1.0 IMAKip ingerlatsinera IMMIKK.PINGAARN 1.0 IMAKip ingerlatsinera Tunngavik pingaarneq Ilaasortat aningaasaqarniarnerat, perorsaanikkut sulinermilu avatangiisit pillugit soqutigisaat sulissutigissallugit. Tunngaviit 1.1 Ilaasortat tamarmik IMAKimiit qanoq ikiorserneqarsinnaanertik atorfilittullu pisinnaatitaaffitik ilisimalissagaat Tunngaviit 1.2 IMAKip ingerlatsinini pillugu ilaasortanut ammanerunissaq IMAKip kissaatigaa. Tunngaviit 1.3 IMAKip kissaatigaa ilaasortat utoqqalinersiaanut ileqqaagaat pitsaanerpaamik ernialersorneqassasut. IMAKip tapersersorpaa Lærernes Pensionip aningaasaliissutit iluanaarutaasinnaaneranut suliniutaat. SULINIUMMUT ILIUUSISSAT IMAKip suli suliniutigerusuppaa ilaasortat ataasiakkaat paasitissallugit IMAKimit qanoq ikiorserneqarsinnaanersut. IMAKip suliniutigijuarusuppaa ilaasortat atorfinitsitaanerat pillugu pitsaasumik paasissutissiissallutik. Tamanna pissaaq nittartakatsigut paasissutissiinikkut aammalu Ilinniartitsisukkut ilanngussinikkut minnerunngitsumillu sumiiffinni sinniisut pikkorissartarnerisigut. IMAKip sulissutiginiarpaa Ilinniartitsisoq aqqutigalugu IMAKip suliai takuneqarsinnaanngussasut aammalu nittartakkami ullorsiutinik peqalissasoq tassani takuneqarsinnaanngorlugit ataatsimiiffiit, ataatsimeersuarnerit il.il. inunnut ataasiakkaanut suliat pinnagit. IMAKip siulersuisuisa Lærernes Pensioni kajumissaarusuppaa Kalaallit Nunaanni suliniutinik aningaasaleeqqullugu taakkua Lærernes Pensionip aningaasaliinermut suliniutaannut naleqquppata aammalu imminut akilersinnaappata. IMAKip suliniutigerusuppaa ilaasortat utoqqalillutik suliunnaartussanut suliunnaannginnermi suut eqqumaffigissaneraat allattorsimaffiliuutissallugit. Ilinniartitsisut Meeqqat Atuarfianneersut Kattuffiat 1
2.0 Meeqqat atuarfiata ineriartortinnera IMMIKK.PINGAARN 2.0 Meeqqat atuarfiata ineriartortinnera Tunngavik pingaarneq IMAKip kissaatigaa meeqqat atuarfiat ataatsimoorussaq sumiiffimmit sunniuteqarfigineqartoq. Tunngaviit 2.1 Atuarfimmik ineriartortitsineq, qitiusumiit Kattuffiup kissaatigaa Kalaallit Nunaanni meeqqat atuarfiata ineriartortinnera peqataaffigiumallugu IMAK oqaloqatigiinneq aqqutigalugu meeqqat atuarfianni sinaakkutissat pillugit siunnersuiumavoq ilitsersuiumallunilu. IMAKip kissaatigaa meeqqat atuarfiannik nakkutiginninneq pimoorussiffiusoq ajunngitsumillu pitsaassusilik. Tunngaviit 2.2 Sumiiffimmi atuarfimmik ineriartortitsineq IMAKip kissaatigaa, atuarfiit ataasiakkaat sinaakkuttat ataatsimoorussat iluanni akisussaaffigissagaat ilinniartitsinerup pitsaassusiata ineriartortinnissaa kiisalu ilinniartitsinerup aaqqissugaanera, piareersarnera ingerlanneralu eqqarsaatigalugit. Atuarfimmik ineriartortitsinerup aallaavigissavai meeqqat atuarfiannut anguniakkatut aalajangersakkat ingerlanneqassallunilu pineqartut tamaasa oqaloqatigalugit. Nalilersuisarneq IMAKip ineriartortitsilluni sulinerup ilaviatut isigaa. SULINIUMMUT ILIUUSISSAT IMAK meeqqat atuarfiat pillugu inerikkiartortitsinermik, siunnersuinermik ilitsersuinermillu eqeersimaartumik peqataavoq. Meeqqat atuarfiata naammaginartumik ineriartunnginneranut peqqutaasinnaasut IMAKmit ukkatarineqassapput. Ilinniartitaanermut naalakkersuisup meeqqat atuarfiata aaqqissuuteqqinneqarneranut suliniuteqarnerani IMAKi peqataarusuppoq, tassani eqqumaffigineqassallutik. pitsaanerusumik atuarfimmut sungiussiartortinneqarneq aammalu meeqqat atuarfianniit ilinniagaqalernissamut ikaarsaarneq. Ilinniartitsisut Meeqqat Atuarfianneersut Kattuffiat 2
Aammattaaq IMAKip Akileraartarnermut atugarissaarnermullu ataatsimiititaliap innersuussutaa, atuarfiup ineriartornissaanut akisussaaffik atuarfiit pisortaannut ilinniartitsisunullu uterteqqinneqarnissaa sulissutiginiarpaa, qitiusumit aqutsineq unitsillugu. Tassunga tunngatillugu IMAKip naliliisarnermi sakkussat qitiutikkusuppai naliliisarneq atuartitsinermut ilaalersillugu, ilinniartitsisunit ingerlanneqartoq ulluinnarnilu atuartitsinermi atorneqarluni. ATUARTITSINEQ Akunnerit atuartitsivissat IMAKip immikkut sulissutigissavaa nunaqarfinni isorliunerusunilu atuartut illoqarfinnisulli akunnernik atuartitsivissanik sivikinnerpaaffeqarnissaat qulakkiissallugu. IMAK-ip sulissutiginiarpaa, atuartut tiimiisa amerlassusaasa fagini tamani, qitiusumiit aalajangersarneqarnissaat. Aaqqissuussineq IMAKip sulissutiginiarpaa atuarfiit allaanerusumik aaqqissuussaanissaat. IMAKip sulissutigerusuppaa klassit akimorlugit klassinik eqiterutsitsineq nukiit pisariaqartitat atorneqarnissaat. Piginnaasat malillugit atuartitsineq IMAKip sulissutiginiarpaa, piffissami sivikinnerusumi sivisunermiluunniit piginnaasat malillugit atuartitsinermi periarfissaqarnissaa allaat ukioq atuarfiusoq naallugu 1 IT IT atuartitsinermi IMAK-ip sulissutiginiarpaa IT pillugu perorsaanikkut teknikkikkullu pissutsit qaffasissutsinut pisariaqartitanut kivinneqarnissaat matuma ataani nalilerneqassaaq suliassanut-aningaasaliisussaatitaanermullu kommuunit namminersorlutillu oqartussat akornanni naliliiffigineqaqqissasoq. IMAK-ip sulissutiginiarpaa, IT-mut Namminersorlutik Oqartussanit periarfissiissutigineqartunut, atuartut pisinnaasassaattut piumasaqaatit, atuarfimmut inatsimmi, nalunaarutini aamma ilikkagassatut pilersaarutini assigiissaarneqarnerat Namminersorlutik Oqartussanit aalajangiusimaneqassasoq. IMAKip sulissutigissavaa pisariaqartinneqartunik pikkorissaasarnissamut neqerooruteqartuarnissaa, taamaasilluni Ilinniartitsisut Meeqqat Atuarfianneersut Kattuffiat 3
ilinniartitsisut inatsisip IT-mik atuartitsinermi akuutitsinissamik piumasaqaataa piviusunngortissinnaaqqullugu, kiisalu atuarfinni tamani pisariaqartunik atortorissaaruteqarnissaa sulissutigalugu. Atuartitsissutit mernguernartut IMAK-ip sulissutiginiarpaa atuartitsissutit mernguernartut anguniakkat qitiusumik aalajangersarneqarnissaat, taamatuttaaq tiimit atuartitsissutini ataasiakkaani klassinilu ataasiakkaani qitiusumiit aalajangersarneqartassapput. Atuartitsissutit mernguernartut faagikkaartumik immikkoortinneqassapput. Faget ilaat toqqagassanngortinneqarsinnaapput. Oqaatsit allat IMAK-ip sulissutiginiarpaa ilinniartitsisunik angalasunik aaqqissuussinermik pilersitsinissaq, tamanna ataavartumik nalilersorneqassaaq nalimmassarneqartarluni pisariaqartitsinerit naapertorlugit. IMAKip sulissutiginiarpaa Ilinniartitaanermut naalakkersuisup meeqqat atuarfianni oqaatsit pillugit atuartitsinermi ilisimasallit suliniutaasa innersuussutigisaat atuarfeqarnerup aammalu ilinniagaqarnerup aaqqissuuteqqinneqarneranut ilanngunneqarnissai. ANGUNIAGASSAT NALILERSUINERLU Atuartitsissutit misilitsiffiusut IMAKip sulissutiginiarpaa taamaallaat atuartitsissutini kalaallisut, danskisut, tuluttut, matematik aamma fysik/kemi misilitsiffiunissaat. Taakku saniatigut suliniummik suliakkiisoqassaaq. Iliuusissatut pilersaarutit IMAKip sulissutiginiarpaa atuartunut tamanut fagini misilitsiffiusussani iliuusissatut pilersaarusiortoqartassasoq. Ilikkagassatut anguniakkat IMAKip sulissutiginiarpaa ukioqatigiikkuutaartumik erseqqissumik uuttorneqarsinnaasumillu ilikkagassatut anguniakkamik suliaqarnissaq. Ataavartumik nalilersuineq IMAK-ip sulissutiginiarpaa, atuarfimmi pisortat ilinniartitsisullu sakkussat pisariaqartitat piginissaat nalilersuineq sukumiisoq ataavartoq ingerlassinnaajumallugu, taamaasilluni atuartitsinerup pitsaassusaa qulakkeerniassallugu. Aammattaaq qulakkeerniarneqassaaq, angajoqqaat Ilinniartitsisut Meeqqat Atuarfianneersut Kattuffiat 4
erseqqissumik meeqqamik pisinnaasaasa killiffiannut takunnissinnaalerneq. ATUARTUT IMAKip meeqqat immikkut pisariaqartitsisut pisariaqartitaat aallaavigalugit atuartinneqartarnissaat sulissutigissavaa. IMAKip atuartut immikkut pisariaqartitsisut aammalu sakkortuumik pissusilersortartut eqqarsaatigalugit, ilinniartitsisunut sakkussanik pitsaanerusunik aqqutissiuussissasoq, soorlu atuarfinni ataasiakkaani ataatsimoorussamik iliuuseqarnikkut, najoqqutassaliornikkut aammalu suliniutissanik pilersaarutiliornikkut. Inuit isumaginnittut IMAK-ip suliniutiginiarpaa inuit pisariaqartitatut amerlassusillit isumaginnittutut atorfinitsinnissaat, taakku ilinniartitsisut suleqatigalugit, atuartunik ikorfartuissapput, tamatuminnga pisariaqartitsineranni. Nukiit IMAKip sulissutiginiarpaa holdelingstiimit, klassini amerlassutsit aamma ikorfartorteqartitsineq, immikkut atuartitsinerit, aalajangersaavigineqassasut perorsaanikkut nalilersuutit aallaavigalugit atuaqatigiit eqimattatut nukittussusaat aallaavigalugu. IMAK-ip sulissutigissavaa, klassini amerlassutsit appartinneqarnissaat amerlanerpaamik 18inik amerlassusilerlugit. Perorsaanikkut tarnip pissusaanik siunnersuinerit (MISI) IMAKip sulissutiginiarpaa MISImit atuarfinnut sullissinerit annertusarneqarnissaat, tassani atuarfiup tarnip pissusaanillu ilisimasallit suleqatigiinnerat pitsanngorsaavigineqassasoq ulluinnarni atuartut innersuunneqarsimasut tarnip pissusaannik ilisimasallit atuarneranni misissuisarnissaannik aammalu klassip ilinniartitsisui siunnersorsinnaallugit misissuineq aallaavigalugu. IMAKip sulissutiginiarpaa, annertusisamik immikkut atuartitsinermut sullisseriaatsip sivikillisarlugulu eqaallisarnissaa. Ilanngutitaaneq IMAKip nangillugu malinnaaffigeqqissavaa avataaneersunut kalaallisut oqaasiliunngitsunut tikerlaanut pitsaanerusumik atuartinneqarnissaannut periarfissiinissaq. Tamatuma qulakkiissavaa atuaqatigiinni atuartut pitsaanerusumik Ilinniartitsisut Meeqqat Atuarfianneersut Kattuffiat 5
pitsaasusilimmik atuartitsinissaq kiisalu avataaneersut pitsaanerusumik akuutinneqalernissaat. Atuarfiit angerlarsimaffiit suleqatigiinnerat IMAKip sulissutigissavaa atuarfiup angerlarsimaffiullu suleqatigiinnerisa nukittorsarnissaat. IMAK-ip sulissutiginiarpaa angajoqqaat atuarfiit angerlarsimaffiillu suleqatigiinnerannut akuutinnissaannut pitsaanerusumik atukkatigut pitsanngorsaassalluni. IMA-ip sulissutiginiarpaa atuarfiit angerlarsimaffiillu suleqatigiinnerannut Inerisaaviup atortussiaasa naleqqussarnissaat. IMAKip piffissami aggersumi Naalakkersuisut tusaqqusaarusiaa malinnaaviginiarpaa pissutissaqarpallu tapersiiffigissallugu. IMAKip nuna tamakkerlugu angajoqqaat siunnersuisoqatigiivinik pilersitsinissaq taperserniarpaa, skolebestyrelsini qinikkat aallaavigalugit. Ilinniartitsisutut inuuniuteqarneq IMAKip ilinniartitsisutut inuuniuteqarneq nakkutiginissavaa tassungalu ilanngullugu imminut naliliisinnaanissaq. Atuarfimmi ilinniartitsisut nukittuffiinik atuinissamik qulakkeerisumik suliniuteqarnissaq, IMAK-imit kajumissaarutigaarput, ilinniagaqarfigisimanngisaannut sunuttamanut ilinniartitsisutut atornagit. Ilinniartitsisut immikkut ittumik atuuffeqartut, naapinnissamut, misilittakkanik paarlaateqatigiinnisamut aamma attaveqaatinik pilersitsinissamut periarfissaasa pitsanngorsarneqarnissaat IMAK-imit sulissutiginiarneqarpoq IMAKip atuuffimmini tamakkiisumi aallaaviginiarpaa suliamut nuannaartunartitsineq, ilinniartitsisut tusaamaneqaataannik isigineqarnerannillu nukittorsaasoq. ATUARFIUP AQUTSISOQARNERA OQARTUSSAASSUSEQARNERULLU TIGUMMINERA IMAKip suliniutiginiarpaa atuarfiup aqutsisoqarfia sulisulersorneqassasoq allaffissornikkut sulianik isumaginnittussanik. IMAK-ip sulissutiginiarpaa oqartussaasutut suliassat qitiusumit isumagineqarnissaat. IMAK-ip suliniutiginiarpaa alloriarfinni aqutsisut akissaataasa inississornissaat aqutsisutullu pikkorissarnernut neqeroorfigineqarnissaat. Ilinniartitsisut Meeqqat Atuarfianneersut Kattuffiat 6
IMAK-ip sulissutiginiarpaa ilinniartitsisut atuarfimmilu pisortat meeqqat atuarfiat pillugu oqallinnermi siuttuunissaat. UANGA ATUARFIGA UANGA AKISUSSAAFFIGA. IMAKip sulissutigissavaa atuarfinnik misileraaffiusunik pilersitsisoqarnissaa. Ilinniartitsisut Meeqqat Atuarfianneersut Kattuffiat 7
3.0 Akissarsiat aamma atorfinitsitaanermut tunng. IMMIKK.PINGAARN 3.0 Akissarsiat aamma atorfinitsitaanermut tunng. Tunngavik pingaarneq Timelærerit, atualerlaanut ilinniartitsisut, ilinniartitsisut, atuarfiit pisortaat kiisalu allaffeqarfinni sulisut akissarsiaat aamma atorfinitsitaanerinut atugassat isumaqatigiissutit, Naalakkersuisut imaluunniit sulisitsisut namminersortut IMAK-imik isumaqatigiissuteqarnerisigut aalajangersarneqartarput. Tunngaviit 3.1 Akissarsianut tunngasut IMAK p anguniagaa tassaavoq isumaqatigiissutit tunngavigalugit ilaasortat akissarsiaasa pisissutaasinnaanerisa pitsanngorsarnissaat qularnaassallugu. Akissarsiat pitsannguutaat pingaarnerusumik tunngaviusumik akissarsiat qaffannerisigut pisassapput. Akissarsiat qaffakkiartornerat pingaarnerusumik pisassaaq qanoq sivisutigisumik sulisimaneq tunngavigalugu. Akissarsiat qaffakkiartornerisa aallaavigissavaat ilinniagaq, pisinnaasat aamma piukkunnaateqarneq atorfinitsitaanermi piumasarineqartut aallaavigalugit. Akissarsiat atorfimmut pilerinartitsissapput atorfeqaannarnissamullu tunngavileeqataassallutik. Tunngaviit 3.2 Atorfinitsitaanermi atugassat Atorfinitsitaanermi atugassat tunaartaraat atorfeqartitaanermi toqqissisimaneq kajumissuserlu aammattaaq sulinngiffeqarnerup, erninerup aamma napparsimanerup nalaani. SULINIUMMUT ILIUUSISSAT IMAKip kommunenik suleqateqarluarnissaq aallaavigivaa. IMAKip qulakkaarniarpaa atorfinni pioreersuni akissarsiat atorfeqarnikkullu atugassat isumaqatigiissutit/inatsisit atuuttut naapertorlugit ingerlanneqarnersut qulakkiissallugu. IMAKip qulakkeerniarpaa atorfinnik nutaanik pilersitsinermi akissarsiat atugassarititaasullu malittarisassat atuuttut malillugit aalajangersarneqartassasut. Ilinniartitsisut Meeqqat Atuarfianneersut Kattuffiat 8
IMAKip sulissutigissavaa atorfininnermi inissamut iserternissamut utaqqisarnermut piffissarititaasup sivikinnerpaatinnissaa anguniassallugu. IMAKip nangillugu sulissutigissavaa siunissami isumaqtigiinniarnerit ingerlanneqartassasut isumaqatigiissutit atuuffiisa qaangiutinnginneranni. Tamannalu pisassaaq isumaqatigiinniarnissat ingerlanneqarnissaannut piffissalersuinermi kiisalu isumaqatigiinniarnerit ingerlaneranni najoqqutassanik isumaqatigiissuteqarnermi Ilinniartitsisut Meeqqat Atuarfianneersut Kattuffiat 9
4.0 Piffissaq suliffiusoq IMMIKK.PINGAARN 4.0 Piffissaq suliffiusoq Tunngavik pingaarneq Ilinniartitsisut piffissaq suliffik pillugu isumaqatigiissutaat, Naalakkersuisut imaluunniit sulisitsisut namminersortut aamma IMAK-ip akornanni isumaqatigiissuteqarnikkut aalajangersarneqassapput. Tunngaviit 4.1 Piffissaq suliffiusup aaqqissugaanera Ilinniartitsisut piffissaq suliffiusoq pillugu isumaqatigiissutaat ilinniartitsisunut pisortanullu aqussallugu paasiuminartuussaaq pisariitsuullunilu. Ilinniartitsisut piffissaq suliffiusoq pillugu isumaqatigiissutaat ilinniartitsinermut piareersarnermulluunniit tunnganngitsoq allaaserineqassaaq suliassallu piffissalerneqassallutik akkord itut. Akkordit suussusilerneqarnerat aamma piffissaliussat Naalakkersuisut imaluunniit sulisitsisut namminersortut aamma IMAK-ip akornanni isumaqatigiinniutigineqassapput. Ilinniartitsisut sulinermut piffissaata ilinniartitsinermut piareersarnermulluunniit tunnganngitsup pilersaarusiorneqarnera pissaaq ilinniartitsisut ataasiakkaat sulisitsisullu suleqatigiinneratigut. Ilinniartitsisut sulinerminni piffissamut atugassaanni immikkoortinneqassaaq piffissaq pikkorissarnermut ilinniagaqaqqinnermullu atugassaq. Suleqatigiinnermut ataatsimiititaliat sulinermi piffissap pilersaarusiornissaanut akuutinneqassapput. SULINIUMMUT ILIUUSISSAT IMAKip KANUKOKA/kommunit peqatigalugu sulissutiginiarpaat sulinermut piffissamik atuisarnermut isumaqatigiissutip paasilluarneqarnissaanik atorluarsinnaaneranillu aammalu sumiiffigisami naleqqussarneqarsinnaaneranut oqartussaaqataanissaannillu periarfissaanik paasisitsiniaanermut. IMAKip sulissutigissagaa atuarfinni pisortat takkuttarnissamut pilersaarummut nikerartumut atuartitsinissamut sakkulersorneqarnissaat, taamaasilluni Ilinniartitsisut Meeqqat Atuarfianneersut Kattuffiat 10
meeqqat atuarfiat pillugit inatsisip siunertaa eqquutsinneqarniassammat. Ilinniartitsisut Meeqqat Atuarfianneersut Kattuffiat 11
5.0 Sulinermi avatangiisit IMMIKK.PINGAARN 5.0 Sulinermi avatangiisit Tunngavik pingaarneq IMAKp sulissutigissavaa qularnaassallugu ilaasortat sapinngisamik qaffasinnerpaamik inissisimasumik peqqinnermik, atugarissaarnermik aamma isumannaassutsimik timikkut, tarnikkut aamma inooqataanermi avatangiiseqarlutik suliffimminni atugassaqarnissaat. IMAKp sulissutigissavaa sulinermi avatangiisinut tunngasutigut pinaveersaartitsinerup nukittorsarneqarnissaa annertusarneqarnissaalu. Tunngaviit 5.1 Sullivimmi avatangiisinut atugassarititaasut pingaaruteqassusaasa ilisimaarilluarneqalernissaat suliffiup ima akuutitsigissavai ingerlatsiffimmut inuunerilersillugit ulluinnarilersillugillu. Suliami ileqqorissaarneq qitiusumik isumaassaaq suleqataasuni pisortanilu. Sulisitsisup sulinermi avatangiisinut tunngasumik pissutsit ilanngullugit eqqarsaatigissavai siulersuinikkut qanoq iliuusissanik pilersaarusiornermi aamma ulluinnarni piviusumik qanoq iliuutsini. Suliffiup suleqatigiinnermi ataatsimiititaliaata suliarissa- vai politikkit, pingaaruteqartut suliffimmi sulinermi avatangiisinut. SULINIUMMUT ILIUUSISSAT IMAKip sulissutigissavaa suleqatigiinnermut ataatsimiititaliat suli ingerlallualernissaat anguniassallugu soorlu tamanna isumaqatigiissutit oqaasertaanni anguniarneqartoq. IMAKip aamma suliniutigissavaa APV (sullivimmik nalilersuineq) pillugu inatsisip eqquutsinneqarnissaa, kiisalu APV sukumiisumik ulluinnarsiutinngortinneqassasoq sullivinni ataasiakkaani suliffigissaarneq anguniarlugu. IMAKip malunnatilimmik suliniutigissavaa, sullivinni avatangiisit eqqarsaatigalugit, malunnarsiartuinnartumik inini silaannalunnerit oquullu pilersitaanik ajornartorsiutit iliuuseqarfiginissaat. Sullivinni aqutsisutut atorfiit suliaqarfiillu allat tamaasa pillugit suliassat suunerisa allattorsimanissaat IMAK ip Ilinniartitsisut Meeqqat Atuarfianneersut Kattuffiat 12
piumasaqaatigissavaa. IMAKip sulissutigissavaa suliffeqarfiit tarnip pissusaanik ilisimasalimmik atuisinnaanissaannik aqqutissiuunneqassasut atuartut atorfillillu pisariaqartitsisut ikorfartuiffissaannik. IMAKip sulissutiginiarpaa ilinniartitsisut tamarmik imminut illersorsinnaanermik pikkorissartinneqassasut. IMAKip KANUKOKAmik/kommunimik kiisalu Kalaallit Nunaanni Sullivinnik Nakkutilliisoqarfik nakkutilliisoqarfimmik suleqateqarnini nangissavaa nunap atuarfiini sulinermi avatangiisit pitsanngorsartuarnissaat tunaartaralugu. IMAKip Namminersorlutik Oqartussat isumaqatigiissuteqarfiginiarpai sullivinni aqutsisut suliassaannut ilanngunneqassasut isumannaallisaanermik peqqinnissamillu sulineq. IMAKip sulisitsisunut tinnersaarutigissavaa suliffimmik naliliinerit aallaavigalugit suliffimmi atukkat pitsanngorsarnissaannik suliniuteqaleqqullugit, ilaatigut sulinngitsoortarnerit ikilisinnissaat siunertaralugu. IMAKip sulissutiginiarpaa inunnik isumaginnittoqarfiup MISIllu innersuunneqarsimasunut sullissinerisa sivisussusaata, atuartut atuarnerannut minnerunngitsumillu ilinniartitsisut sulinerisa avatangiisaannut sunniuteqartarnera. IMAKip kissaatigaa sulisunik oqaloqateqartarnerit supervisionilu ilinniartitsisup inuttut ineriartornerani sukatut atorneqalissasut IMAKip suliniutigeqqinniarpaa napparsimaneq peqqutaalluni sulinngitsoortarnerit appartinniarlugit suliniutinik aallartitsisoqassasoq. Ilinniartitsisut Meeqqat Atuarfianneersut Kattuffiat 13
6.0 Sulisunut politikki IMMIKK.PINGAARN 6.0 Sulisunut politikki Tunngavik pingaarneq IMAKp ilaasortai, sullivinni sulisut, sulisunut politikkeqarfigineqassapput, sulisitsisup suleqataasullu suleqatigiinneratigut ineriartortinneqartumik, sulinermi naammagisimaarinninnermik ineriartuutaasumillu qularnaarinnittumik. Tunngavik 6.1 Suleqatigiinnissamut ataatsimiititaliat sulisunut politikiliussapput, KANUKOKA-mik sulisitsisunillu namminersortunik, sunniuteqaqataanissamut kiisalu piffissaq suliffiusoq pillugu isumaqatigiissutini piumasarineqartut najoqqutaralugit. Ilinniartitsisut nutaat, atorfeqarnerminni ukiumi siullermi, immikkut siunnersorneqarnissamik ilitsersorneqarnissamillu neqeroorfigineqassapput. Ilinniartitsisunut atorfeqartunut akuunerulersitsinissaq suleqatigiinnerlu pillugit politikkiliortoqassaaq. SULINIUMMUT ILIUUSISSAT Immikkut sammineqassaaq suleqatigiinnermut ataatsimiititaliap suliassai suliffinni ataasiakkaani sulisoqarnermut politikkinik ineriartortitsinermi. Sulissutigineqassaaq atorfinerlaanut siunnersuinissaq ilitsersuinissarlu, pisariaqartitsinerat naapertorlugu. Sinniisoq suliani pineqartuni akuutinneqarsinnaavoq. Ilinniartitsisut ilinniarnerminnik naammassinneqammersut, immikkut siunnersorneqarnissamik ilitsersorneqarnissamillu ilitsersuisoqarnermillu aaqqissuussinermik atuarfinni ataasiakkani neqeroorfigineqarnissaat IMAK-ip sulissutiginiarpaa, aallartilluarnissaannillu qulakkerisussamik malitassiortoqartariaqarpoq. IMAKp sulissutigissavaa tapersersuineq tassaassasoq ilinniartitsisut suleqatigiinnerannut nalilersuinerannullu ilaavissoq. Namminersorlutik Oqartussani taassumalu ataani suliffeqarfiit sulisuisa oqartussaaqataanissaannut suleqatigiinnissaannullu tunngasut isumaqatigiissusiornissaat IMAKip sulissutiginiarpaa. Politikkit akuutitsinermut suleqatigiinnermullu suliarineqartut Ilinniartitsisut Meeqqat Atuarfianneersut Kattuffiat 14
ima ilusilerneqassapput, ilinniartitsisut ilinniakkamikkut kulturikkullu assigiinngitsunik tunuliaqutallit akornanni akuutitsinermik suleqatigiinnermillu siuarsaassallutik. IMAKip pisortat sulinerminni sakkussaminnik pisariaqartitaminnik pigisaqalernissaannik sulissutiginninnini ingerlateqqissavaa. Taamaattumik IMAKi KANUKOKA Ilinniartitaanermut Aqutsisoqarfik suleqatigalugit pisortanut pikkorissaasarnissanut ataatsimeeqatigiittarnissaannullu suleqataajuassaaq. IMAKi meeqqat sumiginnagaasut ajornartorsiutaannut tunngatillugu, sulissutigissavaa, suliffiit akimorlugit oqaloqatiittarnerit nanginneqarnissaat, taamaalillugu qulakkeerlugu pisussaaffillit tamarmik pineqartunut suleqatigiinnissaat ajornartortiutinik qaangiiniarnermi. Ilaatigut sulisunik ilinniartitseqqiinikkut aamma sumiiffimmiititsiinnarnikkut, suleqataasunut immikkut piginnaasaqartunut suleqataanissamut ajornartorsiutit ikiorserneqarnissaannut aamma oqilisaanissamut ilinniartitsisut nalinginnaasut tarnikkut oqimaarsartinneqarnerannik ikiorsiisinnaasunik. Ilinniartitsisut Meeqqat Atuarfianneersut Kattuffiat 15
7.0 Ilinniartitaanermut politikki IMMIKK.PINGAARN 7.0 Ilinniartitaanermut politikki Tunngavik pingaarneq Pisortat ilinniartitsisullu kalaallit nunaanni meeqqat atuarfianni minnerpaamik ilinniagaqarsimassapput ukiut sisamat tunngaviusumik ilinniarlutik ilinniartitsisut seminaariaanni. Pisortat, ilinniartitsisut, atualerlaanullu ilinniartitsisut ingerlaavartumik qularnaariffigineqassapput pikkorissarnissamut ilinniaqqinnissamullu. Atuartitsisut ilisimasaminnik qaffassarnissamut periarfissinneqassapput, ilinniartitsisunngorniarnermik aallartitsisinnaanissaat siunertaralugu. Tunngaviit 7.1 Tunngaviusumik ilinniartitaaneq Ilinniartitsisut ilinniartitaanerat ingerlaavartumik nalilersorneqassaaq pitsaassusaalu qularnaarneqassalluni. Najugaq qimannagu ilinniartitsisunngorniarnermi tiguneqarnissamut piumasarisat aamma ilinniagassatigut imarisai qitiusumi ukiunut siamanut seminariami ilinniartitsisutut iliiartitaanerup qaffaseqatigissavai. Tunngaviit 7.2 Pikkorissarneq ilinniaqqinnerlu Pisortat, ilinniartitsisut, atualerlaanik ilinniartitsisut, atuartitsisullu pikkorissarnissamut ilinniaqqinnissamullu periarfissaat ataavartumik nalilersorneqartassapput pitsaassutsimillu qulakkeerinnittoqartassalluni. Atuisut suut pikkorissarfigissanerlugit ilinniaqqiffigissanerlugillu oqartussaaqataanissaat qulakkeerneqassaaq. SULINIUMMUT ILIUUSISSAT IMAKp sulissutigissavaa, ilaasortat ilinniarsimasut, qitiusumik najugarlu qimannagu ilinniartitsisutut ilinniartitaanermit allaasumik ilinniarsimasut, periarfissaqassasut ilinniaqqinnissamut, tamatumuunakkut qularnaarneqarluni ilinniarsimassutsikkut qaffasissuseq ukiuni sisamani seminaariami ilinniarsimasutut imaluunniit ukiuni sisamani affarmilu siammasissumik ilinniartitsisutut ilinniarsimasutut. IMAKp sulissutigissavaa, periarfissat ilinniaqqinnissamut Ilinniartitsisut Meeqqat Atuarfianneersut Kattuffiat 16
aamma annerusumik ilinniagaqaqqinnissamut Kalaallit Nunaanni avataanilu ineriartortinneqartuassasut pitsaassuseqarnerallu qularnaarneqassasoq. IMAKip sulissutiginiarpaa ilinniartitsisut ilinniaqqinnissaannut aningaasaliissutit qulakkeerneqarnissaat aningaasaateqarfimmik pilersitsinikkut taamaalilluni Ilinniartitaanermut Aqutsisoqarfiup aningaasaliissutaannut ilaajunaartillugit. IMAKip sulissutiginiarpaa, ilinniartitsissutinut pikkorissartarnernut ilinniaqqittarnernullu ingerlatsinissaq anguniagaqarluni ingerlanneqalissasoq, atuartitsissutini ilinniagaqarluarsimasunik amigaateqarfiusuni. IMAK-ip sulissutiginiarpaa ilinniartitsisunut pikkorissartarnerit ilinniaqqittarnerillu, meeqqanut immikkut pisariaqartitsisunut atuartitsinermut. IMAKip sulissutigissavaa meeqqanut immikkut pisariaqartitsisunut atuaqatigiinnut nalinginnaasunut akuutitsinissamut ilinniartitsisut pisariaqartunik sakkussalerneqarnissaannik pikkorissaanissanik neqeroortoqarnissaa. Atuartitsisut qaffassarlutik pikkorissarnissamut periarfissinneqarnissaat IMAK-ip sulissutiginiarpaa, ilaatigut ilinniartitsisunngorniarnermik aallartitsisinnaanissaat periarfissinniarlugu. Ilinniartitsisut Meeqqat Atuarfianneersut Kattuffiat 17