KINUGAUTET ANGIUTIKAGIAMUT NEWFOUNDLAND ILINNIAVILIATTITAUKATTASIMAJUNUT IDLUATSAIVITIGUT

IDLUATSAIVITSUANGA NEWFOUNDLAND AMMA LABRADOR KINUGAUTET ANGIUTIKAGIAMUT NEWFOUNDLAND ILINNIAVILIATTITAUKATTASIMAJUNUT IDLUATSAIVITIGUT Aisimaguvit Ilinniavinnut ukunani Cartwright, North West River, Makkovik, Nain ubvalu St. Anthony aulatautillugit International Grenfell Association ubvalu Morâviamiut katimmavinginnut, atuatsialugu atualauguk. Idluatsaivitsuak Newfoundland amma Labrador sakkititsijuk tâtsuminga Kaujigatsamik. PikKujiusiungituk ikkatuijimit. IlinniaviliaKattasimajut akiletitsijut Federal kavamanganik Canada-mi (Canada) pillugit kamanniusimajut aulatausimanningillu ilinniavet ukunani Cartwright, North West River, Makkovik, Nain amma St. Anthony aulataullutik International Grenfell Association ( IGA ) ubvalu Morâviamiut katimmavinga amma ânnisimannimut pilukaisimannilu sugusinik ilinniaviliaismajunik. IlinniaviliaKattasimajut amma Canada angiutisimalittut $50 miliun akilegutitsamik ( Akilegutik ) akilegutitsanik ilinniaviliakattasimajunut. Idluasiavet sulli ukasimangitut Canada sulikasimammangât. Akilegutet angittaugialet Idluatsaivinut kenaujait atuinnautitaukkâtinnagit. IkKatuijiyigut pivitsatit attutaugajattut sunamik pigasuangikuit. Atuatsiaguk Kaujititsiutik. IKKATUIJITIGUT PIVITSATIT AMMA PIUSIUGAJATTUT KINUGAUTIMMUT AKILEGUTIUGAJATTUNUT TUGÂGUTIK AILLUTIK TUSÂNNIUJUMUT SUNGIMAGILLUTIT Allalutit Idluatsaijinnut piugingikunni Akilegutitsak. Apigillutit ukagiamik Idluatsiavimmi pillugu AKilegutitsak ullungani September 27, 2016. Sakkuilutit sunanik pivitsanik akigattuniaguvit Akilegutitsamik. Tamakkua pivitsait amma piusiugunnatut amma pijagepvisait amma ottugagiangit nalunaittaujut tapvani Kaujititsiutimmi. Idluatsaivet kamajut tamatsuminga sulli kajusiutjigialet angiutikaniammangâmmik Akilegutitsamik. Idluatsaivet tusâlâttut tunijaumajunik pillugu angiutaunnik 10:00 a.m. September 27, 2016 Idluatsaivitsuangani Newfoundland amma Labrador St. John s, Newfoundland amma Labradorimi. Akilegutet âkkilittaulâttut kisiani nâmmasingiutaujut sittutitauppata. UtakKiungunniagasi. CAZNWI03

ILONNÂGUT KAUJIMAJAUGIALET PAGINÂ 2-1. Sumat Kaujiitsiutitsiutittâvingâ? 2. SunaulaukKât ilinniavet ukunani Cartwright, North West River, Makkovik, Nain amma St. Anthony? 3. IlinniaviKalaungilâk ilautitaujunut 2006-imi angigutaujunot kavamaganut Canada? 4. Sunauvâ idluatsaiviliatitsinek? 5. Sunanik idluatsaiviliatitsijut nâmmasingiutikakattavât? 6. Sumat pitakavâ angiutaujunek? KINAKKUT ILAUTITAUVÂT ANGIUTAUJUNOT? PAGINÂ 3 7. kinakkut ilauvât Angiutaumajumot? 8. Ilagijaujut ilinniaviliattitausimajunut sunatâgunnakât Akilegutimmet? 9. Kaujimangikumalittauk ilaummangâmma Akilegutitsamot? AKILEGUTINNUT IKAJOTET? PAGINÂ 4-6 10. Sunanik pitakatitsivât Akilegutet? 11. Kanuk ikkatuijet akilittaulâttot? 12. Kanuk akitutigijumik akilittaulâkkingâ 13. Kanga akilittaugumâkkingâ? 14. Sunamik sakkuivingâ Akilittaunimmot? 15. Namminik pegunnakingâ Akilegutinnet? KANUK PITÂGUNNAKINGÂ AKILEGUTIMMEK? PAGINÂ 6-7 16. Kanuk pitâgunnakingâ akilegutimmek? 17. Kanuk akilegutet kamagijaulâttot? 18. Kinugautigalittauk aukâttaupat? 19. Angingikumalittauka akiliusiaganek? IKKATUIJET ILINNIK KIGGATUJUT PAGINÂ 7 20. kinakkut ikkatuijiuvât Kinugautilinnot? AKIGATTUNIK AKILEGUTITSAMIK PAGINÂ 7 21. Kanuk ukagunnakingâ idluatsaivinik piugingikukku Akilegutek? ANGIUTAUJUNUT TUSÂNNIK PAGINÂ 8 22. Kanga nanilu idluatsaijet angiutikajautsauvât Akilegutimmek? 23. IlaugiaKavingâ tusânnimot? 24. UKâlagunnaKingâ tusânnimi? 25. Sunamilli pingukumâ? PITÂGIALLANIK KAUJITITSIUTINIK PAGINÂ 8 26. Kanuk pitâgunnakina Kaujititsiutigiallanek? 1. Sumat pitâsimavingâ tâtsuminga Kaujititsiutimek? SUNANIK TAMANNA ILUMIUTAKAMMANGÂT KAUJIMAJAUGIALET Idluatsaivitsuanga Newfoundland amma Labrador Kaujititsiutiliusimajuk igvit Kaujimaniattilutit Kinugautimmik Akiliutitsamik amma Kanuk Pigunnamangâppit Idluatsaivet kajusiutjikâttinagit pijagettumik angiutikagiamik Akilegutitsamik. Tânna Kaujititsiutik nalunaitsijuk idluatsaiviliagutinnik, amma pivitsagijannik ikkatuijitigut. Nittunattuk Idluatsaijitsuak Robert Stack kamalâttuk idluatsaiviliagutaujunik. Idluatsaiviliagutet taijaujut : Anderson v. Attorney General of Canada (IGA ilinniavik numami Cartwright), No. 2007 01T4955CP; Obed v. Attorney General of Canada (IGA ilinniavinga North West River), No. 2007 01T5423CP; Lucy v. Attorney General of Canada (Morâviat ilinniavinga Makkovik), No. 2008 01T0846CP; Asivak v. Attorney General of Canada (Morâviat katimmavinga Nain), No. 2008 01T0845CP; amma Holwell v. Attorney General of Canada (IGA ilinniavik St. Anthony), No. 2008 01T0844CP. IlinniaviliaKattasimajut taijaujut Nâmmasingiutilet. Federalliup kavamanga Canadami taijaujuk Canada ubvalu Akigattujuk ubvalu kavamak. - 2 -

2. SunaulaukKât ilinniavet ukunani Cartwright, North West River, Makkovik, Nain amma St. Anthony? IGA amma Morâviat ilinniavingit ukunani Cartwright, North West River, Makkovik, Nain amma St. Anthony ilinniaviulauttut ilitigasuallugit suguset, amma tujummiuviullutik. Ilonnatik ilinniavet kenaujakattitaulauttut kavamannit. 3. tamakkua ilinniavet ilaulaungitot 2006-imi angiutaummata kavamanganut Canada? Auka. Kinugautet tamakkununga ilinniavinnut ilijaulauttut 2007 Allait ilinniaviliattitausimanninginnut Akilittaulutik AngiKatigegutik ( IRSSA ) Kipiluttaulauttuk. Tâkkua ilinniavet isumagijaungitut pigunnatitaullutik Allait IlinniaviliapvigiKattasimajangit iluani IRSSA, Amma ilinniaviliakattasimajut kenaujattâtitaugunnalaungitut ilinniaviliasimannimut ubvalu pilukattausimannimik Kinugunnagatik ilangautillugu kinakkut Kmmigutaugutinginnut angiutausimajunut akilegutitsualutik. Pigunnatut Ilinniaviliasimajut pejaulungitut akilegutitsanit pitâsimagutik kenaujanik iluagut IRSSA ilinniasimannimut ubvalu pilukattausimannimut asiani ilinniavimmi atâgut IRSSA. 4. Sunauvâ idluatsaiviliatitsinek? Idluatsiaviliatitsinimmi atautsik unulualonnet taijaujut Ilinniaviliasimajunik kiggatuttet akiletitsijut kiggatullugit kinakkut taimâtsianak Kinugautilet. Ilonnatik taijaujut Ilinniavimmiutait ubvalu IlinniaviliaKatausimajut. Atausik Idluatsaivik kamajuk ilonnainik attutausimajunik, kisiani imminik petsimajut idluatsaiviliannimut. 5. Sunanik idluatsaiviliagutet nâmmasingiutikakkattavât? Idluatsaiviliatitsinet ukajut kavamait sakkesimaningit ilinniaviliakattasimajunik suguset pilukâttauninginnut, Kujanâttauninginnut, amma nukitigut, kitsanattukut, amma uivisâlukataunimmik. Idluatsaiviliatitsjut ukajut kavamait paitsisimangitut ilinniatunik nukitigut amma isumatsiagigasuannikut taimâk pigiakagaluallutik. IkKatuijet Idluatsiaviliatitsijunnut pigiasilauttut Kinugannimik idluatsaivitigut September 2015-imi. Kinugautet pidjutikalauttut Kujanâttaunimik amma sikumitsinimmik idluatsaivikkut suliagijaugialinnik kavamannut. Idluatsaivimmi Kujanâttaumannet kavamanut nukkatitaulaukkut tilitjigutingagut Nittunattuk Idluatsaijutsuak Stack Novemberami 25, 2015, nalunaitsilauttuk idluatsaiviliatitsinimmik tunijaugialinnik Idluatsaiviliatitsijunnut. kisimi Kinugautet ukau Kinugautet taikkau kavamait tunitsigialet amma sikumitsisimanningit suliagijaugialinnik Ilinniaviliattitausimajut. kavamait pisimanginigâjut kamagiakasimannimik paitsigiamik sugusinik ilinniaviliasimajunik. UKajut kisiani kenaujakattisisimajut Prâvinsinganik Newfoundland amma Labrador atugatsautillugit ilinniatiaunitsanginnut NunaKakKâsimajut.UKagiallajuk Prâvinsinga Newfoundland amma Labrador kamagiakasimajut paigijaunitsanginnut ilinniatut. kajusiutjukasiangilak ubvalu kajusiutjijukaniagani taikkua Idluatsaiviliatitsijut ubvalu kavamait sulimmangâta. 6. Sumat kenaujattâtisijukavâ Idluasaivet kajusiutjisimangitut ikajutsigiamik Idluatsaiviliatitsijunik ubvalu kavamannik. kisiani, tamâgik angisimajut Akilegutitsaugajattunik. Angillutik Akilegutitsanut. AngiutiKallutik Akilegutitsnaut, SatusaijiuKatiget akilegajangitut ubvalu nalunaninganik idlautsaivinnenik, nukkangattitauningit amma IlinniaviliaKattasimajut pitâllutik akilegutitsanik taijaujunik tapvani Kaujititsiutimmi. Taimailingatillugu, tukikammijuk Idluatsaiviliatitsijut ukâlagiakagajangitut Idluatsaivimmi Akilegutiugjattauk tukikalungituk sunait pikkujait sikumittausimanninginnik ubvalu kavamait sunamik pilukasimanninginnik. kavamait pisimanginigâjuk ilonnainik ukausiujunik. kiggatuttait amma ikkatuijingit isumakajut Akilegutiugajattut piunippauninginnik Ilinniaviliattitausimajunut. 7. kinakkut ilaukatauvât Akilegutinnot? KINAKKUT ILAUKATAUVÂT AKILEGUTINNOT? kisiani imminik petsimagutik idluatsaiviliannimut. Akilegutitsait atuinnaujut kinakkunut omasimajunut tikillugu November 23, 2006 amma asimajut IGA ubvalu Moraviat ilinniavinginnut malittuni ingiukattasimajuni ullunginni allasimajut : - 3 -

i. Cartwright - April 1, 1949 tikillugu June 30, 1964 ii. Northwest River - April 1, 1949 tikillugu June 30, 1980 iii. Nain - April 1, 1949 tikillugu June 30, 1973 iv. Makkovik - April 1, 1949 tikillugu June 30, 1960 v. St. Anthony - April 1, 1949 tikillugu 30, 1979 8. Ilagijaujut ilinniaviliakattasimajunut pitâgajakkât Akilegutiujunet? Siagolauttuk, idluatsaiviliatitsinik ilautitsilauttuk Ilaget Kinugautinginnik, ilagijaullutik ilinniaviliattitaukattasimajunut, Taimaigaluattilugu llaget Kinugautilingit nukkatitaulauttut tilitjigutingagut Nittunattuk Stack November 25, 2015 Kinugautilet pigumausingagut. Idluatsaiviliatitsijut ajunnakujilaungitut idluatsaivimminimmi amma tunijaugialinnut amma apviagumagatik ubvalu nukkangatitsilutik idlautsiavimenimmik IlinniaviliaKattasimajunut, pidjutaulualauttuk tamanna. Idluatsaivet nalunaitsilauttut akigattutaugajanginingit Ilaget KinugautiKagiamut nukkatitauningit sakkigajalaungimata, amma Kinugautet kamagijausimagatik sivungani amma Kinugautet ajunnagajalaullutik sulitigasuagiangit idluatsataunimmi. Idluatsaivet tamakkua ilaukatauningit Ilaget Idluatsaiviliatitsininginni nukkangatitsigajalauttut amma nâmmasingiutautillugit Kinugautet IlinniaviliaKattasimajunut, iluanottausimaluallutik idluatsiavivimmetitsinimmut. Kinugautet Ilagenut nukkatitaulauttut amma, taimaitillugu, kenaujattâtukaniangilak Ilagijaujunut tapvani kenaujattâtitsinimmi. 9. Naluliumagumalittauk ilauttitaummangâmma Akilegutitsanut? Naluliumaguvit ilaummangâppit Akilegutinnut, ukâlagunnakutit 1-866-542-0369 apitsotitsakaguvit uvbvalu aillutit Admin@NewfoundlandResidentialSchoolsSettlement.ca. 10. Sunanik Akilegutet sakkititsivât? AKILEGUTIKKUT IKAJOTIUSOT? Akilegutet angittaupata pijagellutillu, ikajotitsakagajakkuk Ilinniaviliattitausimajunnut. Canada angisimajuk akilegiamik $50 million Akilegutitsanut IlinniaviliaKattasimajnut, amma akilegutiullutik, kamagijauninginnut Akilegutitsait, ikkatuijet akiliusiatsangit, akitsait amma atugatsait. Amiakkuit kenaujait tuniukkataulâttut malillugit tuniukkainimi maligialet allasimajumettut atâni. kenaujanik amiakkukappat, Ilinniaviliattitausimajut ilonnatik akilittaugeppata, ilinniaviliakattasimajut inikallutik tujummiuvinni ilinniavinni aviukkalâttut amiakkunik kenaujanik. Canada angisimammijuk immigotitsigiamik kenaujanik ilingajutsanik ilinniaviukattasimajunik, isumatsasiugutaulâttut ukâlakatautillugit kiggatujut ilinniavilaisimajunik. Kaujijaugiallagunnatut alalkutimmi taijami Proposed Distribution Plan, atuinnaujuk mâni www.newfoundlandresidentialschoolssettlement.ca. 11. Kanuk ikkatuijet akilittaulâkkât? Ilinniaviliasimajut IkKatuijinga akilittaulângituk kisiani idluatsaivet ukappat akilegutitsait akilittaumajut tunganatsiapata nâmmapatalu. Ilinniaviliasimajut ikkatuijinga apigigunnatut pitagiamik 33% Akilegutinnit ($16.5 million) ikkatuijet akiliusianginnut amma ilonnainik atujunik tâksitigut. Akilegutitsait amma utittitaugialet Idluatsaivinnut tunijaulâttut Idluatsaivinnut Akilegutiujunut. Idluatsiavt ukalâttut akitsaujunnik akiligialinnik. 12. Kanuk angitigijumik akilittaulâkkingâ Akinga akilittaugutippit isumagillugu Kanuk akuniutigijuk tujummiusimammangappit ilinniavinni amma/ubvalu Kanuk sukkutausimamangappit/ubvalu ânniatitausimangâppit. - 4 -

IlinniaviliaKattasimajut inilet ilinniaviup tujummiuvingani ilonnâgut akilittaulâttut ( GCP ) kamagillugu Katsinik jârinik inikasimaguvit tujummiuvimmi ilinnialutit. IniKasimajunnut ilinniavinni ikinnisani tallimnni jârini ubvalu unuluani, GCP $15,000 akilegutiulâttut. Ilinniasimajunut tallimani jârini ununnisanillonet, GCP $20,000 akilittaulâttut. Ilinnniasimajut inikasimagatik ilinniavinni tujummiusimangitut pitâlângitut GCP. Ilonnatik pivitsalet malittut malijaugialinnik pivitsalet pilukattausimannimut akilegutimmik ( ACP ) kamagillugu Kanuk angitigijumik ânnitausimannik. Kinugautilet pitâgunnagajattut $200,000 kamagillugu ununningit inuit tunitsisimajut ACP Kinugautimik amma ânniataugutigisimajangit. Kinugautinik Aulatsijik killigiudjilâttuk akilegutitsanik ânnitausimannimut taijami Proposed Distribution Plan. Akitsagijangit pivitsalet Ilinniaviliattitausimajut killigiudjaulângitut kisiani ilonnatik Kinugautet pitâgijausimalippat amma kamagijausimalippata. Ilonnatik pivitsalet Ilinniaviliasimajut pitâgajattut GCP amma ACP. Atânettuk naluanistijuk ânnaigutausimajunik pitâttitaugajallutik Angiutausimajunik. Level Taijaugusik kenaujait akingit 1 Atausik unulualonnet attutaunimmut ubvalu kunittaunimmut. Usingalutik adjiliuttausimajut Ilinniaviliasimajop. Inummagik takujautitsisimajuk imminik. Attutausimanningit ilinniatuk, ilautillugu attutaunik sunamut, inummagimmut Kângellutik attuisimannimi, ilautillugu attutaulluni sunamut, inummagimmut uivisâlukattauluni Ilinniaviliasimajuk. Atausik unulualonnet nuliattausimannimut. Atausik pingasunut imminik pingguaginnimut. $50,000.00 2 Atausik pinagasunut nuliattausimannimut Atausik pingasunut piusiusimajut, itikkut ubvalu nalikkâkut pulattasimannik. Atausik pingasunut itikkut ubvalu âkâkkut pulattaugasuannik. Sitamaittulutik unuluanilloet imminik pingguagutiusimajut. Atasik ubvalu unuluat nukitigut pilukâttausimannik ânnitaummagilluni: o Ânniasiupvimottauluni ubvalu pimmagittumik kamagijaugiakannimut ânniasiuttimut; o Akunimut ubvalu akuneniakkotumut ânniataumannik; o Sujuttauluni ubvalu sukkutaulluni ; o Asiujisimannik ikkumannimik; o Sauningit sikumittaulutik; o Pimmagittumik sugunnagunnaititaunik akuningitullu illimigiakannik minguisilluni ubvalu paigijaummagilluni unuttuni ulluni. Ottutik pimmagittumik pijausimannik. $100,000.00 3 Atausik pingasunut itikkut ubvalu âkâkkut nuliattaunik. Sitamait ununnisaillonet Kanikkut nuliattaunet. Atausik pingasunut itikkut âkkâkkulonnet pulattaunik sunamut. $150,000.00 4 Sitamaittulutik unuluanillonet itikkut ubvalu âkakkut nuliattaunik. Sitamaittulutik unuluanillonet itikkut âkakkulonnet pulattaunik sunamut. $200,000.00-5 -

13. Kanga akilittaugumâkinga? IlinniaviliaKattasimajut akilittaugunnagajattut akilittaulâttut akilegutitsait KimmigutaukKâtillugit. kina KinukKâtinnagu ubvalu kamagijaukkâtinnagu, Idluatsaivet kajusiutjigialet angigiamik pijagettumik akilegutitsamik amma sunait nâmmasingiutet sittutitaugialet (takullugu Anginnimut Tusânnet atâni) NâmmasingijuKappat, sittutigasuagiangit akunegajammijut. Kinuitsâgitsi. Akilegutitsait angittaupata, ACP Kinugautilet akilittaulâttut kingungani ilonnatik GCP kamagijausimalippata amma akilegutitsait killigiudjaumalippata, ilonnatik,acp kamagijausimalippata amma killigiudjikallutik amiakkuit Akilegutitsait nâmmagijauppata ACP-mut Kinugiamut. Tamammik GCP amma ACP akilegutet âkkigiattaugunnatut akitsanginnit Akilegutitsait atuinnaulippata. 14. Sunamik sakkuivingâ Akilegutitsanot? kisiani iminnik petsimaguvit Akilegutitsanit, Akilegutet pijageppata. sakkuiniakkutit pivitsanik akiletitsigiamik Canada Kinugautinnut sittutitaugunnatunut tapvani Akilegutimmi. Igvit sakkuiniakkutit Canada amma ilonnatik inukatinnik pitâgijaugunnatunik tallimanit ilinniaviusimajunit. ApitsotitsaKaguvit ukâlagunnakutit ikkatuijinut allasimajunut Apitsotimmi 20 ubvalu pigunnakutit, namminik ukâlallutit ikkatuijinnut apitsotitsakaguvit Knauk tamanna tukikammangât. 15. Imminik pegunnakinga Akilegutimmet? Auka. Pijagepvipsak imminik pegiamik ullukalauttuk November 30, 2012. Siagu imminik petsimaguvit, akilittaugunnangillatit Akilegutimmit kisiani allasimajukappat angittaumajumik pigunnalutit utigiamik akilegutinnut. Taimaigaluattilugu, sulli tatattuigunnakutit akigattotimmik ilaliutiguvit idluatsaiviliatitsijunut. (Takullugu Apitsotik 21)..16. Kanuk pitâgunnakinga akilegutimmek? KANUK PITÂGIAMIK AKILEGUTIMMIK KinugautiKagunnaKutit atâgut Akilegutet tainna Akilegutik angittaumappat Idluatsaijinnut. Akilegutet angittaupata, apigigiamik akilittaugiamik, pijagellugu amma tunillugu tatattugait. Kinaugautet kamagijaulâttut Kinugautilet Aulatsijinganut. Ilinniaviliasimajut ukâlagumangikutit idluatsaivimmi pigunnatut. Kinugautet atuinnaulâttut mâni www.newfoundlandresidentialschoolssettlement.ca ubvalu ukâlallutit 1-866-542-0369. 17. Kanuk akilegutet kamagijaulâttot? 0 Kinugautinik Aulatsijik Kimmigulâttuk Kinugautinnik amma killigiudjiluni pivitsakammangâppit pigunnamangâppit GCP ubvalu ACP akilegutinnut. Taimainiaguvit, Kinugautinik Aulatsijik killigiudjilâttuk igvit ACP akilittaugutitsanik kamagillugu Kanuk ânniatitausimamangappit. kisimi Ilinniaviliasimajut inikasimallutik ilinniavinni pivitsalet pitâgiamik iluingajumik akilegutimmik ( GCP ) kamagillugit Katsini jârini inikasimammangâta tujummiuvinni ilinniavimmi. IniKasimajuni tujummiuvinni ilinniavimmelutik ikinnisani tallimani jârini, ubvalu ialangani, GCP of $15,000 akilegutiulâttut. Ilinniaviliasimajut tallimani ununnisanillonet jârini, GCP $20,000 akilegutiulâttuk. Ilinniaviliasimajut inikasimangitut angiggagingitamini tujummiuvikagatik pitâlânagitut GCP. kenaujakatsiangippat AKilegutet kenaujakutinginni akilegiamik ilonnainik GCP akilegutiugialinnik, killigiudjijukallâkkuk ukâlakataullutik Ilinniaviliasimajuit kaunsalinginnut, Kanuk angitigijumik akilejukagiakammagât. Taimaippat, piusiugajattuj akilegiamik GCP pivitsakajunut akilittaugiamik, kisiani sunanik apvialutakappat akilegutaugialinnit. Ilonnatik pivitsalet Ilinniaviliasimajut, malingatsiatut, pivitsakagajattut nukkatitsigiamik akilegutinnik ( ACP ) isumagillugu Kanuk ânniatitausimanningit. Kinugautilet pitâgunnagajattut anginippâmik $200,000 kamagillugit Katset tunitsisimajut atugunnatumik ACP Kinugautimmik amma Kanuk ânniatitausimannimik. Kinugautilet Aulatsijinga killigiudjilâttuk akitsaugajattunik tunijaujunut ACP Kinugautilinnut kamagillugit ânniagutausimajut iluani Kinugautet Tunitsigiamut Pannaigutimmi. Akitsaluatsiat atuinnaujut pivitsalinnut Iliniaviliasimajunut - 6 -

killigiudjaulângitut kisiani ilonnatik Kinugautet pitâgijausimalippat amma kamagijausimalippat. PivitsaKajuk Ilinniaviliasimajuk pitâgajattuk GCP amma ACP. kenaujakatsiangippat akilegiamik ilonnainik ACP akilegutiugialinnik kingungagut GCP akilegutiusimalippata, ACP Kinugautilet aviutigajattut akungani pivitsalet ACP kamagillugit akitsangit ACP tunijaujut amma amiakkojut iluani Akilegutet kenaujakutinginni. kenaujait amiakkusimappata ilonnatik GCP amma ACP akilegutiusimalippata, amiakkuit kenaujait aviukkataugialet ilonnainut GCP Kinugautilinnut. 18. Kinugautelli Kipiluttaupatâ? Kinugautet Kipiluttaupata iluingajumik ilanganillonet. KaujitittitaugajakKutit amma KinugautiKallutit tusâjaugiamik sivungani Tusâjiujut SuliaKattinganut. TusâjuKaningani apitsutaugajakkutit killigiudjinikkut Tusâjiujut SuliaKattinganut. Tusâjuk killigiudjigajattuk Kinugautinnik. Tusâjop SuliaKattingata kajusiutijanga pijagellagittuk. 19. AngiutiKangikumalittauk akilegutiimma akinganek? Akilegutet kamagijaulâttut Kinugautilinnut Aulatsijianut. Kinugautet Kipiluttaupat iluingajumik ilanganillonet, KaujittitaulâkKutit tusataugumagajallutit Tusâjiujut SuliaKattinganut. TusâjuKanningani apitsutaugajakkutit atâgut killigiudjisimanniup Tusâjiujut SuliaKattinganut. Tusâjiujunnik SuliaKattik killigiudjiniattilugu Kinugautigijannik. Tusâjiujut SuliaKattinga kajusiutijanga pijagellagittuk. Asiagut, Ilinniaviliasimajuk akigattugunnagittuk akilegutimmik ubvalu piusiujunik Kinugauingit tunijausimalippat. 20. kinakkut ikkatuijiuvât Kinugautilinnek? IKKATUIJET ILINNIK KIGGATUJUT Idluatsaivet tilisisimajut Koskie Minsky LLP mângat Toronto, Ontario, amma Ahlstrom Wright Oliver & Cooper LLP mângat Sherwood Park, Alberta, kiggatujutsaulutik IlinniaviliaKattasimajunik taijaullutik Class Counsel. kiggatuttaugumaguvit ubvalu pitâguvit ukaudjigianikkut asianit ikkatuijimit, suliakatitsigunnakutit asianik Idluatsaivinni namminik akilelutit. AKIGATTUNIK AKILEGUTIUJUNIK 21. Kanuk ukâgunnakingâ idluatsaivinnut piungingitaga Akilegutek? AkigattugunnaKutit AKilegutimmik ilanginnik piutsangikkuvit. Idluatsaivet kamalâttut isumagijannik. Akigattuniaguvit, tunitsigiakavutit allagammik ilautitsijumik malittunik: Atinnik, nunapit tugâgutinganik, amma fonnipit nomaranganik; UKajumik akigattuninnik Newfoundland Residential Schools Akilegutinginnik. Pidjutinnik akigattuninnik Akilegutinnik, ilakalluni ikajutsijunnik atugatsanik; amma Atiliutsimajannik. Aullatigialitit akigattotitit, sivungani September 12, 2016 maunga: Newfoundland Residential Schools Class Actions Notice Administrator, c/o Koskie Minsky LLP 20 Queen Street West, Suite 900 Toronto, Ontario M5H 3R3 email: nfldresidentialschools@kmlaw.ca - 7 -

ANGITTAUNIMMUT TUSÂNNIK Idluatsaivet tusâtitsilâttut angiutikagiamik Akilegutinnik amma Kinugautinik akiligatsanut amma atuttaugialinnut. IlaugunnaKutit amma apigigunnalutit UKâlagiamik, pigumanikuvit Kujana. 22. Kanga nanilu idluatsaijet kajusiutjilâkkât angiutikagiamik Akilegutitsanek t? Idluatsaivet AngiutiKannimut Tusâlâttut 10:00 a.m. Septembera 27, 2016 Idluatsaivitsuangani Newfoundland amma Labrador St. John s, Newfoundland and Labrador. Tusânnik nottaugajattuk asianut ullumut ubvalu sitontitsamut KaujititsiutigiallaKagani, taimaimmat piujugajakkuk Kaujisapvigillugit www.newfoundlandresidentialschoolssettlement.ca ubvalu fonnilutit 1-866-542-0369 sivungani pannaigutikaguvit aigiamik. Tapvani tusânniujumi, Idluatsaivik isumatsasiulâttuk Akilegutet tunganatsiamangât, nâmmamangât, amma Kanuttogutigijaumangâta Ilinniaviliasimajunut, AkigattujuKappat, Idluatsaivet isumatsasiulâttut amma tusâllutik inunnik ukalagumasimajunik tusânnimi. TusâjuKageppat, Idluatsaivet kajusiutjilâttut angiutikagiamik Akilegutiugumajumik, TusâjuKageppat, Idluatsaivet kajusiutjilâttut angiutikaniammangâmmik Akilegutimmik. Kaujimajaungituk Kanuk akuniutigijuk kajusiutjijukagasualâmmangât. 23. IlaugiaKavingâ tusânniujummot? Auka. Ilinniaviliasimajut IkKatuijinga kiukattalâttuk apitsotiujunik Idluatsaivet apigiusinginnik. Taimaigaluattilugu, igvit ubvalu namminik ikkatuijet ilaugunnatut namminik akiletillutit. Aullatitsiguvit akigattotinnik, aigajangilatit Idluatsaivinnut ukâlautigigiattulugit. Allalitjusiatigut aullatisimatuagunni pivitsakannini Idluatsaivet isumatsasiugutitgigajattanga. Namminik ikkatuijet maligunnatut, tamânengikaluagunilonnet. 24. UKâlagunnaKinga tusânniuuummi? ApigigunnaKutit Idluatsaivinnik ukâlagajammangâppit AngiutiKannimi Tusânniujumi. 25. Sungikumalittauk? Sungikuguvit, sakkeniangituk akigattunimmik AKilegutinnik. AngiutiKannimut Tusânnik pigiasilâttuk amma Idluatsaivet isumatsasiugutikalâttut Akilegutet tunganammangâta. Sungikuvit, akigattulungilatit AKilegutimmik. AngiutiKannimut Tusânnik isumatsasiugutikalâttuk Akilegutet tunganammangâta, nâmmamangâta, amma Kanuttogutigimmangâgit Ilinniaviliasimajut. AkigattujuKappat, Idluatsaivet isumatsasiugutigilâttangit amma tusâllutik kinakkunik ukâlagumasimajunnik tusânnimi. Idluatsaivet pigunnatut kajusiutjilutik Kanuk angitigijumik akilegiakammangâta IkKatuijet. TusâjuKageppat, Idluatsaivet kajusiutjilâttut angiutikaniammangâmmik Akilegutinnik. KAUJITITSIUTITTÂGIALLANIK 26. Kanuk pitâgiallagajakkingâ Kaujititsiutigiallanek? Tânna Kaujititsiutik naillititsijuk Kinugautimmik Akilegutitsamik. Kaujititsiutigiallait iluanettut taijami Proposed Distribution Plan. pitâgajakkakutit adjiliuttaumajumik taijamik Proposed Distribution Plan mângat www.newfoundlandresidentialschoolssettlement.ca. Apitsotitit aitigajattatit maunga Newfoundland Residential Schools Cases Class Actions Notice Administrator, c/o Koskie Minsky LLP 20 Queen Street West, Suite 900 Toronto, Ontario M5H 3R3 ubvalu Kagitaujakkut mâni Admin@NewfoundlandResidentialSchoolsSettlement.ca. UKâlagunnagivutit akikangitumut nomarammut, 1-866-542-0369. ULLUNGA: Mai 18, 2016-8 -