Aktiviteettikorvaus ko työkyky oon heikentynny (Aktivitetsersättning vid nedsatt arbetsförmåga) Aktiviteettikorvaus oon tuki sulle joka olet nuori ja joka, siukkuuen eli muun toimintakykyä heikentävän asian takia et saata tehä töitä. Aktivitettikorvaus saatta rippua sinun tuloista eli se oon garanttikorvaus. Aktiviteettikorvausta saat korkeinthaan kolme vuotta peräkkäin. Ensimäisestä päivästä jyyli-/heinäkuuta 2008 lähtien aktiviteettikorvauksele jällaava uuet säänöt. Sulle, jolla jo oon aktiviteettikorvaus, saattava jällata siirtymissäänöt (övergångsbestämmelser) joitten mukhaan vanhemat säänöt saattava jällata vuen 2012 lophuun saakka. Jos sinun aktiviteettikorvaus loppuu sillä ko täytät 30 vuotta, sulle jällaava rajotetun siukkakorvauksen siirtymissäänöt. Kuka saattaa saa aktiviteettikorvausta? (Vem kan få Sie saatat saa aktiviteettikorvausta jos olet 19 29 vuen ikänen ja sulla oon heikentynny työkyky siukkuuen takia eli sulla muuten oon vajanen fyysinen eli psyykkinen suorituskyky. Työkyky häätyy olla heikentynny vähhiinthään neljänesosan yhen vuen ajan. Heikentynny työkyky häätyy koskea kaikkia töitä työmarkkinoitten kaikila aloila. Siihen kuuluva netki työt joita oornathaan ihmisille joila oon heikentynn toimintakyky, niinku esimerkiksi palkka-avustustyöt (lönebidrag). Paljonko aktiviteettikorvausta saapi? (Hur mycket får man i Sie saatat saa koko, kolme neljäsossaa, puolet eli neljäsosan aktiviteettikorvauksesta. Kuinka paljon sie saat, riippuu siittä kuinka paljon sinun työkyky oon heikentynny ja siittä mikkä maholisuuet sulla oon elättää ittesti työlä. Koko, palkasta riippuva, aktiviteettikorvaus antaa sulle 64 prosenttia sinun oletetusta tulosta (antagandeinkomst) se tulo jonka Siukkakassa arvioittee ette sulla olis ollu jos sie olisit jatkanu työntekoa. Jos sulla oon olhee matalat tulot eli ei tuloja ollenkhaan, sie saat garanttikorvauksen. Garanttikorvauksen suuruus riippuu sinun iästä ja siittä kuinka kauon olet asunu Ruottissa. Vuele 2008 saatat saa 86 100 ja 96 350 kruunun välilä vuessa koko garanttikorvausta. Niin tuloista riippuva aktiviteettikorvaus ko garanttikorvaus räknäthään uuesti joka vuosi ko hintaperusmäärä* (prisbasbelopp) muuttuu. * Hintaperusmäärä euraa hintakehitystä yhtheiskunnassa. Vuele 2008 hintaperusmäärä oon 41 000 kruunua.
Mitenkäs aktiviteettikorvausta saattaa saa? (Hur går det till att få Sie saatat hakea itte (Du kan ansöka själv) Sie saatat itte hakea aktiviteettikorvausta. Silloin sie käytät vissiä blankettia jonka voit saa Siukkakassasta eli osotheesta www.forsakringskassan.se. Sinun häätyy kans panna tohturin lausunto matkhaan. Siukkakassa saattaa muuttaa siukkarahan aktiviteettikorvaukseksi (Försäkringskassan kan byta ut sjukpenning mot aktivitetsersättning) Jos Siukkakassa tekkee arvion ette sie täytät aktiviteettirahan perustheet, met saatama päättää ette sinun siukkaraha muutethaan aktiviteettikorvaukseksi. Siihen Siukkakassa tarttee tahtoa sen tohturin lausunon joka oon siukkakirjottannu sinut. Mitenkäs sinun oikeus saa aktiviteettikorvausta arvioihaan? (Hur bedöms din rätt till Sie tarttet tohturin lausunon (Du behöver ett läkarutlåtande) Ko sie haet aktiviteettikorvausta sulla häätyy olla tohturin lausunto. Ensikäessä se oon se tohturi, jonka tykö sie normaalisti menet, joka pittää tehä lausunon sinun terhveystilantheesta. Mutta Siukkakassa saattaa kans vaatia jonku muun tohturin eli asiantuntian syynäähmään sinut ja arvioihmaan sinun työkyvyn. Siukkakassa selvittää sinun tilantheen (Försäkringskassan utreder dina förhållanden) Met selvitämmä sinun työolosuhtheet ja sinun sosiaaliset olosuhtheet. Se tarkottaa ette met kysymä sinun perheolosuhtheista, lapsitten huolosta, huushollitöistä, vapaa-ajan tekemisistä, koulutuksesta, sivutöistä eli tehtävistä (uppdrag) jokka piiain saattava vaikuttaa sinun oikeusheen saa korvausta. Siukkakassa seuraa sinun työkykyä (Försäkringskassan följer upp din arbetsförmåga) Sillä aikaa ko sulla oon aktiviteettikorvaus, Siukkakassa saattaa seurata sitä ja saa selvile onko sulla vieläki oikeus saa saman tason aktiviteettikorvaus. Tämä seuraus saattaa olla ette met selvitämmä sinun työkykyä eli sinun maholisuuet paremphaan rehabiliteerinkhiin. Mitenkä rahat maksethaan ulos? (Hur betalas pengarna ut?) Aktiviteettikorvaus maksethaan sille kontule jonka sie ilmotat Siukkakassale. Se maksethaan 18 eli 19 päivä joka kuukausi. Jos ulosmaksopäivä oon lauantai, saat korvauksen perjantaina. Jos ulosmaksopäivä oon pyhä, juhlapyhä eli juhanusaatto, saat korvauksen sitä seuraavanna arkipäivänä. Jos asut ulkomaila, sinun aktiviteettikorvaus lähätetään Ruttista ulosmaksopäivänä. Jos aktiviteettikorvaus oon korkeinthaan 2 400 kruunua vuessa, sie saat sen jälkikätheen jyyni-/kesäkuussa ja joulukuussa joka vuosi. Vaikka summa olis suurempi ko 2 400 kruunua vuessa, sen saattaa maksaa ulos kahesti vuessa jos tehet siittä hakemuksen Siukkakassale.
Mitä mie saatan tehä samala ko mulla oon aktiviteettikorvaus? (Vad kan jag göra under tiden med Työelähmään suunattu rehabiliteerinki (Arbetslivsinriktad rehabilitering) Samala ko sulla oon aktiviteettikorvaus, sinun pittää niin kierästi ko maholista olla matkassa työelähmään suunatussa rehabiliteetinkissä. Työelähmään suunattu rehabiliteerinki oon toihmeenpanoja joita sie tarttet ette saat takasi sinun työkyvyn. Se saattaa esimerkiksi olla työharjottelua eli koulutusta ette pääset takasi entisheen työhöön eli muuhun sopihvaan työhön. Siukkakassa vastaa siittä, ette huomioija siittä mitä sie tarttet ja kattoo ette sinun rehabiliteerinki pääsee alkhuun. Jos sulla ei ole pätevää syytä olla alkamatta jotaki toihmeenpiettä (åtgärd), sinun korvaus saatethaan ottaa pois eli pienentää. Sie saatat olla matkassa aktiviteetissä (Du kan delta i aktiviteter) Samala ko sulla oon aktiviteettikorvaus, saatat olla matkassa eri aktiviteetissä. Net saattava tukea sinua sinun kehityksessä ja vaikuttaa sinun siukkuutheen eli heikentynheesheen toimintakykhyyn pusitiivisesti. Niitten pittää kans auttaa sinua saahmaan paremat eelytykset (förutsättningar) parantaa sinun työkykyä. Aktiviteetissä matkassa oleminen oon vapaaehtosta. Sie saat pittää korvauksen vaikka et olis matkassa mishään aktiviteetissä. Sie saatat pruuata olla töissä eli opiskella ja saa leppäävän korvauksen (Du kan pröva att arbeta eller studera med vilande ersättning) Samala ko sulla oon aktiviteettikorvaus, sulla oon maholisuus olla töissä eli opiskella ilman ette sulla mennee oikeus saa korvausta. Sitä kuttuthaan leppääväksi aktiviteettikorvaukseksi. Sie hääyt hakea tätä ennenkö alat töihin eli opiskelheen. Jos sie alat töihin, sie saatat kans hakea korkeinthaan kolmen kuukauen pruuaus-aikaa, silloin saat palkan ja siukkakorvauksen yhtä aikaa. Sie saat tehä vähän töitä ja pittää koko aktiviteettikorvauksen (Du kan arbeta lite med hel aktivitetsersättning) Jos sie saat koko aktiviteettikorvauksen, sie saatat kuitenki käyttää hyväksi pientä jäljelä olevaa työkykykä esimerkiksi tekemällä aatheelista (ideellt) eli poliittista työtä. Se tarkottaa ette sie saatat tehä työtä tiiman päivässä ja tienata yhen kaheksasosan sen työn normaalitulosta jota sie tehet ja sulla oon silti oikeus saa koko aktiviteettikorvaus. Ota yhtheys Siukkakassan kans ja keskustele mitä maholisuuksia sulla oon ennenkö alat töihin. Jos sulla oon kolme neljäsossaa aktiviteettikorvausta, saat apua työn löytämisen kans (Med tre fjärdedels aktivitetsersättning får du hjälp att hitta ett arbete) Jos sulla oon kolme neljäsossaa aktiviteettikorvausta, Siukkakassa vastaa siittä ette saatat ottaa työn joka vastaa sinun jäljelä olevaa työkykyä. Meetlinki pittää kans kuuen kuukauen sisälä saa sinut ordinaari työmarkkinoile, maholisesti palkka-avustuksen (lönebidrag) avula. Jos se ei onnistu, sulle pittää tarjota työtä Samhall AB:la. Mitä siukkarahale tapahtuu? (Vad händer med sjukpenningen?) Ko sulle oon myönetty koko aktiviteettikorvaus, sulla ei ennää ole oikeutta saa siukkarahhaa. Jos sulle oon myönetty neljäsosa, puoli eli kolme neljäsossaa korvausta ja tienaat vähhiinthään 9 900kruunua vuessa ansiotyöstä (24 % hintaperusmäärästä), sulle saatethaan määrätä (fastställa) siukkarahhaa perustava tulo ja silloin kans saa siukkarahan jos sie siukkuuen takia et saata tehä töitä.
Aktiviteettikorvaus saattaa pienentyä jos sulla oon muita korvauksia (Aktivitetsersättningen kan minskas om du har andra ersättningar) Jos sie samala ko saat aktiviteettikorvausta, saat ulkomaalaista invaliidipansuunia eli muita ulkomaalaisia invaliidi-etuja, net saattava pienentää aktiviteettikorvausta. Aktiviteettikorvaus ja vero (Aktivitetsersättning och skatt) Sie maksat veron aktiviteettikorvauksesta. Siukkakassa vettää veron. Jos sulla oon muita tuloja, net saattava vaikuttaa verhoon. Ilmota jos sulla oon muita verotettavia tuloja ko Siukkakassasta, esimerkiksi työtuloja. Sie et tartte lähättää verokuittia Siukkakassale. Siukkakassa saapi tiot suohraan Verolaitoksesta. Jos sie halvaat ette Siukkakassa vettää vähempi veroa (jos sulla esimerkiksi oon suuret ränttykostanukset) sie voit hakea jämkninkiä sinun verokontturista. Lähätä sitte se päätös jonka saat, Siukkakassale. Jos halvaat ette veethään enämpi veroa aktiviteettikorvauksesta, kääny Siukkakassan puohleen asiassa. Korkeampi vero veethään sitte niin kauon ko sie itte sanot muuta. Joka vuosi janyaari-/tammikuussa sie saat Siukkakassasta kontrollition. Siinä oon kuinka paljon sie olet saanu aktiviteettikorvausta ja kuinka paljon veroa oon veetty. Jos korvaus panhaan johonki konthuun, kontrollitieto tullee janyaari-/tammikuun maksotion kans. Ota yhtheys Siukkakassan kans jos et saa kontrollitietoa. Enämpi tietoja aktiviteettikorvauksesta ja verosta, saat soittamalla verokontturhiin eli mene kotisivule www.skatteverket.se. Jos asut eli siiryt ulkomaile (Om du bor eller flyttar utomlands) Tuloista riippuva aktiviteettikorvaus maksethaan sulle vaikka asusit missä maassa. Garanttikorvauksen sie saat matkhaan vain EU/EES-maihiin, Schweiziin ja Kanathaan. Sinun häätyy kans ollu jonku näitten maitten kansalainen ennenkö saat matkhaan garanttikorvauksen. Kääny Siukkakassan puohleen niin saat enämpi tietoja siittä koska sulla oon oikeus ottaa matkhaan garanttikorvaus toisheen maahan. Jos sie siiryt ulkomaile vakituisesti, sie hääyt ilmottaa siittä Siukkakassale. Se oon tärkeää ette sanot mihinkä osotheesheen, pankhoon ja konttunumehroon sie halvaat ette siukkaraha lähätethään. Ennenkö sinun oikeus saa aktiviteettikorvausta jatkuu, sie joka asut ulkomaila hääyt kerran vuessa lähättää niin kuttutun elämän intyygin (levnadsintyg) Siukkakassale Ruottissa. Se tehhään näin: Sie saat auttomaattisesti blanketin Siukkakassasta. Täytä lanketti, ota matkhaan jällaava passi ja mene jonku viranomhaisen eli vastaavan tykö jokka oon listattu blanketissa. Niitten häätyy toistaa (intyga) ette sinun tiot oon oikeat. Lähätä sitte takasi blanketti Siukkakashaan. Joissaki taphauksissa sie et saa intyygiblankettia. Juuri nyt se koskee niitä jokka asuva Suomessa, Norjassa eli Saksassa. Tiot sinusta saahan vaihtamalla tietoja Ruottin ja sen maan välilä jossa asut. Ko sie asut ulkomaila, sie saatat saa Erityisen tuloveron ulkomaila asuville (SINK). Ota yhtheys Verolaitoksheen SINK-tioista. Muita korvauksia (Andra ersättningar) Sopimusvakkuutuksia (Avtalsförsäkringar) Ko sie saat aktiviteettikorvausta, saatat piiain kans saa korvausta kolektiivi-sopimuksen vakkuutuksesta. Sillä sinun pitäski kysyä sinun viimiseltä työnantajalta eli fakilta jos semmosta vakkuutusta oon ja mikä jällaa juuri sinun kohala. Jos sulla oon ollu muita työnantajia ennen, sinun pitäs kysyä niiltäki. Siukkakassa ei hoija kolektiivisesti sovituita vakkuutuksia eikä sen tähen saata vastata kysymykshiin niistä.
Asuntolisä (Bostadstillägg) Sie, jolla oon aktiviteettikorvaus, saatat saa asuntolissää. Sie haet asuntolissää Siukkakassasta. Katto faktaplaavia Asuntolisä sulle jolla oon aktiviteettikorvaus eli siukkakorvaus jonka saat Siukkakassasta eli osotheesta www.forsakringskassan.se. Ilmota muutoksista! (Anmäl förändringar!) Sie hääyt ilmottaa kaikki muutokset jokka saattava vaikuttaa sen korvauksen oikeutheen eli suuruutheen joka sulla oon. Se jällaa esimerkiksi jos sie alat töihin eli opiskelheen sie tehet enämpi töitä ko ennen, jos sulla esimerkiksi oon puoli korvausta, mutta alat kokopäivätyöhöön sie jatkat töitä sen jälkhiin ko päätös leppäävästä aktiviteettikorvauksesta on menny ulos sinun työkyky oon parantunnu, vaikka et ole töissä sie saat uuen, eli muutetun ulkomaalaisen pansuunin, elinkoron (livränta) eli semmosen sie siiryt ulkomaile. Jos sie et ilmota muutoksia, korvaus saatethaan pienentää eli se otethaan poijes kokohnaan. Sie saatat kans joutua maksamhaan takasi, jos olet ottanu vasthaan liikaa rahhaa eli saanu rahhaa jota sinun oikeasthaan ei olis pitäny saa. Jos sulla oon kysymyksiä, soita meän asiakaspalvelhuun (kundcenter) 0771-524 524 Faktaplaavi ei ole lakitekstiä. Siukkakassa kollaa Siukkakassa kollaa net tiot jokka sie jätät. Net saattava jällata tuloja, poissa-oloa töistä, siviili-tilanetta eli missä sie asut. Met vaihtama tietoja muitten viranomhaisitten kans ja käytämä meän rekisteriä muumuassa CSN:in, a-kassoitten ja Verolaitoksen kans. Se saattaa olla rikolista ette tietosesti ja tahahlaan jättää vääriä tietoja eli jättää antamatta tietoja muutoksista, jokka saattava vaikuttaa oikeutheen saa korvauksia. Siukkakassa ilmottaa poliisille kaikki mitä eppäilemmä avustus-rikokseksi (bidragsbrott).