalajangersimasunik titarnilersugaapput (immikkut ittumik killeqarfiliussat), inissialiorfiusut sanaartorfiillu Borgmester Annitap Aqqusernata qeqqaniit 20,0 meterinik qaninnerusumik immikkoortullu ilaanut aqqusernup qeqqanit 7,5 meterinit qaninnerusumut aqqusinerineqalersunut inissinneqassanngillat. 4. Nunaminertat sanaartorfigineqanngitsut sunngiffimmilu atortulersuutit Imm 1: Nunaminertat sanaartorfiunngitsut, siunertanut allanut immikkoortinneqanngitsut, taamaallaat ataasimoorfissatut aaqqissuunneqarlutillu atorneqassapput, aammalu saligaatsuutinneqarlutillu torersuutinneqassallutik. Imm 2: Pequtit (issiaviit takisuut, eqqaaviit, allagartat paasissutissiissutit allallu) sanaartorfiunngitsuniittut ima suliarineqassapput, pequtit ataasiakkaat tamarmik sumiiffik tamakkerlugu assigiissallutik. Imm. 3: Immikkoortut aqqusinernut, aqqusineeqqanut, biilinut inissiisarfinnut aamma ataatsimoorullugit uninngaartarfinnut atugassiissutigineqarsimanngitsut sanaartorfigineqassanngillat aammalu uninngaartarfinnut pinngortitatut isikkoqartutut atugassiissutigineqassallutik. 5. Teknikkimut atortulersuutit Imm. 1: Inissialiat nutaat pisortat innaallagissamut imermullu aqqutaataannut aamma kuuffissuaataannut attavilerneqassapput. Imm. 2: Imikoq qasertoq qernertorlu tamarmik kuuffissuakkut kuutsinneqassapput. Nunap qaavata ernga kussiamiillu imeq kuuffissuakkoortinneqassanngillat kisiannili illulianut, aqqusinernut, aqqusineeqqanut nunaminertanullu sanaartorfigineqanngitsunut eqqaamiorisanut akornutaanngitsumik kuutsinneqassapput. Imm. 3: Pilersuinermut aqqutit tamarmik nunap iluatigoortinneqassapput. Ledninginik inuup allap allanngortiterisinnaanera ledninginik piginnittumut aningaasartuutaassanngilaq aamma tamanna ledninginik piginnittoq aatsaat isumasioqqaarlugu taassumalu innersuussutai malillugit pissaaq. Imm. 4: Immikkoortup ilaanut teknikkikkut atortulersuutit soorlu sakkortusaaviit assigisaalu immikkoortup ilaanut pilersuinermut atortut inissinneqarsinnaapput. Teknikkimut atortulersuuit Nukissiorfiit aamma Kommuneqarfik Sermersooq siunersiorlugu aamma atortut takussunarsaatinnagit inissinneqassapput. KOMMUNEQARFIK SERMERSOOQ 16

17 6. Nunaminertat sanaartorfigineqanngitsut Imm. 1: Illuliat nutaat sapinngisamik nunaareersumut naleqqussarneqassapput. Teknikkikkut imminut illersorsinnaasumik illuliornissaq eqqarsaatigalugu pisariaqartitsineq taamaallaat naapertorlugu nunamik allannguisoqassaaq. Imm. 2: Assimi ilanngussami 2C4-mi takutinneqartutut sanaartorfinni nunaminertanilu aqqusinernut, biilinut inissiisarfinnut assigisaannullu atorneqartuni pisariaqartinneqartumik nunagissaasoqarsinnaavoq. Imm. 3: Immikkoortup ilaani naasut pioreersut sapinngisamik paariinnarneqassapput aammalu ajornanngippat inaalinneqassallutik, taamaalillutik sanaartortoqareerpat ilusaattut ilerseqqinneqarsinnaaniassammata. Imm. 4: Immikkoortup ilaa qaartiternerlukoqarpat qaartiterinermi assartuinermiluunniit siammarsimasinnaasunik salinneqassaaq. Imm. 5: Nunaminertat sanaartorfigineqanngitsut saligaatsuutinneqassapput eqqiluitsuutinneqarlutillu. Silami inaalitsisoqaqqusaanngilaq. 7. Eriagisassaq 8. Pinngortitap illersorneqarnissaanik soqutiginninnerit 9. Nunaleraluni nunamik atuinissamik soqutiginninnerit 10. Ataatsimut atortulersuutit Imm. 1: Immikkoortumi 3.3-mi biilinut inissiisarfiliornissat pillugit aalajangersakkat takukkit. Imm. 2: Immikkoortut 4.1 aamma 4.2. silami uninngaarfiit pillugit aalajangersakkat takukkit. 11. Piginnittut peqatigiiffii Imm. 1: Immikkoortup ilaani illut pillugit ataatsimut soqutigisanik isumaginnittussamik piginnittut peqatigiiffiannik pilersitsisoqassaaq. Illuutillit, namminersorlutik inuussutissarsiutillit illuutaat immikkoortullu ilaani atuuffiit allat ilaasortaasussaatitaapput (aamma piginneqatigiilluni inissiaatileqatigiit). Imm. 2: Aqquserngit, aqqusineeqqat nunaminertallu sanaartorfigineqanngitsut aamma ukiuunerani illulianut attuumassuteqartut peqatigiiffimmit isumagineqassapput. Imm. 3: Peqatigiiffik kingusinnerpaamik pilersinneqassaaq sanaartorfimmi siulliulluni naammassineqartumi illulianik nutaanik naammassinninnerni atuilernernilu Imm. 4: Peqatigiiffimmit sumi najugaqarneq ataavartumik Kommuneqarfik Sermersuumut nalunaarutigineqartassaaq. 12. Avatangiisinik mingutsitsinermi killissarititaasut Imm. 1: Immikkoortup ilaani eqqaavinnut eqqakkanut atugassanik inissiiffissanik nunaminertanik inniminniisoqassaaq. Imm. 2: Immikkoortup ilaani illut sukisaarsarfiillu nalinginnaasumik atorneqarnerannut KOMMUNEQARFIK SERMERSOOQ 17

18 ataatsimoortinneqarsinnaasunik namminersorluni inuussutissarsiutit atuuffiillu assigisaat taamaallaat naleqqussarneqarsinnaapput. Imm. 3: Imartami nunamilu taamaallaat uumassusilinnit atortut atortullu mingutsitsisinnaanngitsut nunniornermut atorneqarsinnaapput. Immiissutissaq assersuutigalugu betonimik akoqarpat, oqartussaasunut attuumassuteqartunut akuersissummik piniartoqassaaq. 13. Illut nukissiuutinik atuinikitsut 14. Atuinissamut piumasaqaatit Imm. 1: Imatut pisoqaqqaartinnagu illuliat nutaat iserterfigineqassanngillat: immikkoortoq 3 naapertorlugu biilinut inissiisarfiliorneq. immikkoortoq 4 naapertorlugu nunaminertanik ataatsimoorussassanik pilersitsineq. pisortat pilersuutaannut attavilernerit. inaarutaasumik nunagissaanerit naammassineqarnerat. Piffissap sanaartorfiusup tamanna ajornartissappagu immikkoortuni taaneqartut Kommuneqarfik Sermersuumik isumaqatigiissuteqartoqareerpat piaarnerpaamik suliarineqassapput. Immikkuualuttoq 3 1. Inissialiat inissinneqarnerat Imm. 1: Sanaartukkat inissialiallu nutaat assimi ilanngussami 2C4-mi sanaartorfittut takutinneqartutut inissinneqassapput. Imm. 2: Sanaartukkat nutaat 1-4-nik qulereeqarsinnaapput, portunerpaamik 16 meterit angullugit. Teknikkikkut atortulersuutit soorlu silaannarissarfiit, elevatorit assigisaallu portussutsinik killilersuinernut ilaatinneqanngillat. 2. Inissialiat isikkui Imm. 1: Nutaanik sanaartornerit avatangiisiniittut eqqarsaatigalugit ilusilersorneqarlutillu immikkut akuerineqassapput. Imm. 2: Sanaartugassaq nutaaq atortussat uku taaneqartut atorlugit sanaartorneqassaaq: Qisuk, savimineq, ujaqqat, betonni, eternit imaluunniit pladitut atortut. Illutaata silataanut mikinerusunut igalaat atorneqarsinnaapput. Inissiat silataat asingasumik qalipaateqassaaq, qinngorfigineqarnerminnilu qaamanermik utersaartitsisartuussanatik. Imm. 3: Seqernup qinngorneranik katersisunik assigisaannillu silataani iigartai qaliaaluunniit pilersorneqarsinnaapput, taamaaliortoqassaarlu aatsaat qinngornernik utertitsisinnaasuunngippata. Imm. 4: Sanaartukkat nutaat qaliaasa ilusilersorneqarneri illuttut sivingasuussapput (sivingassusai annerpaamik 45 gradit). Imm. 5: Qaliai taartunik qallersorneqassapput. Qaliai igalaaqassappata assigisaannilluunniit, qaliaata inissisimanerinut naleqquttuussapput. Imm. 6: Sumiiffimmi ingerlatsinermut pisariaqartinneqarsinnaasunik allagartaliisoqarsinnaavoq. Allagartat sumiiffimmi atuuffiit avatangiisillu eqqarsaatigalugit inissinneqarlutillu ilusilersorneqassapput. KOMMUNEQARFIK SERMERSOOQ 18

19 3. Aqquserngit aqqusineeqqallu Imm. 1: Aqqusinikkut ingerlaarfissaq Samuel Kleinschmidt Aqqutaagut pissapput, assi ilanngussaq 2C4 tunngaviusoq takuuk. Imm. 2: Immikkoortumi kommunimut pilersaarummi aalajangersakkat nalinginnaasut naapertorlugit biilinut inissiisarfiliortoqassaaq. Suliffissuarnik sannavinnillu sanaartornermi: 50 m²-ikkaarlugit biilinut inissiivik ataaseq. Ataatsimut biilinut unittarfiliornermut tunngatillugu elbiilinut immiisarfissanik nappaasoqarnissaa periarfissaqassaaq. Imm. 3: Aqqusernit aalajangersimasunik titarnilersugaapput (immikkut ittumik killeqarfiliussat), inissialiorfiusut sanaartorfiillu Saqqaanut aqquserngup qeqqaniit 7,5 meterinik qaninnerusumik aqqusinermut atalersumut, immikkoortullu ilaanut aqqusernup qeqqanit 7,5 meterinit qaninnerusumut aqqusinerineqalersunut inissinneqassanngillat. 4. Nunaminertat sanaartorfigineqanngitsut sunngiffimmilu atortulersuutit 5. Teknikkimut atortulersuutit Imm. 1: Inissialiat nutaat pisortat innaallagissamut imermullu aqqutaataannut aamma kuuffissuaataannut attavilerneqassapput. Imm. 2: Imikoq qasertoq qernertorlu tamarmik kuuffissuakkut kuutsinneqassapput. Nunap qaavata ernga kussiamiillu imeq kuuffissuakkoortinneqassanngillat kisiannili illulianut, aqqusinernut, aqqusineeqqanut nunaminertanullu sanaartorfigineqanngitsunut eqqaamiorisanut akornutaanngitsumik kuutsinneqassapput. Imm. 3: Pilersuinermut aqqutit tamarmik nunap iluatigoortinneqassapput. Ledninginik inuup allap allanngortiterisinnaanera ledninginik piginnittumut aningaasartuutaassanngilaq aamma tamanna ledninginik piginnittoq aatsaat isumasioqqaarlugu taassumalu innersuussutai malillugit pissaaq. Imm. 4: Immikkoortup ilaanut teknikkikkut atortulersuutit soorlu sakkortusaaviit assigisaalu immikkoortup ilaanut pilersuinermut atortut inissinneqarsinnaapput. Teknikkimut atortulersuuit Nukissiorfiit aamma Kommuneqarfik Sermersooq siunersiorlugu aamma atortut takussunarsaatinnagit inissinneqassapput. 6. Nunaminertat sanaartorfigineqanngitsut Imm. 1: Illuliat nutaat sapinngisamik nunaareersumut naleqqussarneqassapput. Teknikkikkut imminut illersorsinnaasumik illuliornissaq eqqarsaatigalugu pisariaqartitsineq taamaallaat naapertorlugu nunamik allannguisoqassaaq. Imm. 2: Assimi ilanngussami takutinneqartutut sanaartorfinni nunaminertanilu aqqusinernut, biilinut inissiisarfinnut assigisaannullu atorneqartuni pisariaqartinneqartumik nunagissaasoqarsinnaavoq. Imm. 3: Immikkoortup ilaani naasut pioreersut sapinngisamik paariinnarneqassapput aammalu ajornanngippat inaalinneqassallutik, taamaalillutik sanaartortoqareerpat ilusaattut ilerseqqinneqarsinnaaniassammata. Imm. 4: Immikkoortup ilaa qaartiternerlukoqarpat qaartiterinermi assartuinermiluunniit siammarsimasinnaasunik salinneqassaaq. KOMMUNEQARFIK SERMERSOOQ 19

20 Imm. 5: Nunaminertat sanaartorfigineqanngitsut saligaatsuutinneqassapput eqqiluitsuutinneqarlutillu. Silami inaalitsisoqaqqusaanngilaq. 7. Eriagisassaq 8. Pinngortitap illersorneqarnissaanik soqutiginninnerit 9. Nunaleraluni nunamik atuinissamik soqutiginninnerit 10. Ataatsimut atortulersuutit Imm. 1: Immikkoortumi 3.2-mi biilinut inissiisarfiliornissat pillugit aalajangersakkat takukkit. 11. Piginnittut peqatigiiffii Imm. 1: Immikkoortup ilaani illut pillugit ataatsimut soqutigisanik isumaginnittussamik piginnittut peqatigiiffiannik pilersitsisoqassaaq. Illuutillit, namminersorlutik inuussutissarsiutillit illuutaat immikkoortullu ilaani atuuffiit allat ilaasortaasussaatitaapput (aamma piginneqatigiilluni inissiaatileqatigiit). Imm. 2: Peqatigiiffiup aqquserngit, aqqusineeqqat sanaartorfiunngitsullu isumagissavaat - tassunga atatillugu aamma ukiuunerani aserfallatsaaliinissaq - immikkoortumi sanaartorfiusumut attuumassutillit. Imm. 3: Peqatigiiffik kingusinnerpaamik pilersinneqassaaq sanaartorfimmi siulliulluni naammassineqartumi illulianik nutaanik naammassinninnerni atuilernernilu Imm. 4: Peqatigiiffimmit sumi najugaqarneq ataavartumik Kommuneqarfik Sermersuumut nalunaarutigineqartassaaq. 12. Avatangiisinik mingutsitsinermi killissarititaasut Imm. 1: Immikkoortumi suliffeqarfik immikkut akuerisaalluni mingutsitsisinnaavoq. Namminersornerullutik Oqartussat nalunaarutaat nr. 11, 20. august 2004-meersoq Suliffeqarfiit mingutsitsivallaartut il.il. avatangiisinut tunngatillugu akuersissuteqarfigineqartarneranni (Kapitali 5- suliffeqarfiit) naapertorlugu suliffeqarfik immikkut akuerisaalluni avatangiisinut tunngatillugu qinnuteqarsinnaavoq. Imm. 2: Inuussutissarsiutigalugu suliffeqarfinnut allanut, putsumik, nipiliornermik, pujoralammik tipiliornermillu akornuteqarnerit killilersimaarniarlugit aalajangersaasoqassaaq. Imm. 3: Uumassusilinnit atortut atortullu nalinginnaasut mingutsitsisinnaanngitsut kisimik nunniornermut atorneqarsinnaapput. Immiissutissaq assersuutigalugu betonimik akoqarpat, oqartussaasunut attuumassuteqartunut akuersissummik piniartoqassaaq. Imm. 4: Immikkoortup ilaani eqqaavinnut eqqakkanut atugassanik inissiiffissanik nunaminertanik inniminniisoqassaaq. 13. Illut nukissiuutinik atuinikitsut KOMMUNEQARFIK SERMERSOOQ 20

21 14. Atuinissamut piumasaqaatit Imm. 1: Imatut pisoqaqqaartinnagu illuliat nutaat iserterfigineqassanngillat: immikkoortoq 3 naapertorlugu biilinut inissiisarfiliortoreerpat. pisortat pilersuutaannut attavilernerit pereerpata. inaarutaasumik nunagissaanerit naammassineqareerpata. Piffissap sanaartorfiusup tamanna ajornartissappagu immikkoortuni taaneqartut Kommuneqarfik Sermersuumik isumaqatigiissuteqartoqareerpat piaarnerpaamik suliarineqassapput. KOMMUNEQARFIK SERMERSOOQ 21

22

23 2C4-1 Cultural Commercial Complex (CCC) ASSI ILANNGUSSAQ 4 ASSI ILANNGUSSAQ KOMMUNEQARFIK SERMERSOOQ 23